سلآم عليكم ..
أحب احيي جميع رواد واعضاء منتدى محبي هوندا ولهم مني كل التحية والتقدير
مشكلتي ماعرف للمقدمات ولااقدر اصفصف كلام والناس ماتبي الا الزبده :d
المهم ياجماعة الخير أنا سيارتي أكورد v4 موديل 2009
قطعت بها لحد هذه اللحظه 100 الف بالتمام ولها معي سنه و8 شهور
المهم بدخل بالموضوع ع طول اللي هو فحمات الأكورد واللي الناس تشتكي منها
أنا بالــ 100 الف غيرتها الى الان >>> 3 مرات !!أتكلم عن الخلفيه !!
المهم غيرتها أول مره على 20 الف
الثانيه على 45 الف
الثالثه غيرتها على 75 الف !!
الان موتري مشى 100 الف
اللي ابغى اقوله انه بالفترات الاولى كانت تطلع اصوات وتدل على انتهى العمر الافتراضي للقطعة الاستهلاكيه الفحمات , طبعا هالشي يعتبر خطأ مصنعي أو الشركه متعنيه هالشي علشان تطلع ربح من وراء تغيير هالقطعه
احس اني طولت :d
المهم ياجماعة اللي ابي اوصل له اني غيرت الفحمات ع 75 الف قولو ع 80 !!
والى الان الفحمات ماشيه زي الحلاوه ولله الحمد مع اني حارقها دعس وفرامل وباقي فيها اكثر من النص بكثير
السؤال اللي بطرحه وياليت من تجارب للاعضاء
هل تغيير الفحمات بكثره يؤدي الى طول عمرها بعد التغيير الثالث او الرابع
ادري السؤال غبي بس هذا اللي حصل لي والله
علما ان الفحمات اصلية اخذتها من صناعية الرياض
نفس اللي بالوكاله
وشكرا :o
عاجل بخصوص فحمات الأكورد .. أدخل ماراح تندم
احسب انك جبت حل للمصيبه الي احنا فيها ,,
اثاريك تسأل عن حل !!
كلنا نغيرها بحدود الـ 20-30 الف كيلو للخلفيه ,,
وتعتمد على الاستعمال وطبيعة القياده ( خطوط سريعه - داخل المدينه - سباقات )
ويمكن سيارتك حست شويا على دمها بعد ماغيرتها 3 مرات وماصارت تستهلك فحمات كثير :d
تقبل مروري
^^
لآ اخوي ماادور حل انا عارف مشكلة الاكورد وان مالها حل الا انك تغيرها
بس انا اقول لك اني الى الان ماشي بالسياره حوالي 25 الف والفحمات فيها حيل تمشي زود يعني الى 50 ع اقل تقدير !!
اللي ابغى اوضحها لك وللأخوان ان ممكن الاكورد بعد التغيير الثالث او الرابع يقل استهلاكها للفحمات عن وهي جديده
مع ان الهوب عندي لما سألت عنها قال المهندس انها مضبوطه وسليمه 100 % ولاتحتاج ابدا لخرط ولاخرطت من طلعت السياره وللحمد لله , وانا الحمد لله مرتاح تمام ماغيرت الا فحمات وبطاريه بس
والله ماتوقع يمكن اذا مره طولت 35الففيها حيل تمشي زود يعني الى 50 ع اقل تقدير !!
انا كل 20اغير الخلفية:(
لو استمريت على هالحال
في ال100الف كم ان شاء اكوون غيرتها خمسه مرررااات
نبغى حل شكلي بجرب اقمشه cr-v بس خايف تعدم الهوبااات
المشاركة الأصلية كتبت بواسطة م ج رد حلم
والله ماتوقع يمكن اذا مره طولت 35الف
انا كل 20اغير الخلفية:(
لو استمريت على هالحال
في ال100الف كم ان شاء اكوون غيرتها خمسه مرررااات
نبغى حل شكلي بجرب اقمشه cr-v بس خايف تعدم الهوبااات
والله شف انا اتكلم عن تجربه يمكن راح تغيرها اربع او خمس بس بعد كذا راح تطول معك
وانا ابي اصحاب الموديلات القديمه من 2007 وتحت يعطونا تجربتهم هل اللي صار معي صار معهم ولالا
او السيارات الجديده اللي ممشاها فوق 100 الف
السؤال اللي بطرحه وياليت من تجارب للاعضاء
هل تغيير الفحمات بكثره يؤدي الى طول عمرها بعد التغيير الثالث او الرابع
لا
ما لها دخل كثر التغيير
تعتمد على رجلك وعلى سواقتك
وتعتمد على الاحتكاك للفحمات
و يمكن ان اخر مرة المصنع والبضاعة اللي جايه منه
صاروا مسوينها بـ ذمة زايدة شوي
ياليت اللي يدخل الموضوع يقول كم مشا موتره وكم غير الفحمات من مره علشان نكون على بينه أكثر
وين الردود :(
السؤال اللي بطرحه وياليت من تجارب للاعضاءهل تغيير الفحمات بكثره يؤدي الى طول عمرها بعد التغيير الثالث او الرابع
ادري السؤال غبي بس هذا اللي حصل لي والله
علما ان الفحمات اصلية اخذتها من صناعية الرياض
نفس اللي بالوكاله
وشكرا :o
عزيزي ..,
لأآ طبعـاً
وأآصـلآ بالعقـل ,, أنت مغير النفس القطعـه ( الفحمات ) فـ كيف يطول عمرهآ
بس الحمد لله
أنآ ألحين كملت سسنه بنفس الفحمـآت ولا غيرتهـآ << هي ع السسواقه
رجلك تحدد عمرها وأغلب ردود الأعضاء مشتهم من 15 - 30 الف كيلو بالنسبة لي الخلفي مشى 25 الف كيلو وأعتبره ممتاز
مقارنة بسيارات أخرى و سيء مقارنة بالفحمات الأمامية و الفحمات و الهوبات مصممة على سرعات بطيئة و حنا أقل شي 120 بشارع
ثلاثين و نكع بريك و هذا سبب الرجة و إهتراء الفحمات بسرعة
اهداء من فحمات هوندا
عليكم برد نمر القير
" بالهداوة "
بالهداوه بالهداوه ياحبيبي بالهداوه
مو عداوه احنا تجمعنا المحبه مو عداوه
انا لا والله مااقصد أذيتك
يبه صب نارك وفرغ عصبيتك
انت ابو القلب الحنين .. منين الك كل هالقسوه
انت وحدك سر وجودي .. انا من غيرك اضيع
×××
اختصرت بعض الأسطر
×××
انا لا والله مااقصد أذيتك
يبه صب نارك وفرغ عصبيتك
انت ابو القلب الحنين .. منين الك كل هالقسوه
بالـهـداوه ...
* اهداء من فحمات هوندا
:d
ما قد غيرت الفحمات الا مرة وحدة على 60 الف وهالحين ماشية 82 الف
الحمدلله زي الحلاوة الله يحفظها
أنت وسواقتك
بالنسبه للخلفيه يوم خلصت علي على 24 ألف مافكرت أحط زيها مره ثانيه لأني ولله الحمد ألى الآن بكامل قواي العقليه
حطيتلي بدالها نوع تايلندي بـ 65 ريال أذا ماخاب ضني وهي نفس الي تستخدمها تيوتا في سياراتها على حسب كلام البائع
والآن سيارتي ماشيه 50 ألف وباقي ماسمعت صوت أنتهائا ( يعني مشت معاي 26 ألف ولسى كويسه ) مع أن حقت الوكاله تلفظت أنفاسها عند 24 ألف على رجلي
وأشوف التيلنديه كويسه وما حسيت فرق , لاكن أنا مهتم بالفحمات الأماميه بشكل أكبر وحاليا حأركب نوع يفترض أنه يكون أفضل من حق الوكاله
<<< لاكن ما أقدر أقلك الا بعد تجربه
الخلاصه
عن رأي الفحمات الخلفيه جيد لها النوع التايلندي , وحتى لو تخلص كل 25 ألف مهي فارقه بحكم أن سعرها + سعر التركيب عند أقرب ورشه تقريبا 100 ريال
يا شباااب انا الحين سيارتي تطلع منها اصوات من الكفرات رحت للوكاله شيكوا على الامامية ما فيها شي وسوو لي صنفره ....
مازال الصووت موجود انا الحين كيف اعرف ان الصوت من الامااامية والا من الخلفية سيااارتي ماشية 24 الف
في انتظار الردوود ودمتم بود
راااااااااااااااااااااااااح أفجـــر المفـــاجأه
انا خرطت هوبات على 14 ألف :d والفحمات كويسة وصارت تطلع صوت ورجعت للوكالة وغيروا الفحمات عالضمان بعد مشاكل :d
مع العلم بأن السياره ماشية الآن 14 ألف كيلو فقط السياره موديل 2010 لها 3 شهور معي تقريباً وكمان نادراً أمسك فرامل بقوووووة
احمدو ربكم غيرتم على 25 ألف وطالع .
ملاحظة (اتكلم عن الفحمات الأمامية):d
ياخي << بيطاق الأخو :d
انا ما امدا السيارة تكمل خمس الآف إلا بدت تطلع اصوات الفرامل
ويوم رحت تشييك العشر آلآف قلت لهم عن المشكلة وبعد ما اخذت السيارة من الوكالة راح الصوت شوي ورجع نفس الصوت مع انه كان معي قبل 2007 فل وماغيرت الفحمات إلا يوم مشت السيارة 30,000 الف
وبصراحة سلمني على جودة الصناعة في موديل 2007 ماشاء الله مافيها ولا عيب مو مثل الـ 2008 وطالع انواع الأصوات :(
ضوابط المشاركة
رد مع اقتباس
مواقع النشر (المفضلة)