رد مع اقتباسيسعدني اكون اول واحد رد اللعبة روعة بس ابحصلها على الجالاكسي
السلام عليكم ورحمة الله وبركاته
شرح لعبة عالمية + اكتشاف غريب + موقف لا يحسد عليه:
.
.
.
..
..
حبيت اشاركم بشرح لعبة عالمية اسمها جيوكاتشينق (geocaching) هذي اللعبة تعتمد على استخدام نظام الملاحة GPS وسيارات الدفع الرباعي في معظم الحالات. ويوجد لها تطبيقات لمعظم الجوالات اللي فيها نظام تحديد المواقع و بوصلة << انا استخدمت تطبيق الايفون و التجربه كانت جدا رائعة.
بدايةً هذا مقطع فيديو يشرح اللعبة باللغة الانجليزية.
What Is Geocaching? - YouTube
فكرة اللعبة هي ان يقوم شخص ما بإخفاء شيء في صندوق او شي مشابه في مكان ما بالعالم و يسمى صيد او كاتش.. و يحدد احداثيات الموقع على الـجي بي اس ويقوم اخرون بالبحث عن هذا الشيء عن طريق الإحداثيات لهذا الكاتش. ومن يقوم بإجاده يكتب أسمه في الدفتر الموجود في الصندوق ويأخذ الشيء الذي اي شيء يريده من الصندوق ويفضل ان يضع شيء آخر للشخص الذي سيجد الكاتش من بعده.
في بعض الاحيان لا يكون هناك شي في صندوق الكاتش والفكرة انك تجده وتكتب إسمك للتوثيق ودلاله على انك وجدت الكاتش. و تستطيع ان تضع شي للشخص الذي بعدك. وبعد ان تجد كاتش تسجل ذلك في موقع الجيوكاتشنج www.geocaching.com وتسجل عدد الكاتشات التي وجدتها وتستطيع ان تضع ردك الخاص في سجل الذين وجدوا الكاتش وتضع بعض الصور للمكان ان اردت .
• بعض الكاتشات تكون في أماكن صعبة الوصول لها وهنا تكمن المتعة. ,,,, بعضها في الربع الخالي للي يحب يروح XD
• بعض الكاتشات توضع في أماكن سهل الوصول لها كموقع لكن صعب إجادها او الوصول للكاتش بسبب وجودها في حفرة او على راس جبل او دحل او كهف خفافيش او اماكن اثرية او ما شابه ذلك.
• معظم من يجد شيء في الكاتش يأخذه لكاتش اخر وهكذا حتي يصل الشي هذا الى أماكن اخرى في العالم
• بعض الكاتشات تقع في اماكن سهلة الوصول لها بالسيارات الصغيرة او الدراجات.
اللعبة قد تبدو غير شيقة للوهلة الاولى وهذا ما ظننته لكن بعد تجربتها تتبين مدى المتعة والحماس في ايجاد الطريق الأفضل للوصول للكاتش والمتعة في تحدي الصعاب للوصول ثم البحث عن الاحداثية بالظبط بالتحرك يمين ويسار الى أن تصل وتبحث تحت الحجارة والرمل او بين الشجر..
في البداية تحتاجون لتحميل التطبيق الخاص باللعبة من الآب ستور بالنسبة للايفون من هنا
App Store - Geocaching Intro
البرنامج يظهر لكم اقرب الكنوز المخبأة في المكان اللي تتواجدون فيه و يوضح المسافة بينكم و بينه و يعرض موقعه على الخريطة مع وجود بوصلة لتحديد الاتجاه.. عادة يقوم من يخبئ الكاتش بوضع تفصيل للموقع و تلميح لتسهيل العثور عليه..
تجربتنا للعبة : احد الاصحاب عرض علي اللعبة وطريقتها وفي البداية ما تحمست لها لكن بعد ما قمت بتحميل التطبيق على الايفون شدني طريقة عرض الموقع و قررت اني اتبع الخريطة واوصل للكاتش المخبأ.. وفعلا خرجت مع صاحبي و رحنا لاقرب كاتش في مدينة الجبيل و بعد البحث في المكان اللي محدد في الخريطة لقيناه و كان عبارة عن علبة صغيرة بداخلها ورقة فيها قائمة باسماء الاشخاص اللي وجود هذا الكاتش.. ( اغلب الاسماء كانت لاجانب من خارج المملكة) طبعا سجلنا اسماءنا في القائمة و رجعنا الكاتش و خبيناه في مكانه .. قمنا نطالع بعض انا وصاحبي و تحمسنا للفكرة فبحنا عن كنوز ثانية في الجبيل وحصلنا اكثر من واحد بعضها كان فيها اشياء قيمة ....
هذي صورة لبعض الاشياء اللي حصلناها في الكاتش
طبعا من اهم الاشياء اللي لقيناها هو القطعة المعدنية الخاصة باللعبة الموضحة في الصورة السابقة.. هذي القطعة من النادر وجودها و حكايتها حكاية.. كل قطعة مثل هذي فيها رقم تسلسلي يقوم من يجدها بإدخال الرقم في موقع اللعبة و يظهر له الاماكن اللي تنقلت فيها هذي القطعة حول العالم.. قطعتنا كانت رحلتها و خط سيرها بالشكل التالي:
- بدأت بسويسرا وتنقلت بين عدة مدن سويسرية.
- ثم انتقلت الى المانيا وايضا و تنقلت بين عدة مدن المانية.
- بعدها خرجت الى جمهورية التشيك و تنقلت بين عدة مدن
- ثم انتقلت الى امريكا وكانت تدور بين عدة ولايات
- ثم ذهب بها الى كولومبيا في امريكا الجنوبية
- ثم الى المغرب
- ثم الى الجبيل الحبيبة
وهذا هو خط سير القطعة و معلوماتها في الموقع
(TB17NJ9) FTF Geocoin - Mr-Greens FTF Geocoin
قبل كم يوم لقينا احد الكاتش القريبة منا في الجبيل.. فتحنا البرنامج و اطلعنا على الموقع و كان خارج المدينه بمسافة غير بعيدة .. دخلنا على معلومات الكاتش المخبأ و كان الشخص اللي خبأة كاتب بعض المعلومات عنه .. طبعا اللي سبب صدمة لنا ان الكاتش كان مخبأ في (( كنيييسة ) أثرية ترجع للقرن الرابع ميلادي كما ذكر في احد المواقع وتسمى كنيسة القسيس بطرس << هنا احنا تفاجأنا لاننا عايشين طول عمرنا في الجبيل ولا قد سمعنا عن هذي الكنيسة
توكلنا على الله و عقدنا العزم على زيارة الشيخ بطرس وفعلا توجهنا للمكان و باستخدام تطبيق اللعبة ما واجهنا اي صعوبة في ايجاد المكان بالرغم من انها كانت خارج المدينة و الطريق المأدي لها ما كان ممهد بشكل جيد للسيارات العادية.
لما قربنا من المكان وقفنا السيارة على بعد نصف كيلو من الكنيسة و كملنا المشوار مشي..
وصلنا للمكان و كانت مسوّرة بشبك مغلق وبعد ما لفينا حولها لقينا الباب مكسور و قدرنا ندخل لها ..
هذي لوحة تحذيرية عند المدخل
وهذي صور الكنيسة الاثرية بعدستي و قد اوسعتها تصويرا من جميع الجهات خخخ
وهذي صور قديمة عند اكتشافها وقبل طمس الصليب من جدرانها
طبعا انشغلنا بالكنيسة و مر علينا الوقت بدون ما نحس و قرب يأذن المغرب فما قدرنا ندور الكاتش المخبأ فيها .. وقررنا ننحاش بسبب تعالي نباح الكلاب وانتشار آثار خطواتها في المكان بشكل مخيف وكنا نبغا نرجع للسيارة قبل ما تغيب الشمس <<< محد خاف ههههههههههه XD
خرجنا من المكان و رجعنا للسيارة اللي وقفناها بعيد شوي عن الموقع..,
وصلنا لللسيارة.. و لكن للأسف لقينا احد سيارات الامن الصناعي التابعة لشركة ارامكو واقفة عند السيارة و انوار الفلشر تبرق في المكان.. استغربنا منهم و توجهنا لهم ودار الحديث التالي:
الامن: السلام عليكم
احنا: و عليكم السلام خير ؟
الامن: انتم داخلين لمنطقة محضورة و منتهكين للقانون <<< صارت وجيهنا كذا
احنا: المعذرة اخوي بس ما كنا ندري ولا في اي لوحة تبين ان المنطقة محظورة!
الامن: ما يحتاج لوحة هذا خط بيبات نفط تابعة للشركة وانتم موقفين سيارة عندها و تراكينها فاضية ( و اشر للمكان اللي كنا واقفين فيه و فعلا كنا واقفين فوق البايب مباشرة)
احنا: والله المعذرة يا أخوك ما كنا ندري و غشامة مننا ولو درينا ما وقفنا هنا
الامن: احنا بلغنا امن المنشآت وهم في جايين في الطريق و بيباشرون الحالة
توكلنا على الله و قلنا خير ان شاء الله.. انتظرنا اكثر من ساعة واقفين في الموقع ننتظر حظرة أمن المشآت يشرفون لكنهم اتصلوا بعد كل هذا الانتظار و قالوا احنا ما لنا دخل في هذي الحالات و وجّه الامن بالتبليغ للشرطة.. و فعلا الاخ ما صدق خبر و بلغ الشرطة وصلوا بعد انتظار طوييييييييييييييل .. طبعا كل المدة هذي انا كنت خايف على الكاميرا لا يسحبونها مني لكن ما قدرت اخبيها لأن الامن الصناعي شافوها معي واحنا راجعين فأكتفيت بسحب الذاكرة اللي فيها الصور من الكام و خبيتها ..
وصل العسكري نافخ صدره وطلب الاثباتات و من زود النكبة ما كنت شايل الاثبات معي
لكن الحمدلله عدت سالفة الاثبات على خير .. لكن نقز واحد من الامن الصناعي و قال هذولا داخلين لمنطقة محظورة تابعة للأمير الفلانيو كان معاهم كاميرا يصورون بها.. قمنا طالع موظف الامن بنظرات حقد لانه كان يحاول يكبر الموضوع بدل ما يسهلها لنا.. وقال لنا تدرون لو انكم ما رجعتم للسيارة كان ممكن تجي طيارة عسكرية و ترمي السيارة بالرصاص ؟؟
هههههههههههههههههه طبعا انا فقعت ضحك ما قدرت امسك نفسي.. لكن صوت العسكري قطع ضحكتي و هو يقول هات الكاميرا اللي كانت معكم >_<
قلت له ابشر و اعطيته الكاميرا اخذها و راح لسيارة الدورية ورجع لنا وقال الذاكرة مسحوبة من الكاميرا وينها؟.. طبعا اضطريت اني اكذب عليه ودار بيننا كلام كثير حتى و قدرت اقنعه اني كنت ناسيها ولا قدرت اصور شي من المكان :P
اخذ الكاميرا و طلب من صاحبي يركب معه بالدورية لانه هو صاحب السيارة و قالي الحقهم بسيارة صاحبي<< اكلها المسكين خخخ
بعد ما وصلنا للقسم طلع العسكري ولد حلال و قال: انا بلفها لكم وبأكتب في المحظر انه مجرد اشتباه تجول و لا راح اجيب طاري الكام اللي كانت معكم.. ورجع لي الكام D: << يا فرحتي .. الصراحة كنت خايف على الكام اكثر من صاحبي هههههههههههههههههههه
خرجنا من القسم و تنفسنا الصعداء وردت لنا الروح و الحمد لله عدت على خييير وما زلنا نحمل الحقد على امن ارامكوا اللي وهقونا بذا الموقف البايخ و هم كانوا يقدرون يخلصون الموضوع من عندهم بدون تدخل الشرطة ولكن قضى ربكم امرا كان مقضيا..
هذي كانت تجرتنا للعبة وما مرينا فيه من مواقف بالتفصيل الممل ..
اتمنى اني شرحت طريقتها بشكل واضح واعذرونا على الاطالة
يسعدني اكون اول واحد رد اللعبة روعة بس ابحصلها على الجالاكسي
اللعبة باين عليها شيقة وممتعة لكن في كم سوعال محيرني الحين الكاتش هذا اللي تقول عليه من اللي يحطه بالضبط يعني مسؤولين باللعبة ولا لاعبين واللعبة مجانية ولازم فلوس واهم شي كمان لازم يكون ايفون ولا اي جهاز عادي..اللعبة بصراحة دخلت مزاجي ولا ما تجي غير على الايفون لا اشتري ايفون عشانها :d
اللعبة تحمس بزيادة و شكلها فلة :d
لكن ما أظن في السعودية كاتشات كثيرة يعني تحتاج تشتهر في السعودية بين الناس
و بكذا راح تكون اللعبة ولا أروع
حياك الله يابو خلود
اذا كان جهازك يدعم gps البوصلة تقدر تشغل التطبيق عليه
شيك هذا الرابط
Geocaching > Geocaching Live API
accord 2010 اللعبة تفاعلية و اي واحد ممكن يسوي كاتش جديد وهي مجانية علي اغلب الجوالات
Geocaching > Geocaching Live API
صدقت اخوي الكاسر اللعبة مو معروفه كثير عندنا مع انها قديمة و منتشرة في الخارج
شوف خريطة العالم على هالرابط موضح فيها الاماكن
Geocaching > Geocaching Maps Beta
حمااااااااس :d
بطله اللعبه ما توقعت انه فيه كذا والغريب انه فيه بالسعوديه كاتش !!
الحين كيف يروح الكاتش من مدينه الى مدينه ومن دوله الى دوله ؟
و الكاتش هذا ممكن يكون اي شيء ؟ والي يلقاه وش يسوي به ؟
وجاري التحمييل :d
^^^
لا تتحمس كثيييير :d
لا تستغرب لما تروح ذااااك المشواااار ولا تحصل شيء تراا عندنا أصناف قمة النذالة :p
^^
الفكرة مو فاللي بتلاقيه ولا تاخذه وولا لا... الفكرة فمتعة البحث عن الكاتش ونشوة الفوز والانتصار يوم تلاقيه...لكن الموجود فالكاتش مجرد محفز بسيط
^^^
أنا قصدي لما تروح للمكان المقصود و تدور عن الكاتش
لا تستغرب ان ما حصلت شيء يعني واحد حاط علامة بس كذاا نذااالة :d
فـــــــــــــــــــــــــــــــلـــــــــــــــــ ــــه
دورت على كتش وحصلت في الفيصلية بس مقدر ادخل
^^^^^
خذ امك معك والوراعين :d
:dالمشاركة الأصلية كتبت بواسطة مجوووودي
هههههههههه رايح اتسوق ولا اصيد :d:p
ضوابط المشاركة
مواقع النشر (المفضلة)