الحاقا لرجه الدركسون الى حيرت العلماء ارجو الدخول والتعليق

[حميد]

السلام عليكم الحاقا للموضوع وهى الرجه بالدركسون وكنت اعانى منها من فتره طويله جدا , توصلت الى حل عن طريق الوكاله الى مالنا بصراحه خيار دونه لاسيما انو الورش الى الموجوده + الوكالات نصب بنصب
قررت انى افكك جنوطىوكفراتى وكتبت موضوع ولقيت الاخوان كثير واخص بالذكر الاخ ككاشى حفظه الله الى هو يوسف جزاه الله خير
نزلت يمه الاحساء وبدلت توايري واخذت توايره وطلعت الرجه موجوده
فقررت ان اخذ موعد الى الوكاله هشومى الموقره وفعلا اخذت موعد وجيتهم وطلع معاى واحد ينقاله ابرار وخويه الى يقول عنه خبره وخر عنه الموهم اسمه بخش مدرى خان ماعلينا
طبعن خان مدرى بخش هو الى كان يسوق وانا الراكب بالامام ومستر ابرارورى جربنا الموتر وقال هاذى من الكفرات لازم تتغير قلت دور غيرها يبو الموهم دخلت الموتر وجيتهم تالى اليوم الثانى
وفعلا فحصوها وقالو فقط يحتاجلها ترصيص ؟؟؟؟؟؟؟؟؟
استغرب , قلتله ماخليت نوع من الترصيص الى وسويته وكمان سويته عندكم
قال الترصيص يحتاجله لوزنيه وخرابيط وقام يهايط
قلت طيب سوله , وسوو ترصيص للكفرات الاماميه فقط الخلفيه قالو ماتحتاج فعلا جيت اليوم التانى وجربت السياره وتغيرت على سبحان الله 380 درجه حسيت براحه كنت فاقدها ماكنت احس بها من سنه ونصف وقلت ايه ذا موترى الى اعرفه
اخذت السياره ورحت للدوام مدرى هو مع الشوارع المخيسه ذى وزنيه الترصيص لللزق يخترب مدرى
سارت عندى بالبدايه رجه عند ال 115 بالضبط بس مو رجه شي خفيف لايذكر
تركتها وجا يوم والى والسياره واقفه وادق سلف من الصبح سخنت مشيت فيها ورجعت الرجه قويه جدا جدا مثل او من 80 تطلع 10 دقايق الى ربع ساعه وتختفى ؟؟؟؟؟؟؟؟؟؟؟
استغرب قلت سلمات مشيتها كم يوم وقلت يمكن اوسوس
وديتها اليوم الصباح طلع معاى خان باشا مدرى بخش الموهم شاف الرجه الخفيفه تروح وتجى قال ياااااااااااااشيخ هاذى مافيى رجه قلت اجل وشهى رجو مخك قل امين قال هاذا من طرررررررررررررررريييييييييييييق
قلتا ياعمى قسما بالله لو ماتضبط هواك لادخلك انا وياك بعمود واموت انا وياك واتلف ام ام الموتر الحين
قالى يا شيخ خخخخ خلانى شيخ الموهم قال ى السياره بعد الاستخدام بعد فتره ماراهح تكون بنفس الثبات والتحمل قبل استحاله وراح تطلعلك هالرجه بس بسيطه قلت ماشى طيب ليش لمن اوقف الموتر فتره ويبرد وادق سلف وامشى واوصل ال 80 تطلع الرجه قويه جدا مايمدى اطلق شنب يمسك الطاره قلى اقنعنى
قلى هاذا استحاله مكان الرجه في موقف معين توقفه ثم يطلع معك قلت صحيح قال اجل من الشارع قلت قسما بالله الشارع الى امشى فيه ولافى ازين منه لا وازيدك من البيت قصر كسروه ووسوو واحد جديد اطلق منه كمان ؟؟؟؟
فانا والله ياجماعه محتار وخلاص راح اترك الرجه الى ماشالله
المستفاد من القصه انو الواحد ماييئس من سالفتى يمكن احد جاته مثل سالفتى وتكون مشكلته سهله وتنحل بس انا مدرى مدرى
اسف على الاطاله
وكل عام وانتم بخير ورمضان مبارك علنا وعليكم
ايف على الاطاله

[somha]

اولا ياغالي شيك على الكفرات يمكن تلاقي واحد من الكفرات محبلة
مرة غيرت كفراتي مع الجنوط ونزلت كفر وشفته ياساتر
المهم يالغالي شيك على الكفرات وانشاء الله يمكن منه

[ناعس]

انا عن نفسي تعبت من الرجة وفي الاخير طنشت

[Accord F15]

شوف اخوي ترى وضعي كان مثلك وكنت موسوس بس يوم طنشت ما صارت تطلعلي هالرجه لأن الانسان بنفسه يوسوس فخلك من الوسوسه والله يبارك فيك والله يعينا على قيامه وصيامه

[henry السعودي]

والله انا مثلك بالتفصيل
نفس المشكلة

[henry السعودي]

اتوقع ان المشكلة عندنا في الكفرات لانه زي ما قلت ان الرجة تخف اذا احتمت الكفرات
اتوقع انها اذا احتمت تصير لينة وبكذا تخف الرجة
والله اعلم

[فـــيـــصـــل..607..]

الرجـه لها اسباب

<<<<وخر بيتفلسف :d



كراسي المكينه ..

البواجي
رجه خفيفه من 80 إلى 110 وتختفي

يكون السبب البواجي ..


الرجه إلي تحس فيها على 160 من كراسي المكينه او الكفرات ..

اتمنى افدتك

<<<< تتمنـى بس :d

[حميد]

اللع يعطيكم العافيه ماقصرتو يا اصدقائي يسلموووووووووو جميعا
مبارك عليكم الشهر

[henry السعودي]

المشكلة اخواني من يوم ما استلمت الموتر والمشكلة هذه فيه

[saeed_m_z]

هههههههههه
نفس حالتي يوم تجي ويوم تروح

تدري وش سويت مع الوكاله

غيرت كفرات
غيرت هوبات
سويت ترصيص عند الوكاله مليون مره
وسويت ترصيص في محلات وكاله الكفرات = على حساب الوكاله


وفي الاخير ماطلعت بشي

^^
كل اللي ذكر بالاعلى على حساب الوكاله

في الاخير اكلت شحم وسكت قلت ياعمي نام
تعبت تعبت منهم

تدرون بعد كم سنه بيسحبون سيارات الاكورد ويقولون في خطاء مصنعي زي الافلون وغيرها