الموضوع الدائم لبيع وصلات الـ aux للهوندا على مدار العام ..

[B Useful]

السلام عليكم ورحمة الله وبركاتة ..

الكثير يسأل على مدار العام .. وش فايدة الـ AUX في سيارتي ؟ وين منفذ الـ AUX في السيارة ؟ وين احصل الوصلة لسيارتي ؟؟
من هالمنطلق حبيت اخدم الاعضاء بهذا الموضوع .. حيث ان اغلب القطع لا تباع في السعودية ، مالك الا تطلبها من امريكا ، واغلب الاعضاء لا يستطيعون الشراء عن طريق النت اما لعدم معرفتهم الطريقة او لخوفهم من المجهول او لعدم امتلاك بطائق ائتمانية ، هذا الموضوع .. اطلب فية اللوصلات التالية واجيبها لك .. ببساطة ..


الوصلة الاولى : القرص الوهمي المطور



الملحقات الاساسية + الاضافية مع القطعة :

- المنفذ من مسجل السيارة لوحدة التحكم.
- وحدة التحكم.
- سلك لمنفذ الـ USB
- سلك لمنفذ 3.5 mm
- سلك لمنفذ الايبود
- وصلة البلوتوث

*** الملحقات الاضافية تطلب لحالها بسعر منفصل وما تجي مع القطعة.


للمزيد من المعلومات عن هالقطعة : راجع هالرابط وفية طريقة التركيب والتفاصيل بالفيديو :
http://www.hondaarabia.com/club/t46653/

المتوفر : قطعة واحدة في الرياض ، قطعة واحدة في القصيم .

السعر :650 ريال

+ - + - + - + - + - + - + - + - + - + - + - + -

الوصلة الثانية: USA-Spec PA15-HON2 Honda to iPod Interface


بإختصار عن هذة الوصلة : افضل وصلة لتشغل جميع منتجات ابل على سيارتك بأفضل جودة وافضل صوت مسموع ، التحكم فيها من المسجل ، الجهاز نفسة ، من الدركسون لأصحاب الـ V6 لموديلات 03-07 او فل 4 سلندر اللي مركبين التحكم الصوتي بالاضافة الى اهم ميزة وهي شحن الجهاز .

الملحقات مع القطعة :

- المنفذ من مسجل السيارة لوحدة التحكم.
- وحدة التحكم.
- منفذ الايبود .
- منفذ اضافي مالقيت لة فايدة للحين .


للمزيد من المعلومات عن القطعة وطريقة تركيبها والتفاصيل عنها ، راجع هالرابط :
http://www.hondaarabia.com/club/t28520/

المتوفر : غير متوفرة حالياً .. طلبت 2 وانججزت من الان ..

للطلب .. سجل طلبك هنا مع موديل سيارتك ..


السعر :يتراوح بين 500 الى 700 ريال حسب البائع بالاضافة الى اجور الشحن للمملكة ..




لأي استفسار .. الموضوع لكم .. اسألو ما تشائون ..

[ملك قوقل]

بارك الله فيك اخوي
بالنسبة الى القرص الوهمي المطور كيف نقاوة الصوت وهل يوجد مقارنه بينها وبين القرص الوهمي العادي من حيث جودة الصوت

[B Useful]

حسب تجربة الاخ كلاسيك ديزاين ، انة جرب مرة بفلاش ميموري نوعية عادية وحط فيها ملفات صوتية بجودة عالية وملفات صوتية اخرى بجودة متوسطة ... الصوت كان ضعيف وسيئ << وصارت شغلة في سيارتة .. يخبركم عنها اذا حب .. :d ويوضح كل شي لكم ..

لكن التجربة الثانية .. حط فلاش ميموري نوعية كويسة << وصلح الشي اللي في سيارتة :d .. ونفس الملفات ،، الصوت واضح جداً وعالي ..

وحسب تجربتي شخصياً ،،

افضل قطعة من ناحية الصناعة وصفاوة الصوت والمميزات هي :
USA-Spec PA15-HON2
يعيبها شي واحد ولعة ميزة اشوفة اكثر من عيب .. انها متخصصة فقط في منتجات ابل
وهي اللي استخدمها حالياً لأني من مستخدمي ابل .

ثم يجي القرص الوهمي المطور : مميزاتة نفس الوصلة اعلاة في التحكم في منتجات ابل وشحنها .. بالاضافة تشغيل الفلاش ميموري ودعم 3.5 mm والبلوتوث
يعيبها شي واحد ان المنافذ تنباع كل وحدة لحالها ماتجي كلها مع بعض ..
جودة صناعتها اقل من الاولى ، والصوت واضح جداً كأنة CD لكن مع وجود صفير خفيف جداً كأنك مركب امبلي فاير وسستم على سيارتك .

ثم يجي القرص الوهمي العادي .. اللي يشغل فقط الفلاش ميموري ، اقلهم جودة خاصة الفيش الى وحدة التحكم واقلهم مميزات واصعبهم تحكم لكنة مناسب للي ماعندهم خيارات واجد يبي فلاش ميموري وبس ، نفس الشي الصوت واضح مع وجود صوت الصفير الخفيف


جميع القطع سويت لها تقارير سابقاً يمكنكم مشاهدتها في قناتي في اليوتيوب :
YouTube - mosab722&#39;s Channel
.

[Solidus 2010]

السلآم عليكم ورحمة الله وبركآته ,, عزيزي انا عندي أكورد 2010 وفيه منفذ usb عندي بسس لمآ أشبك فيه الأيبود مآ يشتغل ... هل القطعة ذي ضرورية لشتغيل الأيبود ؟؟ وشآكر لك

[k.s.b.s]

ياليت اخوي المباشر اذا تقدر تدبرلنا نحن اصحاب الاكورد 2009 سلك مدخل يو اس بي ومخرج aux
اذا لقيته برا جيبه وانا اتحمل كامل المصاريف لاني دورت عليه في جده ومالقيته

[Darky]

السلام عليكم ..

لو تكرمت عزيزي انا ارغب بشراء القطعة

USA-Spec PA15-HON2 Honda to iPod Interface

نوع سيارتي هوندا اكورد موديل 2006

من المنطقة الشرقية مدينة القطيف

الرجاء افادتي بأسرع وقت ممكن وشكرا مقدماً

[Darky]

وهذا ايميلي لو احتجته
aes_12@hotmail.com

[المباشر]

ياليت اخوي المباشر اذا تقدر تدبرلنا نحن اصحاب الاكورد 2009 سلك مدخل يو اس بي ومخرج aux
اذا لقيته برا جيبه وانا اتحمل كامل المصاريف لاني دورت عليه في جده ومالقيته

B Useful :d

[k.s.b.s]

انا اسف والله اقصد B Useful
ياليت يفيدنا مشكورا

[gsa_alsaher]

ياليت اخوي المباشر اذا تقدر تدبرلنا نحن اصحاب الاكورد 2009 سلك مدخل يو اس بي ومخرج aux
اذا لقيته برا جيبه وانا اتحمل كامل المصاريف لاني دورت عليه في جده ومالقيته

السلام عليكم ..

أنا أدور على العكس .. أبغى مدخل aux ومخرج usb ..
لأن سيارتي أكورد ٢٠١٠ وشاشتي ستيل كوول .. ومخرج الصوت حق الشاشة aux .. والوصلة حقت الأكورد ٢٠١٠ صارت usb .. بصرااااحة .. تعبت وأنا أدور على هالوصلة ومالقيت ..

لكن .. أعتقد أني شفت زي القطعة اللي تدورها .. في محل في شارع خالد بن الوليد بجدة .. كنت أدور هناك عالقطعة اللي أبغاها .. وقالولي روح لمحل " باشماخ " أو " المجداف " وبتلقى عندهم .. وأظن اني لقيت عند باشماخ نفس الوصله اللي تدورها .. روح له وشوف يمكن تناسبك ..

وانتظر ردك ..

[B A N D R]

ابي وصلة usa.spce.pa15 سياراتي هوندا اكورد 2006
من الرياض وياليت اعرف طريقة التواصل اذا القطعه موجوده او سوف تطلب
تقبل مروري اخوك الصغير بندر

[.: AFAQ :.]

مصعب لو أطلبك الجهاز الثاني الي هو خاص لأبل فقط

متى يوصل و كم يكون سعره لأنك كاتب أنت من 500 إلى 700 ؟

سيارتي 2006 فل

[B Useful]

اهلين وسهلين بالشباب كلهم اللي ردوا وريت عليهم او افادهم احد الاعضاء او تم السحب عليهم

الموضوع هو مفتوح للطلب على مدار العام ..

الاخوة : B A N D R و *.: AFAQ :. و Darky

السعر بيكون تقريباً من 550 الى 700 حسب البائع والضريبة والولاية اللي هو فيها وسعر الشحن داخل امريكا ثم سعر الشحن للرياض ..

تسترق الطلبية 14 يوم كالعادة ..

طريقة الطلب .. طبعاً انا منيب مليونير ولا الفيونير ولا ريالونير انا مواطن مسكين ما اقدر اضحي بمبلغ وقدرة واقعد بقية الشهر في بيتنا آكل بيض ..! ثم احتري القطعة تجي واقابلك وترد لي فلوسي ثم استانس .. ويمكن يكون فية عضوا غير جاد في الطلبية واقعد ادور زبون ..

فلذلك اللي ودة يشتري القطعة يحول المبلغ على حسابي خل نقول الحد الادنى 550 ريال واطلبها لة ..
وياريت لو يكون مجموعة اعضاء مع بعض عشان يخف عليهم قيمة الشحن ..

اي استفسار .. انا موجود ..

[gsa_alsaher]

السلآم عليكم ورحمة الله وبركآته ,, عزيزي انا عندي أكورد 2010 وفيه منفذ usb عندي بسس لمآ أشبك فيه الأيبود مآ يشتغل ... هل القطعة ذي ضرورية لشتغيل الأيبود ؟؟ وشآكر لك

نفس مشكلتي ....

عندي شاشة ستيل كوول .. مخرج الصوت حقها نوعه aux .. وعندي وصلة usb في السيارة (أكوورد ٢٠١٠) .. وماني قادر استفيد من صوت الديفيدي ولا استفيد من استخدام البلوتوث للمكالمات ..

ياليت تفيدونا ... هل هالقطعة راح تحل المشكلة ؟؟؟

[B A N D R]

ياأخوان انا بطلب القطعه من بيطلب معاي القطعه B Useful مو مقصر ابد ونشاء الله انه في محل ثقه

[gsa_alsaher]

ياأخوان انا بطلب القطعه من بيطلب معاي القطعه b useful مو مقصر ابد ونشاء الله انه في محل ثقه

إذا كانت القطعة راح تحل مشكلتي ... أنا معاك ..

نفس مشكلتي ....
عندي شاشة ستيل كوول .. مخرج الصوت حقها نوعه aux .. وعندي وصلة usb في السيارة (أكوورد 2010) .. وماني قادر استفيد من صوت الديفيدي ولا استفيد من استخدام البلوتوث للمكالمات ..
ياليت تفيدونا ... هل هالقطعة راح تحل المشكلة ؟؟؟

[مهجد الحارة]

ياأخوان انا بطلب القطعه من بيطلب معاي القطعه b useful مو مقصر ابد ونشاء الله انه في محل ثقه

وانا ابغى الله لايهينك .. ابغى اشغل الايفون والايباد على السيارة

[B A N D R]

اخوي ياليت رقم حسابك b useful عشان احولك

[Darky]

السلام عليكم,
أخي B Useful, بالنسبه لي انا مستعد احولك المبلغ على حسابك من اليوم وبالنسبة لشحن القطعه داخل المملكة ترى انا من سكان الشرقيه علشان يكون الموضوع واضح

وبأنتظار ردك

[B A N D R]

تم وصو القطعه اليوم وتم تركيبها من قبل اخونا B Usefu وفرق كبير صراحه ملاحظه وهذا رابط فديو يوضح
وألف شكر B Usefu بيض الله وجهك ماقصرت كان تعملك جدا سريع وتوصلك بالرسايل من بداية الموضوع حتى نهاية
[ame=http://www.youtube.com/watch?v=WBRMB7CNazk]YouTube - &#x202a;VID 20110521 00000&#x202c;&rlm;[/ame]

[راسم خيالك]

اخوي ابغى القطعه ذي كيف :o

[al3ned102]

ممكن بس اعرف مكان aux في مسجل سي ار في وين ؟ موديل 2008 خليجي وشكرا

[iMohanad]

اخوي بندر بالنسبة للصوت اذا قصرت عن طريق الايبود يقصر الصوت من المسجل ولا كل واحد لحاله

[B Useful]

^^ اذا تقصد الوصلة الخاصة بمنتجات ابل ^^

تتحكم بكل شي من الايبود والمسجل والتحكم من الطارة ، عدا الصوت فقط من المسجل والطارة .. اما الايبود لا .

[صدى الزعيم]

أخوي انا ابي القرص المطور ...

موجود ولا لا ..