المساعدة يا الربع, الأنوار الداخلية لا تعمل ؟

[اكوردياني]

السلام عيلكم ورحمة الله وبركاته

اخواني الانوار الداخلية عندي كلها صارت ما تشتغل الخلفية و الامامية وحتى الي بالشنطة
توقعت المشكلة تكون من الفيوز جربت اغيره لكن ما مشي الحال افيدونا افادكم الله.

[سام6]

والله ما عندي علم لكن أنا عندي مشكلة شبيهه لعلي اطرحها هنا " لتعم الفائدة " ::

أنا عندي إذا فتحت الأبواب في العاده تشتغل الأنوار لكن قبل ثلاث شهور إحترقت اللمبتين الأماميه الداخليه قمت أنا وغيرتها طبعاً تجاري وإشتغلت معي ولكن بعد شهر صارت للأسف اللمبتين الماميه الداخليه ما تشتغل إلا لمن تضغط عليها ؟؟ فما أدري إش السبب ؟؟ << للعلم إني مخلي السويتش اللي عليها على وضع الباب ::

وآسف أخوي اكوردياني على الدخله هذي لكن لعل مشكلتنا كلها تنحل ::

[AbuJawad]

وعليكم السلام ورحمة الله وبركاته

ك تجربة فك غطاء الانوار الامامية او الخلفية الاسهل لك
وفك اللمبة ونظف المعدن اللي فيها والمعدن اللي موجود ع القاعدة

جرب

انا مرة صارت معي طفت الانوار الامامية وطفت الي موجودة بالطفاية
الانوار الامامية فكيتها ونظفتها واشتغلت ,, اما اللي بالطفاية ماعرفت افكها خليتها
ومرة قفلت غطا الطفاية بقوة واشتغلت اللمبة من نفسها وللحين شغالة :d


تحياتي لك

[اكوردياني]

اشكركم يا شباب على الردود, بالنسبة للمحاولات السابقة كلها فشلت للحين ما لقيت الحل؟
خلونا نفكر فيها حبه حبه,
اذا كانت الانوار كلها ما تشتغل معناته ان المشكلة احتمال تكون من الفيوز, طيب شيكنا على الفيوز وطلع سليم.
احتمال ثاني ان تكون اللمبات كلها احترقت لسبب ما, شيكنا على اللمبات وكلها سليمة.
احس اني وصلت لطريق مسدود, احد يعرف كهربائي ممتاز بالجبيل او الدمام؟؟؟

[Aςςοrd ζοοly ΗβΚ]

بسيطة .. قد حصلتلي وغيرت الأنوار من الوكالة بـ 11 ريال (على ما أذكر) ورجعت تشتغل زي الفل ^^

[Honda*2008]

اخوي انا بعطيك خلاصت الموضوع <وش عنده :d
لا بس انا صارت لي
انت لو شيكت على الفيوز الي جواء السيارة راح تلقاه سليم
بس افتح الكبوت
وتلقى فيوز عند علبة الفرامل واحد منهم التمس
ان شاء الله اني افدتك

[اكوردياني]

تصدق يا اخ رائد امس شيكت علي الفيوزين الي عند الراكب و الي تحت الكبوت لكن من الفداغة كنت اشيك على الفيوز الغلط.
كلامك خلاني اتحمس وارجع اشوفه و طلع فعلا الفيوز محترق
مشكوووور يا بطل .

[King]

للعلم إذا كانت المشكلة مو من الفيوزات ولا من اللمبات راح يكون محتمل صار إلتماس بسيط في لوحة اللمبه الإلكترونية.

وهذه صورة تساعدكم على فهم هذه القطع ومحتوياتها للأمامية والخلفية لموديلات 08-09-10-11.

http://www.hondapartsnow.com/diagrams/large/interior-light-469511.png