عندي ثلاث مشكلات .. ودي تساعدوني فيها اخواني

[الجليـــد]

السلام عليكم يا اخوان , كيف حالكم؟

يا اخوان تحملوني شوي عندي تساؤلات لكن فزعتكم تكفون..
1-(معي اكورد 2007 اربعة سرندل).. امس كنت ماشي في طريق الملك فهد و فجأة وقف الطريق و ضربت فرامل و وقفت السيارة حتى الان حلوين ... لكن بعدها طلع لي صوت مع دوسة الفرامل كنه صوت جنزيل سيكل اذا انفرط او شيء مفكوك ما ادري وش هالصوت و لكن دبلت الفرامل ثلاث مرات وراح الصوت ولا عاد رجع .. الحمد لله راح الصوت ولكن وش كان هالصوت علشان في صيانة الـ 15 الف اقولهم عليه اذا هو خراب ولا شيء..

2- يا اخوان بعد صيانة 10 الآلاف صرت مع دوسة البنزين يطلع صوت ما ادري تصفير ما ادي وش هالصوت.. و اذا رفعت رجلي عن البنزين يروح هالصوت و اذا رجعت ادوس يرجع .. مثل الكراسيدا اذا كنت دايس عليها تطلع تصفير مثلها لكن صوت سيارتي خفيف ما يسمعه الا انا لان اختلف علي الصوت..

3- صوت المكينة تطلع صوت المفروض انه ما يطلع في سيارة جديدة يعني كذا ( تك تك تك تك)>> وش رايكم في الوصف؟ يعني حتى لو السيارة حامية تطلع الصوت و لو رحت مشوار ورجعت يبقى هالصوت ما ادري هو فلتر بنزين او ما ادري وش السالفة افيدوني افادكم الله

[acoord]

الاول .. هذي خاصية منع الانزلاق ( Abs ) و الصوت طبيعي .

الثاني .. ما أعلم , لكن الصوت .. صوت ونّه ؟ تسمعه مابين الـ 40 الى 100 ؟ اذا كان كذا تراه عادي

الثالث .. ما أعلم , لكن أتوقع انه طبيعي !

[بلوسكاي]

الاول والثاني اعتقد طبيعيات
الثالث مو طبيعي لان نفس المشكله طلعت عندي وسيارتي اللحين بالوكاله وديتها وقالوا لي هذا الصوت بالمكينه ترا الصوت بعض المرات تسمعه وبعض المرات لا
اذا كيذا تراه مو طبيعي ووده للوكاله خلهم يشفونها لان الصوت بالمكينه نفسها مو من شي ثاني
امل اني قد افدتك

[@ " ayad " @]

كان الله في العون