الدركسون مااقدر امسكه والمكيف يكح

**abdelslam** · 22-06-2010, 01:22 AM

السلام عليكم ورحمة الله وبركاته

ياجماعه أنا بصراحه اتجنب الخروج من البيت منتصف النهار

والسبب هالنار االقايله الله يكفينا شرها وزود على كذا اختبارات

اتخيلوآ وانا اسوق ماسك الدركسون من تحت :p وافكر اشتري دساسات حارس مرمى

مع اني أسوي المضله كل مانزلت ولكن هيهات

ومضلل عازل يمني يعزل بنسبة 85% على كلام ابو يمن { لكن انه العكس صحيح

وبسألكم هل التابلو والدركسون يتشقق ولا يتشوه من الحراره لأني كل مالمسته أعوذ بالله

والشيء الثاني ايش هي الأشياء الي ممكن تتضرر من الحراره سوى من الأجزاء الميكانيكيه او الديكور

عشان نحاول نهتم فيها

والشيء الثالث المكيف ياانه يثلللج وجهي بالبرد وضهري يتصبب عرق ايش الحل بالله

**accord08 4 ever** · 22-06-2010, 01:30 AM

:d

ي حبيبي درجه الحرآره فـوق الـ 50

لوتركب معك ثلاث مكيفات مركزيه 24 وحده مآينفع .. خصوصآ في القايله .. بس وش نسسوي << يمدحون أبهـآ في الاجازه :d

وبالنسبه للطبلون والدركسون أكيد تتأثر من الحرارهـ بس يعني ع المدى البعيد

مو معقوله توقف اليوم السياره بالشمس تطلع بكره تلاقي الطبلون والدركسون متقشرهـ :d

بس التأثير حآصـل حآصـل ,, ويقـل كل ما أهتميت بإنك توقفهـآ في ظـل وكيذآ ..

**MA6ANSH** · 22-06-2010, 01:32 AM

خلني أخمن سيارتك لونها اسود وجلد..

الدركسون اذا كان ماهو جلد الخوف عليه ماهو من الشمس من عرق اليد ويتقطع مع الوقت
والحر اللي من المراتب الجلد حاول تحط جاعد ولا شي مخمل لان سيارتي كنت ملبسها جلد وظهري استوى وشلته والحمد لله مرتاح.
شد حيلك الله يوفقك بالاختبارات.

**احبك يالاكورد** · 22-06-2010, 01:41 AM

اخوي لا تحط المكيف على وجهك حط واحد على الوجه وواحد على الجسم

طيب ليه ما تحط الشماسة؟؟

**D.H.o.O.o.M** · 22-06-2010, 01:46 AM

عازل يمني ولا بعد نسبه عزل 85 % :d

رح لي مركز معروف ومضمون للعازل الحراري مثل ((في كول زيبارت درايف 7 ... الخ )) احسن لكـ من شغل ابو يمن والافلام الي عندهم المخيسه الي تجيب الحرارة ويضحكون على الناس

اتمنى اكون افدتكـ

**و ب ط** · 22-06-2010, 03:47 AM

تــســـلم دحـــووم ع النـصـيـحه وانــا مـالــي دخـــل بس لو تكلمت بقووول زيك

**henry السعودي** · 22-06-2010, 01:52 PM

صيف هذه السنة ناااااااار الله يستر بس
اتوقع معاد ينفع شئ غير انك تضلل سيارتك داخل خيام الرحلات مثل هذه

بس لازم يكون هناك تصميم مخصص للسيارة
اتوقع هذا الحل الوحيد لتفادي الحر في منتصف الصيف المقبل
لا عزل ولا غيره ينفع

**القايله** · 22-06-2010, 02:39 PM

انا اقول لو تطق مكيف سبلت داخل السياره مرااح ينفع الحراره عندنا فوق 50 درجه <<الله يرحمنا برحمته

وبنسبه لديكور اكيد مع استمرار الحراره راح ينعدم

حاول تسوي حمايه لتابلو عند محلات العازل يصلحون حمايه لتابلو مع الضمان وحاول تلبس الدركسون عشان مايتشقق وسلامتك

**مجوووودي** · 22-06-2010, 03:27 PM

عندي فكره بسيطة من ناحية الدركسون :d

فيه تلبيسه تجيك فرو اي حاجه زي كذا :d

اذا نزلت ركبها ..

واذا ركبت نزلها

^^
كيف السجع :d

الله يعينا حنا ..

مخشبين قسم تمسك الدركسون حااااااار ناار ناري ناري

**mhalawah** · 22-06-2010, 07:43 PM

المشاركة الأصلية كتبت بواسطة ma6ansh

خلني أخمن سيارتك لونها اسود وجلد..

الدركسون اذا كان ماهو جلد الخوف عليه ماهو من الشمس من عرق اليد ويتقطع مع الوقت
والحر اللي من المراتب الجلد حاول تحط جاعد ولا شي مخمل لان سيارتي كنت ملبسها جلد وظهري استوى وشلته والحمد لله مرتاح.

شد حيلك الله يوفقك بالاختبارات.

ايش احسن نوع للجاعد وبكم سعرو تقريبا

**AL_ADMIRAL** · 22-06-2010, 08:18 PM

وضع المكيف على الـ Auto جيد في الظهر

أستغرب من الي يخدم الآله بدل ماتكون هي الي تخدمه
لأني متوقع أحد ينطلي ويقلي لا حرام نخلي السياره على الـ Auto , وهو في عز ظهرنا ههههههه

**MA6ANSH** · 23-06-2010, 02:47 AM

المشاركة الأصلية كتبت بواسطة mhalawah

ايش احسن نوع للجاعد وبكم سعرو تقريبا

والله ياخوك مالي خبره فيها لكن خذ اي شي مخمل غير الجلد.

**abdelslam** · 23-06-2010, 05:05 AM

الله يسلمكم على الردود لكن انا سيارتي لونها لؤلؤي
سبيشل مخمل مو جلد عكس ماتوقعت يامطنش
ومشكورين على اقتراحاتكم ..

**lonly style** · 23-06-2010, 09:05 AM

نصيحه مني لك اول حاجه تسويه حط تنجيده على الطبلون من محلات التنجيد في الصيف بس في الشتا شيلها هدي تحمي الطبلون اولا وثانيا تخفف الحراره الي تجي من الطبلون بنسبة 80 % وتخلي المكيف يبرد اكثر ...

النقطه الثانيه ظلل في كول ...

النقطه الثالثه ركب الشماسيه ..

النقطه الاخيره لا تنسى درجات الحراره توصل الى فوق 45 - 50 يعني اكيد السياره يبغ ليها وقت على شان تبرد ونقطه اخيره ادا كنت مدخن لا تدخن الظهر