كأن السياره تغيرت لما غيرت الكفرات

[lonly style]

السلام عليكم..

شباب انا بعد تفكير قررت اركب كفرات جوديير ..

اتجهت لوكيل جوديير الراشد قال لي ماعندنا كفرات وانا خلاص مالي خلق ارجع بدون ما اركب كفرات ...

قال الكفرات في المينا قلت اجل خليها تخيس هناك ..
اتجهت لشارع الملك عبد العزيز بالدمام وشفت محل مكتوب عليه جوديير وشكله موزع لجوديير نزلت لقيت الكفرات نفس الي قال لي عنهم موظف الوكاله تبع جوديير بالظبط طبعا نفس مقاس سيارتي جنط 17 ب 500 ريال وفي الوكاله ب 530 وتاريخهم جديد نفس الي في المينا يعني اصليين ...

طبعا ركبتهم على طول بس بعد ما ركبتهم اختفت الاصوات و صار مشي السياره ناعم وراح الازعاج كله بس المشكله العويصه السياره صارت ارفع ؟؟


هل يضر السياره ادا كانت ارفع ؟

[فلم جامد]

الله يهنيك فيها أنا من أقوى مرشحي هذي الكفرات عن تجربة صراحة
بالنسبة للضر ماعندي علم بس يمكن تشكل ضرر على المساعد وجهة نظر

[كشكول]

الله يهنيك فيهم

وانا بصراحه مثلك توني مركب قوديير مقاس 225/55/17 ارفع من الكفرات السابقة ميشلان
حسيت بنعومة في السيارة بس لاحظت حاجة في الطريق السيارة تلعب مافيها ثبات هل من ارتفاع الكفر الله اعلم ممكن يفيدونا الشباب هل الارتفاع له دور
بس بصراحه تلعب لعب السيارة في الطريق اخاف اسرع حتى 170 عليهم
مع العلم كفرات ميشلان امشي ال 200 عادي وثبات ممتاز

[فلم جامد]

يا اخوان هذي علشان الدعسة لسة مااخذت وضعها فترة خفيفة وتختفي مشكلتكم هذي اللي ماتعتبر مشكلة

[meshoo]

وعليكم السلام

اذا نفس مقاس الكفر السابق ماعليها ضرر ان شاء الله

[Pink Dream]

وانا الي مركب 225 - 45 -17 وحسيت السياره افضل ..

والجوديير ناعم وحلو وضمانه مفتووح ..

واكيد راح تكون انعم لان الميشلان لايعلى عليه في القساوه خخخخخخـ

بالتوفيق ومبروك التواير الجديده

[khaled_2010]

ميشلان مشاكله مشاكل

الحين ابغير كفر الاستبنه ونفسي اغير الاربع كلها

[مصلح فهد]

هل فيه نفس مقاس كفر بلدها اقصد القوديير

[lonly style]

الي مركبنه انا نفس المقاس حق شد بلد يا مصلح ...

بس مادري ليش احس السياره صارت ارفع من اول لما اركبها الطبيله تحك الحين صارت ما تحك نهائيا

[أبو غريب]

السلام عليكم
أنا أنصح الكل بأن يركب كفرات أعرض يعني 235 أحسن بواجد من شد بلادها ، و إذا برجيستون البصمة الرياضية يطلع آخر كلام .