سير التيمن ضروري حبايبي

**عمري الأكورد** · 10-08-2010, 04:11 PM

السلام عليكم ورحمة الله وبركاته

اخواني الله لايهينكم

حبيت اسال بالنسبه لسير التيمن هل تركيبه بالوكاله في اختلاف عن الورش الي برا

انا صراحه كني اشوف الوكالة يذبحون بالسعر وخاطري اغيره برا

وبالنسبه لكراسي المكينه كيف اعرف انهم خربانين حد يعرف طريقه حبايبي

حد يعرف ورشه ممتازه بالاحساء للهوندا حبايبي

ياليت حد يفيدني

**اكورد (2006)** · 10-08-2010, 04:43 PM

اخوي سير التامين يتغير كل مئة الف كيلو
اول شي استفسر بكم يغيرونه بالوكاله واستفسر بكم يغيرونه بورش هوندا اذا كان الفرق بسيط غير بالوكاله اضمن
انا كان عندي اكورد موديل 99 اربعه سلندر اول مره غيرته بالوكاله يوم قطعت مسافة مئة الف كيلو وبعدها اغيره برى الوكاله حتى قطعت مسافة ستمئة الف كيلو بس تاكد من شغل الورشه

**بلال العلمي** · 10-08-2010, 04:56 PM

سير التايمن المفروض ما ينلعب فيه نهائيا يتغير بالضبط على 100000 كيلو

طيب لو تلف او خرب ايش يسوي؟؟؟

البساتم تضرب في البلوفات وتنطعج واحيانا اذا كان الوضع سيئ راح يخرب عليك الكام شفت واذا تبعه الراس ايضا فهذا شي طبيعي

وانت عندك رأسين والراس الواحد قيمته 2400 ريال بدون طقم البلوف وبدون الكام شفت يعني 4800 ريال بس راس فاضي

يعني نصيحة غير سير التايمن بواحد اصلي وهو سهل مو صعب وتقدر تغيره في اي ورشة

**عمري الأكورد** · 10-08-2010, 05:22 PM

يعطيكم العافيه حبايبي

طيب بالنسبه لكراسي المكينه كيف اعرف انهم خربانين ؟؟

**بلال العلمي** · 10-08-2010, 05:41 PM

المشاركة الأصلية كتبت بواسطة عمري الأكورد

يعطيكم العافيه حبايبي

طيب بالنسبه لكراسي المكينه كيف اعرف انهم خربانين ؟؟

بطريقتين

اما بالنظر ووجود تشققات او اهتراء وسقوط اجزاء

او احيانا تكون سليمة نظريا لكن عمليا سوف تحس برجفات عنيفة واهتزاز للمحرك

**عمري الأكورد** · 10-08-2010, 05:57 PM

تسلم والله اخوي بلال

بيض الله وجهك وربي لايحرمنا منك

انا رحت ورشه قالي سير التيمن ب400 اغيره لك شرايك سعره حلو او لا ..؟؟

الوكاله مع التركيب بالف ..؟؟

**بلال العلمي** · 10-08-2010, 06:14 PM

المشاركة الأصلية كتبت بواسطة عمري الأكورد

تسلم والله اخوي بلال

بيض الله وجهك وربي لايحرمنا منك

انا رحت ورشه قالي سير التيمن ب400 اغيره لك شرايك سعره حلو او لا ..؟؟

الوكاله مع التركيب بالف ..؟؟

سعر جيد غيره وتوكل على الله بس تاكد من سمعة الميكانيكي ويفضل ورشة متخصصة في الهوندا

**فـــيـــصـــل..607..** · 10-08-2010, 06:22 PM

حظ الأربعه سلندر ماعندهم سير التايمن:d

وإلا يابلال ؟

**بلال العلمي** · 10-08-2010, 06:27 PM

المشاركة الأصلية كتبت بواسطة فـــيـــصـــل..607..

حظ الأربعه سلندر ماعندهم سير التايمن:d

وإلا يابلال ؟

لا جنزير ويشتغل معك للابد ان شاء الله

**عمري الأكورد** · 10-08-2010, 07:57 PM

بيض الله وجهك يابعدي

والله يكثر من امثالك

**accordyon** · 11-08-2010, 01:04 AM

حد يعرف ورشه ممتازه بالاحساء للهوندا

انت وين بالحسا؟؟

**أكورد خليجي** · 11-08-2010, 02:40 AM

الحين سير التايمن مايجي في الاربع سرندل؟

**عمري الأكورد** · 11-08-2010, 09:38 AM

المشاركة الأصلية كتبت بواسطة accordyon

انت وين بالحسا؟؟

انا بالكلابيه

**عمري الأكورد** · 11-08-2010, 09:39 AM

المشاركة الأصلية كتبت بواسطة أكورد خليجي

الحين سير التايمن مايجي في الاربع سرندل؟

مايجي الاربعه فيها جنزير

**accordyon** · 12-08-2010, 08:38 PM

المشاركة الأصلية كتبت بواسطة عمري الأكورد

انا بالكلابيه

في ورشة على طريق الجفر وانت راجع للهفوف تلقاها ع اليمين اسمها الدخلان
فاهمين في الهوندا

**فيرآندآمرآولة** · 13-08-2010, 09:52 AM

كانت عقدتي هالسير
هههههه
لدرجة اني كل ما بغيت اروح اغيرهـ بنفس اليوم بالوكالة << سيارة اخرى غير هوندا
يخرب علي
اول مرة كنت امشي باتجاهـ الوكالة
وفجأة انقطع وخبط الموتر وتصليحات وغيرنا المكينة كلها
الثانية انقطع فجأة من غير ما أنتبه وكنت ناسيه مع اني كنت ناوي اغيرهـ بنفس الاسبوع
وتم تصليح المكينة بعد ما خبطت بحوالي اربعة الاف ريال لأني ما لقيت مكينة
الثالثة
بالليل انقطع علي وكنت ابي اركبه بكرى الصبح بس فجأة انقطع وحاس أم الشغلة كلها وحاس الجو
وتبهذلت بعد آخر وحدة وحالتي حالة وبعت السيارة تشليح
وهمت في حب الملكة اللي كانت تغازلني من فترة
^
^
يا جماعة تأكدوا هل هو صآيم أو لأ؟
____________________

وبالنسبة لموضوع سير التــآيمنج أو ما يسمى [ جنزير المكينة ]
Timing belt

يوم دريت أنه بالهوندا عبارة عن حديد ماهو مطاط مقوى مثل باقي السيارات
والله يا أنا بغيت أروح أحب راس المكينة
هالحين ما فيه أقعد أحسب كل مية وخمسين ألف كيلو وأغير

والله يعين اللي يغيرونه ولا ينسون << علم نفسك