الحاقا لبعض المواضيع وللفائده للجميع

**حميد** · 23-11-2010, 12:14 AM

السلام عليكم ورحمه الله وبركاته
صباح الورد جميعا
اخوانى في البدايه احب ان اتقدم بالدعاء الخالص لمولاى خادم الحرمين الشرفين الملك عبدالله بن عبدالعزيز ال سعود حفظه الله ورعاه وان يقومه بالسلامه وان يلبسه لباس الصحه والعافيه اللهم امين
ونحمد الله سبحانه وتعالى بان من علينا بقدوم اخيه سلطان سلطان الخير حفظهم الله جميعا
واهنى الشعب السعودى بمناسبه فوز المنتخب على اليمن وعقبال الكاس انشالله
اخوانى الحاقا لمواضيعى السابقه ومن المشاكل الى واجهتنى بسيارتى اكورد 2008 v6 وكانت منها رجه بالدركسون بعد ماغيرت 3 انواع للكفرات
وبعد فحض وضياع فلووس لازال البحث جارى لحل المشكل وهو قبل يومين التقيت مع احد زملائي معاه نفس سيارتى شرحتله قصتى فقال انا تونى مطقم كفرات ليش مانفك الكفرات ونتبادل وكل واحد يجرب كفرات الثانى فعلا بدلناهم وجربت سيارتى وحسيت بالاحساس الى نسيته وفقدته من زمان رجعت سيارتى مثل الحلاوه لارجه بالدركسون ولاهم يحزنون ولله الحمد لذالك تاكدت الان ان المشكله مو من السياره ابد المشكله ياجنوط ياكفرات
بالنسبه للكفرات رحت اكثر من الف مره لوكيل برجستون ويقلى الكفرات مافيها شي
لاكن الى ابيه ياجماعه ابي افحص الجنوط عند واحد فاهم وين اوديها هل المخارط يقدرون يصيدون المشكله لو كانت من الجنوط ولى يوجد ورش متخصصه بها الشي
انا من الدمام ابي اى ورشه بالشرقيه حتى لوبالرياض يفحصلى الجنوط
شاكر ومقدر واسف على الطاله
هدفى بالموضوع هاذا ومواضيعى القديمه حاجتين
الاولى حل المشكله
الثانيه الناس تستفيد لو صادفتهم نفس المشكله وش يكون الحل
وانا باذن الله المشاكل الى حليتها بسيارتى لازم اسوي لها تقارير مدعمه بالصور عشان يستفيد منها الجميع
تقبلو مرورى

**حميد** · 23-11-2010, 12:31 AM

لاتبخلون على بردودكم وسماع ارائكم ياحلوين

**accordyon** · 23-11-2010, 01:10 AM

المفروض محلات ترصيص الكفرات هي الي تعرف اذا الجنوط سليمه والآ لا

**حميد** · 23-11-2010, 01:52 AM

هاذى المشكله انو محلات الكفرات والترصيص مو عارفين يقولون الكفرات سليمه وكمان الجنوط مافيها شي ويقولك اذا مو الكفر الجنط واذا مو الجنط الكفر ورحنا مابين هاذا وذيك
الله يعين
في انتظار المزيد من الاراء

**احمد 182** · 23-11-2010, 02:45 AM

الله يعطيك العافيه على الافاده بس بقولك شي يا حميد انا لاحظت عليك انك تعطي السياره اكثر من حقها ولاتوسوس كثير خلها عادي وكفايه خساير لاني فهمت منك انك خسرت عليها كثير بدون فايده واحب اقولك معلومه لاتسوي الشي الا اذا كنت متأكد منه 100% عشان ماتندم وتخسر فلوسك على الفاضي شوفني انا كنت اي شي اسمعه بالسياره اروح الصناعيه وطفشت اعطيك مثال انا عندي مشكلة الي هي اسمع صوت المكينه داخل السياره قالولي وزن بلوف وزنت بلوف في احسن ورش الدمام الي هي السعاده ونفس الشي ورحت عند واحد الله لايوفقه لادنيا ولا اخره قالي دبة التلوث مسدوده عندك وهي مافيها شي وفكها وركب دبه من عنده وشرا الدبه مني وبصراحه هذا الي اذكره وغير الخساير الثانيه مع العلم ان المكينه مافيه شي بس وش تسوي ربك ييسرها وشكرآ...

**حميد** · 24-11-2010, 12:34 AM

احمد الف شكر على مرورك بس صدقنى وانا اخوك مشكله الرجه هاذى من زمان بمعنى مو انا فقط الى الاحظها انا الحين ولله الحمد سيارتى اختفت الرجه منها نهائيا ايش الاسباب اجهلها ولاكن الجديد بالموضوع الان سارت السياره لمن اوقفها فتره واجيها اليوم الثانى الصباح ادق سلف وتسخن ثم امشى زى ماذكرتلك راحت الرجه الجديد انو السياره تنقز مدرى اشلون اوصفلك بمعنى انو كان كفر مبنشر امشيها كذا مسافه شوى وتختفى تماما هاذه المشكله الغريبه الى عندى
بدايتا كانت رجه تختفى بعد الترصيص يومين تعود ترجع الرجه هالمره اختفت الرجه وسارت السياره تنقز تقول مشغل هيدرولك
الشي الثانى اشلون ما احس لان المشكله لها سنه بالضبط الان بس الى ابيه احد يدلنى على محل يفحص الجنوط ممكن واحد منها مسبب ام المعناه الى طولت وسببتلى هالمشكله , ومن ناحيه الخساير صدقنى مافي خساره اذا حصلت حل لانو راح تفيد الناس الموجودين سواءا بالمنتدى او خارجه او على اضعف الايمان لو سارلك مثل هالمشكله تعرف الحل بالمستقبل ومابعد الصبر الى الفرج وانا اخوك لازم ما ايئس وابحث عن الحلول
بانتظار اراؤكم واستشاراتكم وكمان انتظر منكم المزيد من المحلات المتخصصه لكشف مثل هالمشاكل
تقبلو مرورى

**ابو بريه** · 24-11-2010, 04:22 AM

يسعد مساكم \صباحكم
اخ حميد تصدق ان اللي حصل معك هي نفس المشكلة اللي حصلت معي بالضبط حاولت يمين يسار سويت ترصيص ارضي مانفع رحت للعضيب وسويت مره ثانيه ترصيص كذلك مانفع يروح يومين ويرجع
فقلت يمكن من الكفرات ...... وانت تقول ان المشكلة مو من الكفرات ...... انا هنا شوشت ...... احترت ......

طيب ممكن سؤال .....

الدمام مليانه حفريات ومليانه اعمال صيانه بالهبل يعني الطرق كلها مو متساويه كانك في بر بس فيه اسواق

سؤالي هو ......... هل شيكت على عضلات السياره عموما ... جلد ... ومقصات ... وخلافه من هذي الامور

وتقبل مروري

**حميد** · 25-11-2010, 12:04 AM

ابو بريه اشكرك بعنف على مرورك الطيب
اخوى نعم صحيح فحصتها فحص شامل وكامل الغريب لان مافى رجه فقط لمن اول ما امشي تبدا السياره تنقز عرفت بعدين مع الممشى تكون راسيه مدرى احس واحد من الجنوط فيه مشكله وماثر على الكفر اتوقع كذا
بس اخوى انت ماقلتلى وش طلع بموترك ولى مازال على نفس الحاله؟

**ابو بريه** · 25-11-2010, 05:17 AM

هلا اخوي حميد

بالنسبة لي انا مازلت اعاني من الرجة مشكلتي في الرجه انها تروح وتجي .... مثال امشي من 100 الى 130.140 رجه -- ...من 140 الى 160 سليم ... -- بعدها على السرعات العاليه ترجع الرجه
بس تعدودت عليها لدرجة اذا راحت الرجه افتقدها:(:d
بس عالعموم انا راح ابحث عن محلات تكشف على الجنوط وارد لك اذا حصلت

وتقبل دورياتي مادري مروري