من تجربتك, رشح أفضل محل تلميع.

[اكوردياني]

السلام عليكم ورحمة الله وبركاته
العيد قرب فكل عام وأنتم بألف خير, الحمدلله خلصنا من مقاضي العيد والفرارة و التسحب بالأسواق و من مجمع لمجمع مع الأهل و زحمة وأخلاق بالشوارع مافيه وكلن يبي يوصل الاول.
الحين أبي أدلع السيارة بما أنها تعبت معي فقررت ألمعها وأكشخها للعيد. للأسف كانت لي تجربة فاشلة مع أحد محال التلميع (الله لا يعيده من يوم) فخوفا من تكرار المشكلة قلت استشيركم قبل ما ألدغ من الجحر مرتين.
المطلوب سلمكم الله:

1- إسم المحل.
2- سعر التلميع الخارجي + سعر تلميع الداخلية مع ذكر نوع التنجيد.
3- المدة (سرعة الإنجاز).
4- وصف لموقع المحل.

أنا من سكان الشرقية لكن ما يمنع ذكر أسماء محلات في مناطق أخرى لتعم الفائدة للغير.

[جنوون]

وانت بخير وصحه وسلامه الله يعيده علينا وعلى جميع المسلمين
من ناحيتي :
ميتالك - الرياض .. واعلانه بالمنتدى
قعد يوم كامل رغبه مني .. عشان يطولون بالماده الشمعيه .. كل ما تطول كل ما كان افضل ..,

[عاشق للهوندا 07]

فيه للاهل جده محل حلو ولا يستغرق وقت وراح اسأل لك اذا لهم فرع بالشرقيه
(ايكو واش موبايل) و شعارهم غسيل السياره بدون ماء و يستخدمون مواد من استراليا على قولتهم انا سويت عندهم اكورد من الداخل بسعر 350 ريال رجعوها وكاله و في وقت قياسي يمكن ساعتين بس و قالوا لي اضف 150 و لمع تلميع خارجي بس سيارتي من برى جديده و لا يحتاج بس الصراحه شغلهم 100%
اتمنى اكون افدتك,

[KHT]

لي رجعه لها الموضوع بعد ما اطلع سيارتي من التلميع

لاني اليوم دخلتها الساعه 11 بالليل وبتطلع بكرا الساعه 11 بالليل
تلميع خارجي فقط

[King]

سيارتك جلد ولا مخمل ؟

التلميع يشمل الداخلي والخارجي ؟

[KHT]

اسم المحل 360 درجه

وصف المحل : الخبر بعد وكالة بي ام وقبل اشارة الدي اتش ال

سعر التلميع : 350 ريال خارجي فقط <<< طبعا السعر خاص لان مدخلين سيارة اخوي وسيارة الوالد من اول

الوقت : دخلتها امس الساعه 11 المساء وطلعتها اليوم الساعه 10 المساء وكان يمديني اطلعها قبل بس ماكنت مستعجل عليها

والشغل صراحه ممتاز اذا رحت لهم بتشوف السيارات الي قاعده تتلمع داخل المحل

[f a w a z]

افضل محل لمعت السيارة عنده الى الان هو زيبارت

تلميع داخلي و خارجي + حماية داخليه و خارجية و كل مكان بالسيارة ..

بـ 1400 بعد الخصم

لكن شغل قوي صراحة ..


~


و خطوتي القادمة ان شاء الله عند ميتالليك

[سكــون اللــيل]

،ُ


افضل محل بالنسبه لي ..
ميتالك ..
والموقع فـ الرياض
سعر كويس ..وشغل بطل ..
سويت عندهم تلميع داخلي و خارجي ..


ُُ،