ارتفاع صوت المكينه مع التشغيل (جابلي المرض)

**Accord F15** · 06-12-2010, 12:19 AM

سلام عليكم ورحمة الله

شباب بصراحه انا هسترت من صوت المكينه العالي اول ما اشغل السياره وهي بارده يكون مؤشر الضغط حق المكينه فوق الواحد ونص وتحت الأثنين

وصوتها عالي وملفت للإنتباه (واحد من الشباب يقلي وش صوت الحراثه ذا:() فما ادري وش المشكله مره سولفت مع ميكانيكي وعطيته الهرجه على طول بدون ما يكشف قلي طرمبة دركسون قلت خلني اصدقه واشوف جيت والسياره بارده واطالع في الطرمبه مافيها تهريب ولا اي شيء بعد تشغيل السياره واراقبها بأستمرار برضوه لا تهريب ولا هم يحزنون فاللي قد مرت عليه يعلمني وش الهرجه لأني تعبت بصراحه وما ابغى اخلي سيارتي (فار تجارب) عند الميكانيكيه اللي كل واحد يصرف عليك واخر واحد يقلي هذي طبيعي بالأكورد

طيب ليش اول ما كانت تصير معي كذا وقتها صرف الهرجه وبدا يتفلسف علي صكيت الكبوت ومشيت

**mmm800** · 06-12-2010, 12:56 AM

طبيعي الصوت علشان الزيت يكون في القاع ولما تسخن السيارة يختفي الصوت ..

**Accord F15** · 06-12-2010, 12:59 AM

المشاركة الأصلية كتبت بواسطة mmm800

طبيعي الصوت علشان الزيت يكون في القاع ولما تسخن السيارة يختفي الصوت ..

طيب اذا هو طبيعي ليه ما طلع لي الا هالأيام؟

بعدين واحد من الشباب معاه اكورد 2006 يشغلها قدامي وهي بارده صوتها واطي مو زي سيارتي

**احمد 182** · 06-12-2010, 08:02 AM

ياغالي انا عندي نفس مشكلتك بالنسبه للطرمبة الدركسون مو لازم يكون فيها تهريب انا الي عندي مافيها تهريب وانواع الاصوات لما الف واكتشفت ان الزيت يطلع من فوق من العلبه.

**Accord F15** · 06-12-2010, 01:02 PM

المشاركة الأصلية كتبت بواسطة احمد 182

ياغالي انا عندي نفس مشكلتك بالنسبه للطرمبة الدركسون مو لازم يكون فيها تهريب انا الي عندي مافيها تهريب وانواع الاصوات لما الف واكتشفت ان الزيت يطلع من فوق من العلبه.

يعطيك العافيه عالمرور اخوي احمد لكن الى الحين باقي ما عرفت السبب الرئيسي للصوت المزعج هذا هل هو من الطرمبه ولا شيء ثاني

**فـــيـــصـــل..607..** · 06-12-2010, 01:52 PM

لا تقول لا

تدقق واجد :d

احسك نفس نوعيتي

ماسك خط مع اخوياي فجأه اطفي المسجل اووص شباب

يقولون وش فيك

اقول احس فيه صوت غريب بالسياره

وهو مافي صوت ولا شي بس الإهتمام الزايد والحرص الزايد يخليك تسمع اصوات غريبه

انا لما اشغل السياره الصباح اول شي اسويه اشغل السياره وارجع الغرفه اتسبح واعين من الله خير وافطر واطلع على الداوم

يعني شغلها وادخل الغرفه إلا تكون السياره قد احتمت وانت ماحسيت بالصوت

هذي احد الحلول النفسيـه إلي تفكك من صوت السياره الصباح

**Accord F15** · 06-12-2010, 02:02 PM

المشاركة الأصلية كتبت بواسطة فـــيـــصـــل..607..

لا تقول لا

تدقق واجد :d

احسك نفس نوعيتي

ماسك خط مع اخوياي فجأه اطفي المسجل اووص شباب

يقولون وش فيك

اقول احس فيه صوت غريب بالسياره

وهو مافي صوت ولا شي بس الإهتمام الزايد والحرص الزايد يخليك تسمع اصوات غريبه

انا لما اشغل السياره الصباح اول شي اسويه اشغل السياره وارجع الغرفه اتسبح واعين من الله خير وافطر واطلع على الداوم

يعني شغلها وادخل الغرفه إلا تكون السياره قد احتمت وانت ماحسيت بالصوت

هذي احد الحلول النفسيـه إلي تفكك من صوت السياره الصباح

لله درك يا دكتور فيصل :d

لو على طريقتك انزل من السكن واروح للمواقف اشغل السياره وارجع للسكن وارجع مره ثانيه للمواقف الا قد السياره انطفت (انتهى البنزين)

هو ماهو اهتمام زايد لكن الواحد يتبين له هالاشياء اذا انقلب عليه الجو بالسياره

**فـــيـــصـــل..607..** · 06-12-2010, 02:34 PM

لو سمحت لا تناديني دكتور

بإمكانك مناداتي بإسمي

<<<<يسمع بالتواضع

**H S N** · 06-12-2010, 03:00 PM

وعليكم السلام ورحمة الله وبركاته

انا عندي نفس الشغله الي عندك من زمان بس ما اهتميت لها
ليتني مادخلت على موضوعك ذحين اقعد اوسوس
خخخخخخخخخخخ

بس اتوقع انها طبيعيه لانه ضغط الهواء بيكون مرتفع لاكن لو نزل والصوت باقي عالي فذا الوقت تكون مشكله
وانت متأكد ان خويك شغل السياره وهي بارده ؟ يعني تكون اقل شي لها 6 ساعات طافيه

**Accord F15** · 06-12-2010, 05:27 PM

المشاركة الأصلية كتبت بواسطة h s n

وعليكم السلام ورحمة الله وبركاته

انا عندي نفس الشغله الي عندك من زمان بس ما اهتميت لها
ليتني مادخلت على موضوعك ذحين اقعد اوسوس
خخخخخخخخخخخ

بس اتوقع انها طبيعيه لانه ضغط الهواء بيكون مرتفع لاكن لو نزل والصوت باقي عالي فذا الوقت تكون مشكله

وانت متأكد ان خويك شغل السياره وهي بارده ؟ يعني تكون اقل شي لها 6 ساعات طافيه

اقول لا توسوسبي هههههههههههههههههههههههه

طالع انا وياه الظهر نبغى نتغدى وهو معي من الساعه سبعه الصبح ولا طلع اطلاقا وصوت سيارته ما شاء الله هادي شوي عن سيارتي

**H S N** · 06-12-2010, 08:23 PM

امممممممممممم
طيب ماتتوقع تكون من نوعية الزيت ؟

**احمد 182** · 06-12-2010, 08:48 PM

طيب ابي اسألك انت قد سويت لها وزن بلوف ؟؟؟؟

**Accord F15** · 06-12-2010, 09:54 PM

المشاركة الأصلية كتبت بواسطة h s n

امممممممممممم
طيب ماتتوقع تكون من نوعية الزيت ؟

لا ابدآ

زيت سيارتي كاسترول طبعآ ما يحتاج ولا له دخل الزيت مره مره

المشاركة الأصلية كتبت بواسطة احمد 182

طيب ابي اسألك انت قد سويت لها وزن بلوف ؟؟؟؟

للأسف لا وانا كنت شاك انه يبغالها وزن بلوف لأنه يفضل عمله كل 100 الف كيلو بس بمر ورشة السعاده واسوي تشييك كامل

**رود !** · 07-12-2010, 01:09 AM

ياخي أنا مثلك
إذا السيارة باردة
وشغلت السيارة يطلع صوت نهاية صوت التشغيلة
يعني أول ما تشتغل السيارة لمدة أقل من ثانية
وقبل أشيل يدي من المفتاح يطلع صوت غريب صراحة
والضغط يصير زي ما قلت حول واحد ونص
لكن أقعد ع طول عندي السيارة تحتمي بسرعة ماشاء الله ~

**GO AHEAD** · 07-12-2010, 01:50 AM

هاه وش طلع معك ؟
أقصد كشفت عليها في الورشة ولا لأ ؟

تحياتي

**احمد 182** · 07-12-2010, 08:29 AM

اجل سو لها وزن بلوف ولاتسويه الا عند السعاده عند اقبال وماراح يكلفك شي والله يوفقك يالغالي...

**رامـــي** · 07-12-2010, 11:57 AM

نفس الشي مع صوت زززززززززززز

بس طنش تنتعش لين تحمى السياره يروح كل شي والدعسه تخف

**Accord F15** · 07-12-2010, 01:49 PM

يعطيكم العافيه جميعآ عالمرور...

رحت عند اقبال اخذ لفه بالسياره وطلع احساسي بمحله يقلي وزن بلوف لكن يقلي مشغول واجيبها له وقت ثاني انا فكرت فيها قلت مالي الا الوكاله وزنهم بالملي يا حبيبي واخذت موعد والله يعين الاسبوع الجاي وشكرآ لكم جميعآ وخصوصآ اخوي احمد