واخيراً تقرير تركيب الحساسات الخلفيه للأكورد

[kakashi-san]

السلام عليكم ورحمةُ الله وبركاته ..

ادري في بعض الاعضاء ودهم يقولون ما بغيت تحط التقرير :d

المهم ما علينا ،، هذا التقرير اعددته بنفسي وان شاء الله تكون الطريقه سهله وكويسه ..

طبعاً كل شيء صار واستوى بالبيت ، يعني الشغله ما يبي لها الا واحد مروّق وما تاخذ منك الا ساعتين بالكثير ..

..

الخطوات

- فك الصدام
- تخريم الصدام للحساسات الخلفيه
( بعض الصدامات يكون فيها اماكن للحساسات وتخرّم مكانها عشان يكون الشكل كويس )
- تركيب الحساسات من خارج الصدام
- وصل اسلاك الحساسات ، بجهاز الحساس داخل الشنطه
- ربط اسلاك جهاز الحساس في لمبه الريوس
( عشان اللي يقول لك اذا بتركب حساسات لازم تربطها في القير ، فـ اسحب عليه لان ما عنده سالفه )
- وصل سلك من جهاز الحساس ، الى داخل السيارة ويركب في جهاز الانذار او الاستشعار
- أعد تركيب الصدام ، وكل شيء يرجع زي الحلاوه بدون اي مشكله ، وكأن الحساسات جايه من الوكاله ..

.
.

راح أعرض عليكــُم الصور ، وقد تفيدكم أكثر من الكلام بإذن الله ..


..



..



..



..

وهذا طريقه لفك الصدام ، نتبع الطريقه 1 ، 2 ، 3
وطبعاً لا ننسى اننا بنستخدم ( الدريل ، او الحفاره ، عاد كل واحد ولهجته :d )



..

اول شيء نبدأ بفك المسمار اللي يمسك الصدام الخلفي



..

وهذا شكل الصدام الخلفي قبل فتحه ..



..

وهذا أول ما بدينا نفك الصدام الخلفي



..



..

ناخذ لنا سكروب وننزل اشوي من الصدام من تحت الاصطب الخلفي



..

نشيل هالقطعه من تحت الشنطه



..



..

وهذا بعد فك المسمار اللي ماسك في الصدام الخلفي



..

نفتح الكلبسات اللي تحت الصدام ، كما بالصورة



..



..

وهذا بعد ما فكينا الصدام الخلفي



..



..

وهذا بعد ما سويت التخريم بالضبط في الصدام الخلفي



..

وهذا شكل التخريم



..

بعد التركيب الكويس :d



..

وهذا بعد تركيب الحساسات الخلفيه من خارج الصدام الى الداخل



..

وهذا الجهاز اللي بتركب فيه اسلاك الحساسات الخلفيه



..

وهذا الافياش اللي راح تركب ، والسلك الاحمر هو اللي راح يركب في لمبه الريوس



..



..



..

وهذا المكان اللي راح نحط فيه السلك الاحمر ، مثل ما قلت لكم لمبه الريوس



..

وهنا نركب الفيش



..

وهنا ندخل السلك الاحمر داخل الفيش عشان تشتغل الحساسات الخلفيه مع الريوس



..



..

بعد التركيب



..

طبعاً يجي لاصق ذو وجهين او كما يسمى (3M) اللي بيركب في جهاز الحساس في الشنطه



..

وهذا بعد تركيبه في الحساس



..

وهذا بعد ما ركبناه داخل الشنطه



..



..

وهذا جهاز الاستشعار ، وكان شغال معي زي الحلاوه وبدون اي مشكله



.
.
.

وهذا الشكل النهــائي لشكل السيارة بعد تركيب الحساسات ..



وهــَذا سيارتي السابقه اللي بعتها ،، فقدتها بعد قلبي :d



..

ان شاء الله التقرير نال على اعجابكــُم يا كويسين ..

والسعر كان : 250 ريال

والتركيب : ببلاش لاني مركبه بالبيت :d

ويتوفّر لكل سياره بلونها من الاكوردات ،

وشسمه ، خلاص ما بقى شيءْ ..

اخوكم : يوسف

[اكوردياني]

اخيرا نزلت التقرير ما بغييت!.. صار لنا سنين ننتظره ههههههههه
عالعموم مشكور عالتقرير الحلو وما قصرت.. بس كأن الصدام تحكحك من الخرم!؟

[D.H.o.O.o.M]

تقرير فلة وردة شمعة منوره

يعطيكـ العافية يا الغالي

[نـاعسـ الجفن..!]

يعطيك الف الف الف عافيه يامميييييز

وشغلك 100% وتقريرك رائع

ومشكور وماقصرت

بس الحساسات هذي طلبية من الخارج ولا موجوده في البلد ؟

وهل هي للأكورد بس << يعني مالنا رب حنا :d

[إحساس حساس]

موضوع ممتاز ويستحق التثبيت
الف شكر يالغالي ع الشرح الوافي

[فتى زهران]

والله إنك ذيب يا يوسف ( قووول أووووووووووو ) :d


الله يعطيك الف عافيه على التقرير المتعوب عليه بصراحه

وياليت يتثبت الموضوع لتعم به الفائده



إحترامي

[kakashi-san]

اخيرا نزلت التقرير ما بغييت!.. صار لنا سنين ننتظره ههههههههه
عالعموم مشكور عالتقرير الحلو وما قصرت.. بس كأن الصدام تحكحك من الخرم!؟

تشوف يا محمد :d

العفو يا كويس ..

لا الله يحفظك ، هذا مب تحكك ، هذا من القلم الرصاص كنت محدد من بره هههههه :d

لا تفضحنا الله يحفظك ..

تقرير فلة وردة شمعة منوره

يعطيكـ العافية يا الغالي

الله يعافيك يا كويس ..

نوّرت الحِته ..

لا عدمناك ..

يعطيك الف الف الف عافيه يامميييييز

وشغلك 100% وتقريرك رائع

ومشكور وماقصرت

بس الحساسات هذي طلبية من الخارج ولا موجوده في البلد ؟

وهل هي للأكورد بس << يعني مالنا رب حنا :d

الله يعافيك يا بعدي ..

هي تركب على جميع السيارات ..

ولكن الالوان المتوفره عندي مخصصه للهوندا اكورد والسيفيك ..

والحساسات متوفره هنا يا بعدي ..

منوّر يا كويس ..

[kakashi-san]

موضوع ممتاز ويستحق التثبيت
الف شكر يالغالي ع الشرح الوافي

يا مرحبا يا كويّس ..

لا شكر على واجب ..

وتواجدِك هو اللي محلّي الموضوع

والله إنك ذيب يا يوسف ( قووول أووووووووووو ) :d


الله يعطيك الف عافيه على التقرير المتعوب عليه بصراحه

وياليت يتثبت الموضوع لتعم به الفائده



إحترامي

ههههههههههههههه ،، وش تحس فيه يوم قلت لي اني اقول ( اوووو ) ههههههههه :d

الله يعافيك يا بعدي ، على عيني وراسي يا كويّس ..

لا تحاتي ، بنشّب للمشرفين عشان يثبتونه :p

واسعدني تواجدِك كثيراً ..

[2010 accord]

شرح كافي ووافي يا خي حسستنا انه شربة موية لكن بعد ما تفك الصدام تشوف انوع التفحيط
يسلمووووووووووووو على التقرير الرائع

[ابو حكيم]

الحمد لله على السلامه . . .

شرح كافي و وافي يعطيك العافيه و ما قصرت

سؤال هل اكورد 2007 فل فيه أماكن للحساسات ؟؟ ( يعني ما يحتاج ادور اكورد 2010 و اخذ مقاسات الحساسات )

[tfah]

ممكن تجديد الموضوع

[caramel]

ماشاء الله تبارك الله
كفيت ووفيت يالغلا,,

بس عندي سؤالين :d كيف اخرم الصدام؟اممم وابي جهاز الاستشعار وين يركب بالضبط؟,,, ومشكور وماقصررت

[abAdy.777]

وعليكم السلام ورحمه الله وبركاته

هههههههههههه
من وال مادشيت المنتدى وانا اترقب لووول
يالله يعطيك الف عافيه

[kakashi-san]

شرح كافي ووافي يا خي حسستنا انه شربة موية لكن بعد ما تفك الصدام تشوف انوع التفحيط
يسلمووووووووووووو على التقرير الرائع

بالعكس والله ، الطريقه من اسهل ما يكون ،

كل اللي عليك تشتري لك بايسون واحلى رواقه وتركب الحساسات بالطريقه المذكورة ..

والله يسلمك يا كويّس ..

الحمد لله على السلامه . . .

شرح كافي و وافي يعطيك العافيه و ما قصرت

سؤال هل اكورد 2007 فل فيه أماكن للحساسات ؟؟ ( يعني ما يحتاج ادور اكورد 2010 و اخذ مقاسات الحساسات )

الله يسلمك من كل شر ..

بالنسبه لي ، ركبتها على مودلي 2005 و 2007 وكان فيه اماكن للحساسات ،،

ممكن تجديد الموضوع

من اي ناحيه بس ؟

[kakashi-san]

ماشاء الله تبارك الله
كفيت ووفيت يالغلا,,

بس عندي سؤالين :d كيف اخرم الصدام؟اممم وابي جهاز الاستشعار وين يركب بالضبط؟,,, ومشكور وماقصررت

يا هلا بك يا كويّس ..

بالنسبه للتخريم ، فان يجي مع الحساسات مسمار يركب في نفس ( الدريل او الخرامه ) عشان يكون التخريم بنفس المقاس ..

جهاز الاستشعار يركب فوق المرايه ، او فوق الدركسون ، او فوق السيت الخلفي ،
شوف اللي يناسبك ، ما له مكان محدد ..

والعفو ، منوّر يا بعدي ..

وعليكم السلام ورحمه الله وبركاته

هههههههههههه
من وال مادشيت المنتدى وانا اترقب لووول
يالله يعطيك الف عافيه

ههههههههههههههه ،، تشوووف انت ..

بس شسمه ، على الاقل جاء اليوم اللي انحط فيه هالتقرير ..

منوّر عبادي ..

اسعدني تواجدِك يا بعدي ، وترى زمان عنّك :d

[tfah]

من اي ناحيه بس ؟

الصور مش طالعه عندي

[kakashi-san]

الصور مش طالعه عندي

سويت لها تحديث كذا مره يالغالي ،

والصور طالعه معي بدون اي مشكله يا كويّس ..

[henry السعودي]

تقرير متعووووووووووووووووووب عليه اخوي يوسف
تسلم

[@الاواكس18@]

ياعيني على هيك طقارير ولا بلا ....

بصراحه موضوع مرتب ... تسلم يمناك

[kakashi-san]

منوّرين يا كويسين ..

[AMMEER]

يوسف مشكور اخوي ع الشرح الكافي

طيب لو بغينا ناخذا الحساسات كيف الطريقه ؟
ومتوفر اللون الرمادي ؟

[ملك قوقل]

دائماً مميز اخوي يوسف
اهنيك ياكويس على التقرير
موضوع + يوسف = ابداع وتميز بلا حدود (كيف المعادله بس متعوب عليها )
اخوك ابو ماجد

[دنيآ الغرور]

يعطيك العافية اخوي ..

الطريقة رائعه بس انا سيارتي شريتها مركب عليها حساسات مدري وكالة ولا تجاري

المهم القارء تبع المسافات لقيته فوق المراية والجهاز الي ينشبك فيه الحساسات لقيته ورا الاسطب الخلفي يسار (يعني مثبت على الرفرف الخلفي بشكل مخفي ) ..

جرب هالطريقة احسها متكتكة اكثر بس اظن تحتاج تفك ديكور السقف ..

[GO AHEAD]

الله عليك يا ذيب شغل مرتب و محترم
و ربنا ينطيك العافية - دايم في البال
علشان الزينون الرائع بتاعك
;););););)

[محجوب]

شغل رائع وتقرير واضح ومرتب ..
مبدع يا يوسف ويعطيك ألف عافية ..

وبما أني من دهر الدهور ما خشيت المنتدى أحب أبارك لك بالسيارة الجديدة تتهنى فيها يا رب : )

أحلى تحية لشعب هوندا الرايق : )