داخل على الله ثم عليكم .. مساعده

[تألمت بس تعلمت]

سلام عليكم

تكفون يالربع ابي منكم طلب خصوصا ملاك الاكورد من 2008 وطالع

ابي تشوفون صوفا العكس هل فيه تجمع زيت عليها ؟

لاني رحت اشيك ع السياره عادي وقال لي المهندس السياره مافيها شي

بس صوفا العكس عليه زيت وشكله يهرب .. تعال بعد 5 ايام اذا استمر ع هالحال عادي

اذا زات التهريب مالك الا تغيره طبعا سعره رخيص بـ 40 ريال

بس لازم يفك العكس والكفر !! >> ع كلامه :(
تكفون من بعد اذنكم ياليت تشوفون فيه تجمع زيت ولالا

ولااعرف مكان الصوفا وين فيه بالضبط :(

السياره موديل 2009 ماشيه 101 الف

[تألمت بس تعلمت]

للرفع :(

[هيموالمسعودي]

راح اشيك عليها الصبح
وارد عليك

اذا السيارة مافيها خلل او اي شي لاتوسوس كثير >>>> مرت علي هالحالة

ليش ماتوديها الوكالة وتريح مخك

[بلال العلمي]

الصوفة مثل ماهي في الصورة ادناه هي الربلة السوداء المتعرجة هذه فيها شحم من داخلها ويغلفها الصوفة لاجل تمنع الشحم انه يطلع

تغييره في الوكالة بسيط جدا يكلفك حول 400 ريال وبرة يكلفك 200 ريال او اقل حتى الى 150 ريال غير سعر الربلة

الافضل تشتري ربلة اصلية وتعبيها شحم اصلي حق مرسيدس لونه اخضر قيمته تقريبا 25 ريال

[بلال العلمي]

للملاحظة :


اذا ظلت تهرب الشحم مع الوقت راح يخرب راس العكس وراح تدفع فوق 1000 ريال لاجل مجرد راس عكس اصلي الحق وكلها مجرد 300 ريال فقط

[تألمت بس تعلمت]

مشكورين اخواني ماقصرتو
الله يعطيكم العافيه
انا في ديره مافيها وكاله وبعيده عني
واللي في الصوفا ماشوفه تهريب هو تجمع زيت بسيط جدا من الخارج
وودي اعرف هل شي طبيعي تجمع زيت من الخارج
او معناته فيه خلل من الاساس علشان اوصي احد يجيب لي صوفا
لان المهندس اللي رحت له ومتمكن من قدراته يقول مافيه شي بس تعال بعد اسبوع اذا زاد التهريب غيرته
واذا جلس ع ماهو عليه لاتغير , وودي تطمنوني :(

[Silver Aurion]

يا ليتك قلت للمهندس لوو صار شي للعكس هو يتحمل قيمته جديد < عاد مدري تقصد مهندس بالوكاله ولا برى

[تألمت بس تعلمت]

^^

لالا انا حرمت اروح وكاله عقب 45 الف
بعيده عني ولااستفدت شي

يعني فيه خراب بهالطريقه :(
طيب وين اللي باقي الشباب يشيكون ع سياراتهم ماعمري شفت زيت ع الارض
بس تجمع زيت بسيط مره ع طرف الصوفه :(

وييييييييييييييييييييينكم :(
مشكور اخوي ماقصرت والله يخلي لك اوريونك ماشاء الله تبارك الله

[THE SILVER ACCORD]

لا لا لا

تهمل العكس


والله ان تندم بعدين .. ولا يوهقك المهندس


انا الحين الله يعين يبغالي راس عكس أصلي وسعره على ما أظن فوق الـ 1000 ريال :( من غير شغل اليد والصوفات

واخاف يخرب العكس كامل وسعره غالي جدا


الله يعيننا وياك

[تألمت بس تعلمت]

آمين يارب وياك بس وين الشباب اللي معهم اكورد 2008 وفوق يشوفون
يمكن تكون كل الاكوردات كذا لان مافيه زيت يتسرب ولاينقط ع الارض مجرد ( وسخ ) زيت مجتمعه ع طرف راس الصوفه
وابغى اشوف هل هو خربان ولالا
لان انا بقريه ومافيها قطع غيار , وابغى اعرف عادي ولالا
علشان انقز للرياض :(

شكلي بدق ع خويي يروح لورشه ويتأكد بس موتره جديد :(

[تألمت بس تعلمت]

وينك ياهيمو :(

[بلال العلمي]

آمين يارب وياك بس وين الشباب اللي معهم اكورد 2008 وفوق يشوفون

يمكن تكون كل الاكوردات كذا لان مافيه زيت يتسرب ولاينقط ع الارض مجرد ( وسخ ) زيت مجتمعه ع طرف راس الصوفه
وابغى اشوف هل هو خربان ولالا
لان انا بقريه ومافيها قطع غيار , وابغى اعرف عادي ولالا
علشان انقز للرياض :(

شكلي بدق ع خويي يروح لورشه ويتأكد بس موتره جديد :(

هو مو زيت هو شحم ويطلع على العكس بفتحة ولو صغيرة في الربلة لان خاصية فيزيائية تكون على العكس اللي هي الطرد المركزي يدفع الزيت يطلع لبرة فيبان وكانه زيت خفيف على العكس

[هيموالمسعودي]

والله انا شيكت بس ماشفت شي

واتوقع سكنك بالقرية ...ونوع الطريق اللي تمشي عليه له دور كبير...ممكن >>مو متأكد...بس سيارتي وسيارة اصحابي ماشفت اي شئ

[أغـار يا هـوندا]

لا لا تهملها , وصدق بلال العلمي حبيبنا
والله اني دافع الحين راس عكس خارجي بـ 1000 ريال , والتركيب بـ 300

يعني انتبه

[تألمت بس تعلمت]

مشكورين ياشباب
وفعلا الطريق له دور كبير مثل ماتفضل احد الاخوان كله مناقز وحفر

الله يجزاكم خير ماقصرتو

[تألمت بس تعلمت]

اليوم رحت لمهندسين غير المهندس الاول

الاول قالي لي :: مافيه تهريب والصوفه سليمه !!

الثاني قال لي :: هي جمع اوساخ ع الصوفه وليس تهريب !!