اكوورد 2006 فضي مصدومه للبيع

**Accord F15** · 10-10-2011, 08:07 PM

السلام عليكم

شباب انا قدر الله علي بحادث وطلع الغلط علي 100% وسيارتي خلاص ببيعها عشان اكمل فيها فلوس تصليح سيارة خصمي والحمد لله اني طلعت سليم والحديد معوض ولحظة غفله والحمد لله على كل حال عموما يا اخوان صور السياره موجوده انا سويت الحادث من قدام وانفقع الرديتر وزي منتو شايفين بالصور والمكينه والقير زي الفل ما جاها شيء وواحد صدمني من الخلف وطيح الصدام ولكن عشان السيوله محتاج فلوسها ولو ما جابتلي سعر مناسب بنزلها للتشليح وبيعطونها حقها واتمنى محد يبخس سيارتي وهذي الصور

السياره فل كامل - 4 سلندر- ممشى 220000 ((الايرباق طلع))

للتواصل معي/عبدالله 0540314881 (الجبيل)

**H S N** · 10-10-2011, 08:36 PM

:(
وعليكم السلام

الحمدلله على السلامه

الله يرزقك بالبيعه الطيبه ويرزقك بسياره احلى منها

**nasser1430** · 10-10-2011, 08:57 PM

الحمد لله على السلامة ... والله يعوضك بأحسن منها إن شاء الله

**MLoOoOoK** · 10-10-2011, 08:59 PM

لا حول ولا قوة الا بالله:(
الحمد لله على ســلآمتك
والله يرزقك بالبيعه الطيبة

(قل لن يصيبنا الا ماكتبه الله لنا)

**A N M A R** · 10-10-2011, 09:01 PM

الله يعوضك بلي افضل منها

والحمدلله على سلامتك

**accord790** · 10-10-2011, 09:06 PM

الحمدلله على السلامه يا عبدالله

والله يعوضك باحسن منها

وان شاء الله تجيب لك السعر اللي يسرك

**accord7** · 10-10-2011, 09:58 PM

الحمد لله على سلآمتك

وماتشوف شر

**الوهم الاخير** · 10-10-2011, 10:42 PM

الحمدلله على السلامه

لو كنت مأمن ياخوي كان احسن لك بس خلاص اللي صار مقدر ومكتوب

**A N M A R** · 10-10-2011, 11:16 PM

كم حدك فيها

**غاب القمر** · 11-10-2011, 01:30 AM

الله يعوضك ياعبدالله باحسن منها ان شاء الله

واهم شي السلامه

**الله يذكر ايامك** · 11-10-2011, 04:41 AM

الحمدلله على السلامه

والله يعوضك باحسن منها

**السيف القاطع** · 11-10-2011, 07:21 AM

لا حول ولا قوة الا بالله:(
الحمد لله على ســلآمتك
والله يرزقك بالبيعه الطيبة

**Accord F15** · 11-10-2011, 08:20 PM

مالي حد فيها على قد ما ربي يكتب فيها انا بايع

**خلووود1233** · 11-10-2011, 09:15 PM

حمد لله على السلامه ماتشوف شر عاد لاوصيك لاتقاطعنا ترى تعودنا على استهبالك ونتفاتك على السيارات الكوريه والله يوفقك لأفضل بيعه على مر التاريخ الياباني للسيارت المصدومه

**سهم 20** · 11-10-2011, 11:35 PM

لا حول ولاقوة الا بالله
الحمد لله على سلامتك
في الحديد ولا في العبيد
والله يرزقك بالبيعة اللي ترضيك

**alkasr777** · 12-10-2011, 12:02 AM

الحمد لله على السلامة

و الله يعوضك باللي أحسن منها يا رب

و ان شاء الله أخر الأحزان

بس عندي سؤال ذاك سيارته ايش و وين تأثر ؟؟

**فـــيـــصـــل..607..** · 12-10-2011, 12:32 AM

آآآآآآخ بس قسم بالله كأنه بسيارتي يخووك بعيد الشر عناا وعنكم ...

ما ادري وش اقول لك ياعبدالله انا من شفت الشجر والكوبري عرفتها إنهاا بالجبيل..

الله يعوضك حبيبي ..الصراحه انصدمت كثيير وكنت اشوف الموضوع من برااا ما دريت إنه لك يالغلااا

إذا تحتاج شي بالجبيل انا موجود واعتبرني اخووك ,,, ولا تشيل هم ,,,
وقدر الله وماشاء فعل ,,,

**Accord F15** · 12-10-2011, 03:17 AM

الله يسلمكم جميعا وما تقصرون والله وانا ببيع الاكورد واشتري اكورد ثانيه نفس الموديل وفيصل عزيز وغالي تسلم وما تقصر والكاسر انا صادم بددسن غماره من ورى على 160 والحمد لله اني سلمت لكن يا شباب راعي الددسن ااحسه ملجلج جابلي تسعيره فيها سعر القير 13 الف هههههههههههههههههههههههههههههه الظاهر انه قير بوقاتي

**الـمـسـافـر** · 12-10-2011, 03:22 AM

الحمد لله على السلامه

خلي راعي الددسن يبيع سيارته ويشتري نفسها وادفع له الفرق ارخص لك

**alkasr777** · 12-10-2011, 01:54 PM

شدعوه 13 ألف جير ددسن

بس انت لا تصدقه بس قله أنا بجيب لك الجير و اللي تحتاجه من التشاليح مع الضمان

و لو تقولي كم موديل الددسن ممكن أقدر اساعدك و راعي الددسن حبوب ولا نذل :d

**accord790** · 12-10-2011, 01:58 PM

عبدالله اعترض على التسعيره عند المرور واطلب تحويلها لشيخ المعارض

شيخ المعارض بيطل في السيارة ويقول كانت تسوا قبل الحادث مبلغ وقدره
وصارت تسوا الحين بعد الحادث مبلغ وقدره وانت ماعليك الا تدفع الفرق

وبالتوفيق

**راعي هوندا99** · 12-10-2011, 02:28 PM

حمد لله على السلامة

والله يرزقك بأحلى سيارة كورية :d

**Accord F15** · 14-10-2011, 06:13 AM

راعي هوندا شكل ودك تنجلد :d

امزح يا واد ;)

السياره انباعت يا شباب والددسن اللي انا مسنتر فيه موديله 2009 غماره

بخصوص تسعيرة شيوخ المعارض الفرق كان واحد 15 والثاني 21 والثالث 22 ولكن بالنهايه رست على اني اعطيه 15 لكن المشكله اني حاس انه حرامي لان الفواتير اللي جابها لي 7500 شغل يد و 22 الف قطع غيار يعني 29500 هل معقوله ما ياخذ مني الا 15 الف بس

اهل الجبيل يبغون يسوقونها على ولد جده :d

Game over