تنصحوني بتنظيف البخاخات ولا ؟

[Accord F15]

سلام عليكم..

يا شباب عندي السياره مقتول عزمها بشكل خفيف يعني مو مره بس ماهي السياره اللي على خبري رحت غيرت الزيت امس عند بنشري وفكلي منظم الهواء فيه زي القربه كذا كانت مليانه تراب نظفها لي بالهواء وانا شاك ان البخاخات يبغالها تنظيف لأن البنزين بعض الاحيان عندي تولع لمبته وانسى منه فهل انظف البخاخات ولا استخدم المنظف اللي بساكو اعتقد قيمته 43 ريال لان فيه ناس قالولي فيه ابره بالبخاخات لو تخرب راح تتعب كثير فاللي قد نظف البخاخات يعلمني وش الدبره وان شاء الله بغير فلتر البنزين معها

[فـــيـــصـــل..607..]

متابع لموضوعك لأنه يهمنـي

السياره من جد متغير عزمهـا مررره

مش بالقومه لكن حتى يعني ابي ادز من 80 إلى 140 مثلا

مرره السياره متغير عزمهـا

غيرت البواجي +السير+الزيت والسيفون+ فلتر الهواء


لكن للحين السياره احس عزمها ضعيف

وياخوفي f15 من تنظيف البخاخات

لأن اي لخبطه فيه راح يضعف عزم السياره اكثر وبخليك تكرهها

فلا تسوي شي الحين ليـن الشباب يفيدونـا

[5558]

سلام عليكم..

يا شباب عندي السياره مقتول عزمها بشكل خفيف يعني مو مره بس ماهي السياره اللي على خبري رحت غيرت الزيت امس عند بنشري وفكلي منظم الهواء فيه زي القربه كذا كانت مليانه تراب نظفها لي بالهواء وانا شاك ان البخاخات يبغالها تنظيف لأن البنزين بعض الاحيان عندي تولع لمبته وانسى منه فهل انظف البخاخات ولا استخدم المنظف اللي بساكو اعتقد قيمته 43 ريال لان فيه ناس قالولي فيه ابره بالبخاخات لو تخرب راح تتعب كثير فاللي قد نظف البخاخات يعلمني وش الدبره وان شاء الله بغير فلتر البنزين معها

عزيزي سيارتك فيها تقطيع وانت تمشي مثلاً

وانا ماانصحك تنظف بخاخات لأن لو نظفت البخاخات راح تكون المشكله اسوأ من قبل

شوف عندك البواجي يبغالها تغيير .وفلتر البنزين بتحصله بالشنطه تغيروه وان شالله بتنطلق معاك:d:d

[AC04]

فلتر البانزين هي الصفايه ولا تختلف

[Accord F15]

متابع لموضوعك لأنه يهمنـي

السياره من جد متغير عزمهـا مررره

مش بالقومه لكن حتى يعني ابي ادز من 80 إلى 140 مثلا

مرره السياره متغير عزمهـا

غيرت البواجي +السير+الزيت والسيفون+ فلتر الهواء

لكن للحين السياره احس عزمها ضعيف

وياخوفي f15 من تنظيف البخاخات

لأن اي لخبطه فيه راح يضعف عزم السياره اكثر وبخليك تكرهها

فلا تسوي شي الحين ليـن الشباب يفيدونـا

المشكله ياخوي ان اكثر الناس قالولي اذا انت من اللي يطنشون البنزين لين يخلص نظف البخاخات لأنك زي ما تعرف البنزين اللي يبقى بالاخير يجمع الوسخ بالقربه ويروح للبخاخات ويعدمه لكن للآن ما قررت وش اسوي مع ان بعض الميكانيكيه قالولي وزن بلوف!!
ومنور الموضوع حبيبي

[Accord F15]

عزيزي سيارتك فيها تقطيع وانت تمشي مثلاً

وانا ماانصحك تنظف بخاخات لأن لو نظفت البخاخات راح تكون المشكله اسوأ من قبل

شوف عندك البواجي يبغالها تغيير .وفلتر البنزين بتحصله بالشنطه تغيروه وان شالله بتنطلق معاك:d:d

شوف السياره لمن تقوم الين النمره الأولى على عشرين تحسها تقوم بالغصب حتى لو تكتم له تحس المكينه تطول لين يطلع عزمها غيرت البواجي برمضان وباقي نفس المشكله وكثير ميكانيكيه يقولون تغيير صفاية البنزين (فلتر) ما راح يحل لك المشكله لأن البخاخ فد تضرر مسبقآ
وشاكرلك مرورك اللطيف يا زميل..

فلتر البانزين هي الصفايه ولا تختلف

يس

[المباشر]

خلي البخاخات اخر الحلول

ابدأ بالتغيير بالتسلسل وشوف وضع السيارة

1- بواجي

2- صفاية البنزين

3- فلتر الهواء

4- تنظيف الثروثل بدي

5- آخر الحلول : البخاخات لكن اذا مافيها تقطيع خلها في حالها لاتوهق نفسك لان مش اي واحد يضبط تنظيفها

[المباشر]

مع ان بعض الميكانيكيه قالولي وزن بلوف!!

اللي قالك وزن بلوف كلامه ممكن يكون صحيح لكن في حالات مثلآ

1- اذا تسمع صوتهم عالي وقت التحميه

2- اذا الوزنية رايحه فيها واذا دعست بنزين ماتمشي وماتعدي سرعة معينة مثلآ 60 وتسمع البلوف تخرش وصوتهم واضح

السيارة تطفي في عز الحر فجأة اذا وقفت واذا شغلتها تشتغل عادي << اغلبها في الفورد وسببها وزن بلوف

[accordyon]

يارجال اذا على لمبة البنزين انا اكثر واحد تشتغل عندي واحياناً اخليها ليوم ثاني
هي صحيح مو زين تخليها كذا بس مرات تكون مو حوله
الخلاصه من قبل 4 شهور حسيت بعزم السيارة صار من جد فاشل لاقومة ولاخط
طنشتها لين رمضان شريت فلتر بنزين وبواجي وركبتهم ورجع كل شي مثل اول واحسن بعد

ومضه: صحيح اخر التانكي يصير وسخ بس مسحيل يوصل للبخاخات،، اجل وش فايدة فلتر البنزين

[متصفح]

مثل ماقالوا الشباب فلتر البنزين او وزن بلوف لو ماشي فوق الـ 100 الف كيلو

زمان كنت اسال ورشة الجنوب والوكالة عن تنظيف البخاخات ويقولو بخاخات الاكورد نوع مختلف ومايحتاج تنظيف

وللفائده نظفت بخاخات سيارتي بعد 200 الف لاول مره بالجهاز الخاص بتنظيف البخاخات وماشفت اي تغيير يذكر

[فـــيـــصـــل..607..]

طيب من جد انا دايمن مولعه عندي لمبة البنزين:d

لكن السؤال لو غيرت فلتر البنزين

والحين يقولون يمكن تروح البخاخات الأشياء الصغيره إلي تتجمع

والعضو الثاني يقول لا ماتروح

فما ادري متى طيب تتوصخ البخاخات وش الأسباب إلي تخليها تتوصخ

[Accord F15]

مثل ماقالوا الشباب فلتر البنزين او وزن بلوف لو ماشي فوق الـ 100 الف كيلو

زمان كنت اسال ورشة الجنوب والوكالة عن تنظيف البخاخات ويقولو بخاخات الاكورد نوع مختلف ومايحتاج تنظيف

وللفائده نظفت بخاخات سيارتي بعد 200 الف لاول مره بالجهاز الخاص بتنظيف البخاخات وماشفت اي تغيير يذكر

ياخي تعرف ورشة الجنوب احس ان ابو هنود اللي فيها مافي راسه لأنه جرب السياره واي واحد يركبها يلاحظ الكتمه ولكن هو يقلي هذا عادي قلتله كيف عادي سيارتي ما كانت كذا ما ارتحتله صراحه وعرفت انه غشيم