استشارة بين "اكورد 2012" و "ازيرا 2012" .. فل كامل + مساعده في الاسعار
السلام عليكم ورحمه الله وبركاته
اول موضوع لي
بصراحه ياأخواني انا محتار بين السيارتين ، الازيرا شكلا من داخل و الخارج و قطع غياررها في متناول اليد "لا قدر الله" بس في ناس اشتكوا منها خصوصا من الصنع و يقولوا ان الوكالات الوعلان ، المجحوعي ، الناغي يغيرون في مواصفاتها و كذا و غيرها بعد ان الصيانه عندهم مش ولا بد
الاكورد ماعليها كلام ماشاء الله ، بس قريت في مواضيع الاعضاء يطلع لها صوت في الديكو و بعد انها قريبة من الارض و اذا اكلت حفرة او مطب خايف انها تحك من تحت
انا ابغى سيارة تجلس معي فترة طويلة "الله يطول بعمركم و عمرنا" ، تنصحوني ب وش ؟
المساعده
انا ناوي اطلعها إيجار منتهي بالتملك ، موظف قطاع خاص والراتب ينزل على الراجحي
رائيكم اطلعها من البنك ولا الوكالة نفسها ؟
واللي يعرف نظام الدفعات والاقساط اكون شاكر له ، اللي بإيدي دفعه اولى بين 15 - 20 الف
ولو عندكم اراء ثانيه تفضلوا
اسف عاإطالة
هلابك اخوي
شف الازيرا حلوه لمدة ثلاث سنين بعدها لازم اي ورشة تشوفها لازم تجنب عندها لان الكوري استخدام ثلاث سنوات فقط
لكن الاكورد قطعها غالية لكن ركب وانسى انا معي اكورد2012 ماشي حدود 55الف ما اشتكت من شي غير اقمشة في 50الف وفلتر هواء وبس
وهذا مقطع للاكورد
http://www.youtube.com/watch?v=IGA4BXb2-f
وهذا مقطع للازيرا
http://www.youtube.com/watch?v=1rgpS01qQQY
شف احكم
الاكورد لك وللزمن
وانصحك بالاقساط من الوكالة
لان النسبة اقل
ومر على موظف في خريص بالرياض
محترم جداً اسمه مشعل أبو شنق
والقرار لك
وبالتوفيق
شوف ياخوي انت تبغى النصيحة الاكورد لو قلت لي 2011 ونازل اقلك خدها
اما 2012 انسىىى وربي ماتسوي وله ريال فيهااا لا مواصفات لا عزم لا رساوة
وانا عندي 2012 من رمضان الا راح مطلعهاا من كثر من اني اكره السيارة للحين مامشت 5000 الاف
طبعاا اول كنت اعشق الاكورد وماكنت متوقع بتسير 2012 كدااا لكن الحييين اتغيرت نهائي
ولا تنسى 2013 بتتغيرر نهائيااا والا يقوول الازيرا حق ابو 3 سنواات لا والله الازيرا حلوة وفخمة ورب الحلال كفرها برقبت الاكورد 2012
انت اتوكل على الله وخد ازيرااا وقبل كل شي استخيررررر وهذه نصيحتي وكل واحد له وجهةة نظرررروسلامتك يالغالي
إن كنت غير مضطر انتظر لين تنزل 2013 وقرر بعد الأستخاره والأستشاره
وبعيدآ عن العاطفه ورغم عيوب الأكورد المعروفه واللي ماتعيبها فالأكورد لك وللزمن
وكفايه انها بتعيش معاك أكثر من الأزيرا لا على المستوى القريب ولا البعيد
ودام هالدفعه المتوفره عندك فا أتجه للوكاله ومالك ومال البنوك وشركات التأجير والتقسيط
بهالدفعه المقدمه قسطك بيكون معقول ومناسب والله يكتب لك اللي فيه الخير
السلام عليكم كيف حالك اخوي مشاري
طبعا لكل شخص رأي وليس من حق اي شخص يصادر اراء الأخرين
بدت بالمقدمة هذي لان بعض الشباب يتحمس لرايه
انا بقولك لك رأيي من واقع تجربه انا سيارتي اكورد 2008 اربعة سلندر لها معي الأن تقريباً خمس سنوات العيوب اللي فيها نفس المذكوره في المنتداى صوت ديكور عزمها مو قوي وسعرها المرتفع على مواصفاتها
ولو اقدر اشتري الحين ازيرا كان من الحين قمت وتركت الكمبيوتر لكن شاريها اجار منتهي بالتمليك
من ناحيه كوري وانه يتفكك بعد كم سنة هذا الكلام صحيح بس في الموديلات القديمة وكل شي يتطور وعلى فكرة الكلام هذا كان يقال للسيارات اليابانية في السبيعينات الميلادية كان الوالد يقول ان الواحد اذا شراء ياباني يقولون له من باب ان سيارته اي كلام ( شاري جاباني ) بالجيمي مسوين اجانب لان ذاك الوقت كان الامريكي مسيطر على السوق
مه مرورو الوقت صار الياباني افضل جودة والكلام هذا ينطبق على الكوري انا اتذكر او سيارة هونداي نزلت في المملكة في الثمانينيات الميلادية حتى كانت مواصفاتها اي كلام وكان سعرها 22.000 وخرباتها كثير وكان وكيلها شركة غير الوعلان
الخلاصة ان الكوري تطور وسعره مو غالي على مواصفاته والصيانة بالعكس ممتازة خصوصا مراكز الوعلان السريعة الموجودة في كل مكان
توكل عل الله واشتر ازيرا هذا رأيي واذا تبي تبادل اعطيك الاكورد وتعطيني الازيرا ماعندي مانع وموافق راس براس :d
وبخصوص اجار من الوكالة او البنك اذا تقدر تاخذ قرض من البنك وتشتريها كاش احسن لك واوفر لك وراح تكون بأسمك تقدر تبيعها اي وقت لاسمح الله واحتجت الفلوس لان الاجار منتهي بالتمليك السيارة بأسم الشركة وبيكون معاك تفويض
ونسيت اقولك الله يعطيك خيرها ويكفيك شرها هوندا او ازيرا
الله يطول بعمركم والله شرفني واسعدني مروركم وتعليقاتكم
اخوي klood ماشاء الله يعطيك خيرها و يكفيك شرها ،
اخوي H.O.N.D.A M.A.N يوفقك و يوفقنا و يوفق الجميع إن شاء الله ، إن شاء الله راح تكون لي زيارة هناك بس كنت ابى اخذ فكرة عن الاسعار لاني مسافر خارج السعودية وبرجع بعد اسبوع بإذن الرحمن
اخوي al.berens 1 هذا اللي خلاني اتردد ان فيه ناس تضرروا من اكورد 12 وناس لا ، "الله يعطيهم خيرها ويكفيهم شرها" ، والاكورد معروفه
اخوي مزاحماوي صدقت والله "الله يكتب لك الخير"
اخوي sym444 عداك العيب ، بس صعبه إني آخذ قرض لانهم مايسحمون الا ب 22 راتب تقريبا ماراح اوصل لقيمة السيارة كاش سواء فل او سبيشل ، الراتب ينزل على بنك الراجحي
السيارة تفداك والله بس بعد تجربه هههههههههههه الحق حق
اللهم امين يارب والجميع إن شاء الله
وبكون على تواصل معكم لو صار جديد
شوف يالغالي اذا تقدر تستنى الاكورد 2013 هو الافضل اذا لا والله مستعجل في الشروه خذ الازيرا 2012 الشكل الجديد + السياره ما عليها كلام .. بالنسبه للسيارات الكوري بعطيك من خبرة مجرب
كان عندي كيا اوبيروس 2006 طلعتها جديده بديك فكره عنها 4 سنوات استخدام .. يعلم الله اني كنت اتطارح بها بشكل يومي ما كنت راحمها + اموت بشي اسمه اسمع صوت الكفرات عند كل اشاره اوقف بها يعني الدعسه للأخير + ما عمري عانيت مشاكل من اي ناحيه لا مكينه ولا مسجل ولا مكيف ولا اي شي ثاني .. وللمعلوميه مسجلها اذكره افضل من حق الاكورد الكوبيه الي معي ب100 مره من ناحية النظام الصوتي + برمجة المكينة افضل من الاكورد .. وبالنهاية السيارة ما بعتها كنت بخليها معي بعد بس قدر الله وما شاء فعل راحت تشليح بسبب السرعه والحمد لله على كل حال
ومبروك مقدما يالغالي عالي تختاره
تقبل مروري .....
ازيرا 2013 او 2012 فل الفل الفل مرره 6 سلندر او 4 سلندر لكن فل الفل ( الي فيها مواصفات سلامة كاملة من ايربقات و مانع انزلاق ، خذ لك نظرة على سيارات فلكس واجن مثل باسات و ليجاسي من سوباروا دفع رباعي مستمر ، وتورس وماليبو حاول توسع دائرة اختيارك اكبر
وبس ( الازيرا تحتاج عناية بالصيانة الدورية والقطع الاصلية وسواقة راكده وتعيش معاك ، والكادينزا افضل وافضل يكفيك ان الكادينزا ضمانها 5 سنوات مفتوح الكيلومترات يعني هذي ثقة في السيارة لكن حافظ ع الصيانة بإنتظام )
شوف الاكسنتات من موديل 2000 وهي في الشوارع
الاكورد تعيش وعملية وكذا لكن 2012 جودتها دجت ( اقصد جودة البدي و جودة الديكورات الداخلية والرساوة والعزل الارضي والخارجي وما تستاهل 100 الف لان مواصفاتها اقل من عادية ومتانتها مب زي اليابانية (( اذا مصر ع الاكورد خذ 2011 ممشى قليل اهون ))
المشاركة الأصلية كتبت بواسطة هوندانا
تدري لو كنت صاحب معرض أو شركة تقسيط وأنت عميل عندي
دايركت اسحب السياره وأرجع فلوسك أو دفعتك !! عارف ليه !!
لآنك قبل ماتاحذ الأكورد عندك خلفيه كامله عن مميزاتها وماتجهلك !!
ولما أخذتها ما صرنا نشوف منك الا أنواع التحطيم بـ 2012 !!
وكن مافيها أي ميزه عاجبتك !! أحمد ربك غيرك يفحط ويتمناها معه !!
مو معقول شوية مميزات ناقصه تخليني ما أشوف الا سلبيات الأكورد وعيوبها !!
بالنسبه لي أكورد سياحيه أفضل مليون مره من سوناتا فل كامل !!
عارف ليه لآن الجوده هنا تفرق ويكفي أسمها أكووووووووووورد !!
وبالنهايه أتمنى أشوفك بيوم ممتلك سياره كوريه بوقتها راح تعرف قيمة اللي كانت معاك وفرطت بها !!
خلاص عطني 103 الف ريال ومسامحك في الباقي وهي لك :d فل جلد بدون شاشة
هلا حبيبي كيف حالك "" اخبار حذفة الاكورد " الي كانت عندك ونشفت ريقنا في المنتدى عليها وبعت سيارتك سبيشل ( عشان مافيها مواصفات ) انت جرب 2011 وجرب 2012 وامس فيهم خطوط وبتعرف الفروقات بينهم ، وشوف البدي حق 2011 و 2012 وقارت بينهم واضرب البدي بيدك وشوف المتانة والقوة بينهم ، والعزل الخارجي ، وتقريبا اغلب 2012 فيهم حذفات ولا انسى الكفرات السيئة حقت الاكورد ، والاكورد شكلها بيتغير .
انا مجرب سيارات اعلى من الاكورد واقل من الاكورد ( قيمة ) ومجرب كوري ( سوناتا ، اكسنت ) وكلهم بنفس السوء في العزل الخارجي لكن الاكورد ما تستاهل قيمتها هنا الكلاااااااااااااااااااااااااااااااااااااام ادفع 93 الف في اكورد سبيشل ( مكينة من 2003 ) والاقي سيارة اجمل وعزلها الخارجي وجودتها متقاربة جدا بـ 75 الف + شكل جديد +رخص قطع الغيار + تمسك سعر عند البيع)
فيه اكورد سبيشل بـ 88 وممكن تكون بـ 85 سبيشل 2007 اصفار (( احسن لك من هالامريكية بنت الذين:p ))
هلا وغلا .. حنا بخير دامك بخير ..
تقول أعطيك 103 الف ريال !!
ابي واحد يعطي الشركة 4 أقساط وأتنازل له عن السيارة وعن الدفعة بعد !!لآ تصدق
قردنا الله بشركة سيئة بمعنى الكلمه ولا تحسب السيارة الاولى انباعت وقبلناها بسهولة
للأمانه كان هدفي من البيع تلافي العيوب وتغيير اللون مهوب لأنها سبيشل لأني مختارها بقناعه
لكن تعال شف انواع الاستقعاد والشروط من هالشركة لازم يدفع 6 أقساط مقدمه
ويدفع قسطين إضافيه مع مبلغ التنازل !! عارف كم تطلع 17 ألف ريال !!
طبعا حسبت للي شراها دفعة اخيره بس كسرو ظهرة
اخوك يقول بقلبه أبن حلال اللي شراها ولو كنت مكانه قدمت هالمبلغ للوكالة وصار قسطي مناسب مهوب يهد الحيل
1900 ريال وسبيشل بعد !! لكن الله يعطيه من خيرها ويكفيه شرها
ومن ناحية الحذفه فينا فينا ومافي مفر منها حتى الجديده تحذف بعد !! وكنك يا أبو زيد ماغزيت !!
الأكورد ماننكر مضايقتنا عيوبها لكن من سابع المستحيلات أبيع الثانية بعد !!
كنت راغب آفالون بس بتطلع علي ب 200 ألف !! أيجار تمليك قلنا الكامري glx
وما اعجبتني شكليتها غير انها بتطلع بحدود 150 ألف قلت ماتسوى !!
فكرت بالآزيرا بس كوريه واخوك راعي خطوط ويبي سيارة تتحمل الكرف والمكده !!
يعني ما يبي لها غير الأكورد وأخذناها بقناعه ولله الحمد وتقدر تقول رضينا بعيوبها بالواقع
يعني نسبيأ أشوى من غيرها والحمد لله على كل حال ..
المعذرة من صاحب الموضوع مسكنا خط بالسوالف ومانبي نخرب موضوعه .. :o
احترامي وتقديري للجميع
شدعوه وانا اخوك خذوا راحتكم ,
القهوة ياولد خخخخخخخخخخخخخ قحطاني عاد :d
إن شاء الله بروح للوكالتين و اشوف اسعارهم , واللي مناسب لي بآخذه إن شاء الله
صليت الإستخاره قبل كذا و احس اني مرتاح للأزيرا
الازيرا جيدة لكنها جديدة على السوق ومامر عليها 5 سنوات حتى تثبت فعاليتها وقوة تحملها ..
الاكورد الجيل الثامن عملي جدا وبامكانك تسال اصحاب 2008 وانا منهم
يوجد بعض المشاكل والعيوب التي لاتخلو منها اي سيارة ولكن اهتمامات الاشخاص تجعل منهم من ينظر للعيب انه مستحق لكره السيارة ام لا
الحقيقة انا فكرت بالازيرا لكن ماقدرت اجربها وسعرها غالي 119000 ريال كاش من الوكيل مع اللوحات فقط..
والمضحك بالموضوع لما رحت الوكالة قلت للموظف ياخي انا معي اكورد ونفسي اجرب الازيرا علشان اشوف الفرق واقارن.. قال: منجدك انت!!؟ تقارنلي اكورد بازيرااااااا
الاكورد يقلب واعطال وبلاوي ومدري وش بعد
عموما جرب السيارتين واحكم بنفسك
-
اذا تبي تاخذ اكورد استنى 2013 مع ان الاكورد 2012 v6 مجنووونه بس الشكل الحالي انتهى زمانه
من 2008 وهو في الشوارع على عكس الازيرآ عدسات وتشغيل بصمه ووووو
اذا مستعجل خذ الازيرا وتوكل على الله بس لا تاخذ داخليه اسوود :p
وغير السته سلندر لا تفككرر
وعلى البركه مقدما سواء اكورد او ازيرا
صليت الإستخاره قبل كذا و احس اني مرتاح للأزيرا
آييييييييه
تقولي مرتاح للآزيرآ أجل
اها يالله للورى در
ضف عفشك وخلاقينك وأظهر من المنتدى حالآ :d
سواء أكورد ولا آزيرا القرار بالنهايه راجع لك
والله يكتب لك اللي فيه الخير ويكفينا وآياك شر هالحديد
التعديل الأخير تم بواسطة مزاحماوي ; 21-06-2012 الساعة 04:33 AM
شوف تجربتي انا طلعت الاكورد من الوكالة سنه 2006 قسمن بالله انواع الارصفة والحوادث وكل يوم مسافر فيها والان ماشية 350 تحداك اذا فيها صوت ديكور ولاعمري بدلت فيها شي
وتصفية ليومك ماسويت دهن جير من طلعتها مابدلتة ,, بدلت كراسي مرة وحدة والهيئة كل هالسنين والارصفة بدلتلها ربل بوش صغير ,,, وللحين السيارة ماشاء الله ثابتة ومتماسكة وفيها قوة ونعومه
وانت يعني كيفك اذا في بالك بتستعمل سيارة تكمل معاك 200 الف بدون مشاكل عليك بالاكورد واذا اقل الازيرا خيار جيد خصوصا انه فيها رفاهيه
وعموما ترى القطع اللي يقولك الازيرا رخيصة ماعندة سالفه فيه قطع اغلى من الاكورد ’’ والاكورد ماتحتاج لها قطع الا في حالة بعيد عنك جاك حادث
^
لا تبالغ
أرشح الأزيرا شكل ومواصفات وبالنسبة للجودة ما عندي أي فكرة بس ما أتوقع أن سيئة
أما الأكورد جودة بس بدون مواصفات وبصراحة غير الفل لا تاخذ
في الأخير أنت جرب الثنتين قبل ما تشتري وخذ إللي يريحك لأن الناس كل واحد وله رأي
الله يوفقك ويعطيك خيرها ويكفيك شرها سواء أخدت هوندا أو ازيرا
ضوابط المشاركة
رد مع اقتباس
مواقع النشر (المفضلة)