تقريري بعد زيارة صيانة عبدالله هاشم للصيانة المجانية في يوم السبت 28/04/1432هـ

[فتى زهران]

بسم الله الرحمن الرحيم





السلام عليكم ورحمة الله وبركاته

اليوم السبت الموافق 28/04/1432هـ

روحت لوكالة هوندا الجبيل وسويت الكشف المجاني

طبعا عند وصولي لموقع الصيانة أعطوني ورقه الإستبيان




:d



الموووهييييم

دخلنا السياره للكشف

وبعد ربع ساعه تقريبا طلعتها من الورشه بعد الكشف

عطوني ورقه فيها كلام كثير وكبير

روحت لمكتب الإستقبال وقال لي الموظف المسؤول

إنه يبغالي أسوي الحاجات التالية :

- طرمبة الدركسون فيها ( تلييك ) تنديه .

- تغيير المروحه اليسار .

- تغيير بواجي .

- تغيير السير الخارجي .

- تغيير فلتر الهواء .

- تغيير فلتر البنزين .

- تغيير ماء الرديتور .

- تغييير زيت البريكات ( الفرامل ) .

- تغيير البلاستيك اللي فوق الكفرات الأمامية والبلاستيك اللي يجي تحت السياره .

- بس :d


طبعا الله يخليني لكم << هع :p

الشغله ذي كل أبوها كل أبوها تقريبا تكلف قرابة ( 2000 - 2500 ) ريال

وبصراحه أنا أفكر أصلحها عندهم أحسن من الورش اللي برا

يوووووووووووووووووووه نسيتوني هذي صورة التقرير حق مابعد الكشف :d



:(


اللي عليها مربع أحمر هذي يجب تغييرها


طيب أنتم وش رايكم أشتري القطع وأسويها في ورشه خارج الوكاله

والا إني أسويها في الوكاله أحسن




إيييييييه تعالوا فيه أيقونه تحت مكتوب فيها لا تنسى تضغط عليه


لكم خالص التحية والتقدير

[القايله]

ماشاء الله عليك تقرير سريع وساخن

لاكن لو ذكرت كم قطعة كلم حتى الان للفائده

الشى الثاني المروحه الي يسار ليش تتغير
مع ان موديل سيارتك جديد

لاكن الافضل خذ القطع اذا حاب تغير وشوف لك ورشه محترمه ارخص لك

وبالاخير الف شكر على التقرير وسلمت يداك

(ممتاز ياممتاز يكفى سرعتك)

بتوفيق

[accord7]

وعليكم السلآم ورحمة الله وبركاته

اخوي لو تسويها برآ الوكاله ماعندك مشكله لآنها اشياء سهله

احمد ربك كلها اشياء سهله اما انا

وقالو :
فحمات امامي وخلفي
وكراسي مكينه امامي خلفي جانبي
حساس عصا قير
مجموع قطع الغيار 2905 ريال سعودي

[zezo0o]

انصحك تسوي مثلي اعطوني قاااائمة بلخرابات طبعا شريت المهم فيه والحين السياره بورشة التميز عند العضو ابوسليمان

[ن ع ر السعودية 0005]

وعليكم السلام ورحمه الله وبركاته

أنا أشوف أنك تسوي تسعيره لشغل الوكالة مع القطع و الشغل برى الوكالة من ناحية شغل اليد وتسعيرة القطع . وفيه أشياء عندك أشوفها ما تستاهل تدخلها الوكالة حتى تغيرها لو تغيرها برى أوفر لك للأنها أشياء بسيطة .
وتسلم على هيك تقرير سريع بس ما قلت لنا وصورت الهدية إلي أعطوك :d .... أنا شكلي بروح لهم بكرى الجو عندنا :( غبار والوكالة بعيده قرابة 80 كيلو أقل أو أكثر بشيء بسيط .

[accord790]

وعليكم السلام

تقرير مميز من شخص مميز

وعلى فكرة كل الاشياء اللي ذكرتها تقدر تغيرها حبه حبه مو شرط تضغط على عمرك الحين وتغيرها


وبالنسبه لي انا شريت العدة كاملة من الوكاله ( بواجي وفلتر بنزين و فحمات و فلتر هواء وزيت قير )
وغيرتها عند ورشة الترس بالخضرية وشغلهم كامل مع خرط الهوبات 500 ريال

واي خدمة انا حاضر

[زهق]

بعد ساعة بحرك على الوكالة
وان شاء الله مايطلع في سيارتي شيء

[المباشر]

ماشاء الله يافتى زهران كلها اشياء بسيطه

انا انتظر فرع الدمام وخايف تطلع التكلفة كبيرة خاصة اني ماسويت صيانة الـ 100 الف ويبيلها اشياء كثيرة بواجي فلاتر فحمات الخ والله يالتكلفة الظاهر بتطلع 4000 ريال

[دنيآ الغرور]

انا اليوم رحت الوكالة وسويت الفحص

بس ياخي مادري وش يشتهون ماطلعولي ولا مشكلة الا علبة الدركسيون ..

وكل شي مكتوب فحص فحص :d

المهم سالت المهندس قلت له يا استاذي الحين فيه شي خربان بالسيارة لازم اغيره

قالي والله هذي سيارتك وانت ادرى فيها :o

<< يوم قال كذا غسلت يدي واخذت الهدية (المدالية ) وظفيت وجهي

كنت بصور بس الشباب الي هناك بعضهم نفسيات حسيت اذا بطلع الكامرا بينفخون وسحبت على الموضوع

انطباعي عن الفحص بشكل عام

اذا السيارة محافظ عليها (مثلي) اسحب عليه لان مارح يطلع فيها شي باذن الله ...

[فتـــى الغربيـــه]

ماشاء الله على هالتقرير

ويعطيك العافيه

[فـــيـــصـــل..607..]

نصحيه لايسوون فحص بسيارتي اتوقع بيجبون طابعتين عشان تطبع الخرابات والمشاكل إلي فيها :d

عشان كذا مالي خلق وسوسه توهم مدبلين الراتب مالها داعي تروح بقطع الأكورد عاد هالمره معليش يالأكورد استريحي الشهر ذا مافي قطع :p

[جاكي2]

والله اليوم رحت لهم الصباح الساعة 11 واخذت ورقة الفحص ومسكت سرا وبعدها طلعت لي شغلة وكلمت المهندس اني باجي العصر
وفعلا جيت العصر ودخلت أول واحد
وطلع الكشف كالتالي
1 - بطانة رفرف يمين
2- بواجي
3- بلف حراره
4- سير مكينة خارجي
5- أكتيوتر
6- أقمشة أمامية
7- فلتر هواء
8 - فلتر مكيف
وبس
وطلعت التكلفة مع القطع واجور الاصلاح 2896 ريال ويوجد خصم اضافي لو اتيت وصلحت عندهم
طبعا السعر شامل الصيانه وتغيير الزيت والفلتر حق المكينة

وشكراا

[pentium700]

بالتوفيق للجميع

[أكورداوي]

أخوي فتى زهران

أعتقد اول مشكلتين تشملها الضمان اذا كانت سيارتك تحت الضمان ..

أما باقي الملاحظات فهذي أشياء بسيطه تقدر تغيرها في أي مكان بدون خوف ان شاء الله

[م ج رد حلم]

فيه بعض المشااكل الضمان يشيلها والله اعلم >>اذا كاان ضمانك مستمر

[دنيآ الغرور]

ياخي انا مقهور ماطلعولي الا علبة الدركسيون

< شكلهم مافحصوه زين :d

[فتى زهران]

أشكركم جزيل الشكر يا شباب

بصراحه أنا نسيت أصور الهديه وكانت عباره عن ( ميداليه ) جلد

وعليها شعار هوندا باللون الأحمر وشعار عبدالله هاشم بالأسود على الحديده


أما بالنسبة للتغيير بصراحه أحس إن السياره بتاكلني شوي صح إني بتعب شوي

بس فكرت فيها كثيييير قلت خلني أصلحها وأريح عمري من المشاكل هذي

وغير كذا خل السياره تخدم معاي حرام إني أتجاهل هذي الحاجات وخاصه إنها قطع إستهلاكيه

يعني عندي بعض الإستفسارات لو تكرمتوا علي يا أخوان :

بالنسبة لطرمبة الدركسون هل إني أصلحها والا أغيرها أفضل ؟؟ وكم سعر الإصلاح وكم سعر التغيير ؟؟

بالنسبة للسير و البواجي وفلتر الهواء وفلتر البنزين كم سعرها هذي ؟؟

ماء الرديتر قبل فتره جاني حجر صغير في الرديتر من قدام وأنفقع ولحمته لحام ألمونيوم وحطيت

ماء رديتر حق ( AC Delco ) هل أغيره أم إنه لا يحتاج للتغير ؟؟

وبس

يعني اللي أحتاجه منكم كم الأسعار حقت قطع الغيار ؟؟



لأني بصراحه ناوي أنفض السياره من الصدام للصدام مع إصلاح الصدمات اللي فيها

وناوي ألبس المراتب جلد



والله يوفقكم جميعا



إيييييه بالنسبة للتقرير وأنا خارج من الوكاله والله اني أقول إن شاء الله ما أحد يسبقني

ويحط تقرير لأنها سماجه إذا كثرت التقارير على نفس الشغله

والحمد لله أنا كنت المبادر بهذا التقرير

:d




إحترامي لكم

[فتى زهران]

ياخي انا مقهور ماطلعولي الا علبة الدركسيون

< شكلهم مافحصوه زين :d

قول الحمد لله ياشيخ

أنا تمنيت إنهم مايطلعون شي في السياره لكن قدر الله وما شاء فعل

[فتى زهران]

أخوي فتى زهران

أعتقد اول مشكلتين تشملها الضمان اذا كانت سيارتك تحت الضمان ..

أما باقي الملاحظات فهذي أشياء بسيطه تقدر تغيرها في أي مكان بدون خوف ان شاء الله

فيه بعض المشااكل الضمان يشيلها والله اعلم >>اذا كاان ضمانك مستمر

أخوي أكورداوي

وأخوي م ج ر د حلم

إذا كان قصدكم

هذي

- طرمبة الدركسون فيها ( تلييك ) تنديه .

- تغيير المروحه اليسار .

فللأسف أنا ماني مستمر على الصيانه

يعني على ما أعتقد آخر صيانه كانت لي ( 10000 ) كلم

والآن السياره ماشيه تقريبا ( 125900 ) كلم

يعني الله يعين على التغيير

ماشاء الله عليك تقرير سريع وساخن

لاكن لو ذكرت كم قطعة كلم حتى الان للفائده

الشى الثاني المروحه الي يسار ليش تتغير
مع ان موديل سيارتك جديد

لاكن الافضل خذ القطع اذا حاب تغير وشوف لك ورشه محترمه ارخص لك

وبالاخير الف شكر على التقرير وسلمت يداك

(ممتاز ياممتاز يكفى سرعتك)

بتوفيق

أخوي القايله عساي أفدتك في هذا الرد وأفدت الأعضاء

عن المسافة التي قطعتها السياره إلى الآن

وهي

125900 كلم تقريباً

[فيوزات رحيمه]

اخوي هل الى الان الفحص المجاني ؟؟

[دندنه]

وجهه نظر

يا جماعه من قريت الخبر بالجرائد وانا اضحك لانه لعب ع الدكون لعدت اسباب منها ان كم شخص بيفحص نقول ع سبيل المثل 100 الوكاله متاكده ان 50 منهم بيهوجس بالاعطال ويصدق كلامهم وبيصلح السياره عندهم
انا ما اقول انهم يكذبون لانهم يفحصون بأجهزه بس هم الله يهديهم لو القطعه فيها اكثر من نصف عمر قالوا غيرها ولو تسفهم مشت معك هالقطعه فتره اكثر مما تتوقعه ووفرت ع نفسك جهد ومبلغ
وكثر فحص السياره تخلي صاحبها يكرها ويموت تفكير والاعطال كل واحد يعرفها بسيارته لكثرت استخدامه لها



ويعطيك العافيه ع التقرير والمعلومات,,,,,,,

[2010 accord]

تقرير جميل يا جميل احسن شئ فالتقرير يوم كتبت لهم (نادي محبي هوندا)عسى هشوومي يحس على دمه ويسوي موقع لو اسود وابيض بس نقول موقع ....انا ان شاء الله بوديها الوكالة يوم السبت الجاي بس لو جو يشحدون اغير ما غيرت لاني عارف سيارتي الا الفحمات بس اللي بغيرها عشان الخصم 30% جا فوقته هالخصم
سؤال جانبي كم سعر الفحمات

[D.H.o.O.o.M]

تقرير

فله

شمعه

منوره

يابو زهره

:d

[فتى زهران]

اخوي هل الى الان الفحص المجاني ؟؟

نعم أخوي وبكره آخر يوم في الجبيل ومجاني

لك أن تراجع الجدول التالي :

[فتى زهران]

وجهه نظر

يا جماعه من قريت الخبر بالجرائد وانا اضحك لانه لعب ع الدكون لعدت اسباب منها ان كم شخص بيفحص نقول ع سبيل المثل 100 الوكاله متاكده ان 50 منهم بيهوجس بالاعطال ويصدق كلامهم وبيصلح السياره عندهم
انا ما اقول انهم يكذبون لانهم يفحصون بأجهزه بس هم الله يهديهم لو القطعه فيها اكثر من نصف عمر قالوا غيرها ولو تسفهم مشت معك هالقطعه فتره اكثر مما تتوقعه ووفرت ع نفسك جهد ومبلغ
وكثر فحص السياره تخلي صاحبها يكرها ويموت تفكير والاعطال كل واحد يعرفها بسيارته لكثرت استخدامه لها



ويعطيك العافيه ع التقرير والمعلومات,,,,,,,

كلام جميل وواقعي وصحيح

لكن يا غالي فيه ناس وأنا منهم أروح أسوي الفحص المجاني لكي أعرف ما هو الذي يحتاج أن

يتغير ومالا يحتاج << عساك فهمتها :d

الله يعافيك يا غالي