استشاره بحكات و قبعات خفيفه بالموتر + صور للتوضيح

[f a w a z]

السلام عليكم ورحمه الله وبركاته

كيف الحال جميعاً ان شاء الله طيبين


والله ابي رايكم بكم شغله بسيطه


انا عندي كم صقعه بالموتر خفيفات الصور بتحكم

طبعاً المشوخ تروح بالتلميع تقريباً 85% يروح بالتلميع بس يبقى لها اثر عفطه

( داخل الرفرف شوي من تحت )

المهم الصور تحكم لان ناوي ادخلها الوكاله وارش الرفرف كله لاني صراحه كرهت الموتر

الي يعرف لي حل غير تغير الرفرف يقولي لان اذكر بعض الشباب يقولون استشوار و فريزر مدري وشو

المهم شوفو واحكمو طبعاً معليش التصوير كان ظلمه واعتمدت على الفلاش

بس سوني اريكسون ما يقصر 12.1

هذا الرفرف مع الصدام طبعاً المشوخ ( المخوش ) الحكات :: تروح 85% بس مالمعتها للحين .



وايضاً :(



وهاذي المرايه القزازه حقت الاشاره مكسوره << مالها دخل اقصد :(




ارآآآئكم ..

[الهنادي راس مــالــي]

اهنييييييييييك عالجوال اول شيء ماشاء الله تبارك الله كذا ،،

ثانياً ،، لمع تلميع لا يعلى عليه وبعدها شوف البويه الي رايحه وسوي لها تنقيط فقط ،، لأنك لو سمكرتها راح ترش الرفرف كامل وهذي مو زين بحق ان الموتر لساته جديد;) ،،،
ثاني شيء وش ذا القبعات اقسم لك بالله قلت راحت السياره وطي ياخي روعتنا إذا جيت تكتب عنوان اكتب عنوان عدل مو قبعات انت ووجهك خوفتنا عليك ،،

ثالثا بالنسبه للمرايه ماتتصلح مالك الآ تروح لم التشليح او الوكاله وتشتري لك وحده والله يعينك اذا سيارتك فل كامل << لأن سعرها فوق الـ ١٠٠٠ ريال :(

والله يكون بعونك انت وقبعاتك

[f a w a z]

^

^

هههههههههههههههه بس حتى لو لمعتها تبقى فيها عفطه يعني الرفرف داخل شوي

لو في اناره زينه كان عرفت اصورها صح

بس البلا بالعفطات مو المشوخ

مشوه المنظر

والمرايه يمكن تتغير حقت الاشاره بس وانا فل يعني المرايه بـ 1250 خلها كذا احلى شكل


بس قلت بالموضوع قبعات عشان اسوي جذب للموضوع وهي صدق قبعات ما كذبت ..

[الهنادي راس مــالــي]

والله يالغالي مالي علم بالعفطات الا السمكرة اذا فيه شيء ثاني انا بكون فيها جاهل ،، وبالنسبه للمرايه ماتتغير حقت الإشاره لو بتطير لازم تغيرها كامله :( ،،، وبعدين القبعات اول ما اسمعها لازم في نفسي اقول ان الإرباقات طالعه هذا شيء والشيء الي اسمعه بعدها يا اصابه او وفاة << اعووووذ ابالله منك ومن سوالفك الي تجيب الماغص بالراس وشد عضل بالضرس :p ،، ع العموم امورك تساهيل ان شاء الله ولا تشيل هم

[f a w a z]

شباب ابي اسأل عن بخاخ فريزر freezer

والطريقه حقت الاستشوار والبخاخ


هل تنفع الطريقه ؟ في احد جربها ونفعت معه ؟

هل هناك حل اخر غير اني اغير الرفرف ؟

هل هناك حل تعديل مضبوط يرجع وكاله تقريباً او لا ؟

وين ينباع بخاخ فريزر بشرق الرياض ؟

وآسف على كثر الاسئله ..

[الصقار]

فواز .. اسأل عبدالمجيد عن المصري ..

شغله لايعلى عليه .. وشف لمع الموتر جرب ان شاء الله انه بيزبط

دفعة بلا وتكفي عن العين ان شاء الله .. كان دراهمك واجد طق رفرف جديد قيمته 500 ريال ..

والرش بأطلق ورشه موب متعدي 500 وادلك ع الورشه ..

بالتوفيق

[f a w a z]

الرفرف الخلفي اصلي بـ 500 ريال بس

[f a w a z]

:(

[f a w a z]

شباب عطونا الي عندكم

90 مشاهده ؟؟!!

[الهنادي راس مــالــي]

حرام والله تشتري رفرف بسبب هالمشكله ،، في ورش عندهم جهاز شفط او امتصاص دور لك ورشه او اسأل عنها وباذن الله تنجح وربي مشكلتك بسيطة تروح تشتري لك رفرف !! ترى إذا شريت رفرف ترى الدعوه فيها قص وماقص << انتبه

[ف هـ د 1]

حبيبي

شوف الورش احسنلك خل يطلعونه لك بالشفط (( بالحراره )) ويرجع ولا كأنه فيه شي

احسن من تخسر سمكره وسوي تلقيط حق الرفرف

[f a w a z]

حرام والله تشتري رفرف بسبب هالمشكله ،، في ورش عندهم جهاز شفط او امتصاص دور لك ورشه او اسأل عنها وباذن الله تنجح وربي مشكلتك بسيطة تروح تشتري لك رفرف !! ترى إذا شريت رفرف ترى الدعوه فيها قص وماقص << انتبه

المشكله اني ابي الموتر يرجع زي اول :(



ومشكور ..

[f a w a z]

حبيبي

شوف الورش احسنلك خل يطلعونه لك بالشفط (( بالحراره )) ويرجع ولا كأنه فيه شي

احسن من تخسر سمكره وسوي تلقيط حق الرفرف

طيب وين اسوي الشفط الي تقولون عنه في ورشه بالرياض ممتازه ؟:(

[الهنادي راس مــالــي]

المشكله اني ابي الموتر يرجع زي اول :(
ومشكور ..

ثق مني ثقه تامه إذا كان شغل الورشه الي راح تشتغل فيها مضبوط راح ترجع لك مثل اول واحسن ;)

[TOP MAN]

عزيزي أنت في بلد أكثر اللي يسوقون غشمان ( تكاسي وسواقين وصغار سن ) فانا أقول تلميع خارجي كامل يكفي لأن والله حرام تصلحها أو تغيير رفرف واليوم اللي بعده واحد صاقعك .. والرأي الأول والأخير لك .. دمت بود

[f a w a z]

عزيزي أنت في بلد أكثر اللي يسوقون غشمان ( تكاسي وسواقين وصغار سن ) فانا أقول تلميع خارجي كامل يكفي لأن والله حرام تصلحها أو تغيير رفرف واليوم اللي بعده واحد صاقعك .. والرأي الأول والأخير لك .. دمت بود

مشكور اخوي وهذا الي بيصير والشكوه لله بس القهر اني مهتم بالموتر

بس الحمدالله على كل حال

[f a w a z]

بالنسبه للاشاره حقت المرايه رحت الوكاله اليوم سعرها بـ 430 مدري كم نسيت بالضبط :(

والله تحسفت ادفع على بلاستيكه هذا المبلغ ..

بشوف محلات قطع الغيار ممكن احصل ..

واذا ما حصلت مالي الا اخذها وبس..

[f a w a z]

تم تصليح العفطه الي بالرفرف بالحراره والتعديل اليدوي ورجع بنسبه 95%

والورشه ما شاء الله شغلهم رهيب واخذ 300 ريال تقريباً فقط ولكن يستاهل

~~~

بس بقى المرايه

مره اقول بصلح القزازة حقت الاشاره بس بـ 400 والتركيب مدري يمكن 100

ومره اقول اشتري مرايه جاهزة بلون السيارة بـ 1200 والتركيب بـ 150 لان فيه حكات بالمرايه بس مو واضحه

وفي ناس تقولي رح دكتور زجاج وما خليت دكتور زجاج مارحت له يقول ما اقدر اسوي لك شي

ارائكم

[B 5ob3aH]

هلا فوواز

كان الله بعونك..

بالنسبه للعفطه الحمدلله انها راحت..

..

المرايه حرام ادفع فيها 400 عشان ادفع فيها 1200

فيه محلآت متخصصهـ بهالشياء..

على ماعتقد يفصل لك بلاستيكه..

أو يعبي مكان الكسر بماده بلاستيكيه..

..

ماعرف مكـآنهم..

بس مو ترووح للسبايك ذولي اللي بالنسيم وتقول مافي حل..:d

..

انشالله الشباب يفيدونك عن محل ممتاز..

وانشالله تزبط امورك..

وعقبال الشاشهـ..