اطلب ميدالية على شكل لوحة سيارتك

**عمري الأكورد** · 17-08-2010, 10:20 AM

السلام عليكم ورحمة الله وبركاته ...

رمــضـــان كــريــم ..

وكل عام وأنتم بخير أخواني ...

طبعا الكل شاف التوقيع حقي الي هو ميدالية السياره ..

انا والله جد سوداني :(زوووول :d حدي يعني ماكان ودي اسوي موضوع عشان مااتبع يازول ومدري ايش والناس صيام وداير اتعب ع طول هههههههههههههههه بختصار فديتكم الكثير قال يبي لوحه وكيف طريقتها ...

انا بختصر عليكم الطريقه ياشباب انا نفسي موعارفه السالفه كلها انا اطبعها بالكمبيوتر بس والباقي اعطيها هندي مااااااااله حل يشتغل رسام عند عمي وهو يسوي الباقي يالربع وربي اول مره اشوف هندي داااهيه كذا مخض بسم الله عليه هندي عمي فديت قلبه كومار بينا <<اهم شي الاسم

طبعاً الميداليه بلاستيكه ..

كيف يسويها كيف مدري ايش وربي مادري ..

ع العموم هالموضوع للي يبي يراسلني ع الخاص ويبشر توصله وين مايبي إن شاء الله ...

أخونا البيضاني طلبني وهو بجده والحمدلله وصلته ...

رجاءا لاحد يقولي كيف الطريقه ومدري ايش الي يبي يرسلي ع الخاص هالاشياء ..

1- الأسم
2-لوحة السياره .
3-رقم جواله .
4-السكن .

وكل عام وانتم بخير وعساكم من عواده .

**ن س ر 9** · 17-08-2010, 10:51 AM

روعه بصراحه وعشاك على القوة

**عمري الأكورد** · 17-08-2010, 11:04 AM

الله يقويك يالغالي

مشكور ع الرد

**كوكو2009** · 17-08-2010, 11:44 AM

مششاء الله حلووووه ...ابي وحده كيف؟؟؟

**سعودي ستايل** · 17-08-2010, 11:45 AM

:d في خصم طيب

**عمري الأكورد** · 17-08-2010, 12:29 PM

حياكم الله الي يبي يراسلني ع الخاص فديتكم

**V6 2007** · 17-08-2010, 12:36 PM

كم سعر الميداليه ؟

**عمري الأكورد** · 17-08-2010, 04:25 PM

50 ريال اخوي سعرها

الي يبي يراسلني ع الخاص

**aen alshqa** · 17-08-2010, 04:48 PM

50 ريال .. والله لوهي نحت على الحديد ههههههه

موفق خيوو .. وعساك على القوه

**عمري الأكورد** · 17-08-2010, 05:05 PM

المشاركة الأصلية كتبت بواسطة aen alshqa

50 ريال .. والله لوهي نحت على الحديد ههههههه

موفق خيوو .. وعساك على القوه

وش قلنا ياخي الي مايبي لايرد

انت ماتبي غيرك يبي

**عمري الأكورد** · 17-08-2010, 05:39 PM

اخوي اول شي عدل اسلوبك وبعدين تعال تكلم ..

أذا موجايز لك ترا ماغصبتك ترد ..

اسلوبك انت الملتوي والظاهر كلامي مافيه شي

بس انا المفروض مارد عليك

**B Useful** · 17-08-2010, 05:50 PM

عزيزي كاتب الموضوع :
الف الف شكر لكـ على هالخدمة الرائعة ،، مهما كانت سعرها رخيص او غالي او عادل .. فيحق لكـ
انا بالنسبة لي لوضعي المادي اشوفة معقول جداً
غيري بيشوفة رخيص ،،،
وغيري بيشوفة غالي ..
وبأطلب منك وحدة بأذت الله ..

الاخ aen alshqa و الاخ هنادي2323

اذا ما عجبك الشي قل خير ولا اسكت .. الامر بيع وشرا والشعب اكثر من نصة عجاز ولو تقول لة ابصلح لك الميدالية واو صلها لبيتك 200 ريال فية ناس اكثر هما الراحة وبتوافق ...

لولا اختلاف الاراء لبارت السلع .. اما تهاجمة على شغلتة ذي عمل غير لائق ..

على الاقل اشتغل ويدور رزقة ويكسب فية ،

وانت وياة قاعدين تدفعون عند غيرة ويكسبون ...

**lonly style** · 17-08-2010, 05:54 PM

استهدو بالله حبايبي بس بصراحه انا اختلعت لما شفت السعر خمسين يعني شدعوه ميداليه ب 50 ريال ادا بدفع خمسين في ميداليه كدا اروح اشتري لي ميداليه ماركة guess او شي هيك رخيصه ب 100 ريال احسن ..

وبصراحه انا قلت بتقول على شان تسترزق بتقول ب 20 ريال والله السعر الي في بالي 10 ريال

**ب ر ق 4872** · 17-08-2010, 05:57 PM

طيب حبيبي عمري الاكورد

هل الميداليه بلاستيك قوي ولا تتعفط اول ما تحطها بجيبك ..

**المهاجر333** · 17-08-2010, 05:57 PM

أنا أشوف سعرها مناسب جداً
والله يرزقك

**عمري الأكورد** · 17-08-2010, 07:14 PM

الله يهديكم ترا انا بالمبلغ الي تعطوني وربي اشتريها ..

وكل الي لي 10 لايكون المحل لي وربي مولي اقسم بالله

وبعدين الي مايبي لايكثر هرج

الله يههديكم

**برستيج** · 18-08-2010, 01:54 AM

ياخوان اللي يبي يدفع ، الرجال عرض سلعتـه ولو فرضا قال بـ 200 فـ هو حر ..

**B 5ob3aH** · 18-08-2010, 02:30 AM

لو انا مكـانك آخذ 100 ريال

50 لي و 50 للميداليه خخخ,,

يكفي تعبي والمشاوير

ويكفي مشواري لـ محل الشحن لمدينه ثانيه ومتابعتهم ..

..

ااذا ماحد يبي يشتري ليش يقطع رزق الرجال ويجيب الكلام لـ نفسه

شي غريب و عالم مدري وش يحسون فيه

..

بالتوفيق اخوي والله يزرق و يجزاك خير

**@اكورد وبس@** · 18-08-2010, 03:24 AM

يا عآلم الحين الرجال يبي 50 عشآن الميدالية وما طلب منكم أبد سعر تعبه وذهابه للمحل :(

يعني قدروا حالة الرجال وفكروا بالعقل شوي والي ما أعجبه الوضع لا يرد ومآ أحد أجبره يرد

وجزاء المعروف سبع كفوف ,, الرجال فآتح الموضوع عشآن يخدم الأعضاء وتقابلون الإحسان بالإسائه

جزآك الله خير يا رآعي الموضوع والله يوفقك

**V6 2007** · 18-08-2010, 03:39 AM

اخوي ماعليـــك بكلام احـــد

الميـداليـه معك والفلوس معهم اللي يبي يشتري يدفع
واللي مايبي بـراحتــــه

انت ماقصرت بيض الله وجهك سويت اللي عليــك

/

تحيتي

**كوكو1427** · 18-08-2010, 03:42 AM

جاري الطلب على الخاص اخوي

وماقصرت .........

**meshoo** · 18-08-2010, 04:11 AM

يعني بالله عليكم لو انكم تفترون بأحد المحلات بشارع الزينه

ودخلت محل وقالك هالقطعه الفلانيه بـ 150 ريال والمحل الي بعده بـ 130 ريال بترجع للمحل اول وبتقوله انت كذاب وحرامي ولازم تنزل زي المحل الثاني !!

هذا شي غلط لان هذا الشي بيع وشراء والبيع بالتراضي يعني مو مجبور تشتري وكل شخص يبيع له الحق في وضع سعر سلعته ولك الحق التفاوض معه اذا مارضى الله يستر عليك شوف مكان ثاني تشتري منه , يعني مالك حق انك تحاسبه او انك تطلب منه بالاجبار انه ينزل السعر او انك تخرب عليه لان هذا الشي مايجوز !

وبالتوفيق لك اخوي عمري الاكورد

**عمري الأكورد** · 18-08-2010, 04:18 AM

ياجعلي فددوه لكم حبايبي

بيض الله وجيهكم وربي يكثر من امثالكم

مشكورين وحياكم الله

**BЯộǾK ❤** · 18-08-2010, 05:27 AM

ياخي انت انسان رهيب .. احسك متحمس للسالفه لكن سعرررك غاااااااااااااااالي لالالالا مو معقول << يستهبل ههههههههه

ترى امزح مو تجلس تهزأ فيني زي اللي فوق ...ههههههه خلنا حبايب :o

الله يوفقك ويفتح ابواب الرزق عليك وين ماكنت

لكن انا اللي قهرني الشباب اللي فوق ويقول اسلوبك ملتوي الله يهديك الرجال حط لك الغرض وعطاك السعر اعجبك كلمه على الخاص ما اعجبك الله يستر عليك

ومعليك منهم وانا ان شاء الله عندي مشروع وان شاء الله بسويه .. بس مو بـ 50 ريال

<< بتتكفخ اليوم

وترى امزح معاك وابشركم من الحين ان شاء الله اللي بسويه فوق الـ 50 ريال بكثير بخليكم ترجعون له تصيحون تقولون يالبى الـ 50 .. هههههه

اقول ترى جلست اسولف :d

ع العموم الله يوفقك ويسهل لك