الوكالة وطرمبة الدركسون

[تألمت بس تعلمت]

سلام عليكم

انا الاسبوع اللي راح رحت لورشه تشييك كامل وقال لي زيت الدركسون ناقص

جب زيت هوندا وزدها

واليوم ياخوان رحت للفحص وقالو عندك طرمبة الدركسون فيها تهريب ولازم تتصلح او تتغير

التصليح ب 700 والتغير ب 3 الاف !!

قال كم ماشيه سيارتك ؟ قلت 160 الف قال مايشملها الضمان اجل

لو اقل من 100 الف كان دخلتها الحين وغيرتها لك

لما رجعت للورشه ومعي الزيت وقلت لهم الكلام اللي دار بالوكاله

فحص السياره وقال ابدا مافيه تهريب اللهم مجرد نقص في الزيت وعباه

وشيكت عليه بعدين ولقيت الزيت مانقص !!

وش السالفه :(

اتوقع الطرمبه مافيها خلل والدليل ماعليها استدعاء .. فكل مانقص عبها زيت هوندا

لانك لو عبيت زيت ثاني غير هوندا بتخرب !!

[ابوعليان]

شكرا بس في نقطة تشوف بقع زيت برى الطرمبة

[دنيآ الغرور]

اخوي الله لا يهينك وش الفرع ومكانه الي قالك لو سيارتك ماشية اقل من 100 الف اصلحها لك مجاني ؟؟؟؟؟

لان مافيه ولا فرع اعترف بهالشيء واذا انت متاكد ابي اعطيك سيارتي ولك الي تبيه لو صلحوها مجاني ...

[تألمت بس تعلمت]

أخوي الفرع .. فرع خريص اللي بالرياض

وشيك على الخاص

[دنيآ الغرور]

أخوي الفرع .. فرع خريص اللي بالرياض

وشيك على الخاص

بارك الله فيك ..

لكن تاكد انهم كذابين مستحيل يغيرون الطرمبة على الضمان .. ولو تعرف احد غيرها عطني رقم لوحته وصدقني رح يغيرونها لكل الشباب ..

[تألمت بس تعلمت]

والله ماعرفه الرجال

شفته بالوكاله وموديل سيارته 2009

قال غيروها لي على الضمان

[AboOoSh]

بارك الله فيك ..

لكن تاكد انهم كذابين مستحيل يغيرون الطرمبة على الضمان .. ولو تعرف احد غيرها عطني رقم لوحته وصدقني رح يغيرونها لكل الشباب ..

اذا الموتر ممشاهـ اقل من 100 الف + منتظم بالصيانة بالوكالهـ
يغيرون لكـ على الضمان بدون اي نقاش

[همر911]

شيك على الدوده ضروري

[هاااوي الاكورد]

اذا الموتر ممشاهـ اقل من 100 الف + منتظم بالصيانة بالوكالهـ
يغيرون لكـ على الضمان بدون اي نقاش

كلام سليم ^^^^^^^

[pl2]

اذا الموتر ممشاهـ اقل من 100 الف + منتظم بالصيانة بالوكالهـ
يغيرون لكـ على الضمان بدون اي نقاش

وبعد فيه شرط ثاني ان مايكون تجاوزت المدة اللي هي 3 سنوات...

[FiRe || TeaR]

الله يعين

انا عندي الدركسون يثقل بعض المرات , وفحصت الزيت اليوم بالوكالة ومانقص

الظاهر ابفحص على الدودة , ماله داعي تضرب علي وتروح المكينة !!

[جناب السفير]

الله يستر من الركسون وشلته