رجه الكفرات رجت مخى دخيلكم حل

**حميد** · 05-03-2010, 05:12 PM

السلام عليكم
اخوانى عندى مشكله وربي جننتنى في سيارتى ركبت كفرات قوديير المانى قبل تقريبا شهر وشويه الان فيها رجه لمن اسوق السياره تبدا الرجه وبعد ربع ساعه تختفى وديت الموتر للوكاله عشان الصيانه وقالى هاذى ميه بالميه من الكفر وفحصو السياره وديتها تالى للوكيل قوديير بالخبر الراشد وفحصو الكفرات وقالولى مافيها شي ورصصوها مره ثانيه ومازالت المشكله قائمه المشكله بالضبط لمن تكون السياره واقفه فتره بعدين شغلتها ومشيت بالسياره تظهر الرجه وخصوصا بالدركسون بعدين ربع ساعه من المشى تختفى
تكفون وش الحل مع هالسياره المريضه قسما بالله وربي عافت نفسي منها كل فتره ومشكله الله يقلعها ماسارت حاله ذى والله تعبت يالنشامه دخيلكم نخيتكم وش اسوي ووين الورشه الكويسه الى تفحص موترى بامانه بالشرقيه تكفون

**المباشر** · 05-03-2010, 06:05 PM

وعليكم السلام ورحمة الله وبركاتة

اذا معبي نيتروجين فهو السبب اذا كان بارد يسبب لك رجة واذا صار دافئ تروح

بدل النيتروجين بهواء عادي وجرب ورد لي خبر

واذا راحت الرجة وحبيت ترجع النيتروجين مالك الا الصبر على الرجة

ملاحظة : بعد تبديل النيتروجين بهواء عادي ارجع وأفحص الترصيص

**حميد** · 05-03-2010, 06:12 PM

اخ المباشر ما اعتقد انى معبي نيتروجين انا معبي هواء لانو لو معبي نيتروجين كان دفعت زياده بس ياخى ظايع مدرى وش الهرجه .

**حميد** · 06-03-2010, 07:18 PM

اخوان ابي احد يحلل مشكلتى تحليل علمى يا جماعه الخلل من السياره ولى الكفرات شو اسوى محتااااااااااااااااااار
:(

**MA6ANSH** · 06-03-2010, 08:05 PM

شوف ياخوك ولد عمي معه ازيرا وداها الوكاله ونظفوا له الهوبات بماده مدري وش هي
هذي الماده اذا مشيت بالسياره فتره الوضع اوكيه شوي ويجي رجه فجأه كذا تقول زلزال مفاجئ وثم يهدي وتروح يعني احيانا مالها دخل بسرعه معينه اهتزاز مفاجئ كذا 5 دقايق ويروح من حاله
اثاريها من الماده حقتهم ذي عادي اعطاها ثلاث ايام الين مانشفت وراحه الرجه الى الابد.
فانت اعطها ثلاث ايام كذا وان شاء الله تروح وطول بالك خيو.

**MA6ANSH** · 06-03-2010, 08:08 PM

اذا ما كنت دخلت السياره الوكاله ونظفوا لك هم الهوب
يمكن نفس قوديير هم اللي نظفوه
بس عادي من اعراضها

1_ حراره قويه بالجنط
2_ريحه غبيه بعد الممشى الطويل
3_رجه مفاجئه لمده ثم تروح

اعطها 3 ايام الين تنشف وشف وش يصير معك

**الهنادي راس مــالــي** · 06-03-2010, 09:59 PM

جرب الترصيص الأرضي ،، بمعنى انهم يرصصون الكفرات من دون مايفكونها وركب الترصيص اللزق ...
انا كانت حالتي مثلك ومركب نفس كفراتك بالضبط رصصتها ترصيص بناشر الي يفك الكفرات ،، ثلاث مرات ولا نفع ،، رحت لم العضيب وضبطها لي والسياره معاي للحين ماشيه ولله الحمد ،،

**للمعلومية :

الترصيص العادي : سرعته من ٤٠ إلى ١٠٠
الترصيص الأرضي : سرعته من ١٠٠ إلى ١٤٠
وكل ماكان الترصيص اسرع كلما كان افضل ..

**حميد** · 07-03-2010, 01:56 AM

والله ياجماعه كلامكم على العين والراس لاكن انا فعلا دخلت موترى لصيانه ال 90000 وقلتلهم هالمشكله قالى احد المهندسيين سعودى هاذى من الكفرات مئه بالمئه وشرحلى كيف تكون الرجه تقولون هو معى بالسياره الموهم فحصو الموتر ومالقو فيه اى مشكله وكتب لى تقرير موجه الى شركه قوديير للكفرات وكتب فيه ان السياره خاليه من اى عيوب تصنيعيه الرجاء فحص الاطارات
يوم رحت لقوديير شيكو على الكفرات قالو لى ان الكفرات سليمه ومافيها رجه مع العلم ان قبل هالسالفه سويت ترصيص ارضى ابو سرعات عايع ونفس المشكله
قبل ما ارد عليهم قبل ساعتين تقريبا رحت لبنشرى يمانى شرحتله سالفتى قالى شوف الكفرات وسيارتك مافيها شي لاكن هاذى ميزه بالكفر وخصوصا الموديل الى انت مركبه قلت اشلون قال شوف السياره لمن توقف مده تقريبا ابو 8 ساعات بدون حركه الكفر نفسه يفرش بالارض عشان يريح بمجرد انك شغلت السياره وبديت تمشي تبدا الرجه لان الكفر اخذ وضعيت الارتخاء مع الحراره شوي يبدا يتمدد ويكون على وظعيته الطبيعيه وتختفى الرجه
قلت طيب قال لاتسوي شي او تغير الكفرات بنوعيه ثانيه
قلتله سلماااااااااااااااااااات اول مره اسمع فيها ذى
بس ياجماعه وش اسوي هل اروح للوكيل بكره الصبح واطلب منه يغير الكفرات ولى اخذ فلوسى ولى وش اسوى شورو عليى يا اخوان

**المباشر** · 07-03-2010, 02:46 AM

الترصيص الأرضي جدآ جدآ ممتاز بس عيبه انه غالي شوي

توايري جديدة لها 5 شهور وجابت لي الجنون بالرجة وماخليت شي ماسويته والى يومك فيها رجه

باقي اجرب الترصيص الأرضي واشوف اخرتها

للمعلومية فحصت التواير في مركز بريللي وطلع عندي خلل فيهم وهو سبب الرجة

راجعت الوكيل ومع الأسف مش مقتنعين ان فيها مشكلة وانا شفت الخلل بعيني عند بريللي

ركبوها بمكينة فحص وغيره وطلع التقرير بدون مشاكل واقولهم خلني اوريكم المشكلة رافضين

**حميد** · 07-03-2010, 02:52 AM

اخوى المباشر يعطيك العافيه
طيب وش تنصحنى اروح لبريلى واخليهم يفحصون التواير انا بالشرقيه اى فرع تنصحنى اروح يمه وبكم الفحص يخوى

**المباشر** · 07-03-2010, 03:05 AM

الفحص عند بريللي كان عادي ركبوه بماكينة ترصيص بس بسرعة بطيئة جدآ

وبعدين الشباب قالوا لي تعال شوف

واشوف الا التاير فيه خلل مرتفع من جهه ونازل من جهه

والشباب سعوديين يعجبونك في الفرع اللي على طريق الكباري

**حميد** · 07-03-2010, 03:09 AM

يعطيك العافيه اخوى ماقصرت يالغالى

**اكورد 2009 ميمو** · 07-03-2010, 04:26 PM

والله يا اخوان انا عندي نفس المشكله لكن لسى على كفرات بلدها مشلان اكور 2009 وتطلع معاي الرجه لما احط فرامل من بعد 160 كلم بالقوه تمسك كم مره كنت بصدم بالتفتيش ومرات بسارات ماتمسك وترج لازم ارفع رجلي كل شوي واضغط مره ثانيه بعدين تطلع ريحه
هي ماكانت تطلع بس مره غسلت السياره والهوبات حاره والمغسله كب مويه على الهوبات ودخنت بس وديتها لصيانه وغيرولي هوبات بعد 3 مرات خرط وللحين هي زي ماهي وقالو لي هوبات لكن غيرتها وخرطها كم مره وللحين زي ماهي احد مرت عليه ؟؟

**المايسترو77** · 07-03-2010, 05:08 PM

حميد اتوقع من الكفرات مية فالمية لانك سويت كل الحلول
شوف وش يصير مع بيريللي ورد لنا خبر.. موفق ان شاء الله

**حميد** · 07-03-2010, 09:36 PM

اخوانى شي غريب رحت يم برلى وفحص السياره وقالى الكفرات مافيها شي يمكن من السياره الغريب انو رحت عند واحد من الشباب نفس موترى واخذت كفراته وسئلته سيارتك فيها رجه قال لا قلت ابي اخذ من الكفرين الى قدام واجربهم وفعلا جربتها وسارت الرجه تروح وتجى فكيت كفراته من جنوطى وركبت الجنوط الى عنده ونفس المشكله .............. وش تتوقعون من السياره ياشاباب
ارجوكم ردو علي والله ظعت واحترت معها مدرى وش اسوي ولى اروح يم الوكاله بكره الصبح

**ulv** · 07-03-2010, 11:09 PM

والله مشكله وهذي قو يير الماني يعني وغاليه وتعمل كذا .........الحل انك تغير الكفرات وامرك لله بس شيك على تاريخ الكفر ممكن يكون قديييم
وبالنسبه للي يقول بعد 160 سرعه في رجه اكيد الفرامل الخايسه دي حق الوكاله انصحك بفرامل سيرامييك ميه ميه واي خدمه انا حاضر

**حميد** · 07-03-2010, 11:45 PM

بكره الصباح بودى سيارتى الوكاله واشوف ايش يسير معى ادعولى ياجماعه تعبت من كثر الروحات والجيات معاد لى صبر لاكن كل تاخيره فيها خيره انشالله وعسا خير
لاكن لاتحرمونا من سماع ارائكم
مشكورين

**الهنادي راس مــالــي** · 08-03-2010, 03:58 AM

^^^ ياخي وش دخل الوكاله إذا انت تقصد وكالة عبدالله هاشم !!!
رووح لم وكالة الكفرات قودير وانشب لهم ،، من المعروف ان وكالة عبدالله هاشم قالوا لك انها من الكفرات فشيء طبيعي انهم يقولونها ثاني مره لأن الوكاله معطيتك تواير ميشلان او برجستون بيطالعون التواير بيحصلونها قودير وعلطووووول بيعطيك المخرج :d ،،
قبل كل شيء رصص ارضي كلها بـ ١٢٠ ريال وبعدين شوف ،، مع العلم انو الترصيص الأرضي عليه ضماان شهر يعني لو ماراحت الرجة انشب للمحل الي رصص لك ،، وانصك بالمحلات المشهوره امثال العضيب << بس مادري عندكم فرع العضيب بالشرقيه او لا ؟؟ ،،

**حميد** · 09-03-2010, 12:26 AM

الهنادى المشكله سويت ترصيص ارضى مافي فايده الشي الثانى ركبت كفرات برجستون قدام تبع واحد من الشباب ونفس المشكله ياجماعه

**حميد** · 10-03-2010, 04:58 AM

اخوانى الحل يا جماعه مع هالمشكله

**azooz291** · 11-03-2010, 10:01 AM

الله يعينك على هالمشكلة.
من وجهة نظري تغير الكفر ,لأنه حسب ماسمعت Goodyear للأسف غير جيد.

**MA6ANSH** · 11-03-2010, 07:59 PM

طيب انت جربت بس كفرات قدام حقت خويك
طيب افرض انها من اللي ورى
ياتجربهم كلهم الاربعه ولا ارتح
رح وجرب تغيرها كلها
او ركب طقم كفرات دنلوب تراه برضه مريح في الخط
والله ييسر امورك ان شاء الله .