ريحة بترول في سيارتي

[SOHAR CIVIC]

السلام عليكم ياشباب،،،

سيارتي تصدر ريحة بترول بين فترة واخرى.
وبالخصوص اذا وقفت السيارة والمكيف شغال لفرة 5 دقايق تجي الريحة.


شو المشكلة ياشباب وهل احد صادفتة نفس المشكلة؟؟


انتظر ردودكم:(

[المباشر]

افحصها في ورشة وقوله عن الريحه والاسباب كثيرة منها

احد الاهواز حول البخاخات يهرب او هوز التبخير اللي عند تانكي البنزين متشقق ويهرب الريحه

هل اذا وقفت عن التانكي والسيارة تشتغل تشم الريحه قويه ؟؟؟

[sul6an]

انا عندي نفس الشيء

[SOHAR CIVIC]

افحصها في ورشة وقوله عن الريحه والاسباب كثيرة منها

احد الاهواز حول البخاخات يهرب او هوز التبخير اللي عند تانكي البنزين متشقق ويهرب الريحه

هل اذا وقفت عن التانكي والسيارة تشتغل تشم الريحه قويه ؟؟؟

مراحب عزيزي،،،

على كلامك اذا وقفت عند التانكي والسيارة واقفة اشم ريحة البترول اكثر من جهة التانكي!!!

من شو تعتقد المشكلة صديقي...


وشكرا

[المباشر]

روح لورشة ممتازة وفيها فنيين ممتازين لان اغلبهم يلخبط في مواتر العالم ولا يدري عن شي

المهم اذا رحت لهم قولهم عندي هوز التبخير للبترول اللي طالع من التانكي او من مواسير التعبئة للبنزين الظاهر انه تعبان ومتشقق ويحتاج تبديل

وان شاء الله يفيدونك بالتبديل وتجيبه من الوكالة افضل

[SOHAR CIVIC]

روح لورشة ممتازة وفيها فنيين ممتازين لان اغلبهم يلخبط في مواتر العالم ولا يدري عن شي

المهم اذا رحت لهم قولهم عندي هوز التبخير للبترول اللي طالع من التانكي او من مواسير التعبئة للبنزين الظاهر انه تعبان ومتشقق ويحتاج تبديل

وان شاء الله يفيدونك بالتبديل وتجيبه من الوكالة افضل

تشكر ياعزيزي،،،

بس هل تعتقد ان هذا الهوز يتقطع بهذي السرعة والسيارة موديل 2006؟
مع العلم بأن سيارتي قاطعة 180.000 للحين..


واشكرك للمرة الثانية صديقي

[B Useful]

انا لاحظت هالشغلة في سيارتي هالصيف اول مرة تصير مع درجات الحراة العالية ...!

اما في الشتا والاجواء العادية كل شي طبيعي ..!

[SOHAR CIVIC]

مراحب يا شباب،،

تم تصليح العطل واتضح ان (( الربل ) او ( البلاستيك الاسود) اللي تحت غطاء خزان البنزين تعبان وتم استبدالة والا الان ما صدرت ريحه للبترول،،،


ومشكورين

[المباشر]

الحمدلله على اصلاح العطل والف مبروك

[remix]

مبروووك والله يكفيك شرها

[محمد عيسى]

مراحب يا شباب،،

تم تصليح العطل واتضح ان (( الربل ) او ( البلاستيك الاسود) اللي تحت غطاء خزان البنزين تعبان وتم استبدالة والا الان ما صدرت ريحه للبترول،،،


ومشكورين

يعطيك العافية عزيزي ...

انا تواجهني نفس المشكلة تقريبا ... لكن ما عرفت اي غطاء تتكلم عنه ... ؟؟؟؟؟

يا ريت تفيدني

[SOHAR CIVIC]

يعطيك العافية عزيزي ...

انا تواجهني نفس المشكلة تقريبا ... لكن ما عرفت اي غطاء تتكلم عنه ... ؟؟؟؟؟

يا ريت تفيدني

مراحب عزيزي،،،
واسف على التأخير

انا قصدي غطاء خزان البترول ، بتحصله تحت المقعد الخلفي للركاب ، يتطلب عليك انك تفتح الغطاء بشكل دائري ويظهر لك البترول في الخزان وبتحصل ربل اسود دائري على غطاء الخزان ، استبدل هذا الربل ، واغلق الغطاء وان شاء الله بتروح ريحة البترول نهائياُ...


تقبل مروري عزيزي،،،
واذا تريد تفاصيل اخرى راسلني على الخاص

[المباشر]

الغطاء اللي يغطي فلتر البنزين تحت المقعد الخلفي

[SOHAR CIVIC]

الغطاء اللي يغطي فلتر البنزين تحت المقعد الخلفي

ايوااااااااااااااااا

بالضبط نفس ما قال اخوي المباشر

[رامـــي]

المشكله عندي واليوم دخلت السيارهـ الوكاله وقالت لهم على الريحه
والله في مهندس استقبال فنان طلع معاي للسيارهــ وفك المقعد وقال من جلدة الفلتر وقال ادخلها من ضمن الصيانه قلت براسك
بس قهر ابي اجلس بدون الهنادي حقت اربع ايام اهئ اهئ

[SOHAR CIVIC]

المشكله عندي واليوم دخلت السيارهـ الوكاله وقالت لهم على الريحه
والله في مهندس استقبال فنان طلع معاي للسيارهــ وفك المقعد وقال من جلدة الفلتر وقال ادخلها من ضمن الصيانه قلت براسك
بس قهر ابي اجلس بدون الهنادي حقت اربع ايام اهئ اهئ

الله يعينك ،،،


بس احسن لك عشان ترتاح من الريحة


تقبل مروري :d