قرار اليومين هذي لازم احسمه ...

[غاب القمر]

السلام عليكم والرحمه


.

.


ياشباب انا جاني زبوون على سيارتي اكورد 2010 ماكملت معي 6 شهور

والصراحه انا لي نص الخاطر ابيعها طفشت منها للاسباب كثيره

زبونها جاهز قلت له عطني يومين وارد لك ... للعلم ان هذي الاكورد ثاني وحده اشتريها كانت معي قبل 2008 بس بعتها عشان لونها ..

انا الصراحه ناوي على سوناتا 2011

شكل + فخامه + مواصفات + قوة

تستاهل كل ريال ادفعه فيها



انا ماقلت للرجال عطني يومين الا عشان استخير واستشير

وش رايكم اتوكل على الله وابيعها

والوعد ان الله احيانا الشكل الجديد 2013

ولا اخليها تكد معي شوي

....................................

[f a w a z]

خل موترك معك بس ..

اطلق لك و اضمن ..

[الشمــــالـــي]

كل الي قلته صح إلا
الفخامه << كثر منهآ :d

من يوم شفت الطفاية كوب وانا غاسلن يدي :p

نصيحة لك ..
خل موترك معك ويكفي انه جديد وعارف وشفيه ومافيه
وبالتوفيق لك .

[»Ţĥё ☼ Ģŏldёŋ«]

وعليكم السلام

..

دامك ناوي 2013 كلها سنتين او ثلاث

خلها معك افخم واريح

الا اذا جابت لك سعر زين بعها

اما انك تبيعها وتزيدها فلوس وتشتري سوناتا فلا

والله يكتب لك اللي فيه الخير وبالتوفيق

..

[Doabil]

أول باشتان انت غلطان
و ثاني با :dشتان القناعة كنز لا يفنى
و ثالث باشتان النعمة زوالة
و رابع باشتان تقبل مروري

[م هـ ى 700]

ما أأيد الفكرة نهائيا

الأكورد أجود واكثر أمان بعد الله سبحانه

[لآيــ@ــمونكـ]

والله كنت مثل تفكيرك بس الحمد لله استخرت ومالقيت
افضل من الهوندا ريح مخك وخل موترك معك افضل

[k.s.b.s]

والله شوف اخوي اذا الاكورد اللي معك فل كامل نصيحه لاتغيرها ولاتبدلها لانها افخم من السوناتا واجود بس فرق المواصفات
اما اذا الاكورد اللي معك سبيشل وناوي تغيرها بالسوناتا 2011 فل كامل فتوكل على الله وغيرها بالسوناتا لانه في فرق في المواصفات والفخامه لصالح السوناتا ولاتنسى ان السوناتا كورد والاكورد ياباني والمشاكل اللي تشتكى منها في الكورد كلها حلولها سهله
ولاتنسى صلاه الاستخاره
والله يوفقك في السياره اللي تختارها

[مـــيـــدو]

هلا أخوووي

طيب الأكورد اللي معك فل ولا سبيشل و السوناتا اللي بتأخذها فل ولا نص

لو أنا مكانك بأتم على الأكورد ليس لأنها أقوى أو أفخم أو أجود فالسوناتا كذلك أثبتت وجودها في السوق

بس أنا أجلس على الأكورد لأن يا أخوي سيارة توك مشتريها و 2010 ما حلو انك تبيعها

لكن لو من البداية قبل ما تشتري الأكورد و كنت محتار بينها و بين السوناتا أقول لك السوناتا الفل لا يعلى عليها

و الأكورد تراها رزة و فخامة

و القرار في النهاية راجع لك

طيب طفشت من الأكورد لأسباب كثيرة ممكن توضح لنا اذا مافي إحراج

العزم مثلا أو العزل مو ذاك الزود ؟؟؟؟؟

[fang]

والله انا مثلك احترت لكن الظاهر على الاكورد !

بس ما ادري

مع اني اذا بشتري اكورد باخذ سيبيشل
واذا بشتري سوناتا باخذ نص فل !

[f a w a z]

حبيبي في نقطة حيرتني


يعني خلك معي ..


العزل لصالح الاكورد

التحمل لصالح الاكورد

القوة كل السيارتين 2.4 بقوة 178 حصان ..

الشكل الخارجي كلن وذوقه ..

الداخلي لصالح الاكورد سواء شكل الديكور او جودة المواد الداخلية ..

السعر عند البيع لصالح الاكورد ..

الرساوة لا علم لي برساوة السوناتا و لكن الاكورد رساوتها ممتازة جداً ..




الشي الوحيد الي اشوفه متفوقة فيه السوناتا هي المواصفات الترفيهية فقط ..

والخيار راجع لك ..

[احبك يالاكورد]

ويييييييييين
وش تحس به ياخي
تترك الاكورد الى سوناتا؟؟

نصيحتي خلك ع الاكورد افضل لك مليون مره

كان يهمك الشكل بس ممكن معك حق لكن في البااقي معليييييش

[TATTOO]

حررااام تخسر فلوس والسيارة لساعها جديدة,,
هيا ايه نعم انه الفل بانوراما اجرام في المواصفات فقط..بس ترى الكوووري كله لازمله محافظة شديييدة..ولا راح تتفكك عليك السيارة..

فخليك عالاكورد افضلك..

[gogo]

بسمه تعالى :


هذا قرارك ولك مطلق الخيار و الإستخارة جزء من القرار و لكن يجب السؤال و التجربة قبل اللجوء لأي عمل ربما يندم عليه الإنسان مستقبلآ ...


الأكورد ربما سيمل بعض ملاكها منها بسبب عدم توافقها و باقي السيارات و التي إمتلكها مقتنوها سابقآ ..فبعظهم يمتلك تويوتا كامري و يندب حظه لشرائه الأكورد بسبب التعليق القاسي قليلآ خلفآ لتلك السابقة ...و بعظهم يمتلك سيارة الماكس لسرعتها و نشاط محركها و يندم لإمتلاكه الأكورد لأنها ثقيلة قليلآ و عزمها يحتاج لوقت للوصول تلك المسافة التي وصلت إليها السيارة السابقة ...و بعضهم يؤذيه صوت الهواء الدائم في بعض الأحيان و يندب حظه لأنه إمتلك سيارة سابقة لا يسمع بها ذلك الصوت كما هي الأكورد ..و كل بحسب وجهة نظره ...و بحسب خبرات سابقة فمن يمتلك إحدى سيارات هوندا فيجب أن يتحملها و يصبر عليها كما هي صبرت عليك لتلك الفترة الطويلة و تحاول أن تتقادى تلك المساويء بالسيارة لأنها صنعت بتلك الطريقة لكي تصل لتلك الفترة الطويلة من تحمل رجل السائق الثقيلة في زماننا هذا ..


من ناحيتي كتجربة لطراز سوناتا القاعدة فهو طراز جيد بالنسبة لسيارة كورية و الملاحظات التي عليه : صوت تنسيم هواء على سرعات 160 km فما فوق عند التيارات القوية , الإنسيابية المفرطة تلعب دورى بتلقي قوة دفع التيارات الهوائية الجانبية مما يسبب التأرجح قليلآ على السرعات العالية , صوت مرتفع للمحرك عند السرعات المتوسطة و صوت الأكزوز واضح بالكابين عند تلك السرعة وضغط الهواء المنبعث , المقاعد غير مريحة بين الفينة و الأخرى و تحتاج لتغيير الوضعية قليلآ , المواد البلاستيكية جيدة الصنع و لكنها ليست بقوة المواد البلاستيكية لهوندا , إرتفاع واضح للمركبة مما يؤدي لعدم التماسك بالسرعات العالية , تعليق رياضي جيد لكنه غير مريح للباحثين عن النعومة فهو صلب قليلآ لأن يصل لكابين القائد و الركاب معآ أما سرعة الإستجابة للمحرك و الناقل فهي جيدة جدآ بسبب فارق القوة عن سابقتها .....هذا بالنسبة لطراز القاعدة و تختلف عنها كتجربة طراز البانوراما بسبب حجم الجنوط و إنخفاض الخلوص عن الأرض و كذا بالنسبة لفرق بعض المواصفات ...و لك أن تقرر بعد التجربة فهو أفضل في نظري أو تبقي على طراز الأكورد فهو بالرغم من بعض نقص المواصفات و إختلاف طريقة القيادة إلا أنه يعتبر الافضل في فئته بالنسبة لراحة البال و المال ....و بالتوفيق أخي الكريم .

[Abdulmajeed]

لو رجع بي الزمان , ماراح أحط ريال واحد في أكورد .. ^^

[lonly style]

انا اقول لك مافي سياره تعيش مثل الاكورد صدقني ..

تعيش وما تحتاج قطع غيار كثير فقط تحتاج قطع استهلاكيه وتعطيك فوق الخمس سنوات عكس السوناتا

[حميد]

اخى الكريم انا عن تجربه اتكلم مدرى هو موترى فيه عله ولى عين الله اعلم عنتجربه الاكورد فاشله ومشاكلها كثير وبصراحه مافيه سياره بها الزمن ممتازه كلها كراتين وشكل فقط اخوى انا حصل عندى مشاكل يشيب لها الطفل الرضيع ولله الحمد والشكر راضى ومحتسب انشالله
من مشاكلها رجه البريكات + المفتاح يعلق + رجه بالدركسون احيانا تطلع واحيانا تروح + تشويش قوى باذاعات ال fm + قطع غيار نار عالفاضى وحاجات كثيره نسيت اتكلم عنها ماتحظرلى الان والجديد من المشاكل اليوم وانا رايح الوكاله اغير زيت المكينه ولى ويرفع الموتر واحصل تهريب ملعون والدين جامد مابين القير والمكينه تهري زيت وسئلت المهندس وقالى هاذى من صوفه القير يحتاجلها تنزيل القير كامل وفقط تنزيله يكلف فوق 1000 ريال الله يلعن جدك موتر على هالمصايب انا استلم راتبى واعطيه الموتر الوسخ هاذا جنن ام امى وش خلى الصوفه تنفقع ما ادرى لانى افحط ولا ادوس جامد ولى اسرع والزيت مايزيد عن حده والعله عله كل يوم طاله بشى والسوات يعنى السيرفس كله بالوكاله وكل يوم وعله جديده وبعدين يعنى مش عارف الله يعين لاحد يلومنى بس مرتفع ضغطى من هالعله

[meshoo]

وللعلم السوناتا مافيها اي امان والفئه الفل الي فيها abs وتركشن سعرها 96.000 بدون شاشه والي بشاشه بـ 100.000

يعني بالله تترك الاكورد الاكثر امان عشان شكل واضافات بسيطه بتفقد اشياء كثير بالاكورد من ناحية الامان + الرساوه + الجوده + قوة التحمل .

والافضل تمر اقرب وكيل هيونداي وتجرب السوناتا عشان تقرر والخيار لك

[هيموالمسعودي]

السوناتا من برا هالله هالله ومن جوا يعلم الله...ماتدري وش عيوبها

من ناحية الخدمات الداخلية مثل الترفيه .....


يااخوي الاكورد لو تعمل لها لمسات داخلية ..شاشة ..تخشيب..اكسسوارات خارجية

راح تفكر تنسى السوناتا

يكفيك انها ملكة ماتنزل للشوارع ...لاستعمال التاكسي...شوف باقي السيارات...كامري ..سوناتا..كابريس..

حتى العسكر في نقاط التفتيش يحترمونك...ويسلموا عليك...>>>وش رايكم ..حصلت معي كذا مرررة

[AHN]

^^
أجل لو معي ., بانوراما .,
مطخ راسي مثلا .,

:d

[D.H.o.O.o.M]

مساله انكـ تبيع الاكورد عشان سوناتا فا اسمحلي

بغض النظر عن الاسباب

بالتوفيق

[كونكورد 2010]

بنسبه لانك تبيعه عشان سوناتا فانا ماني معك لاكن لو تاخذ لك النترا فل تعطييك توب التوب ..هع

[غاب القمر]

الله يعطيكم العافيه ياشباب ونصايحكم من ذهب والله

وحتى اخواني كلهم معارضيني

اليوم بكلم الرجال والله يكتب اللي فيه الخير

اخوكم محمد

[fang]

بالتوفيق يالغالي
لو تشوف ردي الي فوق وانا متردد

اليوم ابشرك رحت للوكالة ودفعت الدفعه حقت الهوندا ^_^ والحمد الله الاحمد او الاثنين بالكثير واستلمها
لاني بالاول ترددت بينها وبين السوناتا لكن بالاخير الهوندا مالي غنا عنها ( ياباني + تتحمل ) هذا كل ما يلزمني انا
ويستاهل انك تدفع لها ،،

موفق اخوي

[FiReFiGhTeR]

بسم الله نبدأ:

اخوي انا من مجربي الاكورد 2007 و بعتها قبل 3 اشهر تقريبا وخلال هذه الفتره جربت سيارات واجد منها : الاوريون-الافالون-ازيرا-مازدا 6 وفورد تورس اقل فئه و بصراحه ما حصلت موتر مثل الاكورد والحمد لله شريت الاكورد v6
واذا تبي النصيحه خلك على الاكورد ابرك من السوناتا على الاقل انظمة امان وسلامه وبدي متماسك ورساوه ما شفت مثها الا بسيارة سوبارو ليجاسي يا اخي ترى الاكورد شبابيه وعائليه في نفس الوقت ويمسك سعره في السوق فاذا انت بتضحي بالاكورد على شان بعض المواصفات الترفيهيه والكماليه وليست مواصفات سلامه وامان فهذه مشكله والله الموفق

تصويتي للاكورد
شكراا...