إبراء للذمة بخصوص عطل المكيف في شاشة الأكورد (03-07)

**أغـار يا هـوندا** · 06-06-2011, 07:34 PM

السلام عليكم ورحمة الله وبركاته

حبايبي ..

حبيت أبرئ ذمتي ,, بخصوص -شاشة الأكورد- 2003-2007
واللي اسمها (ستيل كول) الاصدار القديم
والتي تم شرائها مسبقآ من العضو (كاكاشي سن)

وكنت أكتب في بعض المواضيع أن عندي مشكلة في التكييف
وأن السبب هي الشاشة
ذهبت للوكالة وخبرتهم أن المكيف ما يبرد , ويطلع رائحة كريهة

فقالوا :
لازم تنظف الثلاجة , وتغير فريون كامل
فقلت سموا بالله , واشتغلوا
وكلفتني تقريبآ 800 ريال
والحمدلله , الشاشة ما فيها فرق عن تكييف مسجل الوكالة كثثثير
صح فيه فرق بس مو مرة صراحة روعة
حتى الدرجات 7 درجات في التكييف , وما قد وضعته أكثر من 4 درجات
إلا في أندر النوادر

هذهـ فقط (إبراء للذمة)
والسلام عليكم

**B A N D R** · 06-06-2011, 08:12 PM

يعطيك العافيه أخوي أغار

بس أنت من أبها ولا من الرياض ؟؟

بصراحه ودي أشوف الشاشة على الطبيعه قبل أركبها وياليت اللي بالرياض ومركبها يعطيني خبر

ودي أشوفها قبل لا أتهور وشتريها

**طيب على شآني** · 06-06-2011, 08:58 PM

آنآ خذيت الشآشه أيضاً من العضو كآكآشي وكآن المكيف شغآل ولآ أحلى ويوم ركبت الشآشه ضرب عندي المكيف والسبب هو الشآشه والعطل تأكدت 100 % انه من الشآشه و ع الفكره العطل صآر من ثآني أسبوع ركبت فيه الشآشه يعني أشتغلت معي أسبوع بس مضبوطه ..
خسرتني الشآشه 3100 ريآل
..
فيه كذآ عضو أشتكو من نفس المشكله وفيه أعضآء مآصآرت معهم مشآكل بس حبيت أبيـّن اللي صآر معي للفآيده
الحين مركب مسجل الوكآله ومرتآح والمكيف شغآل ولآ أحلى

**SaironX** · 06-06-2011, 09:47 PM

**مرهف.** · 07-06-2011, 12:35 AM

احواني الي في الرياض ويبغا يشوف الشاشة علي الطبيعة يكلمني واقابلة انا في الخدمة ياشباب

**kakashi-san** · 07-06-2011, 12:37 AM

السلام عليكم ..

يا هلا بك يا بعدي ..

مبروك عليك ان المشكله انحلت معك ..

وابشرك وصلت الان شاشات جديدة لموديلات 2007 وبصراحه افضل بكثير من السابقه وما فيها مشاكل في المكيف ابد < من واقع تجربه ..

وبصراحه كثرت الشاشات اللي صار فيها مشكله في المكيف ،، ولكن في بعض الاحيان يرجع السبب للاسلاك نفسها ،،

وشاشات الستيل وخاصه القديمه ، تعتبر من افضل الشاشات للهوندا اكورد 2007 ونازل ..

**meshoo** · 07-06-2011, 02:02 AM

وعليكم السلام

ممكن عشان كذا تم اصدار شكل جديد مباشره بعد القديم

**alkasr777** · 07-06-2011, 02:25 AM

أنا و الحمد لله الشاشه معي زي الحلاوه و المكيف بعض المرات مش و لابد و يتأخر على ما يبرد :(

و صدق اني تحسفت اني ركبتها لكن الحمد لله على كل حال

**أغـار يا هـوندا** · 07-06-2011, 02:12 PM

الحمد لله ع كل حال
أنا يا بندر من أبها

**المباشر** · 08-06-2011, 06:46 AM

اخيرآ حليت مشكلة المكيف :d

اما الشباب فاهمين غلط يفكرون ان الشاشة هي سبب العطل بالمكيف ولا أنا فاهم غلط لحست مخنا يا اغار :d

**أغـار يا هـوندا** · 11-06-2011, 01:11 PM

المشاركة الأصلية كتبت بواسطة المباشر

اخيرآ حليت مشكلة المكيف :d

اما الشباب فاهمين غلط يفكرون ان الشاشة هي سبب العطل بالمكيف ولا أنا فاهم غلط لحست مخنا يا اغار :d

ههههههههه يا حبني لك يا (المباشر)
السالفة وما فيها إن بعض إصدارات الشاشات يجي فيها خلل في المكيف وهو عدم التبريد
وكان واضح في أول شاشة نزلت للأكورد 2003-2007

وأنا أول ما شريتها من الأخ (كاكاشي) جلست معي شهر تمام
وبعدها فصلت فـ خفت حسبتها خراب الشاشة وتواصلت مع الأخ (كاكاشي) واستعد لي بكل شي الله يوفقه

قلت طيب ...
مريت الوكالة في أبها طبعآ (وكيل معتمد) مو وكالة
قلت المكيف ما صار تبريدهـ مثل أول ولا أدري يطلع لي معه رائحة كريهه

قالوا يحتاج لك (تنظيف الثلاجة) و (تعبئة فريون)
والحمدلله ضبطت تمام التمام وهذا من فضل لله
وحبيت بهذا الموضوع أوضح فقط لأخواني في المنتدى لا يحكموا ع شاشاتهم بسرعة
فـ ـقـ ـط

**alkasr777** · 11-06-2011, 01:18 PM

يعني رايك ان المشكله مو من الشاشه :d

لأن المكيف في الليل تمام

لكن في النهار ولا بريال و فجأه يقل تبريده و بعدها يرجع يبرد :( ما أدري ليه

**المباشر** · 11-06-2011, 09:34 PM

والله في هالصيف الله يرحمنا برحمته حتى مكيفات البيت ماتجيب نتيجة فما بالك بمكيف السيارة

**أغـار يا هـوندا** · 12-06-2011, 08:22 AM

المشاركة الأصلية كتبت بواسطة alkasr777

يعني رايك ان المشكله مو من الشاشه :d

لأن المكيف في الليل تمام

لكن في النهار ولا بريال و فجأه يقل تبريده و بعدها يرجع يبرد :( ما أدري ليه

هذا اللي صار حبيبي لو رحت الوكالة ممكن يفيدوك
وارجع أأكد شاشتي (استيل كول) الاصدار القديم

**alkasr777** · 12-06-2011, 11:01 AM

المشاركة الأصلية كتبت بواسطة أغـار يا هـوندا

هذا اللي صار حبيبي لو رحت الوكالة ممكن يفيدوك
وارجع أأكد شاشتي (استيل كول) الاصدار القديم

اي هذا اللي عندي الإصدار القديم

و اللي ما عنده وكاله شيسوي :d

**أغـار يا هـوندا** · 12-06-2011, 11:31 PM

وش دعوهـ الشرقية وكا عندك وكالة كيف تجي ذي ؟

**alkasr777** · 13-06-2011, 04:58 AM

الأحساء ما فيها وكيل فيها موزع بس

الدمام هي اللي فيها الوكاله

و الموزع ما عنده سااالفه و غاااااالي على الفاضي :d

و ان شاء الله بشوف موضوعي مع الخرس متخصص هوندا

ما عندنا إلا هو متخصص هوندا و أسعاره فووووق و على أقل شي أبغى أشيك عليه 50 ريال :( لييييه

**أغـار يا هـوندا** · 13-06-2011, 10:16 AM

لا حنا وكيل معتمد في ابها , بس والله محترمين مررررررررررة
حتى خليتهم يشوفون لي تبريد المكيف ويسمعون الكمبروسر
وعرفوا المشكلة وقالوا جنبها ونصلحها لك
ولا أخذوا لا تشييك ولا شي , أصلآ نادرآ أحد يجيهم لأن مافيه ذيك الهوندات اللي مرررة