$#%blackberry#@%

[almaster]

السلام عليكم ورحمة الله وبركاته

اليوم أخذت قرار وانشالله سوف يتم تنفيذه هاليومين واللي هو:

لا ولا ولا ولا ولا ولا ولا ولا ولا ولا ولا ولا ولا ولا ولا ولا للنوكيــــــــــــا

خلاص ياخي طفشت من هالشركة والله لي صابر عليها 3 سنين وكنت ناوي أتوجهه للسوني أركسون لكن مادري ليه رجعتلها

الله يرحم أيام العنيد ترميه عالجدار يتفكك وترجع تركبه يرجع جديد أمى الحين خلاص نوكيا صارت شركة فاشلة ..

قال ايش n97 يا حبيبي fly والله أبوي راح شراه أول مانزل وباعه بعدها بأسبوعين بطارية كل خمس دقايق يبغالها شحن وغير عملي أبدااااا وعشان ترد يبغالك ساعتين ويهنق كل شوي ...الخ الخ مع إنه جديد ماله كم يوم وييييييين ياهو

والله أحسن جوال حديث لنوكيا الكشاف وصراحه هذا حدها جوال بس للمكالمات تصدقو يوم كنت بماليزيا كان معاي جوال n78 وصرت أستحي أطلعه الماليزيين مو متصورين لسه في ناس متخلفين تشتري نوكيا

والمشكلة كل الشعب متوجهيين لنوكيا وحنا عالخيل ياشقرا أنا صراحة جالس أفكر إذا الواحد بيشتري جوال ليه يتوجه لهالشركة لا وأسعارها تنزل على طول أول ما ينزل الجوال اللي بعده
أنا للحين مقهور لمى رحت سعرت جوالي n78 بعد شهرين من تاريخ شرائه جابلي 450 ريال بس وأنا كنت شاريه بحوالي 1400 ريال
ويقولك نظام ملاحة يا حبيبي fly على أمكم نظام ملاحة يسد النفس ولا بحث الانترنت الغثيث اللي عندهم نفس النظام على n97 ماغيروه ..

وتعال شوف الغطا حق الجهاز التجاري لسه أحسن منه وكل شهر ولا اثنين تنزل دفعة أجهزة مع بعض والمشكلة نفس المواصفات بس اللهم غير الشكل ...
n97 نصيحة ثم نصيحة لا حد يشتريه انت بس افتح الفيس بوك منه وافتحه من أي جوال ثاني بتموت ظحك ..:p
واللي بالحداد يقولي هذا الجهاز يتقارن مع الأيفون << قمة التخلف..

^^^^^^^^^^^^ كنت معصب شوي :o




نرجع لعنوان الموضوع نويت ولله الحمد أشتري البلاك بيري لكن بعد ما سويت معه مقارنات مع الآي فون لقيت الآي فون ميسر في دولنا يعني زي الآبديت للبرامج مومتوفر لبلدانا وتوفر البرامج للبلاك بيري نادر بعكس الآي فون .. لكن على العموم البلاك دخل قلبي ما أدري ليه :o

واحترت بين جهازين وترتيبهم كالتالي:
storm2
blod9700

أنا دخلت على أكثر من فيديو عاليوتيوب وشفت الجهازين وصراحة عجبني الـ storm2 لأنهم صلحو فيه عيوب الـstorm1

والـ 9700برضو حلو وتحسه ماشي هالأجيال اللي سبقته

سؤالي هو:

هل نزل أحد هالجهازين بالمملكة؟؟؟

وبالنسبة للداعيات اللي أزعجونا فيها هاليومين وش رايكم مين الأفضل؟؟؟

وصراحة أنا ناوي أطلع الجهاز من وكالة زين :d:d لأني بغير رقمي نهائي <<الرقم اللي قبله كان سوا وأنواع الخرايط (يعني مو مميز))

وأنا عندي جوال ثاني (الكشاف) :d ومركب عليه زين صراحة شركة حلوة وعيبها إني كنت حاطه شحن مو فاتورة
بطايق زين: 10 .. 20

وأنا متعود سوا أبو 300 ريال <<مدري ليه ماقلبته فاتورة أحس مو هاين علي رقم فاتورة ومافي ولا رقم زي الثاني بس المشكلة إنه معاي من زماااااااان :(

وهل لو شريت الجهاز من جرير وركبت شريحة سوا أو زين مثلا بتجيني نفس عروض الاتصالات وشركة زين ولا لازم من عندهم لأني أحس ضمان جرير أفضل لي

فاللي عنده معلومات عن الجهازين اللي قلتهم أرجو إنه يفيدني بأسرع وقت لأني خلاص مو مستحمل جهازي وفرمته قبل شوي وبكرة بروح أبيعه هو وكم جهاز مجمعهم من زمان :d
واللي بينصحني بالأيفون أرجو إنه يقولي سبب مقنع..
والسلام خير الختااااااااااااااااااااااااااااااااام

[just ACCORD]

هلا اخوي مبروك عليك التطور :d

انا قاهرني شيء في النوكيا سمعتها القويه ما تقدر تنزل هل السمعه في يوم وليله

نرجع لموضوعك عن البلاك بيري

بالنسبه لستورم اذا كان لمس > هذا الي اتذكره

نصيحه لا تجرب في البلاك بيري لمس لانك بتكتب كثير واسرع لك واحسن لك الكيبورد

لاكن بيبي بولد الجديد مجموع بين جهاز البولد 9000 وكيرف 8900

والي يميزه اكثر استبدال الفاره الي فيه بالمس

بعض الناس يقولون هذي اكثر عيب > انصحهم بالتجربه وبتشوف الفرق واااااااااااااااااضح

وسعره يا الغالي يتراوح بين 2800 و3200 موجود هل الجهاز بالمملكه لاكن عند بعض الموردين

لسه ما وصل عند جرير واكسيوم واكسترا

على حسب اذا كان مفتوح رسمي ولا مفتوح تهكير

المفتوح الرسمي ما تلاقي كلمه تحت الكيبورد

اما المفتوح تهكير يجي تحت الكيبورد مثل o2 ولا تي موبايل

وعيبه ان من تسوي تحديث للجهاز على طول يقفل عليك وبعض الاشخاص الي اعرفهم شرى مفتوح تهكير

تي موبايل ما يكمل الاتصال عنده دقيقه الا قطع

اما اذا شريت الجوال من كندا مو شرط من زين ولا من جرير وفتحت الشبكه وركبت فيه اي شريحه تجيك العروض
300 ميقا بالشهر مقابل 99 ريال واشتراك بلاك بيري > زين
2 قيقا بالشهر مقابل 99 ريال واشتراك بلاك بيري > موبايلي > تم ارسال لي رساله على الجوال لاني من باقه فله لطلاب الجامعه
1000 ميقا بالشهر مقابل 99 ريال واشتراك بلاك بيري > الانفصالات

ونا بالنسبه لي اشوف تشتري لك 9700 افضل من ناحيه الاستخدام وسعره بعد البيع

[kakashi-san]

وعليكم السلام ..

يا هلا فيك اخوي ..

الجهاز بدون الخدمة bb ما يسوى ولا بريال مع احترامي للشركة المصنّعه ..

استخدمته وليتني ما استخدمته ، جهاااز سقييييييييييم بمعنى الكلمة ما فيه شيءْ ..

واستعملت كذلك الايفون ، بصراحة جهاز يستاهل كل ريال ينحط فيهْ ..

يكفيك انه لا تعليق ولا تهنيق ، جهاز عملي من الدرجة الاولى ..

[اكوردياني]

والله انت كاتب موضوع طويل عريض وانا الصراحة ما قريت الا نصه
شووف اخوي غير الايفون 3g s لا تدور
ولا تقولي مافي دعم له ما ادري من وين جبت هذا الكلام الجهاز له برامج واشياء بالهبل تتعب وانت تحمل
والدليل على كلامي انا عربت الجهاز في اقل من 5 دقايق من السهولة الي فيه.

البلاك بيري جهاز ***** ما ياخذه الا الي يحبون الهذرة والشاتنق يعني يناسب البنات اكثر وهذا راي شخصي

[raptor]

اخي بالنسبة لاي جهاز بلاكبيري بدون خدمة بلاك بيري اعمال مامنه اي فائدة وﻻ ميزة عن اي جهاز اخر

نصيحة تشوف اما ايفون او htc magic الذي يعمل بنظام اندرويد لينكس من شركة جوجل
http://www.stc.com.sa/cws/portal/ar/...eretonmove-htc

[memories]

نصيحه لا تضيع فلوسك في بلاك بيري

جهاز مافيه غير الشاتنق وبس غيره يعتبر ممل جدا

آي فون وبس

[B Useful]

اذا شريتة ماراح ينفعك حتى الدكتور الربيعة ..! :d



اذا كنت في مكان عام ، وكان الجميع ( مطأطئي ) رؤسهم ، وكنت انت الوحيد رافعاً رأسك .. فهذا لا يدل على عزك وشموخك .. انما يدل على انك الوحيد الذي ( ليس لدية بلاك بري ! ) :d

[AHN]

بما انك مقتع في قرارك .,

لا تقرب للستورم ., لانه لمـــس ., << وهذا عيبه ., هو والاي فون .,

وبالنسبه لللاك بيري ., جهاز ., يستاهل الهلله الي تدفعها فيه ., ويكفيك شهرته ., وعدد المبيعات .,

وسعره المعقول .,

[kakashi-san]

^^^

اجل نقول بعد تويوتا تستاهل كل ريال يندفع فيها ..

لانها أكثر مبيعاً وسعرها المعقول ..

[@اكورد وبس@]

ما قريت الموضوع كامل < طويل

لكن إذا أنت ناوي على بلاك بيري فما أنصحك فيه < أستخدمته أسبوع وبعته ورجعت لنوكيا :d

إستعماله صعب وخايس بالنسبه لي


تقبل مروري :o

[AHN]

^^^

اجل نقول بعد تويوتا تستاهل كل ريال يندفع فيها ..

لانها أكثر مبيعاً وسعرها المعقول ..

ايه تستاهل .,

[AbuJawad]

والله النوكيااا مثل التويوتا

انتشرت في العالم انتشار قوي ومعا التطور بدوا بالتلفيق وصارت الناس تبتعد عنهم

ما انصحك بالايفون اسمع مني

الاي فون يبيله واحد مدير مايسمك حاجة بيده وعنده سواق لا يسوق ولا شي وتلقاه طول اليوم على مكالمة ولا مكالمتين

مو زي حالاتنا نسوق ونشتغل ماينفع معنا

انا اشتريته واتوهقت اتحداك تكتب رسالة وانت ماسكه بيد وحدة لازم تمسكه بايديك الثنتين
يعني لو تبغى تكتب رسالة ولا تكلم وانت تسوق انواع التعذيب

مالك الا السوني اريكسون

يكفيك انها اول شركة للهواتف الثابتة قبل الجوالات

الله يرحم اول جوال نزل هنا اريكسون العجرة :d كانه سيناو

ولما اتحدت سوني مع اريكسون صرنا نشوف ابداع وتطور وتقنية عالية بالاصوات والتصوير والمكالمات

ياخي تحس انك تستخدم جهاز ذكي مو مثل استخدام اجهزة نوكيا

انا عن نفسي من اربع سنوات ما استخدم الا سوني اريسكون ومرة مرتاح معاه وانصحك فيه

تحياتي لك ياخويي ;)

[ن ع ر السعودية 0005]

والله يا العالم كلها طافين بــ البلاك بيري مدري وش عليه خلك مميز وطق لك أي فون وبس مع أنه معي نوكيا لكن ما هضمته بس لو يخيروني بدون مشاور أخذ أي فون وبس يكفيك شكله . وإذا ما حبيته خذ لك سوني أريكسون ولا تتعدى ها الجهازين وبس .

[AL_ADMIRAL]

وعليكم السلام ورحمة الله وبركاته

أنا كنت من مستخدمي سوني أركسون من زمان , وبعد رمضان حولت لـ نوكيا وأخذتلي N97
أخذته بسبب الشاشه الكامله بالأضافه للكيبورد المخفي

ولا أنصح به ×_×
تعليقات على كيف كيفك , ومن الأمور الروتينيه عندما أكبر صوره يغلق متصفح الصور
ثم أرجع مره أخرى وتضبط ×_×
أمس دخلت المسجد بأحطه صامت مو راضي وأنا خلاص قربت أوصل لـ الصف , أتخيل قمت فكيت البطاريه ×_×
<<< لأني لو ماسويت كذا عارف لو دق أحد ما حأقدر أسكته وهو معلق والنغمه كانت تايتنك ×_×

غير ذاكرة الـ C الصغيره , فالـ E مخلينها 32 قيقا , والـ C حول 75 ميقا
يعني مني عارف هو غباء ولا تخلف ولا شنو بالضبط ؟!؟!
أنا ما أخزن ولا شي في الـ C لاكن تحديث بعض البرامج يكون على الـ C وما باقيلي الآن ألا 7 ميقا :(

طيب شنو تنصحني ؟
أمممممم
ما أنصحك بنوكيا
ولا بسوني أركسون , صح عملي بس مافيله حريه بسبب تطبيقاته المقتصره على الجافا .
أنا عن نفسي ما حآخذ البلاك بيري أشان لازم أشترك بخدمه
وأنا أتخدم الماسنجر في الـ N97 بأشتراكي ببافة 100 ميقا بـ 25 ريال , طبعا الماسنجر ماياخذ كثير فأنا أستفيد من الباقي تصفح أميل وبعض المواقع

والآيفون برضو عن نفسي مهو عاجبني بسبب فرض الشركه على أستخدام برنامجها الـ iTunes في نقل ملفات الملتيميديا
وعدم القدره على توسيع مساحة الجهاز ببطاقة ذاكره

طيب حتقلي وش خليت أنت ووش بقيت ×_×
صح
في شركه قويه في الهارد وير وكان يعيبها السوفت وير
ولاكن الآن أصبحت تصنع أجهزه بسوفتوير لأكبر وأضخم شركات العالم (^_^)
شركة الهاردوير الغنيه عن التعريف HTC , أجهزتها ممتازه ولاكن يعيبها بصمة عار سوفتوير وندوز موبايل ×_×

أما الآن فأنتجن الشركة أجهزه بسوفتوير Google , :d
بأسم نظام Android ~_^
حالياً في جهاز HTC Hero



وأنا بما أني أهتم بوجود كيبورد , فـ فضلت الأنتظار لحين صدور جهاز من شركة HTC بكيبورد بنظام Android

موقع الشركه : http://www.htc.com/www/product/hero/overview.html

مقتطفات من اليوتيوب
HTC Hero - First Look
[ame]http://www.youtube.com/watch?v=FKTDSfbcbBU[/ame]

iPhone 3GS vs HTC Hero - Dogfight, Pt 1
[ame]http://www.youtube.com/watch?v=G5F0Ruzwos8[/ame]
iPhone 3GS vs HTC Hero - Dogfight, Pt 2
[ame]http://www.youtube.com/watch?v=5xMUEhFBJ8g[/ame]
iPhone 3GS vs HTC Hero - Dogfight, Pt 3
[ame]http://www.youtube.com/watch?v=xa1zvj5YDy4[/ame]

\
/
\
أحببت أن أقول ما في جعبتي (^_^)

[حبيب هنادي]

واللهـ موضوعكـ طويلـ وكنتـ مستعجلـ بسـ يومـ قريتـ كاتب الموضوعـ

,’
almaster
,’

قالت هذا النشمي حبيبنأإأإأإ

شفـ بلاكـ بيري شترينهـ ما قعد شهر الابعناهـــ

تدري ليهـ ؟؟

اولـ شي اذا كنتـ بترسل رسالهـ مثلاً (( رسالة العيد )) بيكونـ عندكـ أكثرر من 100 أسمـ صحـ ؟؟

وبحددهمـ مرهـ واحدهـ وبترسلهمـــ صحـ ؟؟

البلاكـ بيري ما يحدد الا عشر أسامي بســ

يعني تحدد عشر أسامي وترسلـ وترجعـ من جديد وتحدد عشرهــ .. الخـ (( سلامأإأإتــ ))

وشكلهـ بأإأإأإيخــــ

أحلى شي فيهـ خدمة بلاكـ بيري

ما ابي اطولـ عليك يا سنأإأإأإإيدي

بس شوفـ الاي فونـ حلووو وتصفح فيهـ نت حلووو بعد

(( بس يأإأإخوي الجوالاتـ الجدد ماهي عمليهـ وصعب التحكمـ فيهـ بسرعهـ لمسـ وقلت حياء

المهمـ يعني لازمـ يكون معكـ جوال أظافي زي أبو كشاف أو ال جي الي بـ 100ريالـ ))

[The Stig]

والله انا رايي مع الستورم بصراحه يعني :d

[almaster]

كبداية ما رح أعرف أشكركم على النصايح اللي عطيتوني إياها إنتو ناس كذه
أنا صراحة ياشباب لمى قلت البلاك بيري لأني لقيتيه أكثر جهاز متطور سهل الاستخدام على الأقل في أخضر وأحمر :d يعني ترد على المكالمة بسرعه :o


وبالنسبة للـ htc جهاز بكل ما تعنيه الكلمة لكن صراحة واحد من اللي يقربون لي شراه وكرهه يقولي معقد جدااا وغير عملي
وانا لمى حصرت نفسي بين البلاك بيري والآيفون لأني لقيتهم أكثر جهازين عمليين ومميزاتهم حلوة وتتناسب مع عصرنا :p

وبالنسبة للي ما مدحو الستورم 2 ياريت تكون عن تجربة لأن جهاز زي البلاك بيري مومعقولة مايكون لهم خبرة باللمس وغير كذه هم صلحو عيوب الستورم 1 كلها ....

وبالنسبة لي مثل ما قلت لكم أنا أستخدم جوالين يعني في بعض الاشياء ممكن أتهاون فيها<<(الكشاف:p)
عشان كذه ممكن أتهاون في بعض الأشياء لكن زي htc يسموه الكمبيوتر المحمول وأنا مو هذا طلبي تحديدا ...
لكن في بعض الشباب أقنعوني في البولد واللي تحس له قيمته عندنا أكثر من الستورم
لكن بالمقابل الآي فون 3gs لمس وممكن نقول بصراحة الآي فون باللمس تفوقت على البلاك بيري يعني لو تبغى البلاك بيري لا تشتري بلمس ولا توجه للآيفون أحسن (هذا اللي استنتجته)
وأنا بإذن الله مارح اشتري الجهاز إلا من الاتصالات او زين عشان الخدمات تكون كلها متاحة ....(والله موبايلي ما دخلت مزاجي أبدا )
عموما أشكر كل اللي ردو على موضوع وما أقول إلا الله يجزاكم كل خير من مشرفين ولا أعضاء كلكم على راسي

[almaster]

ولا تقولي مافي دعم له ما ادري من وين جبت هذا الكلام الجهاز له برامج واشياء بالهبل تتعب وانت تحمل
والدليل على كلامي انا عربت الجهاز في اقل من 5 دقايق من السهولة الي فيه.

أخوي أكوردياني أنا هذا اللي قلته بالضبط إنه الآي فون ميسر عندنا أكثر من البلاك
وشكرا

[The Stig]

كلامي اللي بكتبه تحت هذا صراحه وبواقع تجربه ،،، ومافيه انحياز ابد ... وعندي الجهازين الايفون والبلاك ستورم ٢

اول شي : بالنسبه للايفون ... قبل سنه او سنتين اول مانزل الجهاز برا ولاقى الضجه الكبيره مره .. .بدت الناس تشتريه من امريكا واوربا وتشحنه لهم في السعوديه ... في ذاك الوقت ... الجهاز كان شكل بس ... يعني اكثر ماتقول كشخه ...
لما احد يشوف جوالك تقول اي والله ايفون ... كيف جبته ياولد ... تقول من امريكا :d

ثاني شي : بعد مانزل الجوال في موبايلي ... واللي يشوفوه الناس انها حركه مش ولا بد .. وتلتزم باشتراك ومدري ايش ... اقولكم لو ما موبايلي سوت هالحركه كان الجهاز الى الان شكل بس ... ومميزاته ماتشتغل ! لان زي ماعارفين الجهاز يحتاج انترنت ٢٤ ساعه ...
حاليا وبدون مجامله .. الايفون دخل وبقووووه ... ثري جي اس الجديد جهاز بطران ... يعني مافيه اي مشاكل من ناحيه اللمس ولا الدعم ولا الاشياء الثانيه ...
السوفتوير الجديد نزل فيه العربي ... فماتحتاج الا انك تشغله وتتوكل على رب العالمين ...

ثالث شي : البلاك بيري ... المشكله البلاك بيري صار موضه ... ولو جينا نقارنه بالمواصفات ... بدون تحيز الجهازين هو والايفون مايختلفو الا اختلافات مره مره بسيطه ... بالعكس ممكن الشخص يرتاح لجهاز ومايرتاح للثاني ...
البلاك بيري الان اللمس اللي هو الستورم .... توه متطور ... وتوه نازل في السوق ... شوفو اسعاره كيف ضاربه ... بس لو ماجاه التطوير وظلينا على الستورم ون كان مايقارن ابد ...

من زمان انا لما كنت من اصحاب الايفون ... اول مايتكلم احد عنه اقول له اسكت ... الى الان مافي جهاز بامكانك تقارنه بالايفون ...
حاليا ... المتعصبين ايفونيا يسمحون لي ... الجهاز طلع له منافسين ... ولا قوييييين ...

في النهايه ... انا مش مستخدم بقوه للبلاك ... لكني مستخدم للايفون من اول ماطلع وجبته من امريكا الى ان طلع الثري جي والثري جي اس ..
الايفون ثري جي ماله داعي في الحياه ... ماله منافسين بعد ... بس يبقى شي مميز بصراحه والحق يقال
الثري جي اس ... هذا داخل في حرب قويه مع البلاك بيري ستورم ٢ ... ومنافسه صعبه عليه بصراحه ...

يعني مانقدر نحكم على الجهاز لانه شركته ابل او شي كذا ... لا كجهاز من مواصفات معينه .. جاته اجهزه ثانيه بمواصفاته وزياده بعد...

وفي النهايه اسف على الاطاله ...

وان بغي معلومه طال عمرك لا يردك الا الكيبورد

[meshoo]

كا استخدام يومي مأنصح في البلاك بيري

انا عندي الميني كيرف اخذته فقط عشان الـ bb وجوالي الاول زي ماهو

الجوال شوي معقد وتحسه حق نت ومحادثات فقط

يعني نصيحه لاتضيع فلوسك في بولد غالي على الفاضي ولا انت مستفيد من مواصفاته المعقده ..

وتقدر تشتري الجهاز من اي محل جوالات في السوق وتشبك عليه اي شريحه مو لازم من الاتصالات والا موبايلي والا زين

[almaster]

طوط طو طو طوط أخيييييييييييييرا طلع لي واحد مجرب الستورم 2
أخوي عاشق هوندا أكورد جتني نصايح كثير واللي إن البلاك بيري مستواه باللمس متدني لكن كانو يتكلمو عن الستورم 1 لكن أنا شف أكثر من مقطع للستورم 2 صراحة شي وعدلو العيوب اللي في الستورم 1 وانت قلت ان المواصفات هو والـ 3gs متقاربة فكتجربة مين الجهاز اللي يستحق سعره أكثر؟؟؟
وانا صراااحة عاجبني الستورم 2 من أول وتحسه إنه مميز ومواصفاته والله بطراانه بس ماحد من الأعضاء نصحني بالبلاك شاشة لمس!!

لما احد يشوف جوالك تقول اي والله ايفون ... كيف جبته ياولد ... تقول من امريكا :d

:d :d :d :d


أخوي ميشو نرررررررررررت الصفحة ويعطيك ألف عافية على المرور

يعني نصيحه لاتضيع فلوسك في بولد غالي على الفاضي ولا انت مستفيد من مواصفاته المعقده ..

يعني تنصحني أتجه للستورم 2 وأتوكل على الله؟؟؟

وياريت ياشباب تأكدو لي نزول الستورم 2 والـ9700 عندنا بالمملكة ووين الله لا يهينكم

[just ACCORD]

بختصار شديد تحب الشات والمحادثات الكثيره بلاك بيري > بلاك بيري بدون الخدمه ما يسوى ولا شيء

تحب الكشخه والجهاز اللمس انصحك بايفون


بنسبه لستفسارك الستورم ما اعرف عنه الصراحه لاكن 9700 موجود بالسعوديه لاكن عند موزعين محدودين

لسه ما نزلت جرير واكسيوم واكسترا

[f a w a z]

انا اقول خذ لك كيرف ولا بيبي كيرف وخل جوالك الاول معك لاتبيعه لان البلاك بيري احس ماينفع جهاز كل شي فيه تسويه مدري شلون اشرح لك بس مايصلح جهازك الساسي

خل البلاك بيري لـ ::؟
( حق الدردشه والتشبيك)

يعني اشتره وفعل الخدمه وخل جوالك الاول

اما اذا انت ودك بجهاز تغير وتبي مواصفات وشكل وكرف خذ لك

ساتيو

سوني اريجسون تطلق هاتفها ايدو الرهيب الذي يمتلك كاميرا ب 12 ميجا بيكسل مع شاشة لمس عريضة والذي يجعلة يمتلك قدرات رهيبة في التصوير.ويعمل بنظام Symbian S60 .وتهدف الشركة من خلال هذا الهاتف المنافسة بقوة في سوق هواتف الترفيه مثل iPhone من أبل وOmnia من سامسونع وإكسبريس ميوزيك Xpress Music 5800 من نوكيا.

كاميرا الهاتف 12.1 ميجابيكسل (4256 × 2832 بيكسل) مع أوتوفوكس و فلاش زينون و تصوير فيديو بفلاش LED بالإضافة إلى كاميرا أمامية بدقة VGA للمكالمات المرئية، كما أن الجهاز يحتوي على خاصية فريدة في التصوير حيث يحدد المستخدم الهدف الذي يريد تصويره بواسطة لمس الهدف الظاهر في الشاشة ليحصل المستخدم على صورة أفضل لذلك الهدف.يبلغ طوله 111 مليمتراً و عرضه 54 مليمتراً و إرتفاعه 15 مليمتراً و مجهّز بحسّاس حركة و شاشة 3.5 إنش TFT قابلة للمس تدعم 16 مليون لون بدقة 360 × 640 بيكسل.الجهاز مُدعّم بنظام GPS مع وجود خصائص اخرى مثل وجود البلوتوث وWi-Fi وغيرها.

[A C C O R D 0 8]

انا اعرف ان 9700 نازل من فتره اسبوعين كذا تقريبا او ثلاثه ..

اول مانزل كان بـ 4800 في اول خمس ايام ونزل بعدها تدريجيا الين وصل الى 2700 وحولها ..

والمواصفات اللي فيه جدا رااائعه مقارنه بالبولد (( انا استخدم البولد )) .. وكنت ابشتريه اللي هو 9700

لكن فكرت فيه وبسعره الغالي قبل ماينزل ان اول ماراح ينزل بكم بيكون وكذا .. فشريت البولد وتوكلت على الله ..

وهو راائع بصراحه جدا .. انا استفيد منه لان اكثر ربعي معاهم البلاك وحتى القروب بالكليه معاهم

فيكون التنسيق بينا وفي الكليه كذا عن طريقه ..

وطبعا استخدمه كم ايبود مصغر .. ركبت عليه 8 قيقا وشغال زي العسل ..

ومن ناحيه التشات فهو جدا ممتع وماراح تمل وتحس ان مليت من اي شي وباي وقت ..

سواء كان بريك او سفر او اي شي .. طبعا ممكن احد يتسال ليه مااخذت الكيرف مع انه اررخص وفيه نفس المواصفات ويمكن

افضل في بعضها ..

انا لو ماكنت مضطر اخذ البولد مااخذته .. اخذته مضطر ولو كان بيدي الخيار اخذت الكيرف ..

البولد الجديد يفرق عن القديم بالشكل وهذا الفرق بعد ماشفت الاثنين جنب بعض قلت بنفسي

لو الاثنين بنفس السعر مستحيل اخذ البولد الجديد لان شكله بصراحه سقيم جدا ..

صغروه بشكل مشين ..

الستروم ماعندي اي معلومه عنه ..

وازييدك من الشعر بيت .. البولد الجديد يتحمل ذاكره تضفيها عليه الى 16 قيقا

والبولد القديم اللي هو 9000 يتحمل فقط 8 قيقا حد اعلى من الذاكره

طبعا الاختلافات بينهم في المواصفات صارت في المعالج والذاكره الداخليه اللي هي الرام صارت 256

وبعد الكاميرا صارت دقتها 3 ميقا بيكسل او زياده شي بسيط ..

وخلاصه الكلام ياغالي ..

بالنسبه لي شخصيا احس البولد الجديد مايتساهل ولا ريال يندفع فيه لان الشكل جدا سيئ ..

اما الستورم فزي ماذكرت ماعندي اي معلومه عنه ..

والايفون راائع لكن زي ماقالو الشباب ..

اذا انت بتسوق بسيارتك انسى الجوال .. لاتقدر ترد ولا تكتب رساله ولا تسوي اشي ولا حتى

تتنقل بين الملفات الصوتيه بارتياح .. جدا متعب ومربك في الاستخدام ..

<< عن تجربه احد الاصدقاء ..

[Mr.Goldy]

الله يعزز ان 73 الي معي له 3 واكثرر مثل العسل هع