أستفسار لأهل الخبره في الأكورد

[أبو بكر]

السلام عليكم ورحمه الله وبركاته
معاكم اخوكم مشعل من الكويت وانا بصراحه ادور على اكورد 2007 او 2006 v6 وعجزت القى بالكويت فبحثت بالسعوديه وما قصرتوا فيني يا اهل المملكه بطيب التعامل سواء" من اعضاء المنتدى او باقي الشباب من خلال زيارتي للشرقيه ( على فكره انا ولدكم ومحسوب عليكم ومخلص ثانويه بالشرقيه;) ) المهم رحت قبل امس لعرس احد الاصدقاء بالكويت وفجأه لقيت اكورد سافطه ولها قزوزين ( مثنى شكمان بس بالكويتي:d ) وابليس شاطر وخذيت ورقه من خويي اللي انا جاي معاه وهو حمار على باله ابي ارقم وحده والعرس في ساحه يعني من وين لك حريم ، لا وعرس شمري يعني كل واحد شاربه واصل اذنه ، المهم حطيت ورقه على الاكورد لصاحبها اذا يبي يبيعها وبعد ما طلعت من العرس دق علي صاحبها وسبحان الله طلع هو يبي يبيعها من فتره ولا لقى لها شراي ( هذا الجزء الخاص بخبراء الاكورد )>>>> يقول بانها موديل 2006 v6 كااااامل المواصفات ونظيفه ولكن ماشيه 78000 ( طلع الشمري حاظر مباراه برشلونه على الاكورد:d:d:d ) وودي اخذها بس متردد لان الموتر ماشي مسافه ماهي قليله والسعر 4000 كويتي يعني ( دقيقه عشان احسب ) يعني بالضبط 53 الف ريال سعودي .
يا ايها الملأ اشيروا علي ولا تشيرون علي وبانتظار مشاركاتكم وبسرعه الله يرحم والديكم .
على فكره خوالي شمر لهذا السبب اخذت راحتي في الكلام عنهم وشكرا" والنعم في خوالي وعموم القبائل وكل من يشهد بان لا اله الا الله

[Classic Design]

والله أنا من ناحيتي رخيصه أنا شريت قبل 8 شهور موديل 2004 فل كامل L4 بـ 50 و هذي 2006 V6 رخيصه لكن المهم مافيها صدمات

[B Unique]

اذا كانت السيارة فعلاً نظيفة ترى ما فيه امل تحصل اربعة سلندر بالسعر هذا

توكل على الله ولا تشاور ..
اهم شي تأكد انها نظيفة وما جاها صدمات قوية !!

[accord 2007]

اذا كانت السيارة فعلاً نظيفة ترى ما فيه امل تحصل اربعة سلندر بالسعر هذا

توكل على الله ولا تشاور ..

اهم شي تأكد انها نظيفة وما جاها صدمات قوية !!

توكل على الله وخذها من دون ماتشاور
وتاكد من نظافة السياره

[رحماني]

سلام عليكم ....
أهم شىء تتاكد انو قطعها متوفرة بالكويت ...؟
ومبرووك مقدما..

عبوود

[أبو بكر]

السلام عليكم ورحمه الله وبركاته
أول شي أشكركم على الرد والأهتمام ، ثاني شي السياره متوفره قطع غيارها في الكويت ولله الحمد ، ومافيها صدمات الا صبغ اسود على اليمين في الخلف بسبب حكه بسيطه من سياره لونها اسود في مواقف عامه والدعاميه ما فيها اعوجاج يعني فقط الصبغ وعيبها الوحيد المسافه اللي ماشيتها فقط ، أتوكل على الله ؟؟

[The Stig]

اكيييييييييييييييييييييييييييد
والله روووووووووعه والسعر ممتاز !!!
لاتنسى انها V6

[B Unique]

توكل على الله والله السعر مغري حتى لو كان الباب مصبوغ
استخير قبل ما تاخذ السيارة والله يوفقك لكل خير

[أبو بكر]

الله يجزاكم خير ويعطيكم العافيه على استشاراتكم التي لا غنى لي عنها وهذا يؤكد كلامي في البدايه عن طيب تعاملكم ورقي أخلاقكم وأسأل الله أن يوفقني وأياكم لما يحبه و يرضاه
والسلام عليكم ورحمه الله وبركاته