صفحة 1 من 2 12 الأخيرةالأخيرة
النتائج 1 إلى 25 من 39

الموضوع: تقرير عن عرض السيارات المعدلة بالرياض - 39 صورة بالداخل

  1. #1
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    تقرير عن عرض السيارات المعدلة بالرياض - 39 صورة بالداخل

    السلام عليكم ورحمة الله وبركاته

    وكل عام وانتم بخير وصحه وعافيه وعيدكم مبارك وعساكم من عواده تقبل الله منا ومنكم صالح الاعمال

    كيف حالكم ياحلوين >>> لاتطالعوا يمين ويسار ترا انتم الحلوين >>> بعد هالكلام الحلو ماأستاهل رد ولو بشكرا ;)

    طبعا اللي صار انه تحت رعاية أمانة مدينة الرياض تم عمل عرض للسيارات المعدلة كواحدة من فعاليات عيد الفطر لعام 1428هـ وذلك على طريق الملك عبدالله بالرياض

    طبعا يمكن البعض منكم اللي بالرياض شافها على الطبيعه لكن هذا التقرير لكل اللي شافوها واللي ماشافوها واللي حبوها واللي ماحبوها :o

    المهم

    داري ان خير الكلام ماقل ودل وان الصورة أبلغ من الكلمة وان الانسان مخلوق من طين >>> وش دخل الاخيره بالموضوع :d

    استلموا الصور لعيون الهونداويين مع العلم ان عدد سيارتين فقط تنتمي لعائلة الهوندا وهما هوندا اكورد 2001 وهوندا سيفيك 2001 ولكن بحط لكم صور الهوندتين مع تشكيله من السيارات الأخرى مثل تشكيلة حلويات العيد >>> لاتخافوا ترا مابينهم كامري عشان اللي معهم حساسية من هالسيارة

    اولا البطاقة الشخصية:_
    - الحدث: عرض السيارات المعدلة

    - المكان: الرياض - طريق الملك عبدالله (أمام سور وزارة التربية والتعليم)
    - الزمان: أيام عيد الفطر السعيد عام 1428هـ

    - تصوير واخراج: الاخطبوط >>> احسن واحد بالعالم واللي غطى على جورج كلوني :d

    يتبع لاحد يخرب
    الاخطبوط كان هنا

  2. #2
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    افتراضي

    طبعا أول سيارة بأعرضها هي الأكورد 2001 معدلة تعديل عجيب وغريب شوفوا واحكموا















    يتبع لاحد يخرب >>> ماطفشتوا
    الاخطبوط كان هنا

  3. #3
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    افتراضي

    ثانيا السيفيك جنوط وتنزيلة وانوار عدسات وهذي صورتين لها




    والان نترككم في جولة مع السيارات الأخرى المشاركة بالعرض >>> فيه بعض السيارات ماصورتها











    يتبع لاحد يخرب >>> اكيد طفشتوا
    الاخطبوط كان هنا

  4. #4
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    افتراضي















    خلصنا صور وتلاحظون باخر صورة الاكورد هي ثالث سيارة وعندها التجمهر
    الاخطبوط كان هنا

  5. #5
    عضو في مجموعة الأوائل الصورة الرمزية الاخطبوط
    تاريخ التسجيل
    05-2006
    الدولة
    -
    المشاركات
    3,483

    افتراضي

    مشاهدات من مكان الحدث:

    - تواجد جيد من حراس الأمن بالقرب من كل سيارة من السيارات المعروضة

    - كان هناك عدد من الدراجات النارية المعروضة ومن عدة شركات لكن ميزت منها الهارلي ولكن لم اقم بتصويرها :p

    - استحوذت الهوندا الأكورد على اهتمام اغلب المتواجدين خصوصا عندما تم فتحها من الداخل وتحريك اجزائها بالريموت كنترول

    - توجد أمام كل سيارة لوحة بها صورة السيارة ونوعها وموديلها والتعديلات الحاصلة بالسيارة

    اخيرا >>> داخ من الصور

    شكرا لمشاهدتكم الصور بكل أخلاق والسلام عليكم ورحمة الله وبركاته
    الاخطبوط كان هنا

  6. #6
    حياتي كلها سفر وترحال الصورة الرمزية B Unique
    تاريخ التسجيل
    03-2007
    الدولة
    ينبع الصناعية
    المشاركات
    2,979

    افتراضي

    لو جينا للتقييم العام اشوف ان السيارات كلها بايخه وعاديه
    يعني الزبدة .. ما حولك احد

    :p

    لا وجايبين كوابرس تسعاويه بعد وحاطين عليها حديد وممنوع اللمس
    الله لك الحمد .. وين عايشين حنا ؟ في جنوب ولايات امريكا ؟!



    بس الاكورد لحالها والله كلام ثاني !!

    امس واحد من الشباب اللي حضروا العرض كان يسولف لي عن السيارة وكان منهبل عليها من كثر ما شاف فيها . وانا صراحة بعد ما شفت الصور ما الومه

    صحيح ذوق راعي الاكورد في الالوان يفقع الكبد
    بس والله عليها تعديل يجنننننننننننننننننننننن





    الف شكر لك والله يعطيك العافية على التقرير والمجهود في رفع الصور يا حسام << حاس فيك والله
    بصراحة موضوع منتاز ويستاهل التثبيت



    بس ودي اعرف شي واحد

    اللي اعرفه ان التصوير ممنوع وفيه حارس على كل سيارة يمنعه
    ازاي عملتها من وراهم يابو ايدين واجد ؟!

    التعديل الأخير تم بواسطة B Unique ; 16-10-2007 الساعة 02:54 PM
    .

    .

    .

  7. #7
    عضو فعال الصورة الرمزية A C C O R D
    تاريخ التسجيل
    10-2006
    الدولة
    Atlanta Georgia
    المشاركات
    230

    افتراضي السيارات المعدله في الرياض

    مشكور يالاخطبوط على الموضوع الاكثر من رائع ..

    تسلم يدك والله ما قصرت ....

    تقبل مروري
    التعديل الأخير تم بواسطة A C C O R D ; 16-10-2007 الساعة 03:05 PM سبب آخر: خطأ في الكتابه

  8. #8
    عضو فعال
    تاريخ التسجيل
    09-2007
    المشاركات
    344

    افتراضي

    تسلم على الموضوع يا الأخطبوط

    ما قصرت ويعطييييييك الف ونص عافية :d

    لا تحرمنا من جديدك

  9. #9
    عضو
    تاريخ التسجيل
    10-2007
    الدولة
    آلدمـآم ~
    المشاركات
    50

    افتراضي

    وانت بخير بصحه وسلامهـ

    وربي تستاهل بوووسهـ في الراس يــ ( الاخطبووط ) مبدع بمعنى الكلمهــ ,,

    مشاء الله تبارك الله عليك اخووي تصويرك جنااان ,, بس لو زودت الصور ,, احسن ,,

    واحلا تقييم للموضوع ,, مني لك ,,

    ونتظر جديدك ,, اخوووي

  10. #10

    افتراضي

    هلا هلا
    :d
    فيه احد طرى اسمي والا شي من هنا والا هناك


    وش فيها الاكووووووووورد


    ادري انها حلوه
    ;)
    لو تجيني رديتها

    لونها مو ذاك الزين

    وبعدين التصوير لك عليه مافيه اي مهارات واي فن في التقاط الصوره

    واللي مصور الاخطبوط يعني كملت كلها يدين كثيره ومادري اي يد تمسك الكام واي يد توقف الهزه

    هههههههههه


    <<<ادري اني ابتصفق بس من القهر اللي شفته

    الف شكر لك ياحساااااااااااام

    ومشكور ماقصر

    ابدااااااااااااع لا يوصف

    كلك ذوق في التقاط الصور


    تدري ان قلمي يعجز عن التعبير كلما شاف مواظيعك>>يرحم امك لاتتكلم عربي




    يعطيك العاااااااافيه
    0
    0

  11. #11
    عضو فعال
    تاريخ التسجيل
    05-2007
    المشاركات
    300

    افتراضي

    تسلم يالمراســـــــــــــــــل

    الله يعطيك الف عافيه ونص

  12. #12
    عضو فخري الصورة الرمزية The Godfather
    تاريخ التسجيل
    09-2006
    الدولة
    STATE OF KUWAIT
    المشاركات
    2,393

    افتراضي

    ما عليهم ذاك التعديل
    الا الكورد بس اللون اسمح لي اقول انه يفقع الكبد

    الا بغيت اسأل : التعديل على السيارات مو ممنوع عندكم ؟
    وو لا بس بالكويت ممنوع ؟

    الموستنق للبيع <<<<<< يدور على نفس الموديل بس مو لاقي واحد يستاهل



    تسلم اياديك على الصور و التعب
    معشي الجن

    http://www.flickr.com/photos/ashknaney/


    Raptor eco boost... anyone whana try his luck !!? XD





  13. #13
    عضو فعال
    تاريخ التسجيل
    12-2006
    الدولة
    الخبر-الرياض
    المشاركات
    1,757

    افتراضي

    مرحباً أخطبوطي العزيز

    كما عودتنا دائما تأتي بالأخبار والتقارير الجميلة والرائعة

    كفيت ووفيت تقرير ممتع تصدق باقي ما طفشنا :d

    وانا شفت السيارات على الطبيعة لاكن مااعجبتني لأني شفت التعديل اللي فيها مو ذاك الزود ;)

  14. #14
    عضو في مجموعة الأوائل الصورة الرمزية الوااافي
    تاريخ التسجيل
    12-2006
    الدولة
    الخبر
    المشاركات
    940

    افتراضي

    ما قصرت يا بعدي الله يوفقك

    والله الأكورد صاحبها عنده أفكار غريببببه وحلوة

    أهم شي أنت يا خطبطوطي العزيز :d

    كفيت ووفيت وشوكرن على التقرير
    التعديل الأخير تم بواسطة الوااافي ; 16-10-2007 الساعة 08:26 PM
    رحلتي إلى الهند
    ;)
    India trip

  15. #15
    عضو فعال
    تاريخ التسجيل
    12-2006
    الدولة
    الخبر-الرياض
    المشاركات
    1,757

    افتراضي

    اقتباس المشاركة الأصلية كتبت بواسطة الوااافي مشاهدة المشاركة

    يا خطبطوطي العزيز :d
    المال مال ابونا ......:d.
    فيه شبه واجد ;)
    المره هذي سماح لكن لا اشوفك تستخدمها مرة ثانية :p:p.
    التعديل الأخير تم بواسطة م م و السعوديه 5 5 7 ; 16-10-2007 الساعة 08:28 PM

  16. #16
    عضو فعال
    تاريخ التسجيل
    06-2006
    الدولة
    في قلب هنو ^ــ^
    المشاركات
    2,024

    افتراضي

    يعطيك العافيه اخطبوطي على المجهود الكبير صراحه السيارت تعتبر عاديه افضل وحده كانت الكورد والباقي استكرات ولزقات وجنوط

    الموستنغ ذي الي جابوها مع هشام في دلع سيارتك على الم بي سي

  17. #17
    عضو نشيط
    تاريخ التسجيل
    02-2007
    الدولة
    الرياض
    المشاركات
    149

    افتراضي

    هلا هلا بالأخطبوط الغالي

    ما شاء الله عليك أبدعت في نقل الموضوع بصراحه

    انا امس كنت فالموقع عند السيارات بس حول الفجر وكان التصوير ممنوع وما ادري وش المقصود من منع التصوير والاحظ انك صورت وصاحب السياره كان موجود وفتح السياره ووراكم التعديل امس لما رحت ما كان فيه ولا صاحب سياره وكان التصور ممنوع ولا فكرت التقرير كانت على البال من بعد الهنادي الحمراء
    بالنسبه للهوندا الأكورد أنا أشوف ان صاحبها أبدع فيها صحيح اللون الداخي والخارجي لك عليه بس يا شباب أعطوني واحد سوا حركت دمج الأبواب وفتحها على فوق وبعد حركة فتح الكبوت والرفارف الأماميه للأمام
    والسستم كلام ثاي والله أبداع بمعنى الكلمه ويستاهل المركز الأول ولا ننسى ان التقييم على الشكل الخارجي فقط يعني ما لهم دخل فالتعديل الداخلي أبدا

    تعليق على صوره معينه :

    بالنسبه للجمس الفيروزي لو كان التقييم على الشكل الداخلي كان فاز هو بالجائزه

    طبعا صاحب السياره لقبه VETO وهو نفسه صاحب الجمس البرتقالي اللي على جنب ولا وحاط فالجمس البرتقالي دباب هارلي وكلها مكتوب عليها فيتو وسألنا عنه قالوا عنه جمس أسود محنون بس ما جاب كفايه سيارتين

    نتكلم عن الجمس الفيروزي طبعا اللون شويه عليه كلمة مجنون لا وبعد يقول حارس السياره وكما هو مكتوب على ورقة المواصفات ان الجنوط ذهب قيراط 24 وكذلك شبك السياره الأمامي طبعا أكيد الكل ما راح يصدق بس أنا من ناحيتي أتوقع ان الأمانه ما راح تكتب شي الا وهي متأكده منه زين يعني مسألة الكذب بعيده جدا

    تخيل جنط ذهب وانا ما الومهم يوم يحطون عند كل سياره حارس أمن

    غير كذا عندك اللون الخارجي نفس لون الطبلون الداخي واسمع الداهيه الكبرى

    في وسط السياره كان فيه كمبيوتر محمول بنفس لون السياره الخارجي ومحطوط قدام الدرج اللي عند الراكب طبعا اللاب توب ما هو محطوط عبث لإن تحكم السياره كاملا من الكمبيوتر الموجود فالسياره

    والله شي يشيب الراس

    من كثر ما نتكلم عن الجمس خشينا مع شباب واجد وأنواع السوالف عن هالجمس ونسينا الهوندا وخليناها على جنب فعلا إبداع بمعنى الكلمة

    هذا اللي حبيت أضيفه لكم والله لا يضر صاحبين السيارات كلهم والله يرزقهم ويرزقنا

    دمتوا بصحه وعافيه

  18. #18

    افتراضي

    مشكور اخوي الاخطبوط على المجهود الرائع




    اخوك سيفيكاوي متعصب

  19. #19
    مشرف قسم الأكورد الصورة الرمزية الـمـسـافـر
    تاريخ التسجيل
    09-2007
    الدولة
    Riyadh
    المشاركات
    4,109

    افتراضي

    الله يعطيك الف عافيه ع النقرير

  20. #20
    عضو فعال
    تاريخ التسجيل
    04-2007
    المشاركات
    1,046

    افتراضي

    مشكووووووور أخوي ابو يدين كثيره
    كنت ناوي انزل التقرير بس اخوي الاخطبوط سبقني
    يعطيك العافيه وماقصرت

  21. #21

    افتراضي

    اقتباس المشاركة الأصلية كتبت بواسطة جرح الغلا مشاهدة المشاركة
    طبعا صاحب السياره لقبه VETO وهو نفسه صاحب الجمس البرتقالي اللي على جنب ولا وحاط فالجمس البرتقالي دباب هارلي وكلها مكتوب عليها فيتو وسألنا عنه قالوا عنه جمس أسود محنون بس ما جاب كفايه سيارتين

    الجمس الأسود .. هو نفسه الفيروزي بعد التعديل ..
    وصاحبه ولد العرفج ومعروف بلقب فيتو ..

    بس قصة الجنط الذهب .. انسى انك سمعت هالخبر ..

    والأكورد مدري وش جابه على هاللونين الي تقفع المراره من جد ..
    وأنا عني والله الجمس نمبر ون .. ولو سمحوا لكثير بعرض السيارات كان شفنا عرض خيالي من جد بس ما اعلنوا عنه عشان الواحد يسجل ..

    (( تقرير متكامل 100%)) والكامل وجه الله ..

    يعطيك ألف عافية أخطبوطنا الغالي .. ماقصرت

    تحياتي ..

  22. #22
    عضو نشيط
    تاريخ التسجيل
    04-2007
    المشاركات
    116

    افتراضي

    تقرير متكامل
    يعطيك ألف عافية ياالغالي
    ماقصرت

    تحياتي ..

  23. #23
    عضو نشيط
    تاريخ التسجيل
    02-2007
    الدولة
    الدمام
    المشاركات
    115

    افتراضي

    مشكووووور ياخطبوطناا العزيز بصرااحه ابداااااع مو انت العرض لالا امزح تسلم


    الاناامل والله

  24. #24
    عضو
    تاريخ التسجيل
    08-2007
    الدولة
    الرياض
    المشاركات
    85

    افتراضي

    مشكووووررررر علي هل الصوررررر الرااائعـــه

    بس انا منقهر من راعي الاكورد الحمرا

    ياخي كل شئ عدلته وطلع مضبوط

    بس عندك الشاشه ما ركبها جوا السياره << يقدر الشاشات:d

    وشئ ثاني عندك اللووووون ما ادري من وين طلع :d

    بس الصراحه السياره ما عليها كلام

    وياطيك العافيه الاخطبوط علي فكرة الموضوووع

  25. #25
    عضو فخري
    www.mosab.me
    الصورة الرمزية B Useful
    تاريخ التسجيل
    03-2007
    الدولة
    الرياضــ
    المشاركات
    5,103

    افتراضي

    والله صراحة ... سيارات جداً عادية ...

    حقين الرياض ماعندهم ماعند جدتي في تزبيط وتعديل السيارات ...

    حقين الرياض مافية الا البدو اللي مستوطنين بالرياض يعدلون مكاين الهلي والهدد ...




    وين جدة بويز .... وذا اللي حاط لنكون تاون كار !!!

    احلى سيارة ... اللومينا الكوبية ....




    ههههههههههههههه حاطين رجل امن عند كل سيارة ...


    عارفين ليش ؟؟؟؟

    لان باغلب حقين الرياض مايعرفون يعبرون عن فرحتهم .. يمكن يكسرون هالسيارات من القهر اللي فيهم ... خخخخخخخ

    ولعلكم تذكرون تحدي الهرم .. برعاية رد بووول ,,, يعطيك جوانح ..
    التعديل الأخير تم بواسطة B Unique ; 19-10-2007 الساعة 07:12 AM

    .
    فما زلت اسمع أصواتهم تهمس في أذني ...
    وما زلت
    استنشق أنفاسهم تعطر المكان من حولي ...
    وما
    زلت أرى خيالهم كلما طرفت عيني ...
    دفنت الأجساد ...
    وبقيت الأسماء...
    ...
    وبقي الحب يملأ قلوبنا بالأمل ...
    .


المواضيع المتشابهه

  1. مهرجان السيارات المعدلة ...
    بواسطة pentium700 في المنتدى هوندا اكورد Accord
    مشاركات: 0
    آخر مشاركة: 24-05-2011, 03:57 AM
  2. وين ألقى مثل هذي ===> صورة بالداخل
    بواسطة JoLMooD في المنتدى هوندا اكورد Accord
    مشاركات: 14
    آخر مشاركة: 28-07-2008, 03:52 PM
  3. لا يفوتك تجمع السيارات المعدلة بالظهران!!!
    بواسطة HOHO في المنتدى سيارات هوندا الاخرى Other Honda Cars
    مشاركات: 17
    آخر مشاركة: 22-07-2008, 01:27 AM
  4. عروض السيارات المعدلة بالرياض
    بواسطة ميدو مشاكل في المنتدى سيارات هوندا الاخرى Other Honda Cars
    مشاركات: 15
    آخر مشاركة: 08-12-2007, 10:49 PM
  5. تجمع السيارات المعدلة حصرياً هنــــا
    بواسطة sop في المنتدى سيارات هوندا الاخرى Other Honda Cars
    مشاركات: 4
    آخر مشاركة: 04-11-2006, 02:20 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 155.50 Kb. compressed to 136.18 Kb. by saving 19.32 Kb. (12.43%)]