رحلة في اوتوبان المانيا على هوندا nsx

[بلال العلمي]

هذه رحلة سريعة في طريق اوتوبان في المانيا على هوندا NSX

شوفوا الاحترام من قبل الناس وشوفوا كيف اللي يمشي شوي شوي كيف ماسك اليمين وشوفوا اللي يدعس كيف ماسك اليسار

مو يجيك واحد ماشي في خط القصيم ماسك ونيت وماشي 70 وماسك اليسار :(

وانت ماشي 220 وتتفاجأ فيه ودك حتى ما توخر عنه ودك تخش فيه من قوة القهر بس عاد ايش تسوي

السبب الرئيسي لمنع السرعة المهولة في طرقنا السريعة عندي انا هو الناس اللي ما تعطي الطريق حقه يعني في طريق السفر اذا مكتوب 120 امشي على قد السرعة مو لازم تمشي بنصف السعر قصدي السرعة وتمسك اليسار وتعاند اذا جاك واحد طاير من اليسار


عموما اترككم مع الثقافة الالمانية في السرعة على هوندا

[ame=http://www.youtube.com/watch?v=W5EmrML3p1U]NSX on Autobahn - YouTube[/ame]





وهنا ايضا على هوندا

[ame=http://www.youtube.com/watch?v=gNftuBrzj7k]"Honda Power on the German-Highway" - YouTube[/ame]





سؤال من خلال سواقة صاحب السيارة البي ام دبليو ما جنسية صاحب البي ام دبليو هذه ؟؟؟ :d

[ame=http://www.youtube.com/watch?v=vxcpr4tGB9s&feature=related]BMW 760 Li going crazy - YouTube[/ame]




وهذه هدية بي ام دبليو

[ame=http://www.youtube.com/watch?v=LXoza7M5N_s]ED BMW 335i 155mph on Autobahn top speed - YouTube[/ame]

[بلال العلمي]

سواح من عندنا :d

[ame=http://www.youtube.com/watch?v=4ogRB4VveHg]Hondas S2000 & Mini race in the autobahn - YouTube[/ame]

[accord790]

كل ما اتمناه الان اكون في الاوتوبان
ومعي اكورد 2007 بدون فصله
:d:d:d

[HEMA14]

مره شفت برنامج عنه في قناة ناشونال جوغرافيك

وجايبين الحوادث اللي فيها

اغلب الاصابات اللي فيها قاتلة !! واتوقع انهم محددين سرعه 160 كيلو

[بلال العلمي]

مره شفت برنامج عنه في قناة ناشونال جوغرافيك

وجايبين الحوادث اللي فيها

اغلب الاصابات اللي فيها قاتلة !! واتوقع انهم محددين سرعه 160 كيلو

لا مافيه تحديد للسرعة

السرعة المستحبة هي 130 كيلو والطريق مفتوح السرعة فيه يعني اكثر شي تجيبه سيارتك جيبه فيها بدون مشاكل

[abu khaled]

الطريق يفتح النفس ,, والسواقه حماس
عندنا الله يخلف لازم تشوف 1كيلومتر قدام ويالله تسلم من الحفر والخنادق الي بالشارع
بس صوت المواتر يطرب :d

[AbuJawad]

يسلمو عالمقاطع الحلوة
احلى شي في المقاطع اعطاء الطريق حقه بالنسبة للي مو مسرعين
ماسكين اليمين وكافين خيرهم شرهم
مو زي اللي عندنا تكبسله ساعة ولاهو حولك ولمن تتجاوزه من اليمين واول ما تصير جنبه يناظر فيك ويأشرلك بيده
يقصد (وش تبي)!! انا اللي نفسي اعرفه بما انه ماشي بالمسار الايسر 80 ولا يفتح طريق للي جاي مسرع هو وش يبي !!!

بس تصدق احنا هنا ما نبي طريق مثل طريق اوتوبان
اذا خط الشرقية مليان تشققات ومنحنيات ومطبات هوائية وناس ماتعرف اي شي عن احترام الطريق
مع وجود تيارات هواء ممكن تصل سرعتها الى 160 كم بالساعة بدون اي حواجز للطريق بالاضافة الى انه
ممنوع نمشي اكثر من 120 كم وفي ساهر وامن طرق
ومع كذا نمشي عليه 220 بكل راحة وفي ناس تمشي 260
كيف لو يصير عندنا مثل طريق اوتوبان نظيف خالي من التشققات وغير محدد السرعة ومرتاديه يدركون حق الطريق
اتوقع مارح نرضى اقل من 400 كم



ما نبيه خلاص ... :d

[بلال العلمي]

طريق مثل هذا لما انشيء كان منشأ من عهد هتلر اللي كان يحب السيارات ويحب السباقات وداعم كبير لها وكان يحارش الشركات بعضها ببعض علشان كذا السيارات الالمانية ذات جودة واداء في السرعات العالية لكن ايضا نوع الطريق يحدد كل شيء

هنا عندنا بالثقافة اللي ماشي عليها الشعب وايضا بنوع الطريق السيء وبنوع الجو اللي المفروض يكون حواجز للهواء الجانبي على الطرقات للاسف ما ينفع معها سرعات عالية مثل هذه والوضع عندنا سيء للغاية يعني لما تجيك سوناتا فل او نصف فل وبدون مانع انزلاق او ايه بي اس فاقول المسالة ايضا على وزارة المواصلات ايضا ووزارة التجارة

[أكورداوي]

ماشاء الله على هالشارع الي يفتح النفس مع انه مسارين لكن تسوق وانت مطمئن بإذن الله ..

تخيلوا لو المقطع هنا .. كان الكاميرا الحين تصور السقف ومره الارضيات ومره تصور على اليمين ومره على اليسار .. الخ :d

[الـمـسـافـر]

[بلال العلمي]

كل ما اتمناه الان اكون في الاوتوبان

ومعي اكورد 2007 بدون فصله

:d:d:d

يجيك واحد ماشي 240 ويكبس لك ويجيكم واحد ماشي 350 ويكبس لكم كلكم