وصلحنا طرمبة الدركسيووون والله ....

[دنيآ الغرور]

السلام عليكم ورحمة الله وبركاته ..

احبائي اعضاء هوندا الكرام اسعد الله اوفاتكم بكل خير ..

انا صراحة جاي اليوم وعلي علامات الاحباط شوي :d

يوم الاربعاء بعد صلاة العصر مدري وش جا على بالي وانا اشغل السيارة واسمع صوت الحنة الرائع :d

قلت الى متى هذه المعاناة ان شاء الله الشركة عمرها ما اعترفت بالعيب المصنعي ..

واروح واجزم اجيب قطع الاصلاح لاركبها ..

المهم بالبداية رحت ادور على ورشة ولقيت ورشة مدحوها شباب كثير مع اني بالاول كنت متوقع الي يشتغلون فيها جاهلين .. لكن جارنا يتعامل مع الي فيها من 7 سنوات ..

المهم سالته عن التكلفة قالي تكلفك 250 ريال شغل يد والقطع 150

قلت له لا انا بجيب لك القطع

المهم منا ومنا رضى اخر شي ب 230 ريال شغل يده

ورحت الوكالة جبت القطع مع علبة زيت وكلفوني = 115 ريال

رحنا الورشة وصورنا الشغل ومتفائلين ماشاء الله حولنا :d<< بنزل التقرير قريبا ..

المهم يوم فك كل شي قلت له بالنسبة للصوت وين الرمان الي خربان ويطلعه !

قالي موترك مافيه رمان .. الرمان من موديلات 2007 وتحت ..!!

تفاجئت شوي قلت ماعليه ان شاء الله يكون الصوت من الهوا ..

المختصر انه ركب كل شي ووصل وضبط وعبى الزيت ..

ويوم شغلت لقيت الصوت نفسه ماتغير نهائيا ...

السؤال هنا للي سبق وسوو اصلاح لموديلات 2008 وفوق !!

ايش السبب بالصوت ! معقولة الطرمبة !! طيب القطع الحين كلها سليمة

الجلد الي تركبت جديدة .. والقطع والمكونات الداخلية جديدة وبلمعتها 1

الحين مقروف ابي اشيل هالصوت مهما كلف كيف ؟؟؟

شكرا لكم ..


------------------------------------------
نرجع لكم ...

الكلام الاخير والي انصح الجميع يعملو فيه بعد ماعملت حصيلة تجارب على السيارة .,.,

علشان اختصر عليكم تشوفو وتقرو كل الردود ..

كما ذكرت اعلاه اني غيرت اصلاح الطرمبة .. توقف تهريب الزيت فقط لاغير..

جربت وغيرت رمان الشداد .. لم يتغير شيء ..

غيرت سير الماكينة وايضا لم يتغير شيء ..

الخلاصة المستنتجة ..

الطرمبة بعد مافكيتها داخليتها بالنسبة لي جديدة .. لكن مصدر الصوت من الريش الداخليه .. ولهذا مستحيل يروح الصوت الا بتبديلها لتاكل جزء من اطرافها .. رغم بسطه ..

عموما الي سيارته 2007 واقل يمكن يختلف شي بسيط بحكم وجود رمان داخل الطرمبة ويمكن تغييره ..

الكلام الحالي هذا الي توصلت له ولا يشترط انه يكون صحيح .,. لكن لايصال نتيجة التجربة على سيارتي ..

اجمالي التكاليف الي تمت لهالعملية..

115 قطع وزيت لاصلاح الطرمبة
250 اجور تركيب الاصلاحات .
25 رمان ايطالي افضل نوع(سعره بالوكالة 150ريال)
50 ريال اجور تركيب رمان(لوعارف شغلته بسيطه والله ماياخذ عشر دقايق)
285 سير وكاالة ..

الاجمالي = 700 ريال .,

[اكوردتي عشق لا ينتهي]

انت من راسك سويت الاصلاح ولا صاحب الورشه قالك يبيلها اصلاح
اذا هو قلك هذي شغلته لازم يشيل الصوت باي طرريقه
او ممكن يكون عندك تهريب تحت وبيطلع الصوت منها
وبالتوفيق لك

[دنيآ الغرور]

انت من راسك سويت الاصلاح ولا صاحب الورشه قالك يبيلها اصلاح
اذا هو قلك هذي شغلته لازم يشيل الصوت باي طرريقه
او ممكن يكون عندك تهريب تحت وبيطلع الصوت منها
وبالتوفيق لك

لا مو من راسي انا اخذتها الوكالة وقالي عندك تهريب بطرمبة الدركسيون

وبعدها اخذتها الورشة وقالي نفس الكلام

[Accord F15]

صوت الحنه مو شرط من طرمبة الدركسون ممكن يكون من البلوف حقت المكينه عمومآ افتح الكبوت وادعس بنزين واذا انت شاطر راح تطلع الصوت اذا هو من البلوف او لا:d

[دنيآ الغرور]

صوت الحنه مو شرط من طرمبة الدركسون ممكن يكون من البلوف حقت المكينه عمومآ افتح الكبوت وادعس بنزين واذا انت شاطر راح تطلع الصوت اذا هو من البلوف او لا:d

والله ماني شاطر :d

الصوت يطلع لد سرعة دوران المحرك 2000 وبعدها مايبين اثره كثير ..!

ياخي شي يقهر :d

[besoo]

انا كانت عندي الحنة ... بس شوف هي لها مشكلتين ...
اما تكون الطرمبة الى فووق فيها مشكلة وهاذي سهلة ... واما تكون في وحدة تحت سعرها غاااالي شوي ..!
هذا الكلآم عن 2005 انا اتكلم عن تجربة ... وكانت عندي الحنة واختفت بنسبة 105% والسيارة صار صوتها راااائع ... عملت لها
1- بدلت الانابيب الموصلة للعلبة لأنها كانت خشنة
2- عملت توضيب الى قطعة ناسي اسمها والله ... بس كل الشغلة مع شغل اليد والقطع بالضبط 410 ....
واتمنى اكون قد افدتك

[besoo]

حاب اضيف على كلآمي السابق ...
اذا كانت المشكلة من علبة الباور ... الحق على التوضيب قبل لا تخترب القطعة كلها وتدفع 500 قيمتهـآ ..!!!
بس حاااب اتذكر اسمها والله نسيته ...!!! اتمنى الشباب يفيدونك

[دنيآ الغرور]

الباور مو هي الطرمبة الي انا صلحتها ؟؟

طيب انت تقصد الدودة الي تحت يعني ؟؟

[besoo]

الباور مو هي الطرمبة الي انا صلحتها ؟؟

طيب انت تقصد الدودة الي تحت يعني ؟؟

اي هاذي هي الباور والطرمبة تختلف المسميات والمقصوود واحد ^.^ << يالبى بصص ...

اتوقع ان ما خاب ظني اذا ماخاب انا مو متأكد بس شكلها اسمها البرينجات !!!.. انا اعرف شكلها بس ناسي اسمها ومتأكد هع ...!! باحط لك صووورة انشالله اليوم ^.^

انت روح الورشة وقول لهم سوي توضيب للقطعة الى وضبها باسل وخلآص !!!.. <<< برآآآ

[ن ع ر السعودية 0005]

وعليكم السلام ورحمه الله وبركاته

يا هلا فيك أخوي معنى

بما أنك من القصيم أنصحك تروح للوكالة فيه عامل هناك أسمه أختر هذا ما شاء الله فاهم قله السالفة وخله يسمع الصوت وراح يعلمك من وين المشكله ووش حلها .

[جاكي2]

اتوقع ان ما خاب ظني اذا ماخاب انا مو متأكد بس شكلها اسمها البرينجات !!!..

البرينجات مومعناها الرومانات ,أو لها اسم ثاني.....؟

وشكراا

[Accord F15]

وعليكم السلام ورحمه الله وبركاته

يا هلا فيك أخوي معنى

بما أنك من القصيم أنصحك تروح للوكالة فيه عامل هناك أسمه أختر هذا ما شاء الله فاهم قله السالفة وخله يسمع الصوت وراح يعلمك من وين المشكله ووش حلها .

الإجابه الصحيحه:d

[دنيآ الغرور]

المشكلة لما اروح الوكالة يستلمني مدير الصيانة وينشبلي نشبة مو صاحية

ولما وريته الصوت انا قبل فترة قالي طرمبة الدركسيون تبي غيار مع انه مجرد نظر لها ..

مافيه ورشة ثانية طيب بالقصيم يعطيني الخبر الاكيد ؟؟

[دنيآ الغرور]

غير كذا شغل الوكالة مكلف مرة وعلى فكرة يندر جدا جدا جدا يسوو اصلاح لطرمبة ادركسيون

صاحبي دخلها قالوله ماتتصلح مع ان السلفة كلها ربلات وجلد ..

يحصرون على تركيب قطع جديدة اكسب لهم ..

[دنيآ الغرور]

رحت اليوم للي سوالي الاصلاح ... قالي احتمال من رمان الشداد .< احس انه يتخرص ..

طيب سمعت ان فيه قطع مراوح مدري وش اسمها داخل الطرمبة هي الي تصدر الصوت .. وش رايكم ؟؟

[النداوي20]

صباح الخير اخوي ياليت تذكر اسم الورشه اللي اشتغلت عندها اذا مو هي اللي في بالي بدلك على ورشه متخصصه في الهوندا
مع تمنياتي لك بالتوفيق

[دنيآ الغرور]

شارع الاربعين .. وانت متجه شمال ..

تجيك صناعية السليم على يسارك .. خذ الاشارة واعمل يوتيرن ..

اول فتحة ادخل يمين بتلقى حارة كلها ورشات ادخل يمين مرة ثانية بتلقى لوحه شعار هوندا

[Accord_2005]

هلا فيك يالغالي

هل الصوت هو حنه او طقطقه .؟

وهل زيت الدركسون ممتلئ إلى الحد المطلوب .؟

وسلامتك ،،،

[دنيآ الغرور]

هلا فيك يالغالي

هل الصوت هو حنه او طقطقه .؟

وهل زيت الدركسون ممتلئ إلى الحد المطلوب .؟

وسلامتك ،،،

لالا حنننننننننننننة

الزيت تمام ولا ينقص

[ulv]

والله مشكله شبااااب اكثر المشاكل الان في المنتدى عن طرمبه الدركسون معقوله يعني كلها خربانه عندنا عيب مصنعي طيب ورا الشركه ماعملتلو تغيير او استبدال مجاني للسيارات هوندا
اعتقد انو الجيل القادم من هوندا سوف يتفادو الشي ذا ويخلو الطاره مثل المازدا6 الجديده واللكزس طاره الكترونيه يعني مافي عمود لف الطاره سفتي اكثر للسياره وامان ومافي لا حنننه ولا هم يحزنووون

[msm9396]

ياشباب انا عندي 2009
مدري الصوت اللي تقصدونه هو طقطقه لما تلف الدركسون هذي عندي

[دنيآ الغرور]

ياشباب انا عندي 2009
مدري الصوت اللي تقصدونه هو طقطقه لما تلف الدركسون هذي عندي

لا الي نقصده مو طقطقة .. الي عندي حنة < ياربي شلون بشرحلك الصوت :d

يعني لما تعطي السيارة شوية بنزين بدال مايكون صوتها عننننن او زززززن

هذي حيييييييييين

^^^^^

:d

[دنيآ الغرور]

رحت اليوم الوكالة ابي رمان الشداد

قالي مايجي رمان لحاله يجي شداد كامل

حس اني بدخل بعينه قالي عفوا لحظة اشيك لك ..

المهم شيك قالي موجود الرمان لكن يحتاج طلبية وسعره 150 ريال ويوصل بعد 3 ايام

قلت له من ذهب ولا الماس ؟ < قال لاء فالصو خخخ

سويت يوتيرن ورحت الصناعية اخذت رمان افضل نوع ايطالي

ومريت ع صاحبنا يغيره لي وغيره ع نية انه بيروح الصوت

المهم غيره وما استفدنا شيء الصوت هو هو ...

التكلفة لهالعملية //

25 قيمة الرمان الايطالي ..
10 ريال اجار كبس الرمان على الشداد ..
40 ريال اجور تركيب << والله ناصب علي لو عارف السالفة كذا كان سويتها بيدي .. وما احس يستاهل اكثر من 20 ريال كلها عشر دقايق ..

بانتظار حلول اخرى ..

[تألمت بس تعلمت]

طيب اذا الحنه للحين موجوده مع أني اشوفها طبيعيه في الأكورد

ياليت مقطع فيديو توضيحي أفضل علشان الأعضاء يكونون على بينه

ويعرفون العله ويساعدونك

[دنيآ الغرور]

طيب اذا الحنه للحين موجوده مع أني اشوفها طبيعيه في الأكورد

ياليت مقطع فيديو توضيحي أفضل علشان الأعضاء يكونون على بينه

ويعرفون العله ويساعدونك

خويي معه 2010 والثاني 2011 مافيها هالصوت الي عندي ..ّّ

ان شاء الله بصورة بفيديو مع اني اظن الكل عارفه