سعر طرمبة الدركسون

**عمري الأكورد** · 25-01-2011, 10:41 AM

السلام عليكم

اخواني حبيت اعرف كم سعر طرمبة الدركسون بالوكاله ...

وكم احصلها بالتشاليح ..

لأني صراحه كنت بغير اصلاح للطرمبه ولكن اغلبيتهم قالولي اذا فيها صوت ماتضبط وانا خايف اغير الاصلاح ومايروح الصوت ...

ياليت حد يقولي اذا قد غير الاصلاح وكان صوت بالطرمبة وراح ...

ولا اغير الطرمبه كامله احسن

**kndy2010** · 25-01-2011, 01:23 PM

سبحان الله .....انا داخل المنتدى علشان اكتب نفس الموضوع .... لان الورش قالوا لي نفس الكلام .... والله السيارة عندي كلها زيوت من تحت شكلها يفشل والسبب طرمبه الباور ..

عموما سعرها 2500 تقريبا
وسألت في التشليح قال 1400 ... ومازال البحث جاري عن القطعه في التشاليح

**kndy2010** · 25-01-2011, 01:25 PM

انا من الخبر عموما ...

**كشكول** · 25-01-2011, 02:44 PM

انا نفس المشكله غيرت الاصلاح وراح الصوت بعد شهر رجع مره ثانيه واكثر من قبل

غيرتها شريتها من تشليح الحاير بالرياض ب 900 ريال

**عمري الأكورد** · 25-01-2011, 02:46 PM

الله يسلمك اخوي انت قصدك الطرمبة الي فوق صح ..؟؟

انا بعد قالولي التشاليح ب1400

بس المشكله اني متحير قبل فتره الشباب هنا قالولي غير الاصلاح افضل لك جرب ..

**عمري الأكورد** · 25-01-2011, 02:48 PM

اهاا اخوي كشكول

انا اليوم بالليل ماشي الرياض ..

وان كان احد من الشرقيه يبي طرمبة كامله من الحاير يبلغني اخذها له من هناك لأنها ارخص ..

**king of honda** · 25-01-2011, 03:22 PM

اذا سيارتك تحت الضمان روح الوكاله وغصب عنهم يركبون لك جديده..

الله يعينك..

**عمري الأكورد** · 25-01-2011, 05:31 PM

متعديه الضمان

ماهي تحت الضمان

**تحياتي لمن دمر حياتي** · 25-01-2011, 08:24 PM

مساء الخير ............

انا كانت عندي نفس المشكله والحمد لله ليه اسبوع سويتهااا

دخله الوكاله يصلحونها لك انا ماسويت الصيانات كله معاد صيانة 60000 الف وجاتني المشكله وانا

ماشي 70000 وسويتلها صيانة وقلتلهم المشكله وسولي اصلاح لها على الضمان .....
**قلي الموظف اهم شي انها ماعدات 3 سنين على السياره من يوم ما شريتهاااا**

ان رفضوك سويها على احسابك القطع الي وفروها لي قيمتها (( 98 )) ريال 9 قطع + علبه زيت فقط
والله يكون في عونك ......

http://www.hondaarabia.com/club/t44077/

**عمري الأكورد** · 25-01-2011, 11:49 PM

بيض الله وجهك

مشكور وردك يبرد الخاطر

لكن انا متعدي الضمان كثير

**Nice Accord** · 26-01-2011, 04:33 AM

المشاركة الأصلية كتبت بواسطة تحياتي لمن دمر حياتي

ماشي 70000 وسويتلها صيانة وقلتلهم المشكله وسولي اصلاح لها على الضمان .....
**قلي الموظف اهم شي انها ماعدات 3 سنين على السياره من يوم ما شريتهاااا**

غريبة سولها اصلاح الوكالة عندنا يقولون لازم تغيير مافيه اصلاح

**عمري الأكورد** · 26-01-2011, 05:40 AM

ع العموم يارجال

انا ماشي الحين الرياض

والي يبي شي من تشاليح الحاير يتصل على جوال 0541266922

**hema** · 26-01-2011, 08:08 AM

ياشباب فيه طرمبه تيوان انا ركبتها قبل 9 شهور وشغاله ميه ميه سعرها 800 وجديده طبعا ال يبي يكلمني 0502020132

**عجولي** · 26-01-2011, 09:26 PM

انا والله خربت علي
وركبت جديده من الوكالة بحوالي 2500
والعوض على الله

**عمري الأكورد** · 27-01-2011, 01:54 AM

الله يعين

شريتها والله من الحاير

طلع بعد السته سلندر تختلف عن الاربعه

واغلى بكثير

خذتها ب1700

**بلال العلمي** · 27-01-2011, 02:37 AM

المشاركة الأصلية كتبت بواسطة عمري الأكورد

الله يعين

شريتها والله من الحاير

طلع بعد السته سلندر تختلف عن الاربعه

واغلى بكثير

خذتها ب1700

ليش ما بدلت الاصلاح؟؟؟

**عمري الأكورد** · 27-01-2011, 09:03 AM

المشاركة الأصلية كتبت بواسطة بلال العلمي

ليش ما بدلت الاصلاح؟؟؟

والله ياخوي بلال

انا مليت وانا اسال وتحيرت الاغلبيه يقولون لي ترجع بعد فتره ..

وانا صراحه حبيت اختصر اشتريها وافك نفسي

وللحين ماجربتها عدله او لا .. بركبها اليوم

انت تتوقع الاصلاح ينفع ؟

**LIRRELLI** · 27-01-2011, 09:14 AM

أخوي عمري الأكورد أنا سويت لها إصلاح وراح الصوت ولها معي أكثر من شهر ...
قيمة قطع الإصلاح 125 وشغل يد 100 وإذا تبي جديده قيمتها 2200 من غير شغل اليد ..

**عمري الأكورد** · 27-01-2011, 09:22 AM

حق السته سلندر ب2200 اكيد

**عمري الأكورد** · 27-01-2011, 09:27 AM

يالربع حيرتوني بالله وش الحل قبل ماركب

اغير الاصلاح وتضبط تتوقعون .؟؟

ولا اركب الي شريتها ؟؟

الي عندي والله فيها صوت قووي مره ؟؟

اذا متاكدين الصوت يروح بالاصلاح انا بغير الاصلاح

**B 5ob3aH** · 27-01-2011, 12:50 PM

^
يا عزيزي الاصلآح رخيص جداً , ماراح يكلفك الا 200 او 250

والطرمبه اللي انت شاريها من التشليح بـ 1700 , فرق كبير جداً ..

جرب الاصلآح , وراح يزبط ان شاء الله ,

واذا رجع لك بعدين , غير الطرمبه ,

ابدأ بابسط الحلول ..

**حدور نت** · 27-01-2011, 12:54 PM

يا جماعه الصوت حق الترمبه يطلع مع لفة الدركسون بس

او اذا مشيت بعد

**king of honda** · 27-01-2011, 01:21 PM

اذا غيرت الاصلاح بتظبط معاك ان شالله
بس توديها لورشه فاهمه للهوندا..
بما انك من منطقتي في ورشه في طريق الجفر قبل صالة الغانم لللافراح بيجيك مطبات وتقاطع الورشه تصير على التقاطع تشوفها على يسارك سعودين اللي يشتغلون وشغلهم مظبوط في الهوندا ..

**عمري الأكورد** · 27-01-2011, 01:53 PM

بيض الله وجيهكم

بس صراحه اليوم الصباح افتريت على اغبيلة الورش حتى ورش مختصه في هوندا وقالولي احتمال كبير يرجع صوت الطرمبه معك لأن واضح الصوت والاصلاح ماراح يضبط ...

مدري تحيرت للحين

لكني وصيت واحد يشتري الاصلاح وان شاء الله بركبه واذا مازبطت بركب الثانيه

**هاي الشرقية** · 28-01-2011, 12:10 PM

اخوي راح اعطيك الحل النهائي غيرها احسن لك سواء جديد او من التشليح لان الاصلاح مجرد حل موقت طبعا وكالة قيمتها 2200
والتشليح انت وشطارتك راح تحصل ب1000 وفيه ب 900 بس ياليت تشرط عليه على الالقل يعطيك ضمان اسبوع وبالتوفيق