اكورد 2012 .. نصيحة آخيرة

[meshary_rashedm]

السلام عليكم و رحمة الله و بركاتة

ازعجتكم معليش بموضوعي عن الاكورد ,, :d:p

يشهد الله إني محتار

صليت إستخارة و آحس إني مرتاح

مالكم بالطويلة :d:d

بعد فرفرة مريرة .. دليت فرع "عبدالله الهاشم" في مخرج 24

دخلت المعرض و عيني جت عالفل كامل 6 سليندر ,, ماشاء الله :d

هذي صورها






المهم و اطمر عالمصري لبى قلبه :d << بتعرفون ليه :p

اسأله عن الآسعار قالي الفل كامل كاش بـ 130.900 ريال

قلت طيب لو إيجار منتهي بالتملك

قالي متوفرة عن طريق البنك فقط

طيب انا الراتب عالراجحي :d

قال اوك ماعندك مشكلة

الآسعار بالتفصيل

الدفعة اولى 20.000 ريال
الاخيرة 38.815 ريال
الاقساط 1.940 ريال * 60 شهر = 116.400 ريال

الإجمالي 175.215 ريال


قلت طيب اللي في إيدي كـ دفعة اولى 15.000 ريال

قال يمكن تيجي و يمكن لا , لآن القسط المسموح لك 2.000 ريال فقط , لآن الراتب 4.000 ريال
ولآن الزيادة 27 ريال يمكن تمشي و يمكن لا
عالعموم جهزة ورقك و برفع لك الطلب , و يوم بالكثير و يجي لنا الرد

الآسعار بالتفصيل

الدفعة اولى 15.000 ريال
الاخيرة 40.565 ريال
الاقساط 2.027 * 60 شهر = 121.620 ريال

الإجمالي 177.185 ريال

* * * * * * * * * * * * * * * * * * * * * * * * * *

ورحت لواحد سعودي في نفس المعرض قالي لازم دفعة اولى 27.000
سلاماااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااات
رجعت للمصري أكد لي كلامه للمره الثالثة والله :o:d

سؤال : انا شفت اغلب الناس معهم 2012 فل كامل في موقع الحراج ماجابت 100.000 ريال
هل هذا عيب فيها او ان موديل 2012 غير مرغوب فيه
او ... او ... او ...

[Hammoudi]

وعليكم السلام


انا اللي اعرفه انه 6 سلندر مو مرغوووب وعيووبه كثره

ونصيحه مني لك أبعد عن الاقساط إذا تقدر أخذها كاش

والف مبرووك مقدماً

[al.berens1]

يالبيييه هوندانا جااب اسمي :d ههههههههههههههههههه

والله ما ازيد عن كلام اخوي هوندانا

بسس شي رضيتبه والحمدلله

صح فيها عيوب لكن سيارة حلوة وفخمة لكن ادا مصمم اكورد

خد 4 سلندر 6 سلندر غالية ومهي مرغوبة وانت استخيرر

وربك يختار لك

[meshary_rashedm]

هوندانا
كلامك صحيح و انا جربت المستعمل 3 مرات "كورولا و ايكو 04 و ايكو 05" وكلها من تويوتا صحيح فيها خرابات بس تتصلح وتعيش معك الحمدلله
و قلت بيني و بين نفسي اجيب جديدة من الوكالة او مستخدم يكون انا بإذن الرحمن
صحيح سعرها غالي و بجلس افرفر عالشركات الثانية و اشوف اسعارها و اقارن بينها
واللي فيه الخير ربي ييسره
al.berens1

ياأخي انت اسمك لحاله يطرب هههههههههههههههههههههههه
الله يعطيك خيرها و عليها الزيادة
والله قارنت بين الـ 6 و 4 .. لقيت الفرق لصالح الـ 6 في المكينة و شكمانين و شاشة ... إلخ
و قلت دامها احسن من الـ 4 اتوكل على الله و اجيبها

اخوي مع ياريس 2007 هاتشباك , نحمد الله ماشية و كل شيء فيها تمام طبعا لا تخلو من حكات ههههههههههههه
الله يعطينا وياكم العمر الطويل و يعينا على عبادة , لو ربي آراد و جبتها ماراح تنباع بإذن الله لآني الحمدلله إستخدام نظيف وماعندنا عيال هههههههههههه

[تألمت بس تعلمت]

اخوي هالسعر يجيب لك افالون ويجيب لك ماكسيما ويجيب لك كادينزا ويجيب لك تورس ويجيب لك سيارات فئة اكبر وافخم من الاكورد ومهوب قصور بالاكورد

انا معي الموتر وماشفت منه الا كل خير موتر حلو ووذف ولا يطلب قطع

بس انا لو بفكر بالسعر اللي انت حاطه باخذ موتر افخم لان الاكورد 6 سلندر ماتستاهل سعرها الصراحه

الشيء الثاني حرام وانا اخوك تورط نفسك باقساط ومشاكل انت في غنى عنها اذا مامعك كاش لاتفكر بموتر بهالقيمه

[مخاوي الليل707]

اخوي نصيحه خذ 6 فل كامل انا اخذت 4 فل كامل وتندمت لو اخذت 6 ترى الموتر معي من 7اشهر ولا اروع لا خرابات ولا هم يحزنون

[meshoo]

وعليكم السلام

كثير جدا

وخذ عندك الشاشه تسوى لحالها 12 الف وماراح تستفيد منها !

خذلك فل 4 سلندر جلد افضل لك

[محمد الهادف]

انا نصحتك من قبل وانصحك مرة ثانية وتالثة اذا احتجت

اولا : سيارات هوندا حلوة بشكل عام .، فيها مشاكل بسيطة مقارنة بباقي السيارات .. انا اقول ها الكلام بحكم امتلاكي لهوندا اكورد 2004 مدة 6 سنوات .. طلعت للتويوتا سنة وبالتحديد للأفالون وقسم بالله اني ما ارتحت لها ابد .. رجعت اخذت اكورد 2012 فل جلد من اسبوعين ولين الحين ما شفت منها الا كل خير .. الستة سلندر قطع غيارها غير متوفرة بكل مكان .. صيانتها اصعب من الاربعة ولزماً تروح الوكالة في كل حاجة

ثانيا : ظروفك المالية ما تسمح لك ابدا بامتلاك سيارة بهذا السعر .. بتدخل نفسك في مشاكل مالية مالها آخر .. بتندم اشد الندم و راح تضطر تتنازل عن سيارتك بسبب ظروفك الا ما راح تتحملها برخص التراب .. انت رجال توك متوظف .. انتظر راتبك لين يوصل 7000 ريال بعدها فكر في الموضوع ... هذي اعتبرها نصيحة اخ يخاف على مصلحتك ورجال متوظف قربت اختم 7 سنوات وتو اخذت موتر وكالة

[ac00rd]

السلام عليكم،،،
ابعد عن ال6 سلندر، خذ 4سلندر جلد، روعه، بالنسبة لتدبير مبلغ السيارة، انا انصحك تاخذ قرض من البنك الي فيه راتبك، طال عمرك واشترها كاش، عشان اي وقت تبغى تبيعها، اظف الى ذلك نسبة الربح في القرظ عن طريق البنك اما 1.99% أو 2.99% بينما نسبة الربح لنظام التأجير المتبع في البنوك الي لها مكاتب في الوكالات 10% ، الهوندا ممتازة عملية بس لاتاخذ 6سلندر، وسيارة صبورة وتخدم.

[منبع الخلا]

انا معي 2012

والله موتر وشكل .. حبيبي حياتك بتعيشها مره

خذلك الي في بالك وفلها ... دامه جديد

[hashan]

يا اخي حراام عليك .. اشتر لك افاالون والله اطلق منها بمليون الف مررره ... شخصيه وسياره ورساوره وقوووه ..

ما دام انك دافع هالسعر فرووح افاالون ..

والله يوفقك

[ابو نواف]

والله نصيحتي لك لا تشتري الأكورد الحين.. وإن كنت معزم فأشتر الأربعة سلندر لأنها أقل ضرر على الأقل أو أصبر ثلاثة شهور وتنزل 2013
أنا معي أكورد 2006 وأتعبتني من مشاكلها يوم فحمات ويوم كراسي مكينة وقير ويوم طرمبة دركسون إلخ هذي وهي الشكل القديم ويابانية 100% فكيف بالشكل الجديد لا والأمريكي بعد !!
وكثير من الشباب اللي يمدحونها ما أستعملوا الموتر لفترة طويلة بحيث يكون عندهم تجربة كافية للسيارة على الأقل سنتين لأن الموتر طبيعي ما يخرب وهو جديد ...
لاتنس تضع في الحسبان/ المبلغ الباقي لك بعد أخذ القسط ، مدة الأقساط ، تكاليف الصيانة والتشييك عند الوكالة حتى لايسقط الضمان ، تكاليف إصلاح الخرابات بعدين ، وأخيراً الموتر بيتغير بعد فترة قريبة ويصير هالشكل قديم .
أعطيتك نصيحتي من القلب، وانظر أنت لما يناسبك.. وفقك الله

[ماجد .]

نصحتي خذ لكزس اي اس 350 ستاندر سعرها كاش 158 الف او فل ب 175 الف وعليها عرض تقصيد بسعر الكاش (وركز لكزس فل بسعر اكورد)بس يكون في علمك هذا العرض عشان شكل السيارة في 2013 رايح يتغير

[هوندانا]

نصيحة لوجه الله ابعد عنها لانك بعد فترة بتجلس تسب في السيارة وتلعنها لانها بتأكل راتب من اقساط وتجميع دفعة اخيرة وصيانة وخلافه

دور لك 2008 6 سلندر نظيف تلقى اسعارها رخيصة وفي متناول اليد خذها يا طويل العمر وصلحها وضبطها لو فيها اي عطل وصدقني تعيش معاك وهي هي 2012 ولا 2008 نفس المكينة ونفس كل شيء الفرق بس الكرسي والديكور انظف ، دور لك سيارة نظيفة وافحصها مرتين قبل لا تشريها والسيارات الكويسه على قفى من يشيل وانا اخوك

خذه 2008 ودها افضل تلميع ولمع ابوها بـ 300 الظاهر داخلي وخارجي

معليش ليش حنا يالسعوديين نهايط ونسوي صجه ورواتبنا ضعيفه ونقعد نشتكي وكذا وفر فلوسك احسن وافضل لك بكره لا سمح الله لا سمح الله انفصلت من عملك لاي سبب راح يجرجرونك حقين التأجير يمين ويسار

خذها من هالشنب وربي ماراح تندم

مافي عاقل وانا اخوك بيسوي سواتك اقساط و 5 سنين وراتبك حده حده

موفق خير يالغالي والله يرزق الجميع من غير ما يحتسبون

[هوندانا]

انا معي 2012

والله موتر وشكل .. حبيبي حياتك بتعيشها مره

خذلك الي في بالك وفلها ... دامه جديد

ياخي ادفع 177500 في اكورد واقساط ومرمطة ولما ابيعها بعد مثلا 7 سنين ما تجيب لي شيء وانا راتبي ضعيف بالاساس

+

الصيانة المكلفة للاكورد

وش فرق 2008 عن 2012 المكاين نفس بعض الفرق الاستخدام بس وبالعكس 2008 يابانية وخلها تكد معاك كذا سنة لين الله يفرجها حتى 2008 لما تبيعها ما راح يطيح من سعرها شيء كثير

[عاشق الفردوس]

سلام عليك شوف انا معي سته سلندر2010 ممتازه جدا ولا اشتكيت من اي شي ولا قد دخلتها الوكاله عندا بنشري ممتاز يغير لي الزيت ويشيك على السياره وزي الحلاوه انا شريتا 117000 فل الفل انا انصحك لا تخذها لسببين الاول الشكل بيتغير والله تتحسف وتقول ليتني صبرت الثاني الاجمالي كثير جدا والاقصاط ممل والانسان لا يعرف ضروف المستقبل الاجار ورطه مايمديك تبيع واذا تبغى توقف الاقصاط اما تكمل المبلغ او تدور واحد تتنازل له بالسياره او ترد السياره للبنك وياخذون عليك مبلغ لا يقل عن 15000 يعني انت خسران خسران فتظر انك تكمل اقساط واذا جات الدفع الاخيره وطه كمان

[الطاير]

سؤال : انا شفت اغلب الناس معهم 2012 فل كامل في موقع الحراج ماجابت 100.000 ريال
هل هذا عيب فيها او ان موديل 2012 غير مرغوب فيه

يمكن لان السعر مبالغ فيه بالنسبة لاكورد
خذ 2012 مستخدمة اقساط و وفر من المبلغ بس تاكد من خلال احدى الورشة المتخصصه ان ماصار عليها حادث

[الشمراني سالم]

اخوي اولا استخير الله (فانا صليت الاستخاره على الافالون والاكورد وربي يسر لي الاكورد والحمد لله ماني ندمان ) وللمعلوميه السياره من ركبها
ثانيا خذ شئ اللي انت مقتنع فيه
بالنسبه للاقساط متعبه بقوه خاصه الدفعه الاخيره
ودمت

[هوندانا]

طع شوري والله ما بتندم

خذ لك 2008 او 2009 بسعر رخيص دور نظيفة

واسئل عن زيت القير والبواجي ونظافة البودي وغير بعض الاشياء بالسيارة مثل زيوت فلاتر وزن اذرعة تصيفية مكينة كفرات مساعدات- فحمات- هوبات اذا تحتاج- سيور اذا كانت تحتاج

177500- 77500 = 100 الاف توفرها

77500 = قل سعر السيارة بـ 65 - 70 و الباقي صيانة للموتر من أ إلى ي + تلميع من أ إلى ي

الاكورد نفس المكاين ونفس كل شيء و 2008 - 2011 يابانية بعد

[الاختيار]

أنصحك ب 6 سلندر عندي زيها فل كامل وأخذتها من معرض العمودي اللي في الرياض ب 127 الف ريال طبعاً طلعت من المعرض ب 134 الف ريال مع العازل الحراري والتضليله مع عازل لبودي السيارة مع الأنوار وتلبيس قطع الفرش الداخلي والاستمارة والتامين الشامل ...

[هوندانا]

^^ اخوي الي فوقي

ترا الرجال يقول لك بياخذه دين واجار منتهي بالتمليك وبتطلع عليه بـ 177500 الف وظروف الرجال ما تسمح له وانا نصحته يدور مستعمل 6 سلندر فل نظيف وينفض الموتر من أ إلى ي ما يكلفه 75 الاف ويطلع كأنه جديد ويصبر عمره والمكينة هي المكينة نفسها ويوفر مبلغ لشي اهم مثل زواج ويكون نفسه لانه باول العمر