مخشة قوية؟؟؟؟؟؟

**فروووووس** · 11-06-2011, 11:17 AM

السلام عليكم صباح الخير جميعا اليوم يا شباب تفاجات بمخشة قوية على الباب السائق ما ادري من ولد الهرمة اللي سواها لي اترككم مع الصورة:

وما ادري قولولي ايش اسوي؟ حرام السيارة 2011 وما ادري ايش اسوي؟ هل اضربها بوية والا كيف؟ افيدوني جزاكم الله خيرا

**alkasr777** · 11-06-2011, 12:00 PM

والله ان المخشه تعور القلب و في مكان حساس :(

ما أقول إلا حسبي الله و نعم الوكيل على اللي سواها

اخوي أتوقع ما تتصلح إلا بسمكره للباب

و بويه طبعا

و ان شاء الله أخر الأحزان

و يفيدونكـ الشباب ان شاء الله

**n10** · 11-06-2011, 12:05 PM

على علمي مالك الا سمكرهـ وترش الباب كامل

بس انا اسمع بورش عندها طريقة ترش بس الجزء المتضرر .

**ن ع ر السعودية 0005** · 11-06-2011, 12:29 PM

وعليكم السلام

يا مساء النور أخوي فرووووس

بسيطة إن شاء الله هذي لو أنك من القصيم دليتك على محل يعدلها تعديل بدون بويه وترجع ما شاء الله وكالة . أنا أنصحك تسوي لها تعديل أفضل إذا تعرف ورشه عندكم في تبوك شغلها صح في التعديل .

**فروووووس** · 11-06-2011, 12:36 PM

والله ودي اعدلها بدون رش بس والله ماني عارف الورش المشهورة في تبوك لاني قعدت في تبوك سنة كاملة بس

**civic.i-vtec** · 11-06-2011, 01:23 PM

يارجال عوافي حسابه يلقاه عند ربه ان شاء الله..

انا لو اني مكانك ماني مسمكرها يااني اخليها على ماهي عليه او اخذلي باب من التشااليح...

**دنيآ الغرور** · 11-06-2011, 02:17 PM

المشاركة الأصلية كتبت بواسطة ن ع ر السعودية 0005

وعليكم السلام

يا مساء النور أخوي فرووووس

بسيطة إن شاء الله هذي لو أنك من القصيم دليتك على محل يعدلها تعديل بدون بويه وترجع ما شاء الله وكالة . أنا أنصحك تسوي لها تعديل أفضل إذا تعرف ورشه عندكم في تبوك شغلها صح في التعديل .

انا من القصيم :d

وش اسم الورشة لو سمحت

**جاكي2** · 11-06-2011, 06:26 PM

السلام عليكم
اثاري هذي الضربه يافارس
الله يعينك
بس ان شاء الله ورشه السواط اللي قلت لك عنها تضبطها
لان شغلهم مره ممتاز وعن تجربه

**ن ع ر السعودية 0005** · 11-06-2011, 06:39 PM

المشاركة الأصلية كتبت بواسطة دنيآ الغرور

انا من القصيم :d

وش اسم الورشة لو سمحت

راح توصلك على الخاص ;)

**FiReFiGhTeR** · 12-06-2011, 11:57 AM

اخوي فرووووووووووووووس

السلام عليكم ورحمة الله وبركاته

اسمه لا تضرب بويه ولا شي

وش رايك تركب زيق حق اللكزس اللي يجي على البيبااان لانه اكيد راح يغطي المخش وراح يكوون زينه في نفس الوقت

اجعل من الاشياء السلبيه نتائج ايجابيه

شكرا

**ابو بريه** · 12-06-2011, 01:21 PM

اخوي فروووووس
لاتعدل ولا تغير ولاتسمكر
ممكن تبي تسمكر وتضرب بويه وبعدها مايضبطون لك درجة اللون ولا يقولك نضرب بويه للباب كامل
انا من رأيي انك تخليها زي ماهي عليه لانه الحمدلله مافيه ذاك الضرر اللي تقول ممكن يشوه منظر السياره

او اذا جتك فرصة تجي للرياض في محل اسمه تكنلوجيا العنايه بالسياره شغلهم ممتاز
وهذا رابط لاخونا Cruiser صارت معه ضربة على الرفرف وضبطوها له
http://www.hondaarabia.com/club/t48643/

**King** · 12-06-2011, 10:04 PM

المشاركة الأصلية كتبت بواسطة ن ع ر السعودية 0005

راح توصلك على الخاص ;)

ألاحظ كثير من الشباب عندهم نذاله هي موب نذاله :d لكن ماادري وش يضرك لو نشرت المعلومات على المنتدى وبشكل رد منظم ومرتب بحيث الكل يقدر يستفيد منه ولا تنسى دعاء من قلب صادق..

ولو على كل واحد يسوي كذا كان محد راح يستفيد من شيء اسمه منتدى ومشاركات واعضاء!!. :p

بخصوص صاحب الموضوع من رأيي تتركها وتنساها صدقني عيون الناس ماتعطي خير لذلك لعلها تكون تكفير ذنوب ودفع بلاء, والله يحفظك..

**ن ع ر السعودية 0005** · 13-06-2011, 03:33 AM

وراك زعلت علينا يا معاذ أو مرة أخر مرة :d أنا أرسلت له على الخاص بس كذا مو مقصدي شيء ثاني محد يعرف أو أو أو

ولعيونك أسم الورشة أو ما يسمونها ورشة أبو فهد بمحافظة عنيزة بالمنطقة الصناعية وهي وشهورة بشغل تعديل الظربات بأحتراف ما شاء الله لكن يعيبهم سعرهم غالي غالي خصوصا التعديل أما شغل رش البوية مدري عنهم .

**King** · 13-06-2011, 04:11 AM

مازعلت بس إذا محد شارك سواء بمعلومة او غيرها بكذا محد راح يستفيد, كلنا نعرف فائدة المنتديات والهدف منها..

انا الآن بفضل من الله ثم بفضلك عرفت اسم الورشة بكذا إذا احد سأل عن ورشة بالقصيم راح اقوله عن المعلومة إلي ذكرتها انت وبكذا حققنا هدفنا!..

**ACCORDEA** · 13-06-2011, 04:56 AM

شووري عليك اتركها اسبوع و شرط تنساها

خل الباب ينعدم معك مخشات مرره وحده تصلحه

حرام تروح تسمكر و تصلح و تطلع السيارة و فجاه لا قدر الله تنحك مره ثانيه ..

فالافضل تخليها لحد ما يتعب الباب معك مخشات و رح سمكر ابوه و لا خذ باب جديد

اما تروح تسمكر الباب و ترشه عشان هاذي حرام عليها شووي ..

و الراي لك اولا و اخيرا

بدرااان

**ACCORDEA** · 13-06-2011, 05:02 AM

المشاركة الأصلية كتبت بواسطة ن ع ر السعودية 0005

وراك زعلت علينا يا معاذ أو مرة أخر مرة :d أنا أرسلت له على الخاص بس كذا مو مقصدي شيء ثاني محد يعرف أو أو أو

ولعيونك أسم الورشة أو ما يسمونها ورشة أبو فهد بمحافظة عنيزة بالمنطقة الصناعية وهي وشهورة بشغل تعديل الظربات بأحتراف ما شاء الله لكن يعيبهم سعرهم غالي غالي خصوصا التعديل أما شغل رش البوية مدري عنهم .

الله الله كلامك عين الصواب

ورشة ابو فهد من افضل الورش للسمكرة و هالامور

و من ناحية سعره هو غالي الغالي

بس يستاهل

و من ناحية البوويات ورشة الحسون افضل ورشات بووية

و بالتووفيق

بدرااان