اسباب سوء صيانة ال 1000

**اكورد البحرين** · 10-03-2007, 09:54 PM

السلام عليكم ورحمة الله وبركاته

اليوم استلمت سيارتي بعد صيانة الالف وبصراحة اصبت بالاحباط من سؤ المعاملة وعدم وجودة الصيانة :(

النقطة الأولى سيارتي يوم اسلمها للصيانة انظف من يوم استلمها مع اني المفروض اني مدخلها سيرفس والله للسيرفس معنى آخر

داخل السيارة انا نفسي كنت ما احب انظف غير الارضية على شان مايروح الاستي بي تبع الوكالة واستلم السيارة من السيرفس يبين انهم نظفو داخلية السيارة بقطعة قماش مبللة !!! حتى خطوط الماء ناشفة ومبينة على الداشبورد هذا غير طرف الباب من تحت انا عمري ماحكيته برجلي دايما احاسب عليه وياما صار بيني وبين ربعي نقاش على هالمسألة لانهم احيانا يحكون رجلهم فيه بالغلط واستلم السيارة طرف الباب من الداخل اسود من كثر ماحكو رجلهم فيه اوكي حكيتو رجلكم قبل لاتسلموني السيارة نظفوه على شان ماتعورون قلبي

السيارة من الخارج حالتها عدم يبين ان جودة التنضيف فاشلة جدا وخوط الماء مبينة وناشفة على البودي لو موقف لي هندي ومعطيه 5 ريالات احسن لي من السيرفس مالهم

السيارة كانت تعاني من بعض المشاكل وسجلوها بالتقرير وعند الاستلام لما كلمت الموضف قال لي سيارتك جاهزة برة روح استلمها قلت له اوكي يالحبيب بس في مشاكل انا مبلغ عنها شصار عليها قال سيارتك واقفة برة خذ المفتاح وروح شيكها اقول له ياحبيبي ابي اعرف شصار عن المشاكل قال لي شيك السيارة بنفسك

ورحت شيكت السيارة مافيها اي تغير وما اعتقد انهم شيكوها اصلا بس بدلو الزيت والفلتر وسلموني اياها

ليش ياوكيل البحرين ليش !!!
كل هذا لان السيرفس مجاني !!!!!!!

والله مب عارف شلون راح يكون لي نفس اسلمهم السيارة في السيرفس الجاي :(

**accord 06** · 10-03-2007, 10:50 PM

الله يعينكم

الخدمه عندنا سيئه لكنها افضل من اللي عندكم

**اكورد البحرين** · 10-03-2007, 11:02 PM

شكرا على الرد اخوي

واتمنى ان الة صار لي مجرد اخطاء من موضفين مهملين وماتكون هذي عادة وكيل البحرين مع كل الزبائن

**اتــشـــــ** · 10-03-2007, 11:06 PM

اخوي اكورد البحرين

ليه ماترفع شكوى لمدير الصيانة ؟؟ ;)

**اكورد البحرين** · 10-03-2007, 11:16 PM

هالشي ماغاب عن بالي

وبكرة رايح لهم انا الستلمت السيارة لاني عندي دوام ومتأخر عليه بس بكرة راح يكون يوم الحساب العسير معاهم

**hrkat** · 10-03-2007, 11:36 PM

الســــلام عليكم ورحمه الله وبركاته
اخى العزيز ما حدث ممكن ان يكون اهمال من الفنى الذى اشتغل بسيارتك او من مهندس الورشه
ومن الممكن ان يهملو صيانه الالف فقط لان السياره جديده
مع انــــنـــــا فى مصر نهتم جــــدا بصيانه الالف كم
ومن المفروض ان تعود مره اخرى للوكيل التابع لك ومقابله مدير الصيانه وتشكى له
مع اننى اعلم ان البحرين لديها مركز صيانه جيد وفنيين ذو خبره عاليه بالتوفيق

**r9onaldo9** · 11-03-2007, 11:46 AM

حجي وقف على روسهم لين ينظفون السيارة ويضبطولك السيارة مثل أول
وفي ورقة تستملها بعد السيرفس يبينلك شنو بدلو وشنو سوو بالسيارة

رجعها وقوله السيارة مو مضبوطة وأبي اكلم مسؤول الفرع

يعني دش بقوة وغصب عليه بيرجع يضبلك السيارة من أول وجديد

بس مو تصارخ وتهاوش لأ خلي موقفك واضح انه السيارة مو مضبوطة واستلمتها وصخة والخدمة مو مضبوطة وانك توقعت شي من خدمة هوندا وشفت شي ثاني ومن هالكلام الطيب
لأنه إذا صارخت وهاوشت هواش يمكن داخل يلعبون بالسيارة :d

ارجع لهم والسيارة حرام توها جديدة ويضبطولك كل شي إن شاء الله ، وإذا عاندك الموظف لاتطلع من عنده لين تكلم المسؤول الأكبر منه

تحياتي

**ياسر الشمراني** · 11-03-2007, 08:25 PM

ورهم العين الحمراء،،
لكن مثل ماقال r9onaldo9

باحترام وبالتي هي احسن

محبتي

**اكورد البحرين** · 11-03-2007, 08:50 PM

السلام عليكم ورحمة الله وبركاته

شكرا على الردود اخواني

اخوي انا مب مودي السيارة ورشة حتى اوقف على راسهم واشوفهم شيسوون السيارة تدخل الوكالة وماتدري وين تروح ولا شيسوون فيها

والازين من السيرفس السيئ والمعاملة الاسوء اليوم اكتشفت ان السيارة فيها خدش في الفريم الاسود الي في الباب

وتكلمت وتعبت وماخليت احد ماكلمته ومحد عطاني ويه ماليي غير رب العالمين

والله بعد هالمعاملة الي شفتها مالي نفس اودي السيارة سيرفس وكالة اوديها محل سيرفس واوقف وي العامل واشوف الشغل بنفسي احسن :(