حصل حادث بقريبي محتاج دعواتكم وارائكم

**A N M A R** · 19-01-2010, 11:53 AM

بسم الله الرحمن الرحيم

امس الاثنين حصل لاحد اقاربي حادث والسياره اودي a8 راحت تشليح

ووالدته اصابتها ببعض الرضوض والكدمات

والحمدلله على كل حال

المشكله

الشخص الي صدم قريبي وهو غلطان بيضارب اللحجي ولمن راحو المرور جالس يهايط ولمن طلع هو الغلطان بنسبة 100% دخل الحجز وشرد

واليوم اتصل على قريبي يقول لقريبي اسمع انا ماعندي تامين فاهم ولا لا لاتقروشني وتطفشني وانت صلح سيارتي وسيارتك واذا ماسويتها غصب عنك لاراح مايحصلك شي طيب انت وقبيلتك ياطرش وارفعلك شكوه بلمحكمه وانا اعرف اقلب الدعوه ضدك

لهدرجة الهياط لهدررجة التخلف لهدرجة الي عنده واصته وهو غلطان يلبس واحد تاني لتهمه
فين خوف الله فين

حسبي الله ونعم الوكيل دعواتكم لقريبي وادعو للغبي الي صدمهم

**meshoo** · 19-01-2010, 12:29 PM

الحمد لله على سلامته

ولايسكت عن حقه

هذا الشخص يحاول ان يخوفه وينسى حقه ! لكن مابيده شي ولايقدر ان يقلب الحكم ضده لانه هو الغلط 100%

**Honda is my life** · 19-01-2010, 12:50 PM

لاحول ولا قوة إلا بالله
الحمد لله على سلامته
صحيح هاليومين صايره هالاشياء مافي خوف من رب العالمين :(

**S.M.A.R.T** · 19-01-2010, 12:56 PM

اول شي الحمدلله على السلامه ويارب تكون تكفير للذنوب

ثاني شي ماني مستوعب كلمة

دخل الحجز وشرد

كيف شرد وهو محبوس !!

ثالث شي مايقدر يسوي شي،، هذا هو الهياط بعينه بس كلام عشان يطلع نفسه من المشكلة ولا يخاف خويك الحق بيرجعله بيرجعله بس خل تقته بالله قويه والدعاء عند الحاجة

وسلامتك - تشاااااو

جوزيف

**A N M A R** · 19-01-2010, 12:59 PM

بسم الله الرحمن الرحيم

شكرا لكم جميعا
والحمدلله هذا قدر ومكتوب ولايمكن الاعتراض على القدر
وهدا اختبار من المولى عزوجل

ووالله ياخي جوزيف هدا الشي مستغرب منه اشلون قدر يطلع اكيد فيه من العسكر
يعرفه وشرده

**ღღ 3eo0oney...ღღ** · 19-01-2010, 01:33 PM

الحمدلله ع سلامتهم ومايشوفون شر ان شاء الله وتكفير ذنوب

الشئ اللي لازم يسوويه قريبك يروح للمرور ويطالب بحقه والرجال اللي صدمه طالع من الحجز بكفاله حضورية غراميه

وحقكم ماراح يضيع

والهياط ماينفع هالايام فيه الف طريقة تاخذون حقكم منه ونتوا مرتاحين

**A N M A R** · 19-01-2010, 01:57 PM

الله يسلمك يارب

اليوم اخوي ودا السياره الوكاله والاجمالي التصليح 90.000

**اكوردsky** · 19-01-2010, 03:47 PM

الحمدلله على السلامه اول شي
ثاني شي خذ الرقم اللى دق على اخوك وخله يطلع برنت عنه ويجيب راعيه
ثالث شي اصلا مابيده شي يهدد ولا مايهدد ..
لانه لو كان ناوي على شي ماقال اوديك المحكمه ومدري ايش ...
ومصيره بيجيبونه لكن لاتتهاون في الشكوى وتنساها
خلك كل يوم في الشرطه محضر عندهم

تحياتي

**DrEaMeR KiD** · 19-01-2010, 03:49 PM

اول شي الحمدلله على سلامته هو و امه و المهايطي هذا لايهمك الآن في قانون يرده على وجهه بس اهم شي اثبتوا على حقكم و لا تتنازلوا مهما كان خلوا المعامله تأخذ دورتها القانونية الكاملة و اذا ما تعرف شفلك دعوجي من اهل مكه و الله لا يطلع عينه هو و الي وراه .

**salamify** · 19-01-2010, 03:53 PM

الحمدلله على سلامة قرايبك..
ولا تشيلون هم فيه قانون يحمي المواطن في هالوطن والقانون راح يأخذ مجراه ودام هو غلطان مية بالمية تأكد إن الموضوع لصالحكم مو العكس حتى ولو يرفع قضية لكل المحاكم..

**هيموالمسعودي** · 19-01-2010, 03:58 PM

انمار اخوووي الف حمد الله على سلامتهم

**N A D M** · 19-01-2010, 03:58 PM

الحمد لله علا سلامت قريبك ولا يتنازل عن حقه مهما صار وترا البلد فيها حكومه

**ABO.YOUSEF** · 19-01-2010, 04:01 PM

الله لا يوفقه وعليكم بالدعاء عليه .. و لا تسكتون له ما في ايده شي انشاء الله وايد الله اقوى
و ما على قريبك الا انه يكمل الاجراءات طبيعيه ولا كنه سمع شي من المأخوذ الله لا يوفقه شي .. الحق ما يضيع انشاء الله

والله لا يوفقه ثاني مره,,

تقبل المرور:(

**Accord_Akkawi** · 19-01-2010, 04:11 PM

حمد الله عسلامتهم
ولا تخاف ان الله مع الصابرين اذا صبروا
وهذا المهايط مو شي جديد عالنفسيات المريضه والعقول المتخلفه شوف موضوعي
وانت راح تفهم تابع الرابط وانت راح تتأكد ان كل شي ممكن يصير بس لا تنسى ان
الله موجود
http://www.hondaarabia.com/club/showthread.php?t=27478

**م ج رد حلم** · 19-01-2010, 04:21 PM

لاحول ولاقوة الابالله

الحمدلله على سلامتهم

واطمان البلد ماهي فوضى على كيفه هي يقلب الدعوة فين عايشين

وحقكم بيرجع لكم باذن واحد احد

**A N M A R** · 19-01-2010, 04:59 PM

بسم الله الرحمن الرحيم

شكرا لمروركم

**gogo** · 19-01-2010, 11:26 PM

بسمه تعالى :

حمدآ لله على سلامة قريبك و والدته حفظهم الله من كل مكروه و عوضهم بكل خير....المهايط و غيره ممن يكشر عن أنيابه هم جبناء فليس لهم سوى اللسان و رفع الضغط و الحصول على مبتغاهم بلسانهم من غير فعل ... حصلت لي مشكلة بأن أحد المهايطين سامحهم الله بأن يهددني بالقتل و سرقت مركبتي القديمة و التي لا حول و لا قوة لها لأكثر من مرة و كتابة تهديدات و وضعها بداخل المركبة و لكني بالرغم من ذلك توكلت على الحي القيوم و دعوته لأن يبعد عني شرهم و خبثهم بصيد الفريسة بتلك الطرق الجبانة و الحمد لله إختفى ذلك المهايط بلا رجعة و كان طالبآ بنفس القاعة و هو من أصحاب السوابق و لكن قدرة الله فوق الجميع .... ليصبروا و يطالبوا بحقهم و إكمال الإجرائات المتبعة و الله معهم إنه سميع مجيب الدعاء.

**مطنشهم** · 20-01-2010, 12:33 AM

الحمدلله على سلامتهم لازال هناك ناس جاهله وعقله صغير والله يصبر قرايبك على اللي صار

**أغـار يا هـوندا** · 20-01-2010, 12:36 AM

anmar
الحمدلله على سلامة أقاربك ... ووالله وكأنهم أمي وأخي ... وقد لا تعلم الشيء هذا ... لكن لأكون صادق معكـ
أخي:
الزمن صاير غريب ... ويخوف ... وشي يقشعر منه البدن ...
اليوم يا أنمار ...
شفت قصاص في أبها صباح اليوم ... فلما قرأ العسكري البيان قال إن جريمته قتل زوجته وابنه ,,,
بالله عليك هل أعظم من ذلك جرم؟؟ ... سبحان الله ... الله يرحمه ... بس والله بعد ما أطلقوا عليه ... شعرت بأن الإسلام عظيم ..
فأيآ كان السبب مالذي يدفعك لقتل زوجتك وابنك؟؟ ..
شباب :
حمانا االله واياكم ... وكفانا االله واياكم شر البلاوي ...
من علامات قيام الساعه التي أخبرنا بها الرسول -صلى الله عليه وسلم- (كثرة الهرج) وهو القتل ,,,
فأخوك بالنظام والقانون ... يبي يقدر يأخذ حقه كاملآ .. ولا يتهاون ويسمع كلام الذين يقولون العوض في الحديد ما يصلح

صدمني واحد وكان الخطأ عليه بنسبة 70 بالمائه ... نصحوني الناس ومنهم الوالد والوالده أن لا آخذ منهم ريال...
فأصريت أن يدفعوا المبلغ أكثر من النصف ... وكانوا يقولوا ماعندي فلوس وكنت أتريق وأقول وانا ما عندي فلوس...
ماعنك فلوس ليه تطلع في خطي وتصدمني؟
لكن بحركتي ذي ولمن أعطوني حقي ... حميت أرواح أناس آخرين -بإذن االله-
لأنه سوف يراجع حساباته في خطه .. ويحاسب ع حياة البشر ,,,
والحمد لله أولآ وآخرآ ,,, على قضائه وقدرهـ

**المـــــلكـ اكـــــورد** · 20-01-2010, 12:56 AM

الحمد لله على سلامة قريبك ووالدته ..وحقك بيرجع بالقانون

وانتبه من حركات هذي العينه من البشر يحاول انه يستفزكم.. ولاسمح الله واحد يتهاوش معاه

ويصير الحق من صالحه ..

**ثــلــج مــشــوي** · 20-01-2010, 02:43 AM

اول شي الحمد لله على السلامه

انصحك تسجل تهديده بالشرطه

( انتبه تسجل له مكالمه ترا تنقلب عليك ..بتهمه التعدي على خصوصيات من دون علم الطوف الاخر)

وتاخذون حقكم وخله يهايط

واذا مانفع المحاكم موجوده وتقدر ترفع عليه اكثر من قضيه

اولا انه تعدى على ( الكيان المعنوي للأنسان) ومنها الشرف بحيث قالك ياطرش

وغيرها
فيه اشياء كثيره تقدر تطالب بتعويضك فيها

بس اقرا شوي بالقانون وبتلقا كل شي معكم

وبالتوفيق وماتشوفون شر

**accordyon** · 20-01-2010, 02:52 AM

الحمدلله على سلامته
ان شاءالله اخر المصايب
بالنسبه للحجي يمكن طلع بكفاله حضوريه
بس قريبك لايتنازل واذا مافي فايده من المرور يحول اوراقه ع المحكمه
صدقني زمن الهياط والواسطه في هالأمور انتهى
من فتره صار حادث لخوي الكبير الحمدلله بسيط والخطا 100% علىالطرف الثاني
صادمه من ورا
وصار يماطل وحركات عبط وطلب اخوي يحولون المعامله ع المحكمه ويقول
لشيخ ماعندي ادفع قاله موبكيفك ياتدفع يالسجن واخره حكمو عليه يقسطها
ومن ورا خشمه
على فكره تراه هو بعد لحجي