شاشة الاكورد وخلفية البي ام دبليو كم سعرها

[عمري الأكورد]

السلام عليكم

اخواني الله لايهينكم

حبيت استفسر عن الشاشة الي تركب ع الاكورد الي تشغل dvd وبلوتوث ومدري ايش


كم سعرها هنا بالسعودية الله لايهينكم

وهل تنصحوني اركبها او لا ..

وهم بعد ياليت حد يقولي كم سعر خلفية البي ام دبليو وكني قريت مره واحد يبيع بالمنتدى بسعر ممتاز

ياليت اشوف رد الله لايهينكم

[kakashi-san]

وعليكم السلام ..

شاشة النفقيشن من نوع تايم ليس

انا اوفرها للاعضاء بـ 2900 ريال وسعرها بالسوق حدوود 3500

شاشة ستتيل كوول يوفرها لك الاخ سلطان او المشرف المسافر اتوقع 1850 ريال ..

خلفية البي ام موجودة عند اخونا المشرف ميشو بـ 480 ريال ..

وبالسوق متفاوته اسعارها بين 600 - 900 ريال ..

سلام

[ABO.YOUSEF]

والله الشاشه على حسب وش نوعها .. واذا على الاسطبات فيه الاخ meshoo يبيعها مدري عاد اذا باقي ولا لأ :d


.. وانت تقول تنصحوني اركبها ولا لآ .. اقول لك اكيد ركبها بس مو اي نوع ركب شي ممتاز ولا لا تركب

[عمري الأكورد]

بيض الله وجيهكم

وش افضل نوعيه بالشاشات يالربع

[ABO.YOUSEF]

تايم لس .. بـ 3500 الظاهر
ويقول العضو kakashi-san انه يوفرها بـ 2900 فعشان كذا اوفر لك كلمه وخذ العلم منه

[RjH]

اخوي انت خذ الخلفية من ميشو 480 ريال
انا لفيت الرياض لف ما لقيته الا بـ 500 وشريته ورشيته بـ100 ريال

[عمري الأكورد]

طيب يالربع ليش يرشون

اذا لوني موتري لؤلؤي

وش الحل ؟؟ لازم ارشهم

[عاشق تشلسي]

لو اشتريت الشاشه من العضو kakashi-san

طيب في المحلات بكم يركبوها؟؟؟

[عمري الأكورد]

مدري والله هههههههه

بس ابي اعرف لازم ارش خلفية البي ام دبليو

[meshoo]

بالنسبه لخلفية البي ام دبليو لابد انك ترشها لانها تجي بدون لون

وبالنسبه لاستفسار اخوي عاشق تشلسي تتفاوت اسعار تركيب الشاشه مابين 200 الى 300 مع الكاميرا