أستفسار عن كراسي المكينه

**الشقاوي** · 29-05-2010, 12:27 AM

كيف الحال حبيايبي

انا معي أكورد 2004 وديتها للوكاله وقالوا لي تحتاج تغيير كراسي

شفت سعر الكراسي من حقين قطع الغيار بشركة هاشم قالوا لي الكراسي بـ 1750ريال

مع العلم انا من القصيم فما أدري هل السعر هذا في كل الوكالة ولا بس في القصيم لأني

شفت مواضيع للأخوان الي يقول 950 ريال والي يقول 1100 وأنا لو احصل بالسعر هذا أخذت

فياليت الي عنده أي خلفيه عن الموضوع يفيدني ...

بس لا أحد يقول يمكن الكراسي مهي خربانه لأني متأكد أنها تلفانه

**ABU NIZAR** · 29-05-2010, 01:39 AM

اخوي الشقاوي انا اشوف ان السعر مبالغ فيه

عندي في الكويت من سنة شريت كراسي قير وكراسي مكينة من وكالة القاضي والمطوع

الاثنين مع بعض كلفوني 115 دينار كويتي بدون تركيب

يعني ما يعادل 1350 ريال سعودي

التركيب كان بمحل برة الوكالة بشارع هوندا

**ن ع ر السعودية 0005** · 29-05-2010, 01:50 AM

يا هلا فيك أخوي
والله الأسعار ما فيها أختلاف من جميع الوكالات الأختلاف هو الخصم إلي راح يعطيك إياه الموظف والخصم المتعارف عليه لجميع الزبائن هو 10 % ويمكن يزود على حسب معرفتك بالموظف وكل موظف له خصم معين من الوكالة ما ينزل عنه . وبالنسبة لكلام الأعضاء ممكن بعضهم يأخذها من محلات برى الوكالة مثل النعماني أو غيره وأكيد راح يفرق ولو بالشيء البسيط وللمعلومية ترى أسعار قطع غيار هوندا مو ثابتة وكل مالها وترتفع وهذا الشيء إلي أنا ملاحظة ويمكن الشباب كذالك وأنت لا تستعجل عندك فوق رقم النعماني دق عليه وأسئلة عن الأسعار وقارنها بعد كذا قرر .

**الشقاوي** · 01-06-2010, 01:59 AM

الله يعطيكم العافيه ياشباب

**King** · 01-06-2010, 02:35 AM

جرب حظك مع الوكالة لأن فيه تبديل الكراسي على الضمان ! , قبل لا تدفع شيء

اتصل عليهم وتأكد من رقم الهيكل إذا هو من ضمن القائمة ولا ولا ! (بدل ماتضرب مشوار)

**زووم6** · 01-06-2010, 06:58 AM

انا مغير الكراسي عالاسبوع ب 1170 طبعا ست كراسي :d

شطحه

لى يعرف احد بالمرور نبي ورقة اصلاح :o

**الشقاوي** · 02-06-2010, 05:11 PM

أخوي الكنق كيف تبديل كراسي على الضمان ما فهمتك

وإذا قصدك اني بركب عندهم مستحيل انا بوديها لأي ورشه يركبها ميكانيكي

أخوي زوم 6 السعر الي تتكلم فيه معقول بس ليش ست كراسي حقات المكينه 3 بس

**King** · 02-06-2010, 05:25 PM

الوكالة جاهم خطاب بتغيير كراسي المحرك موديلات 07 وتحت حسب علمي

طبعا ً هم ماراح يغيرون لك إلا بعد مايشيكون على رقم الهيكل إن وجد الرقم ضمن القائمة تم الإصلاح (ببلاش) .

**جاكي2** · 02-06-2010, 06:27 PM

السلام عليكم
كيفكم شباب
انا قبل فترة سعرت كراسي المكينه وعدد ثلاثه
1 ـ كرسي مكينه جنب السيور
2 ـ كرسي مكينه أمامي
3 ـ كرسي مكينه خلفي
وسعرها كان 1100 ريال من الشركة
الأن السعر من الشركة 1319 ريال والتركيب 360 ريال
من الوكيل 1200 ريال بدون تركيب
حسبي الله على هذا الارتفاع غير المبرر , وقال ايش خصم 20% على القطع وأجور الاصلاح لمدة 3 شهور

نجي نحسبها
القيمه قبل 6 أشهر هي 1100 ريال
القيمه الان 1319 ريال و بدون خصم 20 % 1583 ريال ( بعد ثلاث شهور )
الزيادة لهذه الفترة 16.60 % يعني العرض حق الشركة بالخصم هو أصلا زيادة لقطع الغيار بنسبة 22.81 % تمهيدا لسعر السلخ الجديد بعد انهاء العرض السخي ( المقنع ) من هوندا
وكان الله في عوننا من طرق هذا الوكيل الخفية في رفع أسعار القطع
وشكرا
ودمتم سالمين