هوندا من أسوء الصيانات بالدمام ، !

**kakashi-san** · 21-03-2010, 11:45 PM

.
.

.

الســلام عليكم ورحمةُ الله وبركاته ،،

أسعد الله أوقاتكم بكل خير ..

ما يحتــاج اطول بالموضوع ..

,
,

كانت عندي مشكلة في سيارتي من فترة ولا عطيتها اهتمامْ ..

اللي هي ، كان القير يتحرك من مكانه بشكل بسيط جداً ، يعني تحس انه مب ثابتْ ..

انا قلت دام التعشيق ما عليه كلام ، وكذلك التبديلات ماشيه زي العسل ، فليش أهتم بالمشكلة ..

لكن مع مرور الوقت ، تفاجأت خلال آخر أسبوع أن القير فيه مشكلة ..

لما أجي أغيّر التعيشق من P إلى R ، يطلع لي صوت ، كأن واحد صادمني من الخلف ،،

..

المهم رحت لوكالة صيانة الدمام ، اللي جامعين أكثر من 7 مدن في صيانة وحدددددده بس !!!!

رحت لهم وشرحت لهم المشكلة ، مع اني ماخذ موعد ، ومداوم على تشيكات الوكالة ..

قالوا تدفع 160 للتشيك ، نشبت لهم انهم يسوونها على الضمان ، قالوا ما فيه ،،،

في الأخير ، مر تقريباً ، يوم ، يومين ، 3 ايام ، اما اتصلوا فيني ، !!

اضطريت اني انا اللي اتصل فيهم ، وقالوا اي سيارتك السوداء خلصتْ < يعني السيارة مخلصه ولا قالوا لي ، !!!

المهم رحت لهم ، وقالوا اني مسوي عليها حادث من تحت السيارة ، !

يعني ابغى افهم ، السيارة على يدي من الوكالة ، كيف مسوي حادث من تحت ،، !!!

آمنت بالله ، وشلت سيارتي لاني كنت مستعجل ورجعت للأحساء مع الغبنه ، :(

..

رحت وديت سيارتي للرياض ، اللي فيها فرعين ، هذا هي مدينة وحده وفيها مركز صيانتين لهوندا ، والشرقية ما فيها الا مركز واحد !!

المهم دخلت عليهم ، لا حجز ولا شيء ، واستقبال من اروع ما يكون ، واحلى شيء الشاي حقهم :d

شرحت لهم المشكلة ، ومسوين لي حجز للصيانة ، ومن يوم ثاني راسلين لي رسالة ان سيارتِك جاهزة ،،

وتأخرت عليهم يومين ، وكل يوم يرسلون لي رسالة جديدة ، ترى سيارتك خلصتْ ،

تم عمل الصيانة ، وتصليح جميع الاعطال على الضمان ، وطلع كل السالفة ان القير يبي له برمجه فقط لا غير ، !!

واللحين السيارة ، ما شاء الله ، تبارك الله من اروع ما يكون ،

.
.

ما يستفـــاد من موضوعيْ

ان فرع صيانة الدمام ، زباااااااااااااااااااااله بكل ما تعنيه الكلمهْ ،

أعتذر عن هالكلمة ، ولكن كم مرة صادفتني مشكلة وياهم ، ولما اودي السيارة فرع الرياض ،

ألاقي كل حب واحترام واستقبال من اروع ما يكون ، وكأنهم يحسسونك ان سيارتك بي امْ دبليو ..

تم كتابة الموضوع على السريع من القهــَر ، ولكن عشان يستفيد منه بقية الاعضاء وخاصة أهل الشـَرقيةْ ..

.

.
.

**o-k-r** · 21-03-2010, 11:51 PM

عشنا وشفنا ياحلو

انا من شفت لما قالو لي

ان قير سيارتي يحتاج الى توضيب وهو بالأساس الى برمجة جديدة فقط

غسلت يدي منهم

ههههههههههههههه

ومشكور ياحلو

**saudiboy** · 21-03-2010, 11:56 PM

والله انك صادق يا مستر كاكاشي
وخصوصن المهندس عمار السوداني يتكلم بنفس
والشغله اللي تاخذ يوم يخليها اسبوع

بس والله لك مزززاج انت اللي طاق امها مشوار إلى الرياض أهنيك

**abAdy.777** · 22-03-2010, 12:11 AM

وعليكم السلامـ
والحمداللهـ انحلتـ
واهم شي

وكأنهم يحسسونك ان سيارتك بي امْ دبليو ..

هههههه
مايقوولون الـ m5 خلصت بلغلط
لووول
اللهـ يستر من الفرع الي بلحسا بيفتحونهـ

**kakashi-san** · 22-03-2010, 12:21 AM

المشاركة الأصلية كتبت بواسطة o-k-r

عشنا وشفنا ياحلو

انا من شفت لما قالو لي

ان قير سيارتي يحتاج الى توضيب وهو بالأساس الى برمجة جديدة فقط

غسلت يدي منهم

ههههههههههههههه

ومشكور ياحلو

يا رجال ، صيانتهم سيئة ،

وفوق كِذا ما يعرفوا كيف يصلحون السيارة ، !

المشاركة الأصلية كتبت بواسطة saudiboy

والله انك صادق يا مستر كاكاشي
وخصوصن المهندس عمار السوداني يتكلم بنفس
والشغله اللي تاخذ يوم يخليها اسبوع

بس والله لك مزززاج انت اللي طاق امها مشوار إلى الرياض أهنيك

انا بالذات ذا المهندس احس اني حاقد عليه ، :d

اجل تخيل سيارة واحد من ربعنا نبيه يرش لنا الرفرف ،

يقول بصراحة انا ما اضمن يكون نفس لون البدي ، ؟؟؟؟

يعني اذا الوكالة ما تضمن بعد الرش يكون نفس اللون البدي ؟ اجل منو اللي يضمن ؟

المشاركة الأصلية كتبت بواسطة abAdy.777

وعليكم السلامـ
والحمداللهـ انحلتـ
واهم شي

هههههه
مايقوولون الـ m5 خلصت بلغلط
لووول
اللهـ يستر من الفرع الي بلحسا بيفتحونهـ

الحمد لله أن السالفة عدت على خير ..

والله يستر من فرع الاحساء ، هذا اذا افتحوه ،

**شرقاوي هاوي** · 22-03-2010, 12:27 AM

مافي صندوق الشكاوي والمقترحات في الوكاله

بودي نكتب لهم ليصل الكلام للمعنين للأمر وردائه الخدمه وشرط من عندي راح يتسنعو وأول شي يشولون السوداني ههههههااا

**kakashi-san** · 22-03-2010, 12:29 AM

^^^

تعبنا من كثر ما نكتب لهم ..

وقبل آخر مرة كنت كاتب لهم نطالب بفتح فرع صيانة بالاحساء ،،

واتصلوا فيني وقالوا ان شاء الله بنفتح ، وعسى خير ..

اما سالفة هالمشكلة ، سحبت عليهم وطلعت للرياض وخلصت السالفة في يوم ..

**Classic Design** · 22-03-2010, 12:37 AM

هلا يوسف

الحمدلله السيارة طلعت سليمه

و هذي أخلاق المنطقه الوسطى ( الرياض و القصيم ) :d

**accordyon** · 22-03-2010, 01:28 AM

سبحان الله اي شي بتسويه في الشرقية تجًهز حق ام التعقيد وكالات دوائر حكومية.... الخ
واذا تبي ترتاح وتخلص شغلك سريع سريع روح الرياض وشوف كيف تمشي امورك<< لبى الرياض:o
يعطيك العافية كاكاشي ع التنبيه

**S.M.A.R.T** · 22-03-2010, 10:27 AM

طيب الحمدلله على السلامة وكويس ان فرعنا جيد لان بعض الاحيان يسوي حركات نص كم :d

ثاني شي: مرة ثانية تدق علينا اذا جيت الرياض يالقاطع ;)

تشااااو

**ACC0RD-V6** · 22-03-2010, 11:31 AM

زين ياكاكاشي
انك رحت فرع الرياض اصرف لك من الي في الدمام>>مشوأر الرياض
انا جربتهم من قبل صحيح صيانه سيييييئه مرهـ
اقولهم عن كم مشكله وتشيك ال5000
يغيرون لي زيت وبس ولا سوو شي غيرهـ :(
وقعدت السياره عندهم يوم كامل ولا اتصلو علي ولا رسـالــه
ورحت انا الوكاله وشفت السياره جاهزه

**أكورداوي** · 22-03-2010, 11:40 AM

من صدمه تحت السياره الى برمجه !!!

الله يرحم أيامكم يا خاجه وعبيدالله .. الحين مافيه الا مهندسين فاشلين للأسف في فرع الدمام

**salamify** · 22-03-2010, 12:29 PM

الحمدلله إن مشكلة سيارتك طلعت بسيطة وأكثر من شخص يمدح وكالة الرياض..
موقف حصل لي مع وكالة الدمام.. كانت عندي مشكلة في الجلد حق باب السائق والمشكلة دخول مويه لما أغسل سيارتي وديتها الوكالة وقالوا لازم يشوفها مهندس السمكرة وجاء المهندس عمار ويشيك يقول الرفرف متحرك عن مكانه ومفصلات الباب متحركه وممكن تكلف أقل شيء 3 الاف قلتله تستهبل إنت! عمر سيارتي ما صار فيها هالشيء ولله الحمد وقمت طنشت المشكلة ومرة كنت بالوكالة بالصدفة ولقيت مهندس السمكرة (واحد مصري محترم) شيك عليها وما ادري ايش سوى في الجلد ورش عليها المويه ومن يومها ما دخل مويه وقلت الله يقطع وكالة هذا شغلها ومهندسيها مثل كذا .. قال ايش قال 3 الاف وفي الاخير انحلت المشكلة ببلاش فهذا شيء خلاني أتردد كثير في مصداقية شغل الوكالة..

**أبو الريش** · 22-03-2010, 01:26 PM

انا مؤيد لـ كلامك يا يوسف و كلهم نصابين في تشيك السيارة يقولوا لكم كلام و المشكلة كلام ثاني يختلف عن الي قالوه
و مثل ما قال اكورداوي الله يرحم ايام عبيدالله والله ، ناس تساعدك و تخدمك و نعم المهندسين اما الحـين للأسف كلهم يحملوا اسم مهندس على خرطي
يمكن الفلبين حق الأعطال الميكانيكية كويس الي اسمه فلهامسون << حاجة مثلها :d و موظف الإستقبال بصراحة هذول الي معاملتهم كويسه
اما الباقي لا حدث ولا حرج مع احترامي لا يفقهون في شي و حتى الكاشير الي تدفع له الفلوس التصليح رافع خشمه مدري على ايش

**FiReFiGhTeR** · 22-03-2010, 02:14 PM

اجل شكلي بالسوي صيانة ال100000 بالرياض ابرك و احسن من هالدجه المتكتله على طريق الدمام - الخبر ...

**salamify** · 22-03-2010, 03:01 PM

المشاركة الأصلية كتبت بواسطة أبو الريش

انا مؤيد لـ كلامك يا يوسف و كلهم نصابين في تشيك السيارة يقولوا لكم كلام و المشكلة كلام ثاني يختلف عن الي قالوه
و مثل ما قال اكورداوي الله يرحم ايام عبيدالله والله ، ناس تساعدك و تخدمك و نعم المهندسين اما الحـين للأسف كلهم يحملوا اسم مهندس على خرطي
يمكن الفلبين حق الأعطال الميكانيكية كويس الي اسمه فلهامسون << حاجة مثلها :d و موظف الإستقبال بصراحة هذول الي معاملتهم كويسه
اما الباقي لا حدث ولا حرج مع احترامي لا يفقهون في شي و حتى الكاشير الي تدفع له الفلوس التصليح رافع خشمه مدري على ايش

صح كلامك يا أبو الريش..
الشاهد الله إني أحترم 3 أشخاص في صيانة هوندا الدمام وشغلهم من قلب ويعاملونك بكل إحترام ألا وهم..
مهندس الإستقبال/ عبدالله الشريف جدا محترم وإنسان يقدر وما أقوله عن أي مشكلة الا تنحل ولله الحمد..
مهندس الإستقبال/ الفلبيني فيلمون .. الله يرجك يا أبو الريش أجل فلهامسون .. فلبيني محترم وما تستقبل السيارة الا وهي في أحسن حال..

وأخير أحمد الأسمري .. إنسان طيب وحبوب ودائما البسمة على محياه وفوق هذا جدا متساعد..

**meshoo** · 22-03-2010, 03:48 PM

المشاركة الأصلية كتبت بواسطة salamify

صح كلامك يا أبو الريش..
الشاهد الله إني أحترم 3 أشخاص في صيانة هوندا الدمام وشغلهم من قلب ويعاملونك بكل إحترام ألا وهم..
مهندس الإستقبال/ عبدالله الشريف جدا محترم وإنسان يقدر وما أقوله عن أي مشكلة الا تنحل ولله الحمد..
مهندس الإستقبال/ الفلبيني فيلمون .. الله يرجك يا أبو الريش أجل فلهامسون .. فلبيني محترم وما تستقبل السيارة الا وهي في أحسن حال..

وأخير أحمد الأسمري .. إنسان طيب وحبوب ودائما البسمة على محياه وفوق هذا جدا متساعد..

تقصد محمد الاسمري (الدب) يافهد ؟

والله من جد صيانة الدمام الله بالخير واخرتها يوم السبت مريت عمار الفله لسبب ان واحد صقعني من الخلف ورحت عنده ابي تسعيره مأمداني اقوله شوف الصقعه وش احتاج غير صدام خلفيه قال شوف الشنطه مايلللله يبي لك شنطه وان قاعدة الشنطه في الصدام قلت له ياعمي وييييين بتوسوس فيني ودقق شوي وطلع الاسطب الي مركبه انا واحد ملتصق بالثاني والجهه الثانيه متباعد قال ايش قال شنطه , والله يعين الجميع

**الوهم الاخير** · 22-03-2010, 04:07 PM

والله احنا عندنا وكالة هوندا بجده فرعين

فرع المينا وفرع طريق المدينه الطالع وبصراحه ماقد جربت اللي في طريق المدينه رغم اني ساكن قريب منه

لانه ناس قالولي انه المهندسين اللي في فرع المينا قدام ولهم خبره اكثر من اللي على طريق المدينه

ويعطيك العافيه

**salamify** · 22-03-2010, 08:04 PM

المشاركة الأصلية كتبت بواسطة meshoo

تقصد محمد الاسمري (الدب) يافهد ؟

سوري غلطت جيت بأكتب محمد كتبت أحمد .. شكرا عالتصحيح يا مشاري..

**D.H.o.O.o.M** · 22-03-2010, 10:50 PM

يرحم والديكـ لاتمدحهم يخربون علينا خخخخخخخخخخخخخخخ

ما انكر انهم افضل فرع (خريص ) من فروع صيانة عبدالله هاشم بس ترا بعض الاحيان يرفعون الظغط

اهم شي انحلت المشكله الي كنت تعاني منها وطلعت الامور عوافي

تحياتي لكـ

**kakashi-san** · 22-03-2010, 11:45 PM

أي والله ، الله يرحم أيــام أول ..

اللحين تبغون الصدق ، فرع الدمام ، خذ لك منه كابتشينو وأطلع :d

> هذا أحلى شيء عندهم ، وأخلاق الاستقبال كويسه ، أما البـاقي الله يستر عليهــم ..

يــوسف / ابشر بالخير يا بعدي ، بس ذاك اليوم نزلت موتري وكنت مضطر ارجع الاحساء بنفس الوقت ، !

منوّرين يا كويسينْ ،،