رد مع اقتباسعندي زيها بس تحت ناحية مقعد الراكب وخليتها والصدام الخلفي انواع الحكات من الناس وخليته والجوانب انواع الترقيع والتصقيع حق الأبواب مادي هي عيون ولا حقد والله لو اني راكب مايبخ يا شيخ ما عدت اسأل مطنش ابو الموتر
ســـــمـــــكــــــة الاكــــــــــورد
السلام عليكم ورحمة الله وبركاته
ياشباب اليوم حكيت برصيف وراحت فيها السمكه
مادري هل هو عيب بالتصميم ولا ايش دايم اشوف اكوردات الجيل الجديد السمكه محكوكه
وهذي بعض الصور لاعضاء عندنا مع الاعتذار لهم
وش الحل معها وش تنصحوني اسوي فيها وكم تكلف تقريباً علما مالي اسبوع مطلع السياره من الورشه لتصليح حادث اخر
لكن الشكوى لله والحمدلله على كل حال
وقريباً صور لها باذن الله
بنتظاااااااااااااركمــــ
عندي زيها بس تحت ناحية مقعد الراكب وخليتها والصدام الخلفي انواع الحكات من الناس وخليته والجوانب انواع الترقيع والتصقيع حق الأبواب مادي هي عيون ولا حقد والله لو اني راكب مايبخ يا شيخ ما عدت اسأل مطنش ابو الموتر
المشاركة الأصلية كتبت بواسطة accord_akkawi
الحال من بعضه وانا اخوووووووك
وبيني وبينك "بديت اكره السياره وصرت ماحافظ عليها"
من رأيي انك تتركها, لأن مهما تسمكر او تصلح بالسيارة راح يجيها من سواقة العالم, إلي من جد بعضهم مايصلح له إلا جمل!!
عموما ً إذا تبي تصلحها سمكره وبويه ماراح تقل عن 300 ريال حطها في بالك, إذا الضربه او الحكه اخف من إلي موجود بالصور اتركها وسوي لها تلميع ناعم وانساها.
:(
صارت وياي نفس المشكله والحمد الله صلحتهـأإ في ورشتنا وما كلفتني إلا 45 ريال قيمة البويه :d
سمكرها ياخي تخرب منظر السياره :d
يا صاحب الموضوع ... أنت تقول حقد بعض الناس .... والله في وقتنا هذا الله يكفينا الشر .. صاروا الناس ما يذكرون الله ... حتى والله العظيم إن بعض الناس إذا شاف شيء زين وقالوا له الناس إذكــــر الله ... حط رجله وأبعد ما يبغى يذكر الله ... وهذا لئيم ويدعى عليه <<< معليش بهالكلمة .. لكن والله قهر يعني إذا شاف النعمة عند غيره يبغى يطيرها من يده .... حسبي الله ونعم الوكيل .
والشيء الثاني سواقة هالبشر وعلشان يتكلم الواحد كلمة حق ( السعوديين والغير سعوديين ) على اللي نشوف و نعاني منه كل يوم مهوب المفروض يعطى ( جـمـل .. إلا يكرم الجمل ) ... لكن المفروضة يعطى ( حـمـــار ... أعزكم الله ) لا وبدون رخصه لأنه راح يكون مثل راعيه .
على كل حال الله يجعلها أكبر شيء يا رب ... وسلامتكم .
الله يعينك
أرصفتنا ما شاء الله عليها مرتفعة، تقول قاعدين يبنون سور مو رصيف، وبعدين سيارات هذا الزمن أقل ضربة وتتعور....
حمد لله ع السلامة .. ما تشوف شر ..
والله العيب الوحيد بـ الأكورد انه هـ القطعة متصلة بالبدي يعني ما دري وش يحسون فيه اليابانين ض1
اذا انك بـ تسمكرها حرام لأنهم راح يعدمولك طبقة اللكر لـ البوية زي ما صار لي وقتها ..
أنا أقولك شيء خلها على ماهيا عليه فترة زي 3 أو 4 أو 6 شهور عشان لو في عين بـ الموتر تروح ..
يعطيكم الف عافيه ياشباب والشر مايجيكم
وقررت اني اتركها والله المستعان
وشكر لكل عضو اتحفنا برده بالموضوع
اخوووووكم
والله ياعزيزي مدري وش اقولك لكن من باب التفاؤل صلحها
انا سيارتي كنت محافظ عليها ومن اروع مايكون
الغسيل بشامبو والمشي اكثر من هادئ وناعم
طلعت فيها امس الاستراحة ونسيت اقرا وردي وانصكت عين
ثاني يوم واقف ع الاشارة صفقني راعي كامري من ورا وكان مركب حديدة حقت السحب
وشقت الصدام الخلفي وانحك شوي ..
وثاني يوم الظهر حاطها على باب البيت جا واحد الله لا يوفقه وصدم الباب الايمن وماشفتها الا اخر الليل
يعني اذا انت حافظت عليها من الحوادث الي مكتوب عليك جايك جايك لو لباب بيتك
الله المستعان
المشكلة موب عيب بالتصميم :d
العيب في الشخص نفسه اللي يسوق :d
وش تتوقع يسوون بالتصميم يرفعونه لك عشان ماتحك برصيف ! :d
والا يحطون لك حساسات اول ماتقرب من الرصيف تصايح ! :d
الله يعينك كلها تصليح منطقة الحكة ورشه وانتهينا
موفق
انا كنت زيك اول محافظ من احسن مايكون ودايم ملمع ومغسل السياره
واخر الصدمات كلها وانا مغسل وملمع السياره ومضبطها
يجي واحد فجأه ويدق ريوس بدون مايناظر
والحين السياره بالشهر مره اغسلها طفششششت
مدري حسيت ان معاي بنتلي وانا مادري لكن الله يكفينا شر الناس ويبعده عنا
والله شوف انا اعترف ان الغلط مني مو الرصيف اللي لف علي :d
لكن وش السر دايم الاكوردااات الجيل الجديد السمكه معدومه فيها
ليش مافيه كوامري ولا سوناتا رايحه السمكه فيها
السر ياحبيبي ماياكلون رصيف مثلك :d
ثاني حاجة الاكورد نازلة شوي :d
اهااااا هنااا مرربط الفررررس
وصلى الله على محمد وعلى اله وصحبه اجمعين :d
والله نصيحتي لك زينها
حرااام بتشوه شكل السيارة
دورلك ورشة حلوه وماهي غالية تراها سمكه يعني موب لازم يصير الشغل احسن شيء
والله ياحبيبي لو السيارة مرتفعه قلتو وع شكلها بايخ مرتفعه لازم انزلها شوي والعكس :d
المفروض السمكه خلوها نفس الجيل السابق فيبر مو متصله بالبودي
معوض خير يا الغالي
ضوابط المشاركة
مواقع النشر (المفضلة)