كاميرات ساهر بالمنطقة الشرقية

**فتى زهران** · 22-05-2010, 11:16 AM

بسم الله الرحمن الرحيم

السلام عليكم ورحمة الله وبركاته

هذا الخبر منقول لكم من الإيميل طازه

وهذه آخر التحديثات الموجوده عن نظام وكاميرات ساهر بالمنطقة الشرقية وأخص منها محافظة الخبر

والباقي يعلم فيه رب العالمين

بسم الله أبدأ

كاميرات ساهر بالخبر وما حولها
المكتشفة لحد الان

أولا الكاميرات عند الاشارات
المخالفة للي يقطع الاشارة + اللي كفره الامامي يدعس خط المشاة + اللي يلف يمين لازم يوقف ثانيتين ثم يلف + اللي بيلف يمين يمسك سرا باليمين موب يخطم ونفس الكلام مخالفة للي بيعربج وبيعرض موتره قدام الشعب عشان يديور حتى لو ما دعس خط المشاة

اشارة شارع الظهران تقاطع حمود (اشارة ماك وكنتاكي)

اشارة شارع الظهران تقاطع الملك عبدالعزيز

اشارة شارع الظهران تقاطع الكورنيش (اشارة شرطة الخبر)

اشارة المريديان بالكورنيش

اشارتي شارع الملك عبدالعزيز ١٠ + ١٦

الببسي مع الملك عبدالعزيز

اشارة شارع مكة (التوكيلات)

اشارة كوبري الاسكان اللي تروح يمين سوق الغنم ويسار الفوازية والاسكان انتبهوا يعني محد كان يتوقع انهم يحطون عند هالاشارة

اشارة شارع الخبر (معرض السبيعي للسيارات)

هذي تقريبا اللي للان مركبة عليها الكاميرات وأي شي جديد بنعطيكم

والان مع الكاميرات الموزعة بالطرقات والسرعة المحددة

طريق الخبر الدمام السريع (الكباري) أكثر من كاميرا متوزعة والسرعة القصوى ١٠٠ وقد أعذر من انذر

طريق الخبر الدمام السريع اللي يمر بالدوحة والدانة والكلية التقنية وقصر الخليج أكثر من كاميرا متوزعة والسرعة القصوى ١١٠

من بعد زحمة الراشد مرورا بكوبري القاعدة والجامعة ومخرج الدمام يسار وذاك الطريق سيدا لين الجبيل يمين والحسا والرياض سيدا فيه كاميرتين متوزعة والسرعة هنا ١٠٠ ركزوووووووووا

طريق الجبيل والزاحفين اللي يروحون الديوانية السرعة برضو ١٠٠

طريق العزيزية والزاحفين السرعة برضو ١٠٠

**Dodiii78** · 22-05-2010, 11:24 AM

الله يعطيك العافية
بس متى لحقو يركبوهم؟

يلا اولها بيعانو شوي بعدين بيتعودو زي أهل الرياض

**فتى زهران** · 22-05-2010, 11:37 AM

الله يهديك مافيه شي صعب ذي الأيام

في دقايق يمديهم يركبونها ويركبون أبوها بعد :d

الله يكفينا شرهم وأنا أخوك

**Doabil** · 22-05-2010, 03:05 PM

و الله لو انه لصالحك يالمواطن ما تركب
و لكن هذا النظام كالمثل القائل ((( كلمة حق يراد بها باطل)))
يعني اذا تكلمت راح يقال لك هو لصالحك و هذا الكلام صحيح و لكن ابي دراسة مقبولة عن قيمة المخالفات
و ياخي انت لاحظ ان الربح مادي يعني يحطولك سرعات قليلة في خط صحراوي
بكرا الرياض الدمام راح يحددولك السرعة ب ٨٠كم/ساعة يعني اول ما تمسك الخط بتتحمل و بعدها بيروح الصبر و راح تزيد السرعة و هذا شيك راح لل******
رحم الله امرء عرف قدر نفسه.
الاوربين و هم ما يأمنوا بدينهم قد ما يأمنوا بتطبيق دينا من النظام و النظافة و نحن نرتقب احترامهم ...على ماذا اذا نحن نكرم من اساء للنبي الكريم عليه و على آله و المنتجبين من صحبه افضل الصلاة و السلام .....نعم تم دعوته الى قطر و سط حفاوة و تقدير عارمين ، و الله هذا بمثابة التشجيع له
يعني نحن شعب اكرمنا الله باللغة العربية اللتي هي بمثابة التاج على رؤوسنا ولكن لا نراه الا في أعين المسلمين غير العرب .
نحن نهجر القران الكريم و هو بلغتنا و غيرنا يبذل الغالي و النفيس ليتعلم لغتنا لكي يقراء بعض الآيات المباركة .
(( ما يلفظ من قول إلا لديه رقيب عتيد )) صدق الله العلي العظيم

و الله انه ليحزن القلب و لتدمع العين عندما ينظر الينا الغرب على اننا مجرد ماشية رعاع ننعق وراء كل ناعق.....< اكرمنا الله تعالى عما يصفون:(
نحن نسخر لتكنلوجيا فيما فيه صالح جيوبنا و نشر غسيلنا .
آسف عن الخروج عن الموضوع و لكن الى متى يا امتي.

**meshoo** · 22-05-2010, 04:40 PM

ياناس ماقلنا شي بيخفون المتهورين

لكن وش السرعه 100 في طريق سريع !!

على الاقل خلوها 120 !

**abu khaled** · 22-05-2010, 07:38 PM

طريق العزيزية توي جاي امشي140<<< راحت عليييه :d

**فتى زهران** · 23-05-2010, 05:43 PM

على البركه يا أبو خالد

هيا روح سدد بسرعه قبل ماترتفع للحد الأعلى :d

ميشووووو

ما ادري ايش اقول لك لكن تحمل يا الخوي

شوي ونصير زي ابو هنود ماشين 100 وأقصى اليسار :d