مشكله

[فقير الحظ]

سلآم عليكم

مساء الخير


عندي مشكله اذا رفعت الدريشه اوتو تصعد للاخر بعدين تنزل من حالها .. وش السبب

مشكورين

[slaitr]

صارت لي تقريباً نفس مشكلتك

اذا رفعت الدريشه بالاوتو يرتفع القزاز للنص ثم ينزل

انحلت المشكله عندي يا انها صلحت من نفسها او اني فصلت البطاريه نص ساعه

والله ناسي

جرب افصل البطاريه يمكن تصلح

[المـــــلكـ اكـــــورد]

1-اذا انت غيرت بطارية فحلها انك تعلق على الزر يدويا صعودا ونزولا يعيد لك برمجة الاوتو او انك تصبر عليها كم يوم برضو تتبرمج بروحها

2-واذا ماغيرت بطارية فمااقولك الا الله يرحم مكينة القزاز عندك
فيها كلبسات وانعدمت مع الوقت

او ان وزنيتها اختلفت ..<<واذا كان هذا اللي حاصل اقرب كهربائي مختص اصلاح قزاز

*سعر المكينة في التشليح على مااذكر ب150 ريال

وان شاء الله حل مشكلتك تكون الاولى

[honda-511]

صلي عالبني لا تفجع الرجال سيبها مع الوقت تبرمج نفسها هههههه
honda-511

[Accord_Akkawi]

صارت معي والمشكلة في التظليل

[محجوب]

صارت عندي من قبل ..
افصل البطارية ارجع اشبكها وانا اقول لك 99% بترجع مثل اول ..

[فقير الحظ]

جزاكم الله خير ,,


بجرب كل شي ,,

[B Useful]

لا تفكر تشتريها من الوكالة ..
سعر مكينة القزاز للأكورد ٢٠٠٨ باب خلفي حول ( ١٠٠٠ ) ريال فقط لا غير ... <<< ويقولون قطعها ارخص من الموديلات اللي قبل

[AliAhmed]

سعر مكينة باب السواق في الوكالة .. 700 ريال وكسور بعد !!!

المشلكة صارت لي وفصلت البطارية فترة طويلة .. وما انحلت ..

الحل اشتري لك مكينة من التشليح .. ماتتجاوز 150 ريال

[accordyon]

قبل كل هذا نظف مجرى الدريشة يمكن يكون فيه وسخ او اي شي عالق
وبكذا بترجع اوتو جرب واذا مانفع مالك غير حلول الشباب

[يسوري]

يا خوي اذا تبي ترفع القزاز اوتو لازم يكون القزاز نازل للأخير لاكن اذا رفعته اوتو من النص راح يطلع و ينزل مرة ثانيه


هذا كل ماعندي
تقبل مروري ...