رد مع اقتباسشيك على كرسي مكينة
و
فلتر هوا المكينة
الفزعة يا شباب.....مشكلة أبغى لها حل
السلام عليكم ورحمة الله و بركاته
صباحـ/مساء الخــــير
أنا عندي مشكلة,,,,شسويلك يعني:o
لما أحط الجير على D و أنا واقف في الإشارة و ضاغط بريك
أحس برجة موب طبيعية كأني قاعد في كرسي مساج:d
مع العلم ان الرجة تجي فقط و أنا مشغل المكيف و واقف و الجير على D
و إذا حطيته على N تحس اني ضغطت زر و طفيت المساج:d
يعني و أنا مطفي المكيف ما في رجة ولا شي
مع العلم اني مغير البواجي و زيت الجير و كرسي المكينة(يمين) من اسبوع
و شيكت على الكراسي الجير تمام و كراسي المكينة تمام
والله يعطيه العافية اللي بيحل مشكلتي ,,,,اختبار اهو ولا ايش....برااا:d
شيك على كرسي مكينة
و
فلتر هوا المكينة
مشكور اخوي a n m a r على الرد
لكن المشكلة مو من الكراسي و بالنسبة لفلتر الهواء
سئلت الفني قالي يمشي حاله
مع العلم ان الرجه تجي بدون مكيف لكن خفيفة مره
ابوي هذي حاجه طبيعيه لكن انت تحسها قوية لانك ماسك الدركسيون جرب واحد يسوق بدالك ما راح تحس بشي
يعين ارتاح وخلك من الوسوسه
الرجة مو بس على الدركسون حتى على الأسياتالمشاركة الأصلية كتبت بواسطة tahoe1999
و بعدين الرجة قاهرتني لأن ممكن يطلع شي بسيط و أصلحه
62 مشاهدة ردين فقط ميه ميه
اخوي 100% من كراسي القير او المكينه و ما ينفع تبدل واحد من الكراسي و تخلي الباقين
الحل انك تبدل كراسي المكينه و القير و سعرهم عندنا بالكويت حول ال 1200 ريال سعودي
كراسي المكيييييينه زي ماقالو لك الشباب واسال الشباب عن ورشه متخصصه لهوندا واذا انت تجي الرياض دايم .. روح لورشه الجنوب يمدحونها ومعروفه ...
يا شباب ببيع الموتر في أحد له خاطر و بشتري 2006 :d...أمزح
كل اسبوع مشكلة زين أنا شيكت على الكراسي و قالي تمام يعني أروح ورشة ثانية و أسأل
والله يا عالم من شريت الموتر مو راضي يضبط معي لازم كل شوي مشكلة يمكن حطيت عليه حول 5000 ريال بدون مبالغة
من شريته مع انه كان عند ولد عمي و كان كرت و محافظ عليه جدا................شسالفة
و ما بقى أحد ما قالي والله توفقت في الموتر لأنه فعلا كان كرت و ركزو على كلمة كان
و لو ببيعه كم يجيب لي؟؟ لأني يمكن أبيعه و أشتري 2006 أو 2007 مع ان الوالد ما أظن يرضى بعد هالمعاناة
و كيف أقنع الوالد اني أشتري لي أكورد ثاني لأن عشق الأكورد غير و مابي غيره
نفسي اعرف ايش دخل كراسي المكينه لو كراسي المكينه المشكله بتظهر سواء شغل المكيف او لاء
غير بواجي نظف بخاخ والكربريتر ووضعك ممتاز
اليوم بتصرف عليه وبكره بترتاح
غيرت البواجي بس تنظيف البخاخات كم يكلف؟؟
مع ان خبري ان السيارة تجي يا بخاخ يا كربريتر
لا
أنا معي أكورد 2004 وديتها الوكاله غيرو بواجي ونظفو البخاخ والثرول بدي
وكانت الرجه عندي لمن أشغل المكيف ولمن تكون واقفه ومعشقه في d
أما الفلتر حق الهواء مستحيل يسوي الرجه هذي حتي لوكان مرره معدوم
وجرب ودها الوكاله وشوف وش يقولون وخذ العلم منهم وصلحها بره
انت فهمتني غلط أنا أقصد اني أنا غيرت البواجي ولا نفع
و كم يكلف تنظيف البخاخات و وشو ذا الثرول بدي ؟؟
و ما في وكالة عندنا بالحسا فيه الكفاح (موزع) و أكبر نصاب في العالم
و معليش عذبتك معاي:o
التعديل الأخير تم بواسطة alkasr777 ; 29-03-2011 الساعة 06:20 AM
شف يا طووويل العمر بلا وكاله بلا خرابيط الوكاله بنصبونك
اذا انت في الحسا امرك هين
اذا تدل ورشه الدخلان في الحسا ودها له وانشالله ما تطلع منهم الا امورك طيبه لنه في الحسا قليل الي يشتغل في الهوندا يخافون منها
بس الدخلان له في الهوندا انا واحد انصحني ووديتها والحمد لله ما غير لي الا الي يستحق التغير
جرب مو خاسر شي وربي يوفقك على فكره انا عندي نفس المشكله بس مطنشها ولا كني اسمع شي
:( اذا انقهرت عليت صوت المسجل وانسى الموضوع لا توسوس في كل شي ترا تتعب نفسينا وجسدين وسايكلوجين:d تحياتي
مشكور اخوي بس وين هاذي الورشةشف يا طووويل العمر بلا وكاله بلا خرابيط الوكاله بنصبونك
اذا انت في الحسا امرك هين
اذا تدل ورشه الدخلان في الحسا ودها له وانشالله ما تطلع منهم الا امورك طيبه لنه في الحسا قليل الي يشتغل في الهوندا يخافون منها
بس الدخلان له في الهوندا انا واحد انصحني ووديتها والحمد لله ما غير لي الا الي يستحق التغير
جرب مو خاسر شي وربي يوفقك على فكره انا عندي نفس المشكله بس مطنشها ولا كني اسمع شي
:( اذا انقهرت عليت صوت المسجل وانسى الموضوع لا توسوس في كل شي ترا تتعب نفسينا وجسدين وسايكلوجين:d تحياتي
ياليتك توصف لي وين مكانها؟؟
ضوابط المشاركة
مواقع النشر (المفضلة)