طريقة الشراء قطع من المواقع الاجنبية

[cr_810]

السلام عليكم ورحمة الله وبركاتة

ياشباب انا شفت موقع سيارات وفي بعض القطع اعجبتني
وحاب اطلبها بس ماعرف كيف الطريقة
وهل الشحن غالي انا سمعت ان الشحن الجوي غالي اما البحري ارخص
وسمعت بعد ان ادا عندنا بريد في امريكا يطلع ارخص بواجد وفتح البريد رخيص موغالي
او ادا تعرفو محل موثوق يطلبها لي وياخد عمولة

ياليت تفيدوني

[aen alshqa]

انا اطلبها لك ..

ارسل اللي تبي .. على الخاص

[cr_810]

لك رسالة على الخاص

[B Useful]

انصح بقراءة قسم التجارة الالكترونية في موقع البوابة الرقمية ..

ستجد كل المعلومات اللتي تريد وأكثر ..

وتعرف كيف تتعامل مع شخص موثوق وموقع موثوق وكيف ان هالشخص بائع ممتاز وان الاخر نصاب وان هذا يتأخر في الارسالة ،،

بتلاقي معلومات كثير ..

[cr_810]

شكرا اخوي على النصيحة
وماقصرت معاي

[B Useful]

الطريقة بأختصار:
- تكون عندك فيزا ويفضل ان تكون مسبقة الدفع وخاصة للنت ( متوفرة بالراجحي والاهلي والرياض ) وشرطها تكون سعودي عمرك +١٨

- تروح ارامكس فرع السليمانية عند اسواق الجزيرة تفتح حساب shop&ship (اشتر واشحن ) ويعطيك عنوانين مدى الحياة في امريكا وبيرطانيا بـ ١٠٠ ريال فقط .

- تسجل في البنك الاكتروني باي بال << عشان عمليات الدفع الامنة ، اذا واحد نصب عليك يرجعون فلوسك + يلاحقونة قانونيا في بلدة .

- تسجل في المواقع اللي تبي تشتري منها وتحط معلوماتك صحيحة ( معلومات الفيزا (او الباي بال ) )+ عنوان ارامكس اللي عطوك في بريطانيا او امريكا )

- خلاص .. اشتر السلعة اللي تبي ، من بائع موثوق وموقع موثوق وخلال ١٤ يوم بالكثير تصير عندك ..


هذة الخطوات بأختصار ، والتفاصيل المملة بالحرف الواحد تلاقيها بالرابط في ردي اللي قبل ، قسم التجارة الالكترونية في موقع البوابة الرقمية .

[cr_810]

يعطيك الف عافية على التفاصيل
وماقصرت معاي

[معشوق هوندا]

انا عندي حساب في امريكا وفيزا
لكن حتى الان لم اطلب شي ...