فلتر الجير للأكورد 2005

**Accord_2005** · 03-01-2011, 10:02 PM

السلام عليكم

أخباركم عساكم بخير .؟

يالغالين أنا شفت موضوع أخوي متصفح الله يعطيه العافية عن فلتر الجير فأنا ابي اغيره مع إني لو غيرته بتكون أول مره أغير فيه الفلتر و السيارة ما شاء الله تبارك الله ماشيه حدود 185 ألف كيلو

فهل يأثر على الجير لو غيرة الفلتر بعد هالمدة الطويلة وهالممشى الطويل .؟

وسلامتكم ،،،

**King** · 03-01-2011, 10:44 PM

من رأيي انك ماتغيره!, وبما ان سيارتك الحمد لله تمشي تمام ولا تشكي خلها مثل ماهي لكن حافظ على تغيير الزيت بالوقت المناسب سواء للقير او للمحرك والقطع الإستهلاكية.

لأن من سنوات ماكان شيء اسمه تغيير فلتر قير!, وكانت الناس تمشي وماعليها خوف, لذلك من الأفضل انك تترك الأمور مثل ماهي, لا سمح الله غيرت الفلتر ممكن تطلع لك مشاكل وإحتمال ضيئل تضبط امورك!.

لك حرية الآختيار.

**عبدالله الشيخي** · 03-01-2011, 11:40 PM

عادي غير الفلتر لاكن اوعااااا تغير زيت الجربوكس لان على كلامك مشيك كثير ماقد غيرت زيت الجربوكس

**متصفح** · 04-01-2011, 01:35 AM

انا غيرت الفلتر اول مره وسيارتي ماشيه فوق الـ 200 الف وحسيت بفرق ملحوض

يعني تغيير الفلتر يفيدك مايضرك بس الزيت اذا ماسبق غيرته غيره بالتدريج او لا تغيره

**Accord_2005** · 04-01-2011, 02:30 PM

المشاركة الأصلية كتبت بواسطة عبدالله الشيخي

عادي غير الفلتر لاكن اوعااااا تغير زيت الجربوكس لان على كلامك مشيك كثير ماقد غيرت زيت الجربوكس

لا انا مستمر في تغير زيت الجير كل 60 الف ما عندي مشكلة لكن الفلتر هو يلي لي فترة ما غيرته

وما قصر اخوي متصفح و أخوي المسافر الله يعطيهم العافية

وسيتم تغيير الفلتر عند تغيير زيت الجير المره القادمة

وسلامتكم ،،،

**NO TIME 4 LOVE** · 19-12-2011, 08:51 PM

المشاركة الأصلية كتبت بواسطة عبدالله الشيخي

عادي غير الفلتر لاكن اوعااااا تغير زيت الجربوكس لان على كلامك مشيك كثير ماقد غيرت زيت الجربوكس

حلوة النصيحة يا عبدالله ... بس ممكن تقلي السبب؟؟

**هاي الشرقية** · 20-12-2011, 10:59 AM

عش رجبا ترى عجا خلاص باكلم والة الهوندا واقولهم والي يرحم والديكم حطوا فلاتر خمسة او ستة للقير لان الشعب مشتهين يغيرون فلاتر اول مرة اشوف الوكالة تقول هذا مايتغير والبعض يقول لا لازم نغيره :d

**nasser1430** · 20-12-2011, 04:06 PM

موتر أخوي اكورد 2005 مثل موترك ... وغيرنا زيت القير مع الفلتر الخارجي ( أصلي من وكالة هوندا )

قبل شهرين تقريباً ... وهذا هي ما شاء الله تبارك الله ... ما شيه زي الحلاوة .

بالعقل يعني وش بيصير لو تغير الفلتر ... ترا إسمه فلتر ( يعني وظيفته التنقيه من الشوائب والعوالق ) لضمان عدم تعطل أو خلل القير .

وبالنسبة لأخونا ( هاي الشرقية ) ترا كتبت في موضوع سابق إن الوكالة والله ما يدرون وين الله حاطهم يعني بالله في الكتالوج الدفتري أو عن طريق كمبيوتر شركة هوندا ... لو تقول لموظف قطع الغيار ... يطلع أجزاء القير بتلقى من ضمنها (((( فلتر قير خارجي )))) ... يعني الشركة الأم أدرى .... وليس الوكالة لأنه زي ما ذكرت سابقاً والله مهوب دارين وين الله حاطهم .

وسلامتكم أجمعين .