مآلي إلآ الله ثم أنتم.. مشكلـة طفشتني بالايربآق

**أحلى فلاوي** · 15-02-2010, 03:33 AM

السلآم عليكم ورحمة الله وبركآته

كيف الحآل ..؟ إن شاء اللـه كل أكوردي (مآلك أكورد) فيكم بخير ههههههههه

واللـه زي مآانتم عآرفين وللـه الحمد اشتريتمن فترة اسبوعين أكوردتي 2010 الستة سلندر

وطآل عمركم على طول أحد أساسيآتي وأساسيآت الجميع .. ركبت نآيلون بالأرضية

ومن بعدهآ ولعت لمبـة الايربآق

رجعت للي ركبه لي وقلت له وسويت له مشكلة .. بس قآلي والله حنآ نفك المرآتب ونركبهآ مآ نلمس شي

وبيني وبينكم آنآ وأخوياي مركب عنده كثير وأول مرة تصير معي

قلنآ نصبر للـ 1000 كيلو وأوديهآ صيآنة الموزع ( لأن مآ عندنآ وكآلة بالجوف):d

المهم وديتهآ وقآلوا لي هذآ لآزم تروح للوكآلة بالرياض

يوم آنآ وجهي صآر كذا :(

فتكفوون اللي عندهـ حل يفيدني غير توديتهآ الرياض

والله آنآ أحتآج السيآرة والجآمعة مآ بقى لهأ شي وتبدأ

تحـ لكمـ يتيـ ـ ـ

**أغـار يا هـوندا** · 15-02-2010, 04:38 AM

والله ما معكـ إلا تروح الرياض ... إنت مو فاظي للمشاكل وسيارتك جديدهـ لو سيارتك 82 كان عادي
تقبل مروري ,,,

**HONDA HAILL** · 15-02-2010, 04:47 AM

على البركه الأكورد الله يعطيك خيره ويكفيك شره ,,,,

اكيد انهم يوم فكــو مراتب سيارك وفصلو الفيش اللي تحت مقعد السائق بتاع حزام الأمان ,,, ونسيووو يركبووه ...

شيك على الفيش اللي تحت مرتبة السائق ...

>>>>>>>> هذا اللي اعرفه :o

**memories** · 15-02-2010, 08:02 AM

^^^^^^^^^^^
مافي كلام بعده

ارجع للي ركب النايلون وخليه يشيك عالافياش يمكن في فيش مفصول او مو مشبوك تمام

**بلا حدود** · 15-02-2010, 09:58 AM

المفروض يفصل اصبع البطاريه قبل مايفك الكراسي

**Doabil** · 15-02-2010, 03:30 PM

اخوي لا تنتظر الالف كيلوا الآن روح لا يبتلوا عليك و يقولوا السيارة جالها حادث او شي ...... خلك في المضمون:(

**اكوردsky** · 15-02-2010, 03:35 PM

الفيش شيك عليه نفس كلام الاخوان
ولاتخاف بسيطه ترا ;)

**المايسترو77** · 15-02-2010, 05:45 PM

لاتشيل هم وانا اخوك يمديك تسويها بنفسك
في فيش فصلوه العمال لما فكوا المقاعد تلقاه اسفل المرتبة على طول

**salamify** · 15-02-2010, 06:00 PM

مثل ما قالوا الأخوان أو إن العمال فاصلين السلك اللي تحت المرتبة وشغلوا السيارة أو السيارة أو السويتش قبل ما يشبكون السلك فهذي الحركة تسبب مشكلة حتى لو رجعوا وشبكو السلك فما راح تروح اللمبة في بعض الأحيان ولكن مشكلتها سهلة وتسوي لها الوكالة برمجة وتضبط إن شاء الله..

**accordyon** · 16-02-2010, 01:19 AM

بعد ماتشيك الأسلاك الي تحت المرتبة افصل اصابع البطارية لمدة 30 دقيقة
نص ساعه وارجع اشبكها بكذا يعيد برمجه كمبيوتر السيارة

**coo** · 16-02-2010, 12:57 PM

اخوي المشكله سهله

اللمبة معلقه ؟؟؟؟؟؟؟؟؟؟؟ ماتطفي ابد؟ والا اول ماتشغل تشتغل وتطفي ؟؟؟؟

اذا اول ماتشغل تشتغل وتجلس حوالي 10 ثواني وتطفي عادي هذا يعلمك ان الايرباق في وضعية التشغيل ولكن اذا هي مطول ماتطفي ابد معناها ان السلك يحتاج توصيل فقط ارجع للي مركب لك النايلون وخله يفكها وشيك انت على الاسلاك اذا مافيها قطع وبعدين ركب وافصل اصبع البطاريه وركبها وشوف والله يوفقك ومبروك السياره

**أحلى فلاوي** · 16-02-2010, 01:24 PM

أولا أقدم الشكر للجميـع على آرائهم

وآنآ صارت لي فرصة ورحت تبوك قريبة مننآ

ومريت وكآلة عبد الله هآشم وقآلي نفس الكلآم

أول مآ برجع بسوي الأشياء اللي قلتوهآ

وبررد لكم

مشكورين

تحـ لكـ يتيـ ـ

**أحلى فلاوي** · 18-02-2010, 03:03 AM

الحمممممد للـه علىا سلآمتي أول شي

والحمـد لله على سلآمـه سيآرتي من المشكلة

والحـل طلع كآلتآلي بعد التجربة

عند فصل الأفياش اللي أسفل المرتبتين للتنجيد أو تركيب نآيلون أو أي شيء

أول شي نرجع نشبهم وهم ثلآث أفياش بكل جهة

وبعدين نفصل أصبح البطآرية لمدة خمس دقآئق فقظ

ثم نشد الأصبع من جديد ونسمي بالرحمن ونشغل السيآرة

وبإذن اللـه تطفي اللمبـة

.. أحب أشكر الجميع على ملآحظآتهم واهتمآمهم

وأتمنى اللي عندهـ المشكلة يكون استفآد من الحل

تحـ لكمـ يتيـ ـ ـ

**اكورد 2006 وبس** · 18-02-2010, 02:51 PM

^^^^^^^^^
يعطيك العافية

**اكوِرد** · 20-02-2010, 02:28 PM

طيب .. الحين اذا فصلت اصبع البطارية مايوقف كمبيوتر السيارة ويحتاج برمجة والا كيف ؟؟.

ياليت واحد يوضح لي لاني ماعندي خبرة في هالامور ,,,

وانا ناوي اشد اصبع البطارية علشان احل المشكلة اللي تطلع لي عند تشغيل السيارة في بعض الاحيان وخايف من سالفة الكمبيوتر ..

**أحلى فلاوي** · 21-02-2010, 12:14 AM

واللـه يالخوي

زي مآ قلت لك أبد فصلته خمس دقائق

ومجرد ما شديت الاصبع من جديد

وشغلت رآحت اللمبة

ورجعت عدلت السآعة واعدادات المسجل لآنهآ ترجع زي أول

(طبعآ الكلآم مو من رآسي يعني من مهندس الصيآنة نفسهم للشركة )

أتمنى أفدتك خيو

تحـ لكـ يتيـ ـ ـ