بطارية يواسا ( تايوانية ) 75 أمبير - موضوع خفيف

[المباشر]

السلام عليكم ورحمة الله وبركاته

اليوم أطرح لكم هالموضوع الخفيف وان شاء الله يستفيد منه أكثركم لوجود بعض المعلومات البسيطة والمفيدة

رجال الله يستر عليه كنت معاه قبل وقلت له بطاريتك على وشك انها تنتهي ولكنه قال ماعليه تمشيني كم شهر

فجأة صحيت من النوم الا ورسالة منه وش فيها ؟؟؟؟ الصورة تتكلم

ترى أوريكم أني شريت البولد الجديد على اليمين :d

المهم هو أرسل لي الرسالة لأني نصحته قبل ببطارية يواسا وقلت له أعرف محل يبيعها بالدمام وعلشان كذا جيت أول واحد في باله يوم تعطل

وبما أني اطلع للدمام كثير فقال لي جيب البطارية لي

هنا صورة والسيارة متعطلة وسيارة الأسعاف المتنقل :d

بطارية يواسا أخذتها من الدمام من محل الوفاء الذهبي بسعر 260 ريال وضمانها سنة ( ضمان المحل )

البطارية ورقم الموديل

المهم ركبنا البطارية في محل السيارة لأنها مارضت تشتغل لا باشتراك ولا غيره

السيارة عاصية - بطارية يعني بطارية

واحنا نركبها الرجال قال لي ليتني سامع كلامك ومبدل البطارية

ويقول كان ناوي يطلع للدمام يروح يتمشى اليوم الثاني لكن زين ماطلع وتوهق

وقت تعطل السيارة هو الصباح وماخذ فطور ورايح للبيت

طبعآ برد الفطور لين دق على واحد وجاه وراح معاه والسيارة متعطلة طول اليوم وهو متعطل

المهم والمفيد ياشباب أي ملاحظة تشوفها على البطارية لاتنتظر وتقول تمشيني تراها نكبه وتغدر فيك بأي وقت

البطارية ممكن تعطيك ملاحظة انها تعبانه أو على وشك بطريقة العدادات مثل الفيديو المطروح في آخر الموضوع هنا

http://hondaarabia.com/club/showthread.php?t=13278

ترى بطارية يواسا 80 أمبير نفس السعر 260 ريال

للمعلومية : المحل نفسه تقدر ترجع له وتبيع بطاريتك القديمة بسعر 25 ريال

عنوان المحل

الدمام قبل النعماني بمسافه والتوصيف الدقيق هو

تاخذ يمين مع ورشة سهم وتروح طوالي لا يمين ولا يسار لين يجيك طريق سيهات وتلف يمين وتحصل المحل يمينك أسمه الوفاء الذهبي

حتى عندهم بطاريات جي اس اللي تجي من المصنع وتعبئة وليست الكترونية لكن تجي بحجم 55 أمبير فقط وماعندهم اكبر من كذا

وآخر فيديو للسيارة قبل تركيب البطارية والمعذرة الفيديو مش بجودة عالية

[ame]http://www.youtube.com/watch?v=5LqA5eMZngc[/ame]

أتمنى أني أفدتكم ولو بالقليل ويشرفني ويسعدني مروركم

ولأي أستفسار ترانا حاظرين للطيبين

[SAND]

والله انك جبتها على الجرح ...
بطاريتي صار لها شهر المبة حقتها لونها ابيض (يعني اسبدال) Ac Delco..
وان شاء الله بغيرها وش تنصحني اغيرها Ac Delco نفسها ولا يواسا,,
وشكراً على الموضوع...(وربي اكثر مواضيع استفيد منها مواضيعك يعطيك العافية)

[أبو نايف أكورد 2007]

ماشاء الله تبارك الله

موضوع مهم جداً

هاذي مشكلتنا مانغير البطاريه إلا إذا خلصت مره ...

أنا صاري لي نفس الموقف ;)

ورحت شريت بطاريه إي سي دلكو 70 أمبير تاريخ الصنع 2009= 170 ريال

والحمد لله ماشيه تمام

فياليت من الشياب مايطيح بنفس الموقف ألي طاح فيه أنا والأخ

غير بطاريتك قبل لا تكون في مكان نت أمس الحاجه للسيارتك

وشكرا أخوي مباشر

دايم مبدع

[مجوووودي]

يعطيك العافية ع الموضوع الجميل ..

بس ماكملت لنا الرسالة :d

شكله يزبد لك :p

س/ وش فرق الانبيرات عن بعض ؟

تحياتي ..

[salamify]

الله يعطيك العافية على هالموضوع المرتب وصحيح كلامك اذا بدأت أعراض البطارية غيرها على طول وناس كثير صارت لهم مواقف محرجة بسبب البطارية..

[AliAhmed]

ان شاء الله المرة الجاية نجرب اليواسا .. الايسديلكو صارت سمعته سيئة
يعطيك العافية يالسمي على الموضوع
:dوتكسر البولد بالعافية:d
بس ليش مافكرت في الايفون !!

[المباشر]

والله انك جبتها على الجرح ...
بطاريتي صار لها شهر المبة حقتها لونها ابيض (يعني اسبدال) Ac Delco..
وان شاء الله بغيرها وش تنصحني اغيرها Ac Delco نفسها ولا يواسا,,
وشكراً على الموضوع...(وربي اكثر مواضيع استفيد منها مواضيعك يعطيك العافية)

الله يعافيك ياقلبي وبصراحة أنصحك تبدل البطارية بأقرب وقت وشوف غير اي سي ديلكو

عندك GS ولكن أكثر المحلات اللي في الدمام اللي مريت عليهم ماعندهم الحجم 70 أو 60 وأكثرهم موفر 55 أمبير

وخذ لك يواسا وأخوك المباشر قريب راح ياخذ يواسا لأن بطاريتي كملت سنة وكم شهر وبدأت حركاتها اللي ماتصلح :d

أحرجتني ياغالي وهذا قليل في حقكم وواجب علينا نفيدكم بأي معلومة صغيرة وممكن تكون مهمة وكبيرة عند احدكم

ماشاء الله تبارك الله

موضوع مهم جداً

هاذي مشكلتنا مانغير البطاريه إلا إذا خلصت مره ...

أنا صاري لي نفس الموقف ;)

ورحت شريت بطاريه إي سي دلكو 70 أمبير تاريخ الصنع 2009= 170 ريال

والحمد لله ماشيه تمام

فياليت من الشياب مايطيح بنفس الموقف ألي طاح فيه أنا والأخ

غير بطاريتك قبل لا تكون في مكان نت أمس الحاجه للسيارتك

وشكرا أخوي مباشر

دايم مبدع

حبيب قلبي ابو نايف ومنور بمرورك الحلو

مثل ماقلت مانبدل الشي الا اذا وقف علينا ومثلي البطارية أدري انها على وشك تجيب العيد ولكن كل فتره أقول بعدين لين الظاهر بحصل نفسي على الخط اطقها تأشيرة :d

الله يعطيك العافية على هالموضوع المرتب وصحيح كلامك اذا بدأت أعراض البطارية غيرها على طول وناس كثير صارت لهم مواقف محرجة بسبب البطارية..

الله يعافي قلبك يالغالي وشرفني مرورك الرائع

وانا واحد من اللي صارت لهم هالمواقف

1- عند بيتي بسيارة اخوي رايح باخذ بطارية له وطفيت السيارة وبطلت تشتغل

2- سافرت مع شباب وكان راعي السيارة يحاول فيني نروح بالاكورد تبعي وانا رافض وهو يدري ان بطاريته تعبانه

وصلنا للدولة المقصودة على بي ام دبليو وأول ماخلصنا الأجراءات بالجوازات وغيره وقفنا نصلي بمسجد وبطلت السيارة تشتغل والحمدلله كان في سطحة اماراتية جايب سيارة نزلها بنفس المحل وبيمشي وعطانا أشتراك يسمونه ( كيبلان ) والحمدلله عدت على خير

واليوم الثاني رحنا اخذنا بطارية اصلية بـ 800 ريال أو 700 بس اذكرها بثمانمائة

وتخيل السطحة مش موجودة ذاك الوقت وشكلك مش حلو والجو رطوووووبه كيف راح يكون وضعك :d

ان شاء الله المرة الجاية نجرب اليواسا .. الايسديلكو صارت سمعته سيئة

يعطيك العافية يالسمي على الموضوع
:dوتكسر البولد بالعافية:d
بس ليش مافكرت في الايفون !!

الله يعافيك يالسمي وأبد اي سي ديلكو ماتنفع بريال والدنيا تجارب

خذ لك بطارية ثانية وخلك مغامر وشوف كم تدوم معك :d

والايفون مادري بس البولد راكب راسي من زمان واحتاجه جدآ حسب طبيعة عملي

[accord 06]

المهم والمفيد ياشباب أي ملاحظة تشوفها على البطارية لاتنتظر وتقول تمشيني تراها نكبه وتغدر فيك بأي وقت

كلام سليم

مره نكبتني البطاريه على طريق القصيم

و اضطريت ادق على واحد يجيب لي بطاريه من الرياض :(


البطاريه اللي راكبه عندي حاليا لها 11 شهر تقريبا

و قبل اسبوع شريت بطاريه و حطيتها بالشنطه للاحتياط



و عالبركه البولد الجديد :d

ناوي على واحد قريب ان شاء الله

بكم شريته ؟ و وش ضمانه؟

[بلال العلمي]

يواسا مركبها اخوي المهاجر ويمدحها ومركبينها اخوياي والان اقترب دوري ان شاء الله احلى يواسا

احس البطارية هذه مثل الكيك شكلها حلو:d

[accordyon]

والمعذرة الفيديو مش بجودة عالية

شكلك مصور بالبولد:d
بس من جد البطارية نكبات انا كان حظي زين ويوم تنحت عند البيت كنت
بشغل الصباح بروح الدوام ومارضت تشتغل يلا غياب يوم ولا تطفي بأشارة
او بنص الشارع

يعطيك العافية مشرفنا ع التنبيه

[D.H.o.O.o.M]

ياشين البطارية مره صار لي موقف معاها لا ينسى ولابعد يوم خميس سالفة يطول شرحها

المهم له فتره والسيارة مو طبيعيه وكنت عارف انها البطارية ولا بعد حتى يوم غيرت الزيت عند الوكالة وشيكـ على السيارة قال يبي لها بطارية وانا تساهيت لين صارت السيارة ماعاد تشتغل وابتدا الفلم

اليوم الثاني غيرتها ببطارية يواسا بحدود الـ 200 ريال

[R32 HPA]

من واقع تجربة اليواسا ممتازة جداً وأفضل من اس ديلكو بمراحل
وأنا مطلق اس ديلكو من خمس سنين

[المباشر]

كلام سليم

مره نكبتني البطاريه على طريق القصيم

و اضطريت ادق على واحد يجيب لي بطاريه من الرياض :(

البطاريه اللي راكبه عندي حاليا لها 11 شهر تقريبا

و قبل اسبوع شريت بطاريه و حطيتها بالشنطه للاحتياط

و عالبركه البولد الجديد :d

ناوي على واحد قريب ان شاء الله

بكم شريته ؟ و وش ضمانه؟

ههههههههههههه :d شكلي بسوي مثلك بشتري البطارية وبخليها بالشنطة احتياط وطريقتك حلوة لأني أكتشفت اذا وقفت عليك السيارة خلاص ماينفع اشتراك ولازم التبديل

يواسا مركبها اخوي المهاجر ويمدحها ومركبينها اخوياي والان اقترب دوري ان شاء الله احلى يواسا

احس البطارية هذه مثل الكيك شكلها حلو:d

انا اخذتها للرجال لأني قرأت هنا يمدحون هالبطارية وقلت هذا أول واحد نسوي عليه تجارب :d

خاصة انه طيب ومايقول شي ياحليله يعني لو ماطولت البطارية ماعندك مشكلة مايجيك زعلان ويركبك السبب :d

ودوري قريب ان شاء الله بروح للمحل اودي البطارية الخربانه لهم وباخذ لي جديدة وبسوي مثل حبيبنا accord 06

شكلك مصور بالبولد:d
بس من جد البطارية نكبات انا كان حظي زين ويوم تنحت عند البيت كنت
بشغل الصباح بروح الدوام ومارضت تشتغل يلا غياب يوم ولا تطفي بأشارة
او بنص الشارع

يعطيك العافية مشرفنا ع التنبيه

الله يعافيك يالغالي

ومصور بالنوكيا E72 :d لأن البولد شريته بنفس اليوم وكان في الكرتون

ان شاء الله ماتنكبك مرة ثانية وخلك متابع العداد فهو الوحيد اللي راح يفيدك عن البطارية

مثلي اليوم بروح اصلي الجمعة وشفت العدادات قطعت بشكل سريع وهذا من التهديدات :d ان البطارية على وشك ... زين ماشية معي لها الحين سنة و4 شهور ( اي سي ديلكو )

ياشين البطارية مره صار لي موقف معاها لا ينسى ولابعد يوم خميس سالفة يطول شرحها

المهم له فتره والسيارة مو طبيعيه وكنت عارف انها البطارية ولا بعد حتى يوم غيرت الزيت عند الوكالة وشيكـ على السيارة قال يبي لها بطارية وانا تساهيت لين صارت السيارة ماعاد تشتغل وابتدا الفلم

اليوم الثاني غيرتها ببطارية يواسا بحدود الـ 200 ريال

حياك الله عزيزي دحوووم وهذه مشكلتنا مانسمع الكلام :d حتى خوينا اللي سافرنا وعيت تشتغل سيارته قال له المهندس بطاريتك تعبانه وطنش لين طفت علينا لكن الله ستر

وانا قبل مهندس قال لي تحتاج ( ركبه ) لفورد كان عندي وطنشته وقلت الاسبوع الجاي لين طاح علي بوسط الشارع وانا ماخذ فوق تحت << راعين الفورد لاتخافون ترى نادرآ يطيح وانت على طريق ويطيح عليك داخل الديره

[المباشر]

من واقع تجربة اليواسا ممتازة جداً وأفضل من اس ديلكو بمراحل
وأنا مطلق اس ديلكو من خمس سنين

انا خلاص طلقت اي سي ديلكو

اليوم بطلع للدمام وباخذ يواسا

[MOHAMMED SS]

انا استخدم exide

وماشية معاي

[المباشر]

عزيزي محمد أشكر لك مرورك وشرفني جدآ تواجدك

في السوق في نوعيات كثيرة تستحق التجربة حتى في باناسونيك لكن ماسألت عن صناعتها

مشكلتنا تعودنا على اي سي ديلكو وهي اسوأ البطاريات حاليآ

حتى المحل قال لي جيب القديمة بيشتريها مني يعني راح يرسلونها للمصنع هنا بالسعودية ويجددونها ويبيعونها مرة ثانية

والأفضل الأبتعاد عنها

سؤال : النوعية اللي مركبها وش مصدرها يابانية ولا ؟؟؟ وكم تمشي بالسيارة سنة ولا أكثر

[أبو الريش]

يعطيك العافيه يبو فهد عـ الموضوع المهم و الي يتجاهله الكثير من الناس و أولهم أنـا

لكن مدري احس ظلمتوا الآي سي ديلكوا كثير :o

مشت معي بطارية السيارة اول ما اخذتها سنتين و هي طبعا آي سي ديلكو
المدة هذي تعتبر طبيعية ولا قليلة او كثير؟!

و يعطيك العافيه مره ثانية و يمكن المره الجايه نغير الـى يواسا

و مبروك عـ الـ bb:d

[المباشر]

صديقي ابو الريش :d

الله يبارك فيك والاي سي ديلكو خلاص ماعاد مثل الأول تغيرت واللي يتغير علينا نتغير عليه :d

[ACCORD A.5.T]

أنا لي يومين مغيّر بطارية سيارتي عند الوكالة .. AcDelco
46 أمبير .. يقولي المهندس / محمد شهباز حق الوكالة إنها الأصلح للأكورد
وسألت رفيقي اليمني بنشري العائلة :D قالي أكورد ايه 46 أمبير أفضل شيء لها ..!

مدري من وين جبتوها ذي 70 أمبير ؟؟؟
هل أدائها أفضل يعني ولا شيء ؟ ياليت تفيدونا

للمعلومية أنا مركب البطارية الجديدة عند الوكالة سعرها 250 ريال ومع التركيب 298 بعد التخفيض والطقاق :D

[MOHAMMED SS]

exide

مش عارف شنو بلد الصنع

بس مركبنها من قبل 6 شهور

ب 75 امبير وضمان 18 شهر

[المباشر]

أنا لي يومين مغيّر بطارية سيارتي عند الوكالة .. Acdelco
46 أمبير .. يقولي المهندس / محمد شهباز حق الوكالة إنها الأصلح للأكورد
وسألت رفيقي اليمني بنشري العائلة :d قالي أكورد ايه 46 أمبير أفضل شيء لها ..!

مدري من وين جبتوها ذي 70 أمبير ؟؟؟
هل أدائها أفضل يعني ولا شيء ؟ ياليت تفيدونا

للمعلومية أنا مركب البطارية الجديدة عند الوكالة سعرها 250 ريال ومع التركيب 298 بعد التخفيض والطقاق :d

مواصفات البطارية من مصنع هوندا هي

للأربعة سلندر 2,0 / 2,4

12 فولت - 36 أمبير ساعة / 5 ساعة

للستة سلندر 3,0 حتى موديل 2007

12 فولت - 52 أمبير ساعة / 5 ساعة

طبعآ سياراتنا جات فيها البطاريات من المصنع كالتالي

4 سلندر / 60 أمبير

6 سلندر / 70 أمبير

لاتنسى أننا شعب زنون وبلاوي يعني ماينفع لها البطاريات الصغيرة المذكورة

4 سلندر 2008 وطالع

غير معروف ولكن ممكن تكون 60 أمبير - واحد يفيدنا ولو بصورة يالربع

6 سلندر 2008 وطالع

80 أمبير