اكورد 2006 ماشي 25.000 فقط

**A N M A R** · 08-04-2011, 03:08 PM

بسم الله الرحمن الرحيم

السلام عليكم ورحمة الله وبركاته

اخواني انا اعرف واحد معاه اكورد اسبيشل مثل حقتي ومثل اللون وممشاها 25.000 بلتمام لازاد ولا نقص والسياره مرشوشه باب خلفي واحد و صدام امامي مع رفرف مو صدمه هي سرقه و صدام خلفي مرشوش و السيارة ممخوشة والداخلية نظيفة جدا

برائيكم كم حقها كم ممكن تجيب بلعلم مثل حقتي طيس وتندة حتى الي تحت الابواب العتبات مهي مرشوشة ومافيها كشافات

**Accord F15** · 08-04-2011, 03:11 PM

اتوقع انه ملعوب بكمبيوترها ومبرمج يعني سياره من 2005 للحين ست سنوات و25 الف بس !!!!

والسعر يفيدونك فيه الشباب مع ان سعرها بيطيح صدام امامي وخلفي وباب ورفرف مشكله

**A N M A R** · 08-04-2011, 03:13 PM

لا جد ياخوي اكلمك

لا ملعوب ولا حاجة ممشاها الحقيقي والادمي انا عارفو ثقة

ولد خالتي يصير

ناوي اشتري السياره منه

**Hammoudi** · 08-04-2011, 03:13 PM

وعليكم السلام ورحمة الله وبركاته

أتوقع انه سعرها تقريباً 45 - 44 ألف بس يمكن تجيب أقل من السعر اللي عطيتك وياه أو اكثر بس انا بنظري أنها تسوا كذا

**A N M A R** · 08-04-2011, 03:15 PM

يعطيك العافية اخوي على مرورك

**Accord F15** · 08-04-2011, 03:18 PM

حمودي وربي مستحيل تجيبه انا شاري سيارتي لا رش ولا سمكره بـ 47 الف فل كامل من المعارض وماشيه 150 الف وهذي اسبيشل ومرشوش فيها اشياء واجد عمومآ استخر ربك يا انمار ونصيحتي لك السياره اللي زي كذا حاول تتجنبها

**A N M A R** · 08-04-2011, 03:22 PM

والله مدري ايش اقولك ياخويه

بس الممشى ممشاها الاصلي لاني انا دايم متكي عند ولد خالتي وولد خالتي مايخرج من البيت وعنده سيارة الشركة يكرف بيها اكسنت
وقبل 3 ايام مسويلها صيانة 25.000 بلوكاله مع الفاتورة

**Accord F15** · 08-04-2011, 04:58 PM

الهرجه مو بالممشى الهرجه بالسياره نفسها هل اكلت صدمه بالواجهيه او لا

**aziz93** · 08-04-2011, 05:32 PM

الموتر جاه رش وااااجد وانا ما انصح فيه الا اذا كان الشغل نظيف جدا جدا وما ييبان
وحقها صراحة 38 مديلها قديم وسبشل ومرشوشة

**A N M A R** · 08-04-2011, 06:41 PM

لا ماجاها ضربة في الوجه

بس شمعتين انسرقت عدمو رفرفين وبس

وباب خلفي هو الي جاته ضربة

وصدام خلفي رشه بطر

**alkasr777** · 09-04-2011, 01:28 AM

بالنسبة لي أخذها و أنا مريح بالي

السيارة ممشاها حلو جدا

و من ولد خالتي و ثقة ليه ما أخذها

و بالنسبة انه مرشوش عادي نص مواتر العالم مرشوشة

و أنا أقولـك ودوها المعارض أحسن لكـ عشان ما تظلمه ولا يظلمكـ

أو رح شف أسعارها في المعارض مو الحراج

أنا أعطيها 44 ألف ريال

و نصيحتي خذها و انت مريح بالكـ

**2010 accord** · 09-04-2011, 02:30 AM

اخوي انا بقولك خذها في حالة انك تبغاها استخدام شخصي لان السيارة جميلة ونظيفة على حسب كلامك تستاهل 40-45 اما لو تباغها عشان تروح تبيعها وتكسب كم الف بقولك لا تاخذها لانو الشريطية ما راح يصدقوا ان هذا ممشاها وبينزلون سعرها حتى اقل من مثلاياتها بحكم انها ملعوب بكمبيوترها انا عارف انو ولد خالك وثقة لكن من بيصدق
تقبل مروري وفي الاخير الراي رايك

**ا ل و 1591** · 09-04-2011, 02:42 AM

انا معي اكورد 2005 شاريها قبل 6 شهور ما فيها ولا صدمه ولا رشه ابد ابد ابد لاحظ ولا صدمه

اخذتها بـ35 الف طبعاً فتحه وجنوط بس اربعه سلندر

بس المشكله الوحيده الممشى ماشي 200,000 بس والله الممشى ماله دخل السياره نظييييييفه ؟؟

الزبدة : على حسب تجربتك للسياره . وإرتياحك لها

**الله يذكر ايامك** · 09-04-2011, 04:46 AM

لا معندي خلفيه عن السعر باس الممش ماتوقع انه ملعوب فيه لان لقية في المعرض 2007 مشيه اقل من 100 الف يعن يون الي التصدق كثير تلقيه ماشيه اقل من 150 الف واتوقع فيه ناس هن في منتدى موتره ماتعدة 150 الف وهي 2007 و لد عمي اخذ 2007 من المعا رض قبل خمس شهور سبشل با 43 الف مشيه 98 الف

**Silver Aurion** · 09-04-2011, 06:09 AM

المشاركة الأصلية كتبت بواسطة accord f15

اتوقع انه ملعوب بكمبيوترها ومبرمج يعني سياره من 2005 للحين ست سنوات و25 الف بس !!!!

والسعر يفيدونك فيه الشباب مع ان سعرها بيطيح صدام امامي وخلفي وباب ورفرف مشكله

مو شرط ..

عندنا جمس سوبربان موديل 2004 فاكينه وكااااله من بالبيد و ماشي الان 8 الاف كم فقط

**Classic Design** · 09-04-2011, 01:47 PM

و الله يا أنمار ما أنصحك فيها لسبب واحد فقط

انت ما راح تغير شيء ،، السيارة نفس سيارتك بغض النظر عن الممشى

سيارتك لو انت مهتم فيها و مافيها مشاكل صدقني راح تعيش معاك

لو هي فل كامل ممكن تغير ،، لكن كلها نفس الشيء

نصيحتي لك ،، يا تغير للموديل الجديد أو توفر فلوسك لك و تستفيد منها في شيء ثاني

**Accord F15** · 09-04-2011, 01:57 PM

المشاركة الأصلية كتبت بواسطة Silver Aurion

مو شرط ..

عندنا جمس سوبربان موديل 2004 فاكينه وكااااله من بالبيد و ماشي الان 8 الاف كم فقط

شكلكم مخلينه لعبه بالحوش يتونسون عليه العيال بالعصريه ههههههههههههههههه

امزح امزح :d

**A N M A R** · 09-04-2011, 02:04 PM

يعطيكم العافية ياخواني

حبيت اخد السياره مو عشان انا بستخدمها

اعرف واحد محتاج سيارة اوتوماتيك فقلت خليني ابلغه انسان ليه معزة على قلبي

قلت بدال مايتورط عند الشريطيه الي مايخافو الله سيارة قريبي اولى

والمعارض نصابين والشريطيه حرامية تصدقون انسامت ب 20

وفحصت السيارة كمبيوتر في الوكاله انه الكمبيوتر والعداد ماتلعبت فيها

والشريطيه اتفقو كلهم يسمو بهلسعر الي مايخافو الله

**فيوزات رحيمه** · 09-04-2011, 02:16 PM

السلام عليكم

سعرها في السوق من 30 الف الى 36 الف ماتتعداها اذا كان الصبغ مايفرق

اما اذا كان اللون يفرق ينزل سعرها عن الـ30

**A N M A R** · 09-04-2011, 02:29 PM

^^

رش وكاله رفرفين مع صدام فقط

والصدام الخلفي رشه وكاله برضو

**Silver Aurion** · 10-04-2011, 12:51 PM

المشاركة الأصلية كتبت بواسطة Accord F15

شكلكم مخلينه لعبه بالحوش يتونسون عليه العيال بالعصريه ههههههههههههههههه

امزح امزح :d

خخخخخخخخخخخخ و اللفة بريالين و نترزق منها :d

و السيارة نادرا ما تخرج من القراج و الاغلب في اوقات السفريات

حتى مغيرين طقم الكفرات لانه انعدم من كثر الوقوف و الى يومك هذا الاقمشة شد بلد

**S A M I** · 11-04-2011, 05:50 PM

^^

تبيع طيب >>>> واحد شريطي :d

انمار انا مع كلاسيك ديزاين

والله يوفقك ,,

**A N M A R** · 11-04-2011, 05:55 PM

^^

هههههههههه

لاطمن مو لي

**اكورد مودي** · 12-04-2011, 01:03 AM

هلا انمار
والله السيارة حلوة وعادي الممشى اذا كانت السيارة واقفه ومادامها نظيفة ورشة وكالة
تعال انا اوريك سيارة جارنا معاه سيارتين مورانو و جيب مازداx9 المورانو 2005 ومايتحرك بالشهور وممشى لغاية دحين 60000
الله يبارك للرجال السيارة توكل وكلم الرجال وخليه يشوف السيارة.
سؤال ملخووووف انت يا انمار كم ممشاه سيارتك؟؟؟