مطلوب عصا القير .. جلد

[دنيآ الغرور]

السلام عليكم ورحمة الله وبركاته

اخواني عندي عصا القير مستهلك شوي بسبب صاحب السيارة الاول ..

وحابب ابدلة

فالي عنده ياليت يعطيني خبر

للمعلومية العصى حقت الفل وليست السبشل ... (يعني خياطة جلد ) ..

بانتظاركم ..

[دنيآ الغرور]

معقولة مفيش احد :d

طيب احد يقدر يوفره لي بالتشليح او الوكالة بس كم سعره اول ؟

[King]

ممكن تحصله غالي سواء بالتشليح او بالوكالة, لذلك الافضل لك تشوف لك محل محترم يضبطها لك ويلبسها جلد وعلى نفس لون الجلد الموجود عندك.

او تسوي له تخشيب وتنساه.. ;)

[دنيآ الغرور]

تشليح بريدة مالقيت .. مستعد ادفع 100 ريال :d< مكثر والله

طيب المشكلة ما اعرف محلات كويسة بالقصيم ياليت احد يفيدني ..:(

وكيف التخشيب الي تقول عنه اخوي king

انا افكر اخشب القطعه الفضية والاسود الي تحت احسه اشكل

وش رايك ;)

[King]

إذا تبي رأيي بصراحه وبدون تحيز و شغل مطرسه, لبسها جلد وماراح ياخذون اكثر من 150 ريال (اطلق جلد بالعالم!!)

وعش حياتك.. ;)

لأنك إذا خشبت راح تسوي تخشيب على الدركسون وفتحات المكيف (إطار) وبعض الاجزاء إلي بالطبلون << وش بقى

يعني راح تدفع تكلفه اعلى وكل رغباتك هي انك تضبط عصا القير فقط!!.

انا المشكلة مااعرف بالقصيم لكن بالرياض تعال اوديك وين ماتبي..

{القصيم إذا رحت لها اروح لباريس :d والبدائع وماجاورها}

[دنيآ الغرور]

إذا تبي رأيي بصراحه وبدون تحيز و شغل مطرسه, لبسها جلد وماراح ياخذون اكثر من 150 ريال (اطلق جلد بالعالم!!)

وعش حياتك.. ;)

لأنك إذا خشبت راح تسوي تخشيب على الدركسون وفتحات المكيف (إطار) وبعض الاجزاء إلي بالطبلون << وش بقى

يعني راح تدفع تكلفه اعلى وكل رغباتك هي انك تضبط عصا القير فقط!!.

انا المشكلة مااعرف بالقصيم لكن بالرياض تعال اوديك وين ماتبي..

{القصيم إذا رحت لها اروح لباريس :d والبدائع وماجاورها}

هذا رد صاحب تشليح :
العصا موجودة والطارة موجودة بس اللون رمادي وسعرها الطارة ب300 والعصا نبيعها كاملة مع القاعدة ب450


لهذا قررت اخذ بنصيحتك :d

طيب لازم السيارة تكون موجوده عند المحل علشان يركبه ولا اقدر اوصي احد بالرياض يجيبلي التلبيسه .؟

ولا تدري انا الخميس الجاي بروح جيو شيلد الي بالعليا .. فيه مكان قريب وشغلة وكالة تدلني عليه امره ؟. :d

تعبتك معي يا كنق المنتدى .. :p

< لاحد يقولي انعمى من اللون << حابب اجربه :d:d

[دنيآ الغرور]

[King]

لا تتميلح عندي :d

التلبيسه إذا وصيت احد راح يشغلك وتشغل نفسك وبالأخير تقول ياليت رحت, لذلك حياك الله بالرياض وراح تنور اهلها بحضورك.

انت بس إذا وصلت الرياض دق علي وابشر بسعدك إن شاء الله << هذا إذا ماانشغلت مع الأهل.

(الرقم على الخاص)

اهم شيء تدل الغرابي لأن اهم شيء بالشغله هذه كلها :d

في كل من الحالتين هذا عنوان المحل ورقمه في حال إنشغالي!.

وهذا توصيف للمحل اسمه ابراج دبي

وانت مع الشارع الرئيسي اللي بالغرابي
ابتل بإتجاه الأشارهـ اللي بعد محل الأقصى بعدين رح يمين راح يكون محل الأبداع على إيدك اليمين بعدين خش مع أول لفه يمين

ترا فيه فرعين
على نفس الشارع راح يجيك الفرع الأول على اليسار أتركه ورح للفرع الثاني بعده بـ200 متر على إيدك اليمين
فيه واحد هناك أسمه فيصل (يماني) أسئل عنه وتفاهم وياه.
وهذا رقمه 0561188248

وهذه صور للتنجيد من رد اخونا الشمالي << فقدناه صراحه





الرد الاصلي..
http://www.hondaarabia.com/club/post495034-5/


وهذا موضوع ثاني شوف كيف التلبيس
http://www.hondaarabia.com/club/t39235/

[accord7]

إذا تبي رأيي بصراحه وبدون تحيز و شغل مطرسه, لبسها جلد وماراح ياخذون اكثر من 150 ريال (اطلق جلد بالعالم!!)

وعش حياتك.. ;)

لأنك إذا خشبت راح تسوي تخشيب على الدركسون وفتحات المكيف (إطار) وبعض الاجزاء إلي بالطبلون << وش بقى

يعني راح تدفع تكلفه اعلى وكل رغباتك هي انك تضبط عصا القير فقط!!.

انا المشكلة مااعرف بالقصيم لكن بالرياض تعال اوديك وين ماتبي..

{القصيم إذا رحت لها اروح لباريس :d والبدائع وماجاورها}

150 ريال














غالي :d

انا مسوي جلد لعصا قير افالون بـ 30 ريال وافضل جلد بعد

[دنيآ الغرور]

يعطيك العافية اخوي كنق .. :d

ان شاء الله بنشبلك اذا وصلت :d

ابشرك اني مرة رحت الغرابي بس جلست 4 ساعات على ماوصلته من شمال الرياض لجنوبها وتاخر الوقت ورجعت فاضي < اكسر الخاطر قسم :o