والمشاكل هلت ياعينى

**حميد** · 26-08-2010, 04:33 AM

السلام عليكم ورحمه الله وبركاته
طبعا سيارتى ماعاد اسميها اكورد بسمبها بسمبها علت العلل
الموهم انظم مع المشاكل السابقه مشكله جديده وهو تهريب زيت من صوفت القير الله يلعنها سياره وش الحل وكم تكلف اصلاح
وشكرا

**meshoo** · 26-08-2010, 04:42 AM

وعليكم السلام

الاحظ اخوي حميد مشاكل سيارتك جدا جدا كثيره !

انت تهتم فيها والا سواقتك خشنه ؟

او اذا جتها عين الافضل انك تبيعها ولاتتعب نفسك كل يوم يطلع شي جديد !

**القايله** · 26-08-2010, 05:43 AM

حميد وانا اخوك سيارتك فيها عين صراحه حاله خاصه

**D.H.o.O.o.M** · 26-08-2010, 05:59 AM

الله يعينكـ

يا انكـ تحرج ع السيارة يا انكـ تبيعها لن سيارتكـ فيها عين

اعطال سيارتكـ غريبه عجيبه

**م ج رد حلم** · 26-08-2010, 06:03 AM

انا لو مكاانك ابيعها بدون تفكير

بلوة هذه

**AHN** · 26-08-2010, 06:09 AM

عنديلك رائ.,

اجدع سيارتك بالمعارض ., خلها اسبوع .,
و اي واحد يسالك قله ( نااوي ابيعها )

وانت اقراء المعوذاات وع السياره .,

<< حشا هذي وهي اكورد وشلون لو معك bmw
الله يعينك

**فـــيـــصـــل..607..** · 26-08-2010, 06:10 AM

وش فيك تلعـن يبووو ترا كلها سياره :d

والحال من بعضه شفني مالعنت ولاشي

طنش وصلح وعيش :d

ماجازت لك

بعهـا وشف لك اقرب كامري

**حميد** · 26-08-2010, 08:28 AM

الله يعين الله يعين , طيب ياشباب تعرفون ورشه ممتازه بالدمام شغلها ممتاز وماياخذون واجد لانو الدعوه يبيلها فك قير
اشكركم والفرج من عند الله قريب .

**حميد** · 26-08-2010, 08:29 AM

على فكره ياشباب الساعه كم تفتح الورش برمضان ؟

**meshoo** · 26-08-2010, 08:56 AM

شوف ورشة السعاده متخصصه بهوندا

وهذا رقم مدير الورشه وكان شغال في الوكاله سابقا 0508931743 اقبال

وبالتوفيق لك ...

**ملك قوقل** · 26-08-2010, 10:30 AM

الله يكون بعونك يالغالي
وان شاء الله تنحل مشكلتك

**بلال العلمي** · 26-08-2010, 11:22 AM

اخوي

السيارة 2008 وتهرب زيت من الصوف؟؟؟؟

انت غيرت زيت القير او زيت المكينة عند ورش اي كلام وهنا المشكلة انهم يزيدون لك الزيت اكثر من الحد وهنا يصير فيه ضغط يخرم الصوف هذه وتنتهي المسألأة بتهريب صوف

للقير صوفتين امامية وان شاء الله بسيطة وخلفية وهنا لازم القير ينفك وتشتري صوفة القير الداخلي وتشتري صوفة الطنجرة وعاد شغل اليد راح يسلخك

والا تاكد انك طول ما انت ماشي فالزيت راح يتهرب ويطلع وطول ما انت موقفها راح تظل تقطر زيت وتهربه

**حميد** · 26-08-2010, 11:26 AM

الله يعطيكم العافيه يا اخوان ماقصرتم على راسي وربي , الله يعطيك العافيه ياميشو ماقصرت ياالذيب كلمت مستر اقبال ورحت يمه يا خى مع احترامى طلع نصاب وحرامى تنزيل المكينه والقير ب الف 1000 ريال ليش انشالله لايكون منزلها بالوكاله وانا مدرى
الصوفه ان غلت مره مره 200 وكمان التنزيل المكينه ان كثرت 500 ريال = 700 كله وكمان انا مكرمه ومبخشش عليه سلمات تنزيل المكينه 1000 اوديهالالوكاله اوفر
على العموم ماقصرتو جميعا واخ ميشو لاتزعل منى بس النصب ساير عينى عينك , انا اخذت موعد انشالله يوم الاثنين الصبح بالوكاله ونشوف كم تكلف اصلاح .دعواتكم .

**حميد** · 26-08-2010, 11:31 AM

اخوى بلال يسلمو على مرورك بالعكس التغييرات كلها بالوكاله يخوى بس هى مره وحده غيرتها برا وما اعتقد انو منها لانو عندى الدلائل الى تفيد انو خاصه ال6 سلندر اذا عدت ال 100000 كيلو تنفقع الصوفه يخوى
رحت امس الوكاله ويوم غيرت زيت المكينه قالى الموضف نفس الكلام واليوم الصباح قبل ساعه رحت عند كذا ورشه منها الترس الى بالخضريه وورشه الغامدى وورش كثيره اتفقو انو الاكورد وخاصه v6 تنفقع الصوفه بعد ال 100000 والله المستعان

**البراك** · 26-08-2010, 11:31 AM

بـع بـع بـع

**بلال العلمي** · 26-08-2010, 09:30 PM

المشاركة الأصلية كتبت بواسطة حميد

اخوى بلال يسلمو على مرورك بالعكس التغييرات كلها بالوكاله يخوى بس هى مره وحده غيرتها برا وما اعتقد انو منها لانو عندى الدلائل الى تفيد انو خاصه ال6 سلندر اذا عدت ال 100000 كيلو تنفقع الصوفه يخوى
رحت امس الوكاله ويوم غيرت زيت المكينه قالى الموضف نفس الكلام واليوم الصباح قبل ساعه رحت عند كذا ورشه منها الترس الى بالخضريه وورشه الغامدى وورش كثيره اتفقو انو الاكورد وخاصه v6 تنفقع الصوفه بعد ال 100000 والله المستعان

اذا التغييرات في الوكالة كلها ومسجل فالوكالة تعطيك ضمان على اي شي يتسبب تغيير الزيت فيه

يعني روح لمدير الصيانة وقول له انا غيرت زيت القير والمكينة كلها عندكم حسب السيستم اللي موضح عندكم وانفجر عندي الصوفة وقول له ان الصوفة ما تنفجر الا بزيادة الزيت اكثر عن الحد المعقول

لي صديق كداد يعني يسافر يوميا وسيارته الان تعدت اكثر من 160000 كيلو متر وما صار لها شي

**مـــيـــدو** · 26-08-2010, 11:28 PM

أخوي حميد أنا صراحة أنصحك ببيع السيارة شكلها عين

كل يوم مشاكل مشاكل

لو انك في جدة يا أخوي كان أرسلتك على ميكانيكي شغله تمام التمام

المهم خبرنا وش يصير معك

**BЯộǾK ❤** · 26-08-2010, 11:33 PM

حسبي الله على العدو ..

اقرا المعوذات عليها وحاول انك تشغل فيها قرآن ... يعني يومك تبداه بقرآن انا واللي تتوقع منهم العين قبل تصلح السيارة حاول انك تشوفهم وتوريهم السيارة وهي بحالتها هذي واذا وديتها المعرض حاول انك توصلهم الخبر وان الموتر مو زين ... يعني تخلي الموتر يطيح من عيونهم وقبل كل شي اقرا عليها .. وان شاء الله بيروح الشر منها

ويمكن يكون السبب منك انت ... عشان كذا خل رجلك خفيفه على الموتر

واهم شي ادع ربك قبل كل شي

وترا حاس بحالتك اللي انت فيها ... :(

لأن موتري جاته عين وكرهت اليوم اللي شريت فيه الموتر وكل يوم صادم وحالتي حاله ...

بس الحمد لله بعد ماراحت وكل شي كويس ياربي لك الحمد وعقبالك ان شاء الله وتصير احسن من قبل بكثيير بس سو اللي قلت لك

**abdelslam** · 27-08-2010, 12:24 AM

وعليكم السلام ورحمة الله وبركاته

صارت لي مثل مشكلتك بس انا صوفت المكينة والقير

بسبب الزيت الزائد في المكينه وكثرت الدعس

كلفة علي 750 + زيت قير والحمدلله على كل حال ...

اذا صلحتها خل رجلك خفيفة على البنزين ولا ترا بتهرب مرة ثانية

**بلال العلمي** · 27-08-2010, 03:17 AM

المشاركة الأصلية كتبت بواسطة abdelslam

وعليكم السلام ورحمة الله وبركاته

صارت لي مثل مشكلتك بس انا صوفت المكينة والقير

بسبب الزيت الزائد في المكينه وكثرت الدعس

كلفة علي 750 + زيت قير والحمدلله على كل حال ...

اذا صلحتها خل رجلك خفيفة على البنزين ولا ترا بتهرب مرة ثانية

التسارع القوي ما يأثر على الصوف اللي يأثر على الصوف هو الزيت الزائد عن الحد فقط

**meshoo** · 27-08-2010, 04:03 AM

المشاركة الأصلية كتبت بواسطة حميد

الله يعطيكم العافيه يا اخوان ماقصرتم على راسي وربي , الله يعطيك العافيه ياميشو ماقصرت ياالذيب كلمت مستر اقبال ورحت يمه يا خى مع احترامى طلع نصاب وحرامى تنزيل المكينه والقير ب الف 1000 ريال ليش انشالله لايكون منزلها بالوكاله وانا مدرى
الصوفه ان غلت مره مره 200 وكمان التنزيل المكينه ان كثرت 500 ريال = 700 كله وكمان انا مكرمه ومبخشش عليه سلمات تنزيل المكينه 1000 اوديهالالوكاله اوفر
على العموم ماقصرتو جميعا واخ ميشو لاتزعل منى بس النصب ساير عينى عينك , انا اخذت موعد انشالله يوم الاثنين الصبح بالوكاله ونشوف كم تكلف اصلاح .دعواتكم .

الله يعافيك , والله يالغلآ مادري عن تقديره لتصليح مثل هذه الاعطال اذا كان غالي او رخيص !

ولكن الافضل انك تشيك على تسعيرة الوكاله , وتمر كذا ورشه وبعدها تقرر , ولاتنسى شغلهم ماشاء الله لايعلى عليه في الميكانيكا والكهرباء

وبالتوفيق لك ان شاء الله

**حميد** · 28-08-2010, 12:35 PM

الله يوفقكم جميعا رحت اليوم استفسر اكثر لانو وراى سفره ظروريه الموهم , قابلت احد المهندسين السعوديين وقلتله المشكله قالى هل السياره على الضمان قلتله لا لانو الحين ماشيه فوق المئه الف قال طيب يحتاجلك فك وتركيب قير وتغيير زيته 1700 وكسور قلت طيب وبعدين الصوف قال اذا الاماميه سهله وقيمتها 35 والفك والتركيب مايتجاوز 300 ريال واذا الى بالنص 71 الصوفه والفك والتركيب 1700 وشوي , قلتله على كيف امك انت , صحيح ان الموتر خلص ضمانه بس ياحبيبي السيرفس اول باول عندكم وتغيير الزيوت عندكم ماقد غيرته برا ياعزيزى , قال هاذى اجور يد قلت يعمى هذا راتب موظف تستهبل انت , قلت ماعليه عطنى موعد والوعد عند التسليم والله لاخذ موترى وماادفع المبلغ المبالغ فيه ذا سلمات امنا بالله بس 1700 وكسور فك وتركيب القير وتعبئه زيته سلمااااااااااااات؟
مدرى ياجماعه شورو على ؟

**Doabil** · 28-08-2010, 03:11 PM

^^^^^^^^^^^^
أخي حميد و الله ممشاك كثيير و عندي احساس انك شوي رجلك حارة
المهم ....أنا أستغرب الأستقلال من الورش و الوكالة و لكن أبي أقولك شي
انت سعرها في الوكالة أحسن من تصلحها برع و اذا صار شي او ما تركبت الصوف صح تعال و فك من جديد وبالحالة كأنك يا زيد ما غزيت و بالعكس اللي وفرتها لتصليح الوكالة راح تحطه ثانية .
بالنسبة لورشة السعادة هذا قاعد يستقل سمعته
في ورشة تركب الفحمات بدون كبس و ينكسر الجنط و يقولك نركب لك جنط تجاري
مع احترامي للي يشوف انه يستاهل .