السلف ما يدق ... افيدونا لاهنتم
السلام عليكم
أخباركم .؟ عساكم بخير
يا شباب اليوم رحت لأحد محلات الزينة اركب اكياس و اثناء التركيب جاني يلي في المحل قال تبغا زينون قلت خلني اشوف اللون الابيض ابي اشوفه قال لي طيب افتح الكبوت نجربه و الله فتح وشفته و ولا اعجبني المهم شاله المهم ويوم خلصوا جيت اشغل الموتر احاول اشغل ما تشتغل وصار السلف ما يطلع شرار او زي صوت الشرار صار صوت ( تك تك تك ) ما يدق السلف يعني كأنه مافيه بطارية خير شر و المصيبة اللمبات شغاله و كل شيء تمام قمت فصلت البطارية ورجعت شبكتها ونفس المشكلة وقمت سويت اشتراك مع العلم ان البطارية مركبها من شهر وهي 60 امبير و ولا نفع الاشتراك وجبت كهربائي وشافها قال المشكلة من السلف قلت طيب فكه قال لي شغلته طويلة خلها الى بكره وخليتها عنده ورجعت للبيت ولكن انا كنت مركب اول بطارية 50 امبير او 55 امبير وكان عند صعوبة في تشغيل الموتر المهم رحت لكهربائي وقال لي البطارية المفروض 60 امبير وغيرتها وزانت الامور وقعدت معي الى الان شهر و وديت السيارة يوم الخميس التلميع لمعوها تلميع داخلي فقط وفصلوا البطارية قالوا عشان الكهرباء ومن يومها والسلف مهب ذاك الزود يعني اوقات اشغل يالله تشتغل و اوقات تشتغل بسرعة تأكدت من اصابع البطارية مشدودة احسن شد و الموتر له ثلاث ايام واليوم ما رضت تشتغل والكهربائي شاك في دقمة السلف وانا شاك ان المشكلة من الزينون او من محل التلميع قد سووا مصيبة
احد قد مرت عليه هالمشكلة .؟
افيدونا لا هنتم
و الله يجيركم من المصايب ويعطيكم خير مواتركم ويكفيكم شرها
وسلامتكم ،،،
والله مشكلتك ما أظن من السلف أتوقع بشكل كبير من الكهربه
يعني ممكن فيوز محترق شيك على الفيوزات ممكن منها ما تدري
و ممكن من البطاريه ما تدري و ممكن من أصابع البطاريه و ممكن من حساس الجير
و ممكن الماكينه يبغى لها توضيب :p>>>فال الله ولا فالك :dهههه
المهم شيك على اللي قلت لك عليه و إذا جات مره ولا رضت تشتغل حط الجير على N و شغلها
و إذا اشتغلت فهذا يعني انه من حساس الجير
ههههههههههههههه من جد فال الله ولا فالك
سويتها يا الكاسر حطيت على الـ N وشغلت و ولا رضت تشتغل و الله يستر لا يزيد الكهربائي يتمنذل معي لانه تركي و تعرفون الاتراك لازم يتمنذل إما بسرقة او نصب في الحساب او القطع و لكن وراه وراه في القطع والحساب <<< ناويها بشر :d
على العموم يلي مرت عليه المشكلة يفيدنا
و انتظر الاتصال من الكهربائي بكره و الله يستر
الحمد لله على كل حال اليوم رحت للكهربائي وقال لي السلف كله محروق يحتاج لك سلف جديد دقيت على محل قطع غيار هوندا يلي بطريق مكة وسألتهم قالوا لي فحمات السلف بـ 150 و السلف نفسه فوق 1000 ريال و الله ما سر خاطري و رحت لتشليح قويزة ودورت وقالوا لي محلات بـ 700 ومحلات بـ 900 يلي سعره 900 حق 2004 او 2006 ناسي ولقيت محل قال لي بـ 1200 قلت الوكالة ارخص منك وانت تقول 1200 و الله ورحت لاحد التشاليح ولقيت سلف 2007 سعره 700 ريال وقلت بركبه على 2005 قال ما ينفع لازم لسيارتك سلف من 2003 إلى 2005 قال السلف حق 2007 يختلف و الله ودورت ولقيت 2005 بـ 700 ريال وشريت ورحت للكهربائي وركبه بـ 150 و الحمد لله استلمت السيارة اليوم وهي ما شاء الله تبارك الله
و الله يكفينا شر مواترنا ويعطينا خيرها
وسلامتكم ،،،
أجل في الأخير طلع من السلف :(
و كل هالتوقعات على الفاضي :d
و الله يكفينا شر الخرابات بسان شاء الله
هههههههه نفس ما صار لي
وما كان يحتاج كل هـ المشورة فحمات سلف بـ 200 من الوكالة وانتهينا
الحمد لله انهاا زانت
صلحة السلف من ثلاثه ايام بس
السلام عليكم ورحمة الله وبركاته
انا عندي السلف مفوت من شهرين السياره ما تشتغل زين كان البطاريه فاضيه او موفته او ما تخزن كهرباء زين المهم تاكد من البطاريه زين لاني اشغل تشتغل والانوار شغاله عادي والكهرباء قويه المهم اخر اسبوعين صارت تشتغل بعد مرتين ويالله يالله
يوم الخميس رحت اخذ اغراض وقالت اشتغل انت مافيه فايد ه واسحبها على الصناعيه سحب
وكان في اخر الليل وانا اسحب السياره كانت السياره طافيه بس طول الخط والي يسحبني وانا مشغل الانوار على العالي والفلشر
ويوم وصلت الصناعيه واوقف السياره قلت البطاره راحت كهربتها المهم واحاول عشر مرات واشتغلت زي الحلاوه واطفي واشغل تمام بدون اشتراك بدون اي شئ
المهم تاكد انه السلف من نفسي لان لي خبره
وفتحوا الصباح وروح افرفر على الورش قااالو غير سلف مستعمل وعلى الضمان 1000 ريال قلت مصيبه عندي اصلي السلف حق الوكاله وقااالوا كلهم السلف من جوه بلاستك ما يتصلح
وروح عند واحد واحول فيه قلت فكه اذا خربان باشتري من التشليح الله يعين المهم شافني مجزم قال ترا فحماته غاليه 400 ريال والدقمه 250 ريال وتركيب 200 ريال قلت مو مشكله اهم شئ حقي يشتغل ويوم فكه السلف والله يتنثر كله فحم الفحمات خربانه وروح واغيرها 170 ريال بس وطلع كله 370 ريال بس والحمدالله تمام
بس انتبه تراهم نصابين والله يحفظك
السلام عليكم ورحمة الله وبركاته
صادق اخوي النمر الاسود في مايقول المشكلة كلها في الفحمات .
المهم مره ثانية اذا صار لك نفس المشكلة جب عصا العفريتة واجلس اضرب السلف لمدة دقيقة او اقل 10 ضربات كذا يقوة شوي وراح تشتغل معك واسأل مجرب
شوف يابعد قلبي الحمدلله انها جات على الفحمات ترى قيمتها 200 ريال اتمنى من الكل عدم تركيب الزنون لان صراحة مشاكله صارت كثيرة
المشاركة الأصلية كتبت بواسطة w1w2w300
الحمد لله سيارتي لها 6 سنوات والزينون فيها والحمد لله تمام التمام
وأخوي لها معه تقريبآ سنتين أو ثلاث والحمد لله
انا عندي السلف بعض الاحيان مايدق ابد
واحاول مره ثانيه يدق عادي
وش المشكله اللي عندي وكيفية حلها ؟ >>>> هههههه متاثر بالاختبارات الله يقلعها
ضوابط المشاركة
رد مع اقتباس
مواقع النشر (المفضلة)